شو فو البنات شو صارو يكتبو عالعبايه

الموضوع شدني لاني بنت ما ارضى باللي يصير
اخليكم مع الموضوع



شوفوا البنـــات شو يكـــتــبن على عبيـــهن ؟

يغمرني الأسى ويحز في نفسي أن أكتب لكم وأصف جريمة تقترفها الفتاة في حق نفسها



الظاهرة التي انتشرت وبشكل فظيع وهي


كتابة عبارات سفيهه ومبتذله على عبايات النساء



منهم من تكتب على العباية




Follow me



أي إلحــــــــــق بي <<<< وكأن الناس مايفهمون باللغة



واللي تكتب إسمــــــــــــها وتزخرفه كانه نك نيم والا بطاقة جامعيه


واللي تخط حرفها بالخط العريض اللامع على ظهرها



واللي من كثر الإعتزاز بقبيلها تكتب


(اسم قبيلتها) وأفتخر



خلاص كل الناس تفتخر باصلها وبقبيلتها بس مالقيتى الا هالطريقة تتفاخرين فيها




والأدهــــــــــــــ ــــــى


والأمر



واللي يصــــــــــــرع




اللي تكتب لك




(( إذا في امك خير إلحقني ))


إما انها تهدد <<<< وكنها تقدر تطق


وأيضاً


البنت اللي كتبت عنها حتى الجرايد الخليجية


واللي كانت كاتبه على عبايتها



(( أتحـــــــــــــــــ ـداك تلمسني ))


عرض صريح



ماناقص الا تكتب عليه




تخفيضـــات 50% على اللي يلمسنى









أعـــــــــــــــزائ ي


القضية هنا ماتمس العادات والتقاليد فقط

تمس الدين أيضاً


الظاهرة هذي نتاج شخصيات متقلقله تافهه غير واعية فاقدة للتمييز
شخصية يطلق عليها مايسمى بالإمعه


فهي بدأت ومن ثم انتشرت


وكيف انتشرت



كل هذا نتيجة لسطحية التفكير وضعف الوازع الديني


وفقدان السيطرة على زمام الأمور وإيجاد حل للمشكلة بعقلانية وتروي وإنضباط


هذي نتيجة ........ ارخاء العصا وعدم مسكها من النص

ماهي الفتاة بدون عفه وحياء وشرف؟؟

وماهو الحجاب إن لم يكن يؤدي الغرض الذي شرع من أجله؟؟.....



السؤال...اين اولياء الامور...


اين الاب؟ ...من اشترى تلك العباءة؟....:sm121:

لاحول ولا قوة الا بالله

الله المستعاااااااااان اللهم اهدنا واياهم

هذا نتاج العولمه والتقليد الاعمى لكن بطريقة عربية نفس جيه يكتبون بالدول الاوروبية بس بعبارات اوصخ شوية ونفس ماقلتي ظعف الوزاع الديني والتسيب وظهور التقاليع الغريبة بين الشباب

تحياتي لج اختي ويزاج الله خير ومشكورة ماقصرتي ودمتي بود وعافية ..

أشكرج يا بنت زايد ع غيرتج ع بنات بلادج..
فالبداية ها فالأول والأخير يرجع للتربية ودور الأهل افها الشي بس الأهل الحين حتى اق ما يقولون للبنات وصار كل شي غير افها الزمن واختفت البنت المحتشمة الرزينة اللي ما ينسمع لها صوت حتى(طبعاً ما أعم) وظهرت فئة من البنات مستقويات عافانا الله وشفت اللبس كيف صاير ها الأيام وسايرن السوق جنهم سايرين عرس وشفنا من العبي الأشكال والألوان واللي ما الها صلة ابمجتمعنا الإماراتي المسلم..
أنا عن نفسي أكره البنت اللي تلبس ها العباة الغريبة وأنظر الها باحتقار وصدق أتظايج منهم:sm86:..
الله يهديهم بس وين الأهل عن ها الشي والشباب ليش ما ينصحون خواتهم>>>>>نسيت حتى في من الأهل يتظايجون لو ولدهم عصب ع اخته:sm145:

والله زمن والله يستر من الياي

تقبلي مروري

لا حول ولا قوه الا بالله

الله يستر من اللي ياي

الحين البنات صارت عندهم موضه شيله الجتف ,, يعني الشيله تنحط عالجتف ما تنلبس عالراس >_<

الله المستعان

والله يهدي اليميع

الوحده تلبس لها عبايه عاديه ابرك لها من هالخربطان

شكرا عالطرح اختي

السلام عليكم ورحمة الله وبركاته


تحية معطرة للجميع وأخص فيها صاحبة الموضوع ،،



واقع أليم ،، وتصرف مضحك في نفس الوقت ،، ولو كانوا يدرون تلك الفئة وهم يمشون بالطريق أمام الجميع أنهنّ أضحوكة و " نكتة " جميلة تسير على ساقين !

