برمودا تحت العبايه والسيقان طالعه

في السابق كنا نشوف ظواهر تنتشر في المجتمع ونستنكرها او ما تدخل عقولنا
لتعارضها سواء للدين الأسلامي او لعادات اجدادنا وتقاليدهم ..


كانت البنت لين البست عباه مطرزه مزخرفه ملونه قلنا عنها صايعه ومش متربيه .. او ما وراها اهل ورجاجيل ..
لان المألوف كان اللون الأسود والساتر للفتاه والي ابعد مايكون عن الفتنه وجذب الانتباه ..

اليوم .. صار الشي عادي .. او نقدر نقول تعودنا نشوفه يمكن لانتشاره بين اغلب الفتيات
او يمكن لظهور ظواهر اخرى مثل .. العبايات المخصره والي من ظهورها وحتى الان والحديث عنها لاينتهي .. وما تدري متى بتوقف هالموضات لي دمرت الناس
ودافع لبس هالعبي هو الستر يعني انا اسال نفسي
الستر مايجي إلا من العبي ذولا


لكن الظاهره الي انتشرت في الفتره الاخيره تتطلب منا التكلم عنها ومناقشتها ..

وهي ظاهره البرمودا مع العلم انها اصبحت ليس موضه بل اصبحت عادهـ القصير تحت العباه .. وياريت تكون العباه مسكره ..

الا مفتوحه وتظهر السيقان والكل يتفرج ..

يعني ودي اعرف وشهدف الفتاه لما تلبس برمودا والسيقان طالعه ووتشمى في المجمع وبكل ثقه

والي يبط الكبد لو طالعتها بنظره استغراب قامت تطالعك بنظره احتقار وكأنك غلطت عليها بالنظره

ونست ان اهي صاحبت هالتصرف واهي الي حطت روحها في هالموقف ..

والمشكله بعد لين تعرض لها احد الشباب قامت تسبه انت قليل ادب وما تستحي ومش متربي وووو .... الخ ..

طيب اذا اهو قليل ادب انتي شتطلعين
انتي ماحترمتي نفسك ولا حشمتي الموجودين بالمكان

ليش تتوقعين من الشباب يحترمونك او يعملولك حساب

والشي الثاني الي استغرب منه .. ان شلون هالبنات يطلعون من بيوتهم بهالشكل

الاهل وينهم مايشوفون بناتهم مايشوفون شلابسين
البنات شلون يرضون على نفسهم نسوا مخافة الله والعادات والتقاليد
نسوا انه عيب وين الوازع الديني وين الخوف من الله

كل هالاشيا صارت عاديه بالنسبه لهم


وياريت اتجاوبوني على هالاسئله .. وكله في النهايه لتعم الفائده على الجميع ..

1_ هل صادف وان شفت هالظاهره امامك ...؟؟؟
2_ شرايكم بهالنوع من الفتيات ..؟؟
3_ برأيكم شالهدف الذي يجعل الفتيات يطلعون بهالشكل ...؟؟

واخيرا .. هل في كلمه تحب توجها لهالفتيات نصيحه او حتى نقد..؟؟



ممـــــــــــآ رآإآإق لي واحببت ان اناقش فيه معكم

انتظر ردووووووووووووووووودكـــــــــــــــــم :)

1_ هل صادف وان شفت هالظاهره امامك ...؟؟؟
نعم فكل مكان

2_ شرايكم بهالنوع من الفتيات ..؟؟
يبالهم كف يعدلهم >>^^ الله يهديهم

3_ برأيكم شالهدف الذي يجعل الفتيات يطلعون بهالشكل ...؟؟
..ماعرف خفت عقل يمكن ..
واخيرا .. هل في كلمه تحب توجها لهالفتيات نصيحه او حتى نقد..؟؟

.. ماعرف لو كتبت بتفلسف وجي بس بقوول لهم الله فوووق وبكل مكان

الله يهديهم

قلب حساس انتي مسكينه والله شو تقولين الحين حبيبتي المووضه اليديده شيله بدون عباه حر واايد الحين


