فطائر بالدجاج بس خيااال وسهله ....
الفطاير
مقادير العجينه
بأذن الله مضبوطه اذا مشيتي على نفس المقدار بالضبط الي بكتبه الان
كأس ماء _ نص كأس زيت _ 4 ملاعق كبار حليب بودره _ 3 ملاعق كبار سكر _ رشه ملح _ ملعقة شاهي بكنج بودر_ ملعقة كبيره خميره فوريه _ 3 ملاعق كبار زبادي _ وثلاث ونص كأسات دقيق .
نبدا بوضع المقادير جميعها ماعدا الدقيق بخلاط الكأس ثم نخلطهم حتى يتجانسون مع بعض ونكون حاطين الدقيق بوعاء للعجن ثم نضيف مقادير الكأس على الدقيق بهذا الشكل ....
ثم نعجن الخليط زين ونبدا نلت العجينه يعني نخبطها بالوعاء وبتصير بهذا الشكل .....
ونترك العجينه لتتخمر بمكان دافي ماراح تطول لتتخمر بحدود نص ساعه وبتكون بذها الشكل .....
ثم نبدا نكور العجينه كور صغار بهذا الشكل .......
ومن ثم نفرد كل كوره بس مانفردها مره نخليها شوي سميكه ومن ثم نضعها بالشوايه بهذا الشكل ......
لازم تكون الشوايه حاره قبل لتحمريها
وتترك لتتحمر من الجهتين ومن ثم نضعها بكيس حتى تصبح لينه وتحشى وبتصير بهذا الشكل قبل لا توضع بالكيس .......
ثم بعد الانتهاء من كل العجينه نقص كل حبه من النص وتفتح بطرف السكين بهذا الشكل ......
ونكون محضرين الحشو وهو عباره عن صدرين دجاج مسلوقين ومفتتين وحبة بصله وسط وحبة فلفل رومي وسط وحبة طماطم وسط وشوي بقدونس وملح وبهار وفلفل اسود وبتكون بعد حمسهم مع بعض بهذا الشكل .....
ومن ثم نبدا نحشي انصاف الدوائر بالدجاج واذا ماتبين دجاج أي شي يعجبك ينحشى بداخله وكمان نفس القرص الخبز حلوووو مره بدون شي رايق مع الشاهي لحاله وانا حشيت بعضه وخليت بعضه ساده ويكون بهذا الشكل .....
ملاحظه اذا بقى منها شي حطيها بالثلاجه بوسط كيس مثل الخبز وسخني بالمايكرويف اذا تبين منها بصراحه ماتتغير ولا يتغير طعمها وكمان تقدري تحشيها .....
وبالعافيه .....دعواتكم