ليتها وقفت عند الكتابة باللغة الإنجليزية ( وتلاقيهنّ لا يفقهون كلمة، فقط تقليد أعمى والسلام ) إلا تمادينّ الآن في أمور أخرى كالعباة المخصرة وتلوينها عند الأطراف أو الأكمالم أو عمل تصاميم غريبة ملفتة جداً للناظر،، أنا كوني فتاة أشمئذ منها .. وبعد ذلك ترجع الفتاة تقول فلان عاكسني وعلان ضايقني وهذاك لحق وراي!! وما أدري ليش!!!!!!!!!!!!!!
ليش صحيح؟؟ :sm100: ... مع أنك لابسة لبس محترم ومطابقاً لدينك من عباة مخصرة وعطر فائح ومكياج فادح وشيلة على الأكتاف ( كما قالت الأخت الفاضلة ) والشعر فيه أحلى تسريحة ..!!

الله المستعان على ما يصفون ،

وترى تلك الإبداعات على أصولها .. في الدوام!!

وانقلب الدوام " لبارتي" !! يا حسرتااااااه :sm145:

يقول المبدأ أو العاقل " أجمل شيء فالشي هو البساطة فيه! "

بمعنى ... عندما تكون متواضعاً وبسيطاً وعقلانياً في وضعك للأشياء ستخرج باحلى حلةً عكس الذي يضع لك "بلاوي" ما يعلم بها إلا خالقها بهدف التجميل وتكون الأجمل في العالم بشكل عام ورأس الخيمة بشكل خاص والدوام على وجه الخصوص وهي بالحقيقة كـ " عروسة المولد " القبيحة!



الصحفية

غجر..

كانت البدايه بصوره لاحد الشخصيات وبعدها تطورت حتى وصلت للمرحله هذي ..
وهاي يدخل فيها اكثر من طرف واهم طرف طبعا اولياء الامور ..

الرقابه يجب ايظن ان تكون من جهات تمنع مثل الظواهر المشيئه للجميع ..
لان من يرددي العبايه الجميع يظن انها بنت الامارات وهاي هي الطامه الكبرى ..
ف اذا كان اولياء الامور في سبات ..
ف نبي جهات تتدخل لحل هالظاهره ..

شكرا على الموضوع وعلى حرصج ..
وان شاء الله انها تكون بداية لردع مثل هالتصرفات ..
موضوع جريء ومفيد ..
يعطيج العافيه

الله يهديهم

لاحول ولا قوة الا بالله

وين الاهل عنهمـ؟؟..
منو يشتريها لهم؟؟..

[SIZE="3"]السلام عليكم ورحمة الله وبركاته

اقتباس:

---

المشاركة الأصلية كتبت بواسطة • bent žaүèd •

منهم من تكتب على العباية
Follow me
أي إلحــــــــــق بي <<<< وكأن الناس مايفهمون باللغة
واللي تكتب إسمــــــــــــها وتزخرفه كانه نك نيم والا بطاقة جامعيه

واللي تخط حرفها بالخط العريض اللامع على ظهرها

واللي من كثر الإعتزاز بقبيلها تكتب

(اسم قبيلتها) وأفتخر

(( إذا في امك خير إلحقني ))

إما انها تهدد <<<< وكنها تقدر تطق

وأيضاً

البنت اللي كتبت عنها حتى الجرايد الخليجية

واللي كانت كاتبه على عبايتها

(( أتحـــــــــــــــــ ـداك تلمسني ))

عرض صريح

ماناقص الا تكتب عليه

تخفيضـــات 50% على اللي يلمسنى

....:sm121:

---

ياااا سبحااان الله..!!!
يوم عن يوم نجوف العجــب
لكن ماباليد حيلــه...ثـــــــــــم نسكت
يااامااا نصحنااا
ياااماا قلنااا
يااامااا حاولنا فيهم لــــــــكن يلااا بالستر
يعني يابنت الحلال حطي هالحركات في جلابيتج في قميصج بنطلونج بـــــــــــــين ربعج
اما انج تظهرين فهاللبس وبين الملأ...؟!!!!
لاحول ولا قوة الا بالله
يعني ماشي موووووولية عقل

