طريقتي البيرفكت في تنظيف أسناني وبيااضهم^^حياااكم خواااتي وخلكم ثقة شراااتي

السلاااام عليكم ورحمة الله
مساااكم الله بالخيير ^_____^

اليوم حبيت انزل موضووع يمكن شاغل بااال الكل وللأسف الاقي وااايد نااس يعانوون من هالشي واستحي ارمس جدامهم >_< كل يلي علي اني اتعمد آكل الباااان واوني ابا اشاركهم فييه بس عساس ارحم عمري وارحمهم وياااي ..لأن جد ايووني بنااات وللأسف شي منهم امعرسااات وهالموضوع صفر عالشمااال عندهم!!!!

ممم الصراحة ما دري وين القسم المناسب له فاضطريت اني احط الموضوع اهناا لكل بنت وكل عرووس وكل زوووجة لعل وعسى الكل يستفييد من خبرتي ^______^
يمكن انا خووفي من صغري من دكتووور الاسنااان هو السبب في اني احافظ على اسناااني من يوم كنت طفلة هههههه واموووت امووت امووت خوف لا ودتنا الوالدة كل 6شهووور عند الدكتووور ,,والحمدلله اطلع انا من الناااس الي مافيهم عله ,,احمد ربي واشكره يوم اشووف الدكتوور يبتسم ويقوول لا ماشاء الله مريم شطوووورة واسنانها حلوة ما تحتاااج شي^^وكل مرة نفس الموال اقوول حق الوالدة خلااااص ارحميني كل من اسييير نفس الكلااام يعني مالها لزمة روحتي ويااااكم ,ماقصرت الصرااااحة ^__^في تعويدنا على هالشي والحمدلله
احم ,,,ما علينا من كل هالرمسة

طبعاً راح ابتدي بجدولي اليومي من انش الصبح لين المسااا

للعلم انا اغسل اسناني مرتين الى ثلاث مراات فاليوم ,,يعني حسب ما يدق فراااسي ,,المهم اني اطلع و اوقف جدام نفسي وجدام الناااس وانا عندي ثقة بمظهري من ناحية جمال أسناني ولونهم وأهم اهم اهم شي ريحة الفم الي وااااااااااااااااااااااااااااااايد اتلوووع جبدي من الناااس الي يهملوون هالشي!!!! والله اكرره عمري لكن شسوي ؟؟؟ >_< مجبوورين انجااامل

المهم

ما علينا خلونا نبدى بالجد الحييينه ^_____^


للعلم خواااتي ,,هالطريقة الي انا اتبعها ناجحة معاااي وراح تنجح مع كل وحدة بس يسامحووني الباااجين ,,لأن شي ناااس مهما سووا اتظل اسنانهم وريحة فمهم مب حللوة لأن الخلل يكون عندهم من المعدة والجهاااز الهضمي بالتالي لازم يكون علااجج من الداااخل بعدها انتي اتكملين نظااافتج الخارجية بشطااارتج
وحتى فرمضاااان ,,ترى ميخصه الاكل فأسنانج وريحة فمج ,,الا اذا انتي اهملتي بالاساس تنظيف اسنانج فليل وعقب السحوور ,,ارف ارف ارف ,,من جذا المضمضة وااايد زييينة ,,والحمدلله انه رب العالمين فرض علينا 3صلواات قبل المغرب نتمكن منها في كل مرة انه نتمضمض ,,والماااي ينظف الفم من الجفاف ويعق بقايا الاكل الي عالقة ما بين الاسنان ^^صووومي وانتي وااااثقة من نفسج وعلمي غيرج هالطريقة ,,باستثنااااء بعض الامور منها (مثل المعطر الخاص بالفم واللساان واللباان) وراااح اتعرفوون ليش ذكرت هالامور فالبداااية ^____^

يالله بسم الله نبدى ^_______^




اول شي اختاااري فرشااة أسنانج الصح,,لا تاخذين الي شعرها كااامل على مستوى واااحد لأنج ما راح توصلين فالتنظيف لكااامل اسنااانج وللثنيااات الي بين ظرس وظرس,,شوفي هالنووعية واايد اووكي ,,لأن شعيراتها مختلفة الاطواال ولأن فيها منظف اللساااان (واايد ناس يهملوون هالشي,,سبحان الله من صغيرة احب أحط حتى الفرشة العااادية على السااني قبل ما يخترعوون هالراااس الوراااني للفرشه),,وشي مهم واااااااايد في عملية التنظيف,,وهو انج يوم اتيين اتنظفين ,,ما تمسكين الفرشاااة واتحركينها فوق وتحت لأ غلط,,لازم اتحركينها بشكل دااائري والافضل مع عقاارب الساااعه^^لأنها اسهل ,,جداً مهم انج اتعرفين طريقة توزيع المعجوون على الفرشاااة وكيفية تحريكها,,وللعلم اكبر غلط يرتكبوونه البنااات في انهم يمزروون رااس الفرشااة بالمعجوون وهالشي غلط لأن المعجوون الزاايد يؤثر على البنية الاساسية للأسنان ,,بالتالي يختل النظام فيها وزيادة السكريات فمعظم المعاااجين اتسبب تسوس الاسناان وهذا يلي اغلبية النااس ما يعرفوونه,,يعني مثل ما قالوا الاطبااء مجرد نصف الفرشااااة يتعبا معجووون ,,مب مثل الدعااياات >_<
http://im11.gulfup.com/2011-09-09/1315626451801.jpg


