عرض للطباعة
السلام عليكم ..
غمضني الياهل اللي متسمم أمس بدبي من عقب وجبه متسممه من احد المطاعم السريعه ماغيرها ..
وعنبوه .. الاسبوع اللي طاف عايله من عدنا بعد الله رأف بحالهم وعدت سليمه والله عافاهم ..
سين سؤال : ياترى من هم الضحايا القادمين ؟ وياترى لين متى بتبقى هذي المعاناه ؟ وياترى هل هذي المطاعم فوق القانون ؟ وليش دور البلديه مهزوز في مواجهة هذي المطاعم الماركات وبنفس الوقت رهوتها على مطاعم قوم بو عبود ؟
الصيف قادم والله يستر...
لا حول ولا قوه الا بالله ..
انا جاسنى تسمم أكثر من مره بسبه المطاعم والله ستر ..
قصص التسمم الغـذائي لا تخــلو منه أي إمـارة ..
نعم !نطــالب بزيــادة جهود البلديات في كافة أنحاء الدولة بتقديم البرامج التوعوية وذلك من أجل رفع مستوى الوعي بأهمية سلامة ونظافة الغذاء بتحديد المخاطر في المطابخ وقاعات الطعام مع إجراء اختبارات سريعة .
بعد ذلك يجب ردع ومعاقبة الذين لا يتبعون أساليب تغذية صحية. وأؤكد على أهمية وضع اللوحات الإرشادية التي تتضمن النقاط الرئيسية الخاصة بالحفاظ على سلامة الطعام باللغات العربية والإنجليزية والهندية وذلك بهدف تقديم الفائدة لأكبر عدد من الناس.
يجب أن تحافظ البلدية على سلامة وصحة السكان وتضعها على رأس أولوياتها، على اعتبار أن معظم السكـان لا يمتلكون فكرة كافية عن الإجراءات الضرورية الخاصة بسلامة الغذاء التي يمكن أن تساعدهم على تجنب الوقوع ضحية للتسمم الغذائي والأمراض المصاحبة.
أؤكد عـلى أهمية أن تقوم البلديات في مختلف أنحاء الإمارات بتنفيذ برامج متنوعة من أجل حماية المجتمع من التهديدات الناجمة عن العادات الغذائية السيئة، حيث يجب أن تأتي ضمن إطار المعايير الصحية العالية التي يجب توافرها في المجتمع من أجل ضمان تمتع السكان بالراحة والصحة وشروط العيش الآمن".
منتهى الكمال
هيه والله نتمنى الرقابه اتزيد على هالمطاعم ...
انا بعد جاسني تسمم من مطعم ......... ما كنت اتوقع .... و انا قايله احسن مطعم بـــ راااااكـ .....
بس الحمدلله يت سليمه ....
الواحد شو بيقووول ؟؟؟!!!! .....
وبعد التستر على اسماء المطاعم وعدم التشهير فيها حتى يكون اكبر عدة من الضحايا على حساب الانسان الله المستعان
الله يستر من الي يااي
مب بس جي
الاسبوع اللي اطاف ابا بس اتذكر المطعم مب قادره كنا واقفين قريب منه اللي يشتغل فيه هندي طالع بقفازه ما ادري وين ساير بهاك القفاز ورجع يكمل شغله فيه اونه عاد نظيف....يعني عادي يدخل به الحمام ويرجع يقطع عقب الطماط فيه.....
والمشكله ما يردون علينا خبر شو نتيجه هالبلاوي...يتكتمون ع كل شي
امسات طلبنا من مطعم وجبات سريعه معروف في المنار ، وطلبناه تيك اوي وكانت الوجبه مأكوله ، دق عليهم ابوي وغسل اشراعهم
ومدير المطعم يقول :{ مأكوله ازااي اوولي بأه الزاي } مصري طبعا ،،
[align=center]
هيه والله لازم يشهرون بهم وانا كل مااشوف مطعم اوكافيتريا مبند اقول اكيد مخالفينه وصاحبها ترا يبيع المطعم او الكافيترياعقب المخالفة عن الفضايح ههههههههههههههههههههههههههههه
[/align]
لم يحدد سبب التسمم حاليا لحين انتظار نتائج الفحوصات المخبرية من شرطة دبي
المطعم هو كنتاكي كما تداولته الحسابات الإخبارية
والتسمم بشكل مبدئي نتيجة رش مبيد حشري محظور في التكييف المركزي للشقة مما انتشر لشقة المتسممين الحاليين عسى الله يصبرهم على فقيدهم ويشفي مبتلاهم.
كما وصلني من اخبار حكومة راس الخيمة ( خدمة اخبار)
" العائلة الهندية التي تسممت بعد تناول الأكل في أحد مطاعم الوجبات السريعة بدبي غير متأكدة من إصابتهم بالتسمم من المطعم و ترجح أن يكون التسمم بسبب قيام صاحب الشقة المجاورة لشقتهم باستخدام مبيدات حشرية محظورة و سامة و انتقال المواد السامة عن طريق نظام التكييف المركزي إلى داخل شقتهم و بالتالي إصابتهم بالتسمم، و جدير بالذكر بأن بلدية دبي عثرت على علب من المبيدات الحشرية المحظورة في الشقة المجاورة لشقة العائلة. "
وبغض النظر عن الرقابة يمكن ما تكون دقيقة ١٠٠ بالمئة من الجهات المختصة
ولكن على الشخص الحذر والابتعاد قدر المستطاع من الوجبات خارج المنزل
جان فيكم خير قولو بندو هاي المطاعم اها اها والله انك بتسير ورا =========
بس ودي يوصل ها الكلام واي المشاكل حق سيدي رئيس الدوله ونائب رئيس الدوله وحق بو خالد الله يطول بعمرهم ويحفظهم
الله المستعان
كل واحد ياكل داخل بيته احسن له لا وجبات سريعه
وجبات سريعه كلها امراض وزيوت يستخدموها اكثر من مره
والامراض بدانه وسرطان سببه من وجبات سريعه
لواحد ياكل وسط اهل ابرك له اذا حاب يغير مكان ياخذ الاكل ويطلع بره البيت
لا حول ولاقوة الا بالله
الله المستعان
والله خوفوني وانا مدمن
على برجر كينك
وشكلي خلاص بودره
واتمنى يشددون
الرقاااااااااااااااااااااااااااابه
استهتار بحياه المستهلك وصحته
يجب ان تكون هنالك حملات تفتيشيه وبشكل منتظم على جميع المطاعم والكافتيريات وبشكل دائم
خافوا الله مب بسبت تمشون بضاعتكم وما تخسرون اكلم تذبحون عيال الناس