(شايب ) على الشارع العام !

[align=center]

(شايب ) على الشارع العام !

في احدى الأيام كنت ماراً بسيارتي بعد الساعة الثامنة صباحاً في أحد الشوارع العامة ولفت انتباهي أحد الشواب ( رجل كبيرفي السن ) – عمره تقريبا في السبعينات - يقف على طرف الشارع بمساعدة العكاز وتساءلت في هذه اللحظات إلى متى سيبقى هذا الشايب واقف بهذا الشكل ؟ والجو حار و قد يتعرض لمخاطر الطريق فقررت التوقف لتوصيله إلى مقصده وبدأت معه في السيارة هذا الحوار القصير :

- تفضل يا الوالد وين تبغي تسير , وين أوصلك ؟.
- أبغي البنك .
- حاضرين يا الولد ولا يهمك .
- الوالد وين ياي في ها الوقت بروحك ؟
- أنا ساكن قريب من هاذي المنطقة وصار لي نص ساعة طالع من البيت مشي حتى وصلت الشارع .
- ليش ما وقفت (تاكسي ) يوصلك ؟
- ما أقدر أوقف تاكسي لأته ماعندي فلوس في جيبي ادفع لهم .
- ليش وين عيالك ماحد ساكن معاك ؟
- عيالي ... إيه يابوي - وهو يتنهد ويتنفس بعمق - ( عيالي ياريتني مايبتهم ) ماحد منهم مهتم فيي ، عندي 3 أولاد و3 بنات علمتهم وكبروا وتوظفوا وعرسوا ماحد يزورني منهم ولا حتى يتصلون ، بعضهم أعرف عيالهم وبعضهم ماعرف كم عندهم من لعيال ؟
- الله يسامحهم كيف مخلينك عايش بروحك وأنته أبوهم في ها العمر ؟
- ماعندي غير فلوس ( الشؤون ) أصرف على نفسي وياله تكفيني .
- أنا عايش ما وياي حد بس أدفع لواحد طباخ يسويلي الغداء وأعطيه المتيسر.

إنتهي حواري مع والدنا ( الشايب ) بوصولنا للبنك المقصود بعد أن عرفني على نفسه وشكرني

ودعا لي من كل قلبه وهو متأثر وناقص يبكي على حالته الصعبة ... وأترك لكم بقية التعليق !!

[/align]

:confused:!!

الله يكون فعونه

لا حول ولا قوه العا بالله
حسبي الله عليهم من أعيال ..

هذا الشايب لو ماكان عنده عيال ,,يعني حرمته ماتحمل ,,كان بيتزوج الثانية والثالثة
حتى ييون هالعيال .. وعيال هالزمن ما منهم فايدة ..اللهم يقولون يابوحمد ويابوحسن
إلا من رحم ربي ..أنا أنصح الكل طبعاً ..إذا باجر عياله كانوا مشغولين وخاصة في وظائفهم بأبوظبي وهو من الشمالية..فما يصيح ويقول عيالي ودروني ونسوني..
لكل وقت له ناسه ..فما يزعل ..لو واحد منّا عنده حرمة زينة وطيبة ..مايصبر يقول أبا عيال ..حالي حال الناس :ويوم يكبرون العيال فيقول يا ليتني تميت ويا حرمتي الطيبة ومافرطت فيها من أجل هاللأشكال ..توّالناس

لاحول ولا قوة الا بالله العلي العظيم ..

اصبحت الماده كل شيء في حياة الابناء وينسون والديهم لكن مش كل الابناء والله في ابمناء قلوبهم ماتطاوعهم
حتى ولو بالكلام الطيب والرعايه يا جماعه هاذيل والديكم وهم سبب ظهوركم للحياة الله يكون فالعون ...
شكراً اخوي لك ولتعاطفك الطيب مع هذا الرجل المسن وجزاك الله خير ....

الله يكوون بعونه يا رب

لا حول ولا قوه العا بالله

والله المستعان

لا حول ولا قوة الا بالله

ربي يكون فعونه

والله قلبي عورني ع هذا الشايب ,, الله يحفظة و يعطيه طوله العمر يآرب
في ميزان حسناتكـ يآ المخضرم ..

لا حول ولا قوة الا بالله

هيه شفته وانا سايره الشارجة كانت عندي دورة شفته واقف الفقير ويأشر على السياير ميود العصى وبلحيته البيضة الله يكون بعونة وحسبي الله عليهم في شباب جدي واكثر وفي شباب يارهم الله وفيين بأهلهم الله يهدي الجميع يارب ويساعد الشيبة بحياته الباقية الله يطول عمره يارب

يقول رسول الله ( صلى الله عليه وسلم ) :
{ الا أنبئكم بأكبر الكبائر ؟ قلنا : بلى يا رسول الله . قال : الشرك بالله , وعقوق الوالدين , وقتل النفس }
نسأل الله الكريم أن يرزقفنا وإياكم البر , وأن يجنبنا العقوق

لا إله إلا الله ، حسبي الله ونعم الوكيل
حليله ربي يحفظه ويخليه ويطول بعمره
ويفرج همه وكربته ومعاناته

يزاك الله خير اخوي وكثر من امثالك
ماقصرت ، عسى ربي يحفظك ويرزقك بر عيالك فيك

لا حول و لا قوة الا بالله

الله يحفظه ويطول ف عمره ويهدي عياله

الله يعطيك الف عافيه خيوو ما قصرت ويااه

ما ادري اذا ادعي عليهم من قهري

ولا ادعي انه الله يهديهم

لو خليت خربت...ألحين الشباب والششابات اللي بالمنتدى تضايقوا عشان الشيبه معناها انه بعده فيه خير هالزمن

وترى الدنيا سلف ودين....وكما تدين تدان

لا حول ولا قوة الا بالله ...

ربك ما ينسى حد ترى الدور ياينهم ... ربك يمهل ولا يهمل ...
يومهم ياي ....

و انااا من فترة بعد ويا الدريوليه و رايحه الدوام والله شفت شيبه ادري انه عياله لاهيين عنه ...
نحن دربنا كان لرأس الخيمه و هو رايح الرمس و الله اني اخرت عمري و اخرت الدريوليه بس عسبت نوصله و انااا ادري انه صعب يلاقي موتر ولا تكسي يوصله ... مع انه كلنا حريم بس ما هااان علي اشوف شيب هالريال و انااا اقدر اساعده و ما اساعده .... اعرف ضميري بيتم يأنبني عالطاف اللي بسويه و هو ما يقربلي .... الله فوق ... وين بيروحون عياله من عقاب ربهم ....

لا حول ولا قوة الا بالله العلي العظيم ...........


اشكرك اخوي المحضرم و جعله في ميزان حسناتك ....

لاحول ولا قوة إلا بالله
أن الله و أن له راجعون ..
دنيه دنيه غرتهم فلوس ..

لا حول ولا قوة الا بالله العلي العظيم

كمااااا تدييين تداااان


ربي يهدي عياله ان شاء الله

ويهدي كل عاق يارب

والله غمضني هذا الشايب معليه الله براويهم اعياله مثل مادتين تدان والأيام يايه الله يرحمنا برحمته ويجعلنا من البارين بوالدينا

البر لايبلى والاثم لاينسى والديان لايموت افعل ماشئت كما تدين تدان

كل شي وله حساب ...

لا حول ولا قوة الا بالله