اليوم يبت لكم من الوالدة طريقة العصيدة بالبوبر
خربتها مرتين , والثالثة ضبطت عندي
ومن يومها وانا اسويها كل يوم العصر
http://im11.gulfup.com/2011-12-25/1324790560531.bmp
المقادير
طحين رقم 1 منخول
ثلث كاس شكر
نص كاس زيت او سمن عربي
هيل ناعم
زعفران منقوع في ماء ورد
غرشتين ماي مسافي حجم صغير
بوبره ( لونها برتقالي )
الطريقة
قشري البوبره , وقطعيها , وفوريها في ماي حار , لين تلين
صبي عليها ماي باارد , وخليها تبرد 5 دقايق
صبي البوبر في الخلاط , مع فنجان ماي
حمسي الطحين لين يستوي لونه بني فاتح , وانخليه , واتركيه على جنب
صبي الشكر في الجدر , وحركيه لين يذوب , ويستوي لونه ذهبي مايل للاحمرار
صبي عليه ماي مقدار دبه ونص مسافي من اللصغار
صبي الماي ورد مع الزعفران , والهيل , والسمن او الزيت , وخليه يفوور
صبي خليط البوبر اللي في الخلاط , وحركيه بسرعة
صبي الطحين بالتدريج , واخلطيه بسرعة بملعقة خشب , لين يختفي الطحين تمام
اذا حسيتي ان العصيده وايد سائلة , زيدي عليها طحين مقدار فنجان بس
واذا حسيتي انها يابسة , زيدي عليها ماي ورد مقدار كاس صغير
غطي الجدر واتركيها على نار هاادية لمدة 10 دقايق
حطيها في حرارة استيل , عسب اتم حاره لفتره اطول
وحطي عليها شوي سمن من فوق
وبالعاافية عليكم