ما اقص عليكم عندنا بالجامعه كم من بنت بدون عباه والمشكله مواطنات ويوم نقول لهم يقولون باباتي قال سوي اللي تبينه شو هالناس


البرمودا مووضه قديمه جدا نحن في العصر الشيله بدون عباه وباجر ولا شي الحياااه حلوووه


تسلمين حبيبي

1_ هل صادف وان شفت هالظاهره امامك ...؟؟؟

هيه صوب بوابة منار .. شفت بنت تمشي وكانت متغطية شوي يوم شافتني ياي جان اشوفها ترفع العباية شوي وظهرت سيقانها !!!!!!! لا وتطالع بعد .. والله ما تستحي

2_ شرايكم بهالنوع من الفتيات ..؟؟

مب مأدبين وصايعات لآخر درجة

3_ برأيكم شالهدف الذي يجعل الفتيات يطلعون بهالشكل ...؟؟

ييبون يقصون ع الرياييل لا غير ..ْ

واخيرا .. هل في كلمه تحب توجها لهالفتيات نصيحه او حتى نقد..؟؟

الله يهديهم

قلب ح ـسآس .. أولـآ شكرآ لطرحك لهآ الموضوع ][ْ~
وثآنيآ لسآني أكبر عني ^^ ..
يعني يومـ بغلط على حد أغلط ^^..


والحين بجآوب على أسئلتج ...



1_ هل صادف وان شفت هالظاهره امامك ...؟؟؟

أي نعمـ ..

وآيد بنآت يلبسون قصير تحت العبآيه بس يآريت العبآيه مسكرهـ إلـآ مفتوحه
اذآ مسكرهـ مآبنقووول شي ..
يعني الصرآحه ويآي يوم اطآلع اي بنت امسويه بعمرهآ شي
يعني لـآبسه قصير تحت العبآيه أو لـآعبه فويهآ اللي يقول بتسير عرس
ولـآوتشوفهآ بعد متخققه على النآس .. بس يآريت أعرف
على قمة الـإحترآمـ ولــآشو ..
وتشوفين بنت متقدمه وورآهآ شلة شبآب يرقموهآ وهي مستآنسه يعني بذمتج
يضحكووون من ورآج وآنتي مستآنسه ع شو ..
وآنــآ من عآدتي اني يووووم اطــآلع أي بنت في السوق امسويه فعمرهآ
صرآحة أطآلعهآ نظرة احتقآآآااار ومن عآدتي بعد أقووول لهمـ
[ احممممم احممممم ] ^^ ..
هآي الكلمه ويآي يعني اني استهزأ فيهمـ .. بس الصرآحه يستآهلون ...


2_ شرايكم بهالنوع من الفتيات ..؟؟

صرآحة مب متربيآت وأهلهمـ أكييد مدلعينهمـ آخر دلع ..

3_ برأيكم شالهدف الذي يجعل الفتيات يطلعون بهالشكل ...؟؟

وآيد أهدآف ..
يعني تشوفينهمـ قآصين على عمرهمـ أولــآً
وثآنيآ : مآعرف لوين يبووون يوصلون ..
والشبآب بعد من صووب يلعبون فيهمـ وهمـ ولـآ جآي ع بآلهمـ ..

واخيرا .. هل في كلمه تحب توجها لهالفتيات نصيحه او حتى نقد..؟؟

أي نعمـ ^^ ..

اذآ يبون يكشخووون لـآخر درجه ويلبسون قصير ومدري شووو ..
أقول لهـآ .. حبيبتي ..
( خــلي كشتج لريلج فهو الــأولى من الشبآاب اللي تكشخين لهمـ في المولـآاات ) ..



