سيدة اعمال تعرض 5 ملايين ريال سعودى لمن يتزوجها,,,,,,{صوره}

سيدة اعمال تعرض 5 ملايين ريال سعودى لمن يتزوجها
http://www.mubasheer.com/contents/newsm/23873.jpg
بسبب الضغط الكبير من الزوار على الرابط الاول نضع لكم الرابط الثاني
05-19-1433 03:18 PM
مباشرالعربية عادلة العتيبي
سيدة ، تطلب دفع 5 ملايين ريال (مليوناً و330 ألف دولار أمريكي) لمن يتزوج منها وأوضحت السيدة أن همّ الزواج يعتبر الهاجس الأوحد بالنسبة لها، كونها لم توفق في الاختيار حينما تزوجت في المرة الأولى والتي كانت الأخيرة، معللة بأن سبب طلاقها هو الطمع والجشع وحب المال .
وأضافت “لا يهمني في الوقت الحالي كون الزوج يبحث عن مالي أو لاً، فأبحث عن رجل يقدر العشرة الزوجية وواجباتها، وعلى
استعداد بأن أتزوجه مسياراً وأن أدفع له 5 ملايين ريال، ويسكن معي في “فيلتي” الخاصة، شريطة أن يوافق على كافة شروطي التي سأطلعه عليها لاحقاً” .
ودعت السيدة من يريد التقدم للزواج منها أن يرسل رسالة إلى المجلة عبر الفاكس أو البريد الإلكتروني مرفقاً بها هاتف الشخص، لكي تتصل به في حين وافقت على الزواج


المصدر : عاجل

كلام جرايد؟؟؟

شو ؟؟؟

الله يسهل عليها يارب..
ياخى بروحى اتخبلت خمس ملاين هب اشوى وغشي على البيزات

الحين الكل بيتقدم علشان البيزات

لو مب محطية شروط . ويسكن في فلتها . جان خليت زوجي ياخذها مسيار
بس شكلها قوية ومب هينة .. من الحين مسيطره عليه

الله يرزقها شكرااا للخبر

الله يوفقها

بدال المعرس بييها مليون هاي خمس ملايين الله يوفقهاا ويسعدهاا ويزيدها من خيره بس الزواج يرتبط عالحب والوفاء والاحترام والتقدير

سلمت يمنااك عالخبر

الله يستر لها

مممم اتم بدون زواج ولا واحد ياخذني عشان فلوسي ++

الله يوفقها

اقتباس:

---

المشاركة الأصلية كتبت بواسطة حرم علي

لو مب محطية شروط . ويسكن في فلتها . جان خليت زوجي ياخذها مسيار
بس شكلها قوية ومب هينة .. من الحين مسيطره عليه

---

ههههههههههههههههههههههههههههههه

اش اش اش

بضحين بزوجك

المثل يقول : اللي بيشتريك بفلوسه ... باجر ابيعك

الرجل مهما كثرة فلوسه ما يذل ويتمنن لكن المرأه على ادناة شي اتذل وترميك برع بالسكه ..المرأة تحب الرجل الثقيل ولو كان فقير

وبعدين بتقول : ليت الزمان يعود يوما

الكرامه اهم من الفلوس وهذي حياة زوجيه
كيف اعرض نفسي عشان فلوس والله انها مب صاحيه هذي انزين وزوجها وعقب فرها شوبتسوي عاد ...

ماراح اطول المهم الله يهديها ويعطيها اللي تتمناه ..

شكراً اخوي عاشق الطقس على الموضوع ,,,

...................................... آلله يوفقهآ ,,

بس لو سآيرة لخطآبة أحسن لهآ , !

شئ غريب
خمس ملايين مره وحده ......................

والله مافي داعي تعرض هالمبلغ حق الزواج..

بس تقول أنا بحسابي هالكثر.. وتشوف الطوابير ههههههههههه

اقتباس:

---

المشاركة الأصلية كتبت بواسطة عاشق الطقس

ههههههههههههههههههههههههههههههه

اش اش اش

بضحين بزوجك

المثل يقول : اللي بيشتريك بفلوسه ... باجر ابيعك

الرجل مهما كثرة فلوسه ما يذل ويتمنن لكن المرأه على ادناة شي اتذل وترميك برع بالسكه ..المرأة تحب الرجل الثقيل ولو كان فقير

وبعدين بتقول : ليت الزمان يعود يوما

---

عاشق .. انا ما بضحي فيه لأجل عيونها , ولا شفقة فيها
هذي 5 ملايين ما تتفوّت .. عقب ما ياخذ ال 5 يقولها مع السلامة خخخخخ
خل اتحصل لها ريل قبل , عقب خل تتشرط على كيفها
سؤال محيرني ؟!!!
دام عندها هالفلوس والملايين , ليش طلقها زوجها ؟؟؟!!!!
أكيد مثل ما قلت اخوي عاشق , شكلها ذلته عليهن