انيي للمعجوون المناااسب للأسنان,,انا استخدم كذاا نوووع فالمرة الوحدة مب نوع وااحد,,يعني امخصصه واااحد لأسناني(عسب التنظيف) وااحد للتبييض وواحد للثة,,بس شوفي اذا اسنانج حساسة استخدمي الي ينصحج فيهم الدكتور وعفكرة وااقي المينا من سنسودااين واايد بيريحج ,,عن نفسي استخدم كريست بالنعناااع للتنظيف
http://im11.gulfup.com/2011-09-09/1315626451222.jpg


طبعاً الغني عن التعرييف معجوون ايميل من سنة سكتووو >_< من اول استخدااام بتلاقين الفرق,,انا استخدمه للثة وشي نااس يستخدمونه للتبيض,,حلو ^^يوردلج اللثة لأن شي نااس وحليلهم لثتهم ياايه على لوون غااامج اعووذ بالله ,,شي منهم بسبب الجقااارة بس للأسف شي بنات جذا ,,واتوقع انه نقص فيتامينات او مواد حيوية فجسمهم وهاملين اللثة!!!!
http://im11.gulfup.com/2011-09-09/1315626451663.jpg



وهذا للتبييض واااااااااااااااااااااااااااااااااااايد رااقي ,,ومعروووف وسعره زهيييد ^^ اتلاقينه فالجمعيات والصيدلية ,,ما استغنى عنه ,,هو للبقع بس انا استخدمه لتوحيد لوون اسناااني ,,يعني ما يحتاااي ارووح اسوي ليزر تبييض ولا غيره ^____^
http://im11.gulfup.com/2011-09-09/1315626451754.jpg


اهاااا انيي لغسوول الفم,,هذا لا تستغنين عنه موووليه ,,عقب كل وجبة ما يحتاي اتردين تظربين معجوون ,,يكفي الخيط وعقب اتمضمضي فيه لمدة دقيقة وخلاااص ,,انا هذا مااالي
http://im11.gulfup.com/2011-09-09/1315626451495.jpg

شي لاااااتنسين تشترينه ودخييييلكم يالمتزووجات خلوووه رفيييجكم :( ,,عن شنطتي ما يخووووز أبد,,معطر اللساااان ,,حطي على السااانج وبيذووب بسرعه لا اتحاااتين ما بيحس ريلج >_<,,ينفع لوقت الازمااات يوم ما يمديج اتغسلين اسنانج جدااامه ^___* خلج فطييينة واوجدي الحلول
http://im11.gulfup.com/2011-09-09/1315626451986.gif

عقب ما اخلص تنظييف أسنااني لا انسى معطر الفم ^^ عن نفسي ما اتنااازل عن معطر القرفة والنعناااع ,,آخذه من صيدلية ابن سينا مممم اظنه ب23درهم شي جي,,وشي منه نعناااع برووحه اذا ما اتحبين القرفة,,انا استخدم هذا..
http://im11.gulfup.com/2011-09-09/131562645177.jpg

أخييراً البااااان اكسسسترا وااااااو وااااو وااااو هاي النكهة اخباااالي ما استغنى عنها,,بعد ما كنت اعشق الفوااااكه ^^( اللون الاحمر),,استخدم نوعين ,,هذا فالنهاااار واول الصبح^^
http://im11.gulfup.com/2011-09-09/1315626451758.jpg


وهذا فالليل بعد ما اغسل وكل شي ,,لأ اتحاااتين لأن مافيه شكر ^^يعني ما يحتاااي اتغسلين من يديد
http://im11.gulfup.com/2011-09-09/1315626451459.jpg


تتوقعوون خلصنا؟؟




لا حبااايبي ,,هذا برناامجي اول ما انش ,,بس ما خبرتكم عن بين الوجبااات ^^

بعد الاكل لا تنسييين تنظفين اسنانج بالخيط الطبي ,,شي انوااع واايد منه ,,حتى خيووطه تكون بنكهات مختلفة بس انا افضل بنكهة النعناااع,,عقب ما تنظفين بالخيط ,,اكتفي بغسوول الفم والمعطر

شوفي هذاا النووع حلو اختي تستخدمه
http://im11.gulfup.com/2011-09-09/13156264519710.jpg

