عندي مشكلة ... وأبى لها حل؟؟

الله يسلمكم اليوم يوم دشيت المنتدى ... وادش عالمواضيع يظهر لي صندووق خطأ ... بعدين يتبعه 50 صندوق يمكن ... ومااقدر اسوي شيء غير اني اسكر الصفحة :(

شو اسوي .. ما اقدر اشارك جي:confused:

اللي يعرف كيف اخلي المربعات ما تظهر يخبرني

ولكم جزيل الشكر

اختي الغالية

ممكن تطرشي صورة للخطأ الي يطلع

سوي برنت سكرين وطرشيلي الصورة

وان شاء الله اقدر اساعدك

والله مشكلة اول مرة اسمع فيها


بس صوريها وان شاء الله بفيدج

مرحبا اختيه

مكن تخبرييني شو يطلع ي الخطا يعني شو مكتوب
و اذا امكن تصوريين و تحطيين صورره

----
حل سرييع
حاولي تجربيين من كمبيوتر ثاني و شووفي يطلع الخطأ

وردي علييا خبر

بن خلف

مممم ليكون يظهرلج شرى النافذه مربع من المايكروسوفت لونه رصاصي
يقولج انه حدث خطا في الصفحه او مشكله في الصفحه ويعطيج اختيارات
مثل ارسال تقرير الخطأ او الاصلاح وبعد ما تظفطي عليه اتبند الصفحه عندج
اذا هذا هو فالمشكله من الكمبيوتر لانه قبل فتره انا نفس المشكله عندي
رحت وسويت فورمات للكمبيوتر والحين شغال عندي بلا مشاكل
هذا الي اعرفه واذا المشكله غير هذه
الاخوان بيفيدونج ان شاء الله ما بقصرو
والسموحه

يوم ادش من لابتوب ثاني ما يظهر لي

الخطأ في الكمبيوتر بس مب عارفه شو الحل

بحاول اسوي برنت سكرين يوم بيظهر

الجوكر ... الخطا اللي تقول عنه يظهر لي بعد بس يوم اشغل المسن يعني مب دوم بعض الاحيان

وتسلمون عالمرور جميعا وان شاء الله الاقي حل لهالمشكله :(

http://www3.0zz0.com/2007/10/14/20/97645650.jpg

هاللي يظهر لي

في منتديات يظهر لي هالشيء ومنتديات ما يظهر لي

مع أن الستايل القبلي ما يظهر لي هالخطا

ان شاء الله الاقي الحل عندكم

اختي اعتقد ان الموضوع في خطا عندج في البرنامج اقصد في برنامج شغال عندج فيه خطا

او اعتقد الجافا مش شغال عندج عدل


المشكله المسج مش موضح الخطا من شو

بن خلف

اختي سوي تحديث للموقع ولو مااستوا
يكون المشكله من جهازج يالطيبه
وتقبلي مروري ويعطيج العافيه
دمتي بود

أختي أنا شاكك في شيئين هم السبب، طبعا المشكلة بلا شك في الجافا سكريبت ما تشتغل عندج زين، والسببين هما :
1) تحتاجين أنج تعملين windows update أو تنزلين آخر اصدار للجافا من الموقع: http://java.com/en/download/index.jsp
2) إذا ما اتحلت المشكة من رقم 1 فعندج سكريبت او فيروس مخرب دخولج للمنتديات اللي تستخدم الجافا ولحل هذي المشكلة ممكن واحد من الحلول الثلاثة:

ا- استخدام الانتي فيروس Anti Virus مثل Norton, Mcaffee, Kaspersky,...
ب- استخدام متصفح آخر غير الاكسبلورر Internet Explorer مثل Firefox, Opera, Mozilla,Navigator
ج- الحل الأخير والغير مرغوب فيه Format إعادة تهية الكمبيوتر بكامله من أول وجديد (فورمات)

نزلي اخر اصدار انترنت اكسبلور 7

او

نزلي متصفح فاير فوكس

www.firefox.com

وانا انصحج بفاير فوكس
لانه اسرع ومافيه أخطاء

والمتصفح عربي

واذا تبين اي شي ثاني انا حاضر

يااااااااااااااااااااي .... اشتغل

اخوي ماجد ماعرف كيف اشكرك

الحين وايد اوكي

وما تظهر لي هالسوالف

تسلم والله

واشكر كل من ساعدني

جربت الطرق اللي قلتوا عنها بس الجافا مب طايع يتنزل وياي

الحمد الله الحين اوكي

وربي يعطيكم الصحة والعافية

العابره
اختي
اعتقد اشتغل عندج لان تم تغيير الستايل
المشكله للحين مانحلت و اذا بتتاكديين غيري الستايل من تحت و شوفي في مشكله ولا لا

يمكن الجافا عندج ماشتغلت
ومثل ماقال اخوي ماجد
جربي فايرفوكس متصفح رائع

بن خلف

العفو وهذا واجبي تجاه هذا المجلس الرائع

وبخصوص الاستايل انا استخدم الاستايل البرتقالي الجديم

احسه احسن واحد مرتب ^_^

اخوب بن خلف حتى هالستايل ظهر لي الخطا

بس نزلت متصفح فاير فوكس والحين شغال عدل واحسه سريع

ولكم جزيل الشكر