مواعيد مستشفى صقر و دوامهم المتأخر

[align=center]
اليوم : الثلاثاء
الموافق : 13/9/2011
الساعة : السابعة والنصف صباحا
المكان : مستشفى صقر - رأس الخيمة
61...d3d0347fb6.jpg


61...6084df256a.jpg

61...bbe60efac7.jpg

61...440e13f734.jpg

61...882a99aef1.jpg




و اليكم الصور المعبرة عن دوام المستشفى و التأخير
و الطبيب لايتواجد حتى التاسعة الا ربع و نحن ننتظر ..



بعد الإنتهاء من الطبيب ذهبنا الى قسم الأشعة
تم إعطاؤنا موعد حتى الشهر القادم
علما اننا أخبرناهم ان الالم الموجود يحتاج الى علاج سريع
و ليس مواعيد متأخرة ... و تم الرد خذوا أدول عند الألم

[/align]نظام المستشفى

الشهر الأول ( موعد مع الطبيب ) - الشهر الثاني ( التحاليل) - الشهر الثالث موعد مع الطبيب
الشهر الرابع( أشعة و صور ) .....الخ

شكرا على الخبر

بس من بتكلم لا حياه لمن تنادي


حسبي الله ونعم الوكيل

الله يكون فالعوون
مااحد مهتم فيهم ومامحصلين أحد وراهم يحاسبهم على أفعالهم وتقصيرهم
بس فالحين يضيعون وقت المواطن بدون فايده
بس لو الوزاره تحط عليهم شوي
تقيدهم تتحركـ شوي كان زين لازم يعني نشتكي فالبث المبااشر!!!
المفروض يرتزعو فكراسيهم من الساعه 7 الموضفين من ماكان يكون
من اصغر واحد فالمستشفى لين أكبر واااحد
الواااحد بيمووت وهم بعدهم تعاالو لناا عقب ماادري كم يووم ولا كم شهر

الله المستـعـآأن

والسموحه على الاطااله

المفروض معاقبة كل من تسول له نفسه بالتسرب عن ساعات الدوام الرسمية،
ويجب وضع عقوبات صارمة كالإقالة حتى يلتزم الغير،
لأن المستشفى بالفعل يعاني من تسيب في عدد الحضور حتى الساعة العاشرة أحيانا،،!
شكـرا للنقل الموثق بالصور،
دمت بخير،

والله حرااام الي حاصل بهالمجتمع صدق كله اهمال بأهمال
بس أن شاء الله حد يدخل ويشوف الصور بنفسه من حاكم راس الخيمه ويتخذ الاجراءات الازمه لان صدق لو ماسمعو ولاشافوا بنفسهم جان ماعرفوا بأوضاعنا ...

يعطونا مواعيد ع الساعه 9 وندخل الغرفه الساعه 12 شوفوا الفرق كيف ؟؟؟؟؟؟
صدق تعبنا من هالمهزله
أن شاء الله يحطون الأشخاص المناسبين للاماكن المناسبه ×××

هوب هوب هوب

فضحوهم

والله يستاهلون الفضيحه

عيل هذا دوام مب لعبه

لا وبعد يعطون مواعيد من الصبح اللي يقول هم يداومون اللحين

نحن كنا نتعالج عندهم وعقب طفرنا الواحد لين متى بيذل عمره عشان مواعيد وعلاج يتعالج بفلوسه فالعيادات الخاصه اسرع واحسن علاج ويدخل هالدختر

واللي يقهر وشفته بعيني والله الشاهد


أن المرضي ميلسيين يتريون الدور في قسم الانف والحنجره

والابواب مسكره ع الممرضات

والدكاتره .... يوم بطلت الباب اشوف شو السالفه ليش مايزقرون الاسامي !!!!


كانت المفاجأة !!! الممرضات يالسات يتريقن :sm134: والمرضي ميلسيين برع


وها الكلام أعتقد ع العشر وعشر ونص !!


وين الاداره عنهم !