همســــــــــــــــــــــه ][ْ~


وآنآ مآبتخلى من عآدتي يوم بسويلهمـ [ احمم احمممممم ] ^^

أمس بعدني في المنآر سويت لهآ هآلحركه هي سمره وطنشتهآ وبنت أختي كآنت ورآي
اتقوووول لي قآلت لج شي مآركزت عليهآ شو قآلت..

وآنآ مآعرف انهآ سبتني ولــآغيرهـ ... بس مآعندي غير طآااااف ^^ ...



والله يهدي بنآاات هآلـأيآأمـ...

لا تعليق على هالموضوع وااايد صادفني من هالناس الله يهديهم شو بقول بعد

تسلمين قلب حساس على الموضوع الرائع

بسم الله الرحمن الرحيم


السلام عليكم ورحمة الله وبركاته


_ هل صادف وان شفت هالظاهره امامك ...؟؟؟
نعم كثير الكثير
2_ شرايكم بهالنوع من الفتيات ..؟؟
ما محترمين ومايخافون ربهم ويبغون يقصون على الشياب الي قلوبهم ضعيفه
3_ برأيكم شالهدف الذي يجعل الفتيات يطلعون بهالشكل ...؟؟
على حسب اقوالهم الموضه فديدك

واخيرا .. هل في كلمه تحب توجها لهالفتيات نصيحه او حتى نقد..؟؟
الله يهديهم ويصلح بالهم
وزيدج من الشعر بيت انتي اتقولين يوم يطلعون من البيت أهلهم مايشوفونهم هاي ماجذبتي فيها يطلعون متسترين وين رايحه ويا أربيعتي فلانه منروح نتمشى شوي ومن يطلعون طبعا البعض منهم عندهم شقق ماعليها كلام والملابس حدث ولا حرج كل ماحرم الله عندهم بس ما اقول الا حسبي الله ونعم الوكيل

...................................

الله يهديهمـ ويهدي اليميع ..

و اللـه يـآ اختيـه هالبنآت شو تبغيني أقول عنهن !!

قسم باللـه مآ فيهم احترآم و لآ حشيمة و لآ أدب . . !

و بآين انهم بآيعين عمآرهم و بآيعين تربيتهم و شرفهم و كل شي بعـد !

و بـآين بعد انهـم مب محترمين عمآرهم . .

لـأنهم لو محترمين عمآرهم مآ طلعوآ جدآم النـآس بهالشكل . .

و أنـآ أكرهـ هالبنآت كرهـ العمـى ،،

و من أشوف وحدهـ جدآمي لـآبسـه جيـه اطيح من عيني . .

و آخذ عنهـآ فكرة سيئة بعد . .

و اللـه هآ الصدق مآ بجذب عليكم . . !

و هآييلـآ الي ذكرهم الرسول صلى الله عليـه و سلم في حديثـه . .

[ نسآء كآسيآت عآريـآت ] . .

اونهـآ يعني لآبسة عبآة مسكينة تبـآ تستر عمرهآ ،،

شو الفآيدة و ريلج بكبرهآ طآلعة ؟؟!

. . .

1_ هل صادف وان شفت هالظاهره امامك ...؟؟؟

@ شفت وآيد الصرآحـه ،، و عني أنـآ أستحي حتى أطآلع ،، و مرآت غصبن عني أضحك عليهـن ،، الصرآحـه أشكآلهـن عبيطـه من الخآطر ،، تنآقض وآآضح وآآضح جداً ،، لآبسة عبآة و ريلهآ طآلعـه ،، حلوهـ هـآي . .!

2_ شرايكم بهالنوع من الفتيات ..؟؟

@ رآيي قلتـه فـوق ،، و زيآدة على الي قلتـه ،، جبدي اتلوع الصرآحـه ،،

3_ برأيكم شالهدف الذي يجعل الفتيات يطلعون بهالشكل ...؟؟

@ السموحـه على هالكلـآم ،، بس شكلهـآ تبـآ حد من الشبآب يغآزلهـآ . . =)

واخيرا .. هل في كلمه تحب توجها لهالفتيات نصيحه او حتى نقد..؟؟

@ بس حآبة أقول لهـآ [ خآفـي ربـج يـآ بنية ،، بآجر بتموتيـن و اللـه بيحآآسبج ع كل شي طلعتيــه بغير وجـه حق ،، استري على عمرج اللـه يجزيج كل خير ،،] . .