بس انا استخدم هذا ,,لأني من زمااان وياااه^^
http://im10.gulfup.com/2011-09-09/1315627166121.jpg


وووووووبس اتمنى استفدتوا من الطرح واذا في أي سؤال انا حااااضرة ^_______^

يزاج الله خير إختي كفيتي ووفيتي وشرح ماشاء الله متعوب عليه
بس إستفسار بسيط
شو أحسن العيادات للأسنان من كل النواحي
في راك أو دبي
وشكرا

يزاج الله خير اختيه

مشكورين عالمرور الحلو يلي نووور موضووعي ^^

بالنسبة لك اخووي

نحن بالعادة انسوي الفحص فالمستشفى الكويتي,,بس من فترة سمعت عن دكتوور وااايد شاااطر

اختي واخووي ساروا عنده ويمدحووونه لأن اييده خفيفة


عيادته فالنخيل

من احصل لك الاسم والرقم بطرشه ان شاء الله

يزاج الله خير ماتقصرين
وأنتظر إسم عيادة هالدكتور

مشكورة اختي ويزاج الله الف خير

اهم شئ في حياة الانسان تنظيف الأسنان

بصراحه موضوع رووعه

تسلمين اختي والله يوفقج

انا نفسج كرهي عياده الاسنان ^^ واسناني تعورني بس ما اسير (والله تعقدت) الله يسامح اللي كان السبب

انا بعد اخاف واموت من عيادة الاسنان يزاج الله الف خير على هذا الطرح الهام

عيادات الاسنان مخيييييييييييييييييييييف قبل لا ادش ع الدكتور اشوي بصييييح ... اشوف اليهال يدشون للدكتور استحي ع عمري ...

المهم احب احافظ ع اسناني 3 مرات في اليوم ... مشكلتي بس اشوي في اللثه ...

وعندي ملاحظه المعجون اتبيض الاسنان سمعت انه خطر ويسبب في هشاشه الاسنان ... خاصه اذا ماركات مب معروفه...

ومشكوووووووووووووووووووووووره ع النصيحه

تسلمين اختي مريم على موضوعج المهم جداً والي الكل يستفيد منه
اتمنى الكل يطلع عليه ويكتب تجربته
يزاج الله خير عالفائدة القيمة وننتظر منج المزيد
لج صادق التحية

يزاج الله الف خير بصراحه من اهم المواضيع

ويسلموووووووووو على طرحج الغااااااااااااااوي وننتظر منج كل ما هو مميز تقبلي مروري

شاكره لكم مروركم الحلو يلي نوور موضوعي^^

الله يعطيك الصحة والعافية بالنسبة لي انظف اسناني بمعجون بارودونتكس صح طعمه مش حلو بس والله يريح اللثة وبتتعودوا على طعمه العشبي وبالنسبة للتبيض استخدم سنسوداين واقي المينا واكل التفاح يبيض الأسنان واستخدم غسول تانتم وعلكة إكسترا حلوة ومعطر الفم كمان رائع بس ما استخدم معطر اللسان ورحت على الصيدلية وما حصلته إن شاء الله بدور عليه في صيدلية ثانية واليوم سمعت خبر إنه اللبن (الروب)يقضي على رائحة الفم حيث أنه البكتيريا التي يحتويها تقضي على البكتيريا التي تسبب الرائحةودمتم سالمين

اقتباس:

---

المشاركة الأصلية كتبت بواسطة ضي عيوني

الله يعطيك الصحة والعافية بالنسبة لي انظف اسناني بمعجون بارودونتكس صح طعمه مش حلو بس والله يريح اللثة وبتتعودوا على طعمه العشبي وبالنسبة للتبيض استخدم سنسوداين واقي المينا واكل التفاح يبيض الأسنان واستخدم غسول تانتم وعلكة إكسترا حلوة ومعطر الفم كمان رائع بس ما استخدم معطر اللسان ورحت على الصيدلية وما حصلته إن شاء الله بدور عليه في صيدلية ثانية واليوم سمعت خبر إنه اللبن (الروب)يقضي على رائحة الفم حيث أنه البكتيريا التي يحتويها تقضي على البكتيريا التي تسبب الرائحةودمتم سالمين

---

الوالدة عدنا تستخدم بارادونتكس الي لونه وردي وعليه وردة صح؟؟ بس فعلاً مرة جربته من باب الفضوول وما حبيت طعمه >_< ,,هو للأسنان الحساسة ,,بخصوص معطر اللسااان حبيبتي هذا فالجمعية وفكارفور بتلاقينهم اما معطر الاسنان بتحصلينه فالصيدلية وبعد فكارفور بس ما اتوقع فالجمعيات لأني ماجد حصلته هناك^^وشكراً عالمعلوومات الطيبة من صووبج