اصبرو لين مايفتح مستشفى خليفة

إدارته بتكون من بوظبي

الله المستعان
والمشكلة معتمدين على الآسيويين في اخراج الملفات وتوصيلها العيادات ولا يسال ولا يتابع تأخر ولا وصل الملف او لا للعياده خلاص عطاه الرقم وانتهى الموضوع وانت تنتظر في احسن الظروف مب اقل عن ساعة ،،!!!!!

الله يكون في العوت كله بصوب وقسم طواري الاطفال اللي مسكرينه بصوب

والله مشكورين على هذي الصور الجميلة اللي تمثل دور المدير ودور المسؤولين في مستشفى صقر
والله اللي صور يستاهل جائزة قيمة
وهذا هو حال مستشفى صقر برأس الخيمة لا تقدر تكلم مدير ولا مسؤول ولا موظف ولا فراش إلا عصب عليك ونازعك
وبالنسبة للمواعيد ماشاء الله حدث ولاحرج كأن المريض ساير يطلب من بيوتهم صدقة مب مواعيد لمقابلة الدكتور
اتقوا الله ياالمسؤولين في المرضى هذيل أمانة عندكم وانتم مسؤولين أمام الله لو ماكانت الحاجة والمرض ماتعبوا انفسهم وحضروا المستشفى عشان يزيد مرضهم ويتعبون زيادة والموظفات اتقوا الله في معاملة المرضى لأنهم ناس لهم احترامهم وتقدير هم وكذلك موظفين بالغصب يطلعون من دوامتهم عشان يتعالجون وفي النهاية ماشي دكتور وماشي موظفين وماشي مواعيد اتقو الله في أنفسكم لأن الجميع محاسب في يوم لا ريب فيه .

الدوام الرسمي للمستشفى يبدأ الساعة 8
التوقيع 7ونص

انتي سايره 7ونص .. سايره 6 ونص .. هذا شي راجع لج .. على راحتج حتى لو صليتي الفير ورحتي وشفتي المستشفى مفتوح دشي ع راحتج .. ويلسي بمكان الانتظار

بس الموظفات مالهم خص بييتج من الصبح حتى قبل الدوام ما يبدأ

دوامهم الرسمي اذا ما عندكم علم يبدأ الساعة 8 الصبح


وعن الدكاتره تراا قبل اغلبهم يكون لهم مراجعة في الاقسام فوق قبل عقب ينزلون العيادات


والي ما يعرف عن الوظايف في الوزارات وعن مواعيد الدوام يسأل قبل لا يحط صور


ولا الي يشتغلون بالمستشفى مب بشر .. لازم يداومون من الفير ويروحون نص الليل ؟!!!

زين والله سويت فيهم
مستهترين وماخذين راحتهم على حساب المراجعين والمرضى
اصلا مستشفى صقر تغير فيه كل شيء ماصار مثل قبل وين الالتزام والقوانين كل شيء تلاشى الصراحة

[align=center]
ما جبتوا شئ جديد من زمان هذا الشي
بس وين من يحاسب
لو بدبي كان من زمان كلهم في سله المهملات( عفوا ) لم اجد تعبيرا اخر
هم ستحقوا ذالك
بس انتم في راس الخيمه ووزاره الصحه في راس الخيمه كلهم متقاعدين مكاتب صم بكم
الله يستر
[/align]

حسبي الله عليهم..

وظفوا ناس على الأقل عندهم ضمير
يقدرون يسيطرون على هذا الوضع المزري
حرام الواحد ياخذ راتب وهذي هي الصورة اللي تعبر عنهم هؤلاء الموظفين
اتقوا الله في أنفسكم

مرة كنت سايرة الحوادث وشفت واايد حريم يتريون جدامي وصلت تقريبا عل 11 ونص ،،

وتمينا نتريا كل ساعة نسأل الممرضة تقول الدكتورة بعدها مايت ،، المهم واشوف شوي شوي الناس قامت تروح بيوتها لين ماتم حد غيري ،،، الصمووود حتى النهاية ههههههههههههههههههه

عقب قلت حق ماماتي يلا نقوم نروح نحن بعد وكانت الساعة تقريبا وحدة ونص فالليل،،، بس قبل ما نروح سألنا عن الدكتورة قالولنا بعدها مايت !!!!!!!!!!!!!!!!!!!!!!!