لمواليد السبعينات إلى منتصف الثمانينات

السلااام عليكم ورحمة الله وبركااته

هذا الموضوع حطييته عشاان تتذكروون ايااام اول ....... ااااه يا زمااان اول .... لللييييييييييش ماا نرد شرااات قبل....كااانت القلووب متصااافيه ومااا عندناا مشااكل ولااهمووم شراات الحيين ...تذكرووون


تذكرون لما اييلك واحد من العايله اكبر منك ويقولك تبي اسويلك ساعه وانت تمدله ايدك ويقوم يعضك هاييج العضه اللي تصارخ منها .:sm117:

‏تذكرون لما كنا نصور فوري عند المصور "الشعب"وطبعا غصبن عليك الخلفيه زرقه مب بكيفك ولازم تمشط شعرك بالمشط اللي عنده كله شعر وبعدين يغسلك الصورة بالآله اللي عنده ام ذراع والاطراف مشرشره يعني يكون حركه . ‏ويعطيك الصور بعد أسبوع:sm288:

تذكرون ايام حصة الموسيقى قبل كان الدرس لمدة سنه عباره عن تــــــــــافــــــــــــاتــــــي فـــــــــــي تاتي والصفقه بصبعين بس .... ‏صدق كان منهج صعب .:sm115:


‏تذكرون المعجون الصغير اللي ريحته تعور الراس ومعاه عود لونه احمر وكنا نبطله بالمجلوب ونعصره ونلف العود عليه وننفخ عشان نسوي
نفافيخ وطبعا ما تطلع النفاخة الين تطلع بلاعيمك وياها .:ebdaa:

تذكرون لما كنا نشوف افتح ياسمسم وانتأثر بكعكي اللي ياكل بسكوت ونشتري بسكوت كاكاو ونيلس ناكل مثله ويا البسكوت المالح خخخ.



تذكرون يوم الجمعة ... ‏ننش من الصبح علشان نشوف رسوم في قصص الشعوب
قصائص لا تنتهي
وعالم حلو بهي
يسكن في القلوب
في قصص الشعوب . ياااااااسلام

‏تذكرون لما كنا نربط الشرشف على رقبتنا مثل سوبرمان ونصعد فوق الكبت وانط على الدواشق واخر شي ناقز غلط ومنكسره ايدك....:sm161:

تذكرون شريط الشلق الاحمر اللي اذا اخترب المسدس ماله ما يباله كلام حًول على كعب الوالده وكمل عليه بالكاشي والا على كاشي الباب اخر شي الوالده مكمله عليك بالكعب :sm100:


‏تذكرون لما كنا نحط بالفريزر العصير الطويل بونصين عشان يثلج "شربت"وكل ماتروح تبي تاخذه تلاقي الوالده منزلته تحت وماثلج.....‏راحت الفرحه .

تذكرون لما كان الاولاد يغسلون الحوي بالبروش والصابون قمة الوناسه يمسك المساحه يعني يكون بيساعد واخر شي طايحله سكيتنج على الكاشي والزوليه وفليل وارمه ريله.

تذكرون لما كنا نستقبل الحجاج من زود الفرحه واللهفه على الصوغه واخر شي كم مسواج وقحفيتين والكاميرا الحمره وسياده والبنات قطعه خام مالت هنود وساعه.

تذكرون ايام الدراسه قبل يعني يكون بنشد حيلنا بالدراسه ونشتري قلم فسفوري اصفر ولا برتقالي عشان نظلل على الشي المهم اخر شي مظللين على كل الكتاب وين الشي المهم مادري.:sm115:

تذكرون اول ما يسرقون الأولاد سيارة أبوهم كانت الريل اليمين على البترول والريل اليسار على البريك من الثواره .... ‏ولازم طبعا يمر على الربع بالفريج يصيح ويلات عليهم....‏واديلوووووو بريك وبترول

‏تذكرون لمايقول الاستاد ان هذي الصفحات ملغيه ايوااااااااااا تعال شوف التشخبيط اللي على الصفحه من فوووووووووق اللين تحت ولا نطرها من الكتاب.....‏ليش هالحقد عاد ......

