نحو موقع رمساوي اماراتي راقي بدرجة إحتراف

.. السلام عليكم و الرحمه ..

في بداية كلامي او موضوعي .. و اللي هو عبارة عن إقتراح للإدارة و لجميع أعضاء موقع الرمس.نت

الكل عارف ان الدعاية و الإعلان لاي شي يرفع من قيمته و جماهيريته .. و نحن كأعضاء لموقع الرمس .. أو بالاحرى كأهل لمدينة الرمس لازم نرفع من أسم الموقع علشان يرتقي و يكون الموقع الاول في المدينة

و أقتراحي هو ... وضع بوسترات عند بعض الأماكن الرئيسية و العامه في الرمس .. مثال :

1- مدخل الرمس .
2- محطات البترول .
3- جمعية رأس الخيمه التعاونية .
4- المكتبات العامة .
5- مخرج الرمس .
6- بعض الطرق العامه في الرمس .

و نضع اسم الموقع و الرابط .. و بعض العبارات الجيدة

و نكتب طريقة التسجيل للعضوية الفضية و الذهبيه

و المساهمه بتكون للي حابب يساهم
..............

اتريا راي الاعضاء و الإدارة في اقتراحي

و تقبلوا فائق احترامي

العتيبي

بصراحه فكره عجيبه
وانا عني اول استكر بحطيه ع موتري
وتسلم ع الفكره

فكرة حلوة

وانا بحاول اصمم بوسترات
للسيارات
او للبروشورات

وان شاء الله افيد ها المنتدى الرائع

بصراحة يا العتيبي
أفكارك عجيييييبة وتنفع تسويق تجاري..
راح ننفذ فكرتك باسرع وقت بمشيئة الله
وبعطيك درزن من هاي الإعلانات تلصقها بسيارتك وسيارة ربعك.
شكرا الجوكر وماجد على استعدادكم لهذا الامر وهذا يدلل على حبكم
للمدينة الغالية على قلوبنا "الرمس الحبيبة".

فكرة جدا رااااائعه . .

نحن بعد نبغي بوسترات او ياريت اتحطون التصميم ع المنتدى . .

بنسوي دعايه في الجامعه . .

او بنوزعها ونحن سايرين الجامعه في الباص . .

اشكر الجميع على تعاونكم .. و اكيد بتظافر ابناء الرمس سنصل الى مبتغانا

و افا عليك يا بوناصر ...

و عندي فكرة .. لو نسوي مسابقة على مستوى الرمس ... يعني نحط اعلان ان موقع الرمس.نت يبغي تصميم بنر ... حق الدعايه

و بنتريا المشاركات و الفائز له جائزة ..

بنسوي منشورات و بنوزعها على اهالي الرمس عن المسابقة ..

و بجيه بنخلي اهل الرمس يشاركونا

العتيبي

أن شاء الله يكون الموقع الاول
وشكرا

100% كلامك صحيح

عادي اشاركمـ
بالنسبة لأعضاء الادارة يقدرون يكتبون ع مواترهم رابط الموقع :sm136:
شرات الي عندنا في دبي يسون جذى
عسب يجذبون الاعضاء


والسموحه منكمـ

اقتباس:

---

المشاركة الأصلية كتبت بواسطة غريمة الشوق

عادي اشاركمـ
بالنسبة لأعضاء الادارة يقدرون يكتبون ع مواترهم رابط الموقع :sm136:
شرات الي عندنا في دبي يسون جذى
عسب يجذبون الاعضاء


والسموحه منكمـ

---

:3jeeb::3jeeb: مب شرط الاداره فقط
حتى الاعضاء

اقتباس:

---

المشاركة الأصلية كتبت بواسطة العتيبي

اشكر الجميع على تعاونكم .. و اكيد بتظافر ابناء الرمس سنصل الى مبتغانا

و افا عليك يا بوناصر ...

و عندي فكرة .. لو نسوي مسابقة على مستوى الرمس ... يعني نحط اعلان ان موقع الرمس.نت يبغي تصميم بنر ... حق الدعايه

و بنتريا المشاركات و الفائز له جائزة ..

بنسوي منشورات و بنوزعها على اهالي الرمس عن المسابقة ..

و بجيه بنخلي اهل الرمس يشاركونا

العتيبي

---

بالنسبة للمسابقات انا حاظرة وجاهزة

والدعاية عليكم

الصراااااااااااااااااحة يستاااااااهل واكثر

الصرااااااااااااحة يستااااااااااهلون

انا بغي اسوي بعد وياكم وبوزعها بالمدرسة وبكتب على كتبي المدرسية و بعلقها على ثيابي المدرسة ..ههههه
اسولف ثيابي المدرسة لا ...اوكي بطالع اوزع الرابط واخلي البنات المدرسة يشتركووون وحتى المديرة مدرستنا ..


والفكرة مرة حلوة ..


اختكم Soso