و حآبة أوجـه نصيحـه لكل الـأهآلي الي رآضييـن بنتهـم تطلع بهالشكل ،، ترى انتوآ بعد محآسبيـن بعد على تربيتكم لأبنآآءكم . . فأتمنى انكم اتغآرون على شرفكم و على عرضكم لـو " طشوونــه " . . !

و شكراً ع الطرح . . ~

سوري كآن ردي مكرر اهني ..

وبث ..

حسباي الله ونعم الوكيل

لله يهديهن ويستر عليهن

[align=center]
مرهـ كنت بالمنار
شفت وحدهـ لابسه وقايه وعباهـ ومتغشية بعد ..
في البداية حسيت إن فيها شي
حتى قلت لأختي هاي ليش جيه تمشي
وأختي ميته من الضحكـ
أسألها عن السبب تقولي شوفي تحت
وأنا يحليلني ع نياتي أطالع ريلي انا واقولها ماشي شي
ويوم تقربت منا
قسم بالله كان خاطري أصمها بكف ع ويها
يعني محتشمه من فوق ومتغشية والإغراءات تحت



بس شو بنقووول
قلوبهمـ ميته
وهذا أن دل ، دل ع ضعف الإيمان
شكلهمـ نسوا أنهمـ رح ياخذون أثمـ كل من ينظر ألهمـ

والله أنا بنت وأستحيت
عيل الشباب كيف ...؟!


~ْ| الله يهدينا ويهديهمـ ويهدي الجميع |ْ~
[/align]

والله ان بالهبــــــــل نشووووف هالبنات اللي يلبسوووون هالقصيييير
تعالوا الكليه وشوفووووا بعينكم ولا تعالوا المنار وشوفوا بعينكم
هذا القصير من زمااااااااااااااان يرتدووونه البنات ع بالهم الناس ترمس فيهم بالزين يوم يلبسوون هاللبس مايدروون ان الناس تذم فيهم بالورى والله حتى جدااامهم يذمون فيهم .. لان البنت اهيا اللي سمحت لنفسها تخلي الناس ترمس عنها وتقول انها مب متربيه وناقصتها شوي تربيه .. لان هالموضه مب لنا نحن . احنا ف مجتمع اسلاامي مايتقبل هالموضه .. هالمووووضه للأجانب والدوله الغربيه .. احنا عليها بالعباه المحشووومه والمسكره .. حتى لو مفتووحه العباه بس مايكون اللبس اللي تحت العبااااه غير لائق . ابصراااااااااااااحه هااااايل يمشوون ع هوى نفسهم ومايدرون ان شي رب بيحاسبهم من اول خطوه يسوونها ..
يااا بنــــــــــــــات خلووووا هالكشخه وهالمووووضه لــ رياااايلكـــــــــــــم يوم بتعرسوون ان شاءالله لان الحين ماراح تستفيدووووون غير ان الناس ترمس عنكم لما تشوفووكم جيييييه تلبسووون لان لبس يلفت النظر . الشاب مجبور يشووف لان البنت كاشفه نفسها بنفسها ..

السمووووحه لو طولت عليكــــــم يالكـــلاااام .. لان صج هالموضووع يحتاااج له نقاااش

شو بقول غير الله يهداهم لان وايد صادفت من هالاشيا

إن لم تستحي فأفعل ما تشآء ><

والله نحناا بالبيت نستحي نلبسها جدآم أخووانها ..

هالمره نطلع برع البيت جيه >< عن جد قله ادب ..

وين يبوون هآييلا ...!!

الحمدلله والشكر ..

الله يستر لنااا ليوم الديين ..