تذكرون يوم يبغون الشباب يشلون حديد قبل يترسون قواطي النيدو اسمنت ويحطون بينهم بيب حديد وهووووووووبا واخر شي منكسر ه ظهورهم ....:sm79:
وهذا غيض من فيض
سبحان الله والحمدلله ولا إله إلا الله والله أكبر

ههههههههههههههههههههه
شو ها ماخليتي لنا شي نذكره


هيهااااااااااااااا ايام حلوه كانت الصراحة وللحين نذكرها
اذكر يوم كنا نعلب ويا البينات عند الباب باص باص بصينا و انا الذيب باكلم
الله على هذيج الذكرياااات الحلوه


واذكر عمتي كانت تسوي ايس كريم بصلوب وتبيعه ع الفريخات يوم كنا في الرمس
هي الوحيدة الي كانت تسوي الايس كريم ^_^


ولا ايام التصوير بالسود والابيض يا سلاااااااااااااااااااام


ولا ايام الفرق الي مسوتنه براسي هههههههههههه الله يرحم هذيج الايام


ولا ايام الرسوم ياسلام ع رسومنا مالت اول احلى بوايد اذكر كوكي وطمطم والسنافر وجرانديز وسنان و ملعقة وكولا وكالميروا هاي الرسوم
مو رسوم الحين الرميه الملتهبه وابطال الديجتال عيل هاي رسوم الواحد يطلعها


فديت ايامنا والله

آآآآآآآآآآ:sm11:

ما اذكر شيء بس اذكر :sm126:
لما كنا نربط الشرشف على رقبتنا مثل سوبرمان ونصعد فوق الكبت وانط على الدواشق واخر شي ناقز غلط ومنكسره ايدك....
هاي احلى ايامي...

غريمو انا يوم كنت صف ثالث كنت اشوف ابطال الديجيتل هاي مال اول مب مال الحين..


تذكرون يوم الجمعة ... ‏ننش من الصبح علشان نشوف رسوم في قصص الشعوب
قصائص لا تنتهي
وعالم حلو بهي
يسكن في القلوب
في قصص الشعوب . ياااااااسلام

ما اذكر بس اذكر يوم اقوم الصبح واتسابق ويا اخوي عشان الروموت يوم الجمعة واشوف باربي بقناة دبي..
ههههههههههه
لا تذكروني بحصة الموسيقة اكره حصة عندي الحمد الله فكه من الموسيقة وحصتها...
تذكرون ايام حصة الموسيقى قبل كان الدرس لمدة سنه عباره عن تــــــــــافــــــــــــاتــــــي فـــــــــــي تاتي والصفقه بصبعين بس .... ‏صدق كان منهج صعب .
ههههههه
مشكوووووووووووووورة اختي والله انج رديتين ذاكرتي...

http://alkoumanda.jeeran.com/شكرا.gif

والله ذكريات حلوة ورائعة .... كانت أيام جميلة وبسيطة .... كان الناس بسيطيين ما يفكرون وايد بالبيزات ... المهم إنهم يعيشون يومهم بس ..... ومشكورة يا قوس قزح

وفي بعض الاشياء نحن عشناها بالتسعينات..

وبعد يوم العيد يوم ندور عيديه..
ونجابل يعقوب (الله يرحمه)..
ونشتري عنه باجله وقصب السكر..
ونوصخ ثيابنا ويوم نرد نحصل ضرب..

والله أيام حلوة..

وبعد في اشياء كانت بالتسعينات..

اذكر يوم العيد..
يوم ندور عيديه..
ونلاقي يعقوب (الله يرحمه)..
ونشتري عنه باجله وقصب السكر..
ونوصخ ثيابنا ونرد البيت ونحصل ضرب..

والله أيام حلوه..

وبعد في اشياء كانت بالتسعينات..

اذكر يوم العيد..
يوم ندور عيديه..
ونلاقي يعقوب (الله يرحمه)..
ونشتري عنه باجله وقصب السكر..
ونوصخ ثيابنا ونرد البيت ونحصل ضرب..

والله أيام حلوه..

والله ايام حلوة ومشكورة على هاالموظوع
هاي المواظيع ولابلاش ع قولت المصريين
من فات قديمة تاه

السلام عليكم ورحمة الله وبركاته



والله ذكريات جميله ومشكور ع الطرح حبوبه

هيييييهاااااأ
ايااام بالرغم من بساطتها بس حلوه
مو مثل الحينه

يعطيج العافيه حبوبه على الموضوع الاكثر من رائع

نتريا يديدج




بحر الذكرى

57...eb863c5gn3.gif

‏تذكرون المعجون الصغير اللي ريحته تعور الراس ومعاه عود لونه احمر وكنا نبطله بالمجلوب ونعصره ونلف العود عليه وننفخ عشان نسوي
نفافيخ وطبعا ما تطلع النفاخة الين تطلع بلاعيمك وياها .:ebdaa:


تذكرون يوم الجمعة ... ‏ننش من الصبح علشان نشوف رسوم في قصص الشعوب
قصائص لا تنتهي
وعالم حلو بهي
يسكن في القلوب
في قصص الشعوب . ياااااااسلام


يبتينا عالعوق والله ... هيييييييييييه ايام والله ما تنسي

اذكر يوم شركة كوكاكولا يوم سوت نفس المهرجان في النادي

ويوم كل ختام بطوله و سبق كان كله عندنا في النادي

اذكر رسوم اول ... رعد العملاق و جونقر و الخماسي وايد رسوم الصراحه ما تحضرني الحين

قبل صح المعاشات جليله لكن الحياه كانت بسيطه وحلوه

ما كان الواحد يفكر بالفلوس وبالدنيا

كانوا يسالون عن بعض دوم ويطلعون رباعه وكل واحد قلبه عالثاني

لكن جيل بعد جيل الناس نست ماضيها والتهت بالدنيا وبالفلوس وبالاسهم وبالاغراءات اللي حاصله في هالزمن

دوم هالكلمه في بالي متى بنعيش مثل اول

تسلمين اختي عالموضوع اللي عيشنا 20 سنه ورا

نتريا كل يديد منج

ذكرتيني بايام الابتدائي ايام المدرسه يالله بلغصب انش الصبح بس يوم الجمعه انش اول وحده صراااحه ايام حلوه و كانت فيها بركه

ذكرتيني بايام الابتدائي كنت بلغصب انش الصبح بس يوم الجمعه اول وحده اصحى من النوم صراحه كانت ايام حلوه وفيها بركه

اقتباس:

---

المشاركة الأصلية كتبت بواسطة بن سعيد

‏تذكرون المعجون الصغير اللي ريحته تعور الراس ومعاه عود لونه احمر وكنا نبطله بالمجلوب ونعصره ونلف العود عليه وننفخ عشان نسوي
نفافيخ وطبعا ما تطلع النفاخة الين تطلع بلاعيمك وياها .:ebdaa:

---

هههههههههههه كيف ما نذكرهـ ... ريحته كانت تفر الراس فر هع هع هع

بس الحين ما يبيعونهـ ^^

هه.. و الله اشيااء حلوة..
بس ليش كاتبين لمواليد السبعينات...............
انا من مواليد التسعينات بس بعض الاشياء كنت أسويهااا.. مثل::

‏تذكرون لما كنا نربط الشرشف على رقبتنا مثل سوبرمان ونصعد فوق الكبت وانط على الدواشق واخر شي ناقز غلط ومنكسره ايدك....

‏تذكرون لما كنا نحط بالفريزر العصير الطويل بونصين عشان يثلج "شربت"وكل ماتروح تبي تاخذه تلاقي الوالده منزلته تحت وماثلج.....‏راحت الفرحه .

تذكرون لما كان الاولاد يغسلون الحوي بالبروش والصابون قمة الوناسه يمسك المساحه يعني يكون بيساعد واخر شي طايحله سكيتنج على الكاشي والزوليه وفليل وارمه ريله.(( هااي اذكر و الله اياام حلوة ))..

و كنت انش كل يوم الصبح عسب اجوف السيدة ملعقة و مدينة النخيل...

و كنت احب حصة الموسيقى لان الابلة كله تيلسني جداام..خخ


يسلموووووووووووا خيتووو عالموضووع الراااائع...
هاي المواضيع الحلوة و لا بلاااش...


اشكرج..


و واااايد اشياااء.. (( الله يرحم أياام زماان))

اقتباس:

---

المشاركة الأصلية كتبت بواسطة غريمة الشوق

هههههههههههه كيف ما نذكرهـ ... ريحته كانت تفر الراس فر هع هع هع

بس الحين ما يبيعونهـ ^^

---

امبلا في دكاان يبييعه بشتري وبصورلج اياه اذا تبين ^_^