وع طاري اولياء الامور "يا بنت الامارات" ترى الوالد والوالده مايعرفون هالبت شسوي من ورااه
يعني انتي تقولين ان الوالد هو اللي يروح يفصللهاا
انزين مب كلنااا ابونا يروح يفصلنا
وبعد بقلج ترى في اباء وامهات مايعرفون لاا للقراية ولاا للكتابة فمايعرفون هالبت شكاتبة ..احليلهم
فليش تعقون كل اللوم للاب والام حليلهم؟؟

في عوامل ثانية
يعني ربيعتيه بتقولي يارووح رااك بفصلج عباة ولازم انا وانتي انطقم فيها
بستانس وحالتي لله وعقب انخدع فالعباة ومن ثم تحلف عليي 40 يوم ماتكلمني
فهالحالة لو كنت هبلة وماعندي شخصيه وغبية بمشي وراها وبقولها خلاص بلبس شرات عباتج اللي مكتوب فيهااا والعياذ بالله هالكلمااات"وااع وييع وووع"
ولو كنت العكس بطنشها ومابتقدر اصلن تبتعد عني
وبعد شي عامل من العوامل ومثل ماذكروه الاخوان والاخوات ضعف الايمان
ويمكن تكون هالبت مخبولة وفيها هفات والحمدالله والشكر
ويمكن هالبت ...يااا سبحاان الله!!!!
بس بقلج هالشي مايمنع ان نسوي حركات بسيطة اذا كنا فجامعات او كليات >>وبيني وبينج هالاماكن تحتاج للرزة والكشخه..لووول>>اكيد فاهمه عليي

اقتباس:

---

المشاركة الأصلية كتبت بواسطة الصحفية

[B]

يقول المبدأ أو العاقل " أجمل شيء فالشي هو البساطة فيه! "

بمعنى ... عندما تكون متواضعاً وبسيطاً وعقلانياً في وضعك للأشياء ستخرج باحلى حلةً عكس الذي يضع لك "بلاوي" ما يعلم بها إلا خالقها بهدف التجميل وتكون الأجمل في العالم بشكل عام ورأس الخيمة بشكل خاص والدوام على وجه الخصوص وهي بالحقيقة كـ " عروسة المولد " القبيحة!



الصحفية

---

رد في غـــــــــــــــــــــــــــــاية الرووووعه
عيشوا في البساطة وجووفواا وين بتوصلون





اشكرج يابنت الامارات على الموضوع ولا هانج الرب:sm133:

هذا نتيجة تقليد للغرب

واللي يتبعون الموضه

هم ايش سووا وهني ورااااااااهم

اما شي زين نوووو وااي

ربي يهديهم ان شاء الله

الله يستر على بناتنا وبنات المسلمين .....اشكرك على الموضوع

الله يهديهم ويهدي الجميع ..

اللهم آمين..

على ما اعتقد هذينا ما يخافون ربهم لانه فرصه هذي الحياه تجربه مب اي كلام الجنه تحت اقدام الامهات والله حرام الي يصير يعني الحمدلله وشكر

علامات الساعه ...........................

اكثر اهل النار .......... الله يحفظكم ويحفظنا .......ويهديهم ......

ويييه عافان الله ،،،، شو جيه ،،، شو صار بالدنيا
الحمد لله عباتي سادة ما فيها شي ...
ما أتخيل عمري أكتب اسمي وإلا هاي الأشياء
وين قاعده أنا




والله ياما بنشوف وبنشوف

لا حول ولا قوه الا بالله
الله يستر من اللي ياي بصراحه أنا مالوم البنات مدام أنهن وصلن لهذه المرحله من الطيش لو كل واحد منع أخته وإلازوجة وحتى بنت من لبس العباءة بها التصميم والله جان تابن لازم يعني أشكال ملونه ومخصرة الله المستعان أذكر مره أشتريت عباءة جاهزه أنا بالسنة الاخيرة لي بالكلية والله رحت الصبح الكلية ومن كثر ما كنت متضايقة من هالعباءه ما دخلت محاضراتي ونفصلت من الكلية لان كان آخر إنذار لي من الغيابات لاني كنت دايما ضد هالعباءات ودخلت جامعة خاصة وتخرجت والحين أشتغل والدنيا ماشية الحمدالله

اعوووووووووذ بالله ..

اخر الدنيا ..يا حظه اللي يلقى زوجه صالحه ويا حظها اللي تلاقي زوج صالح...

الله المستعان على الي يصير

السلام علسكم ورحمة الله وبركاته......

ماأقول غير الله يهدي بناتنا ويحفظهن

وين أولياء الامور عنهن؟؟؟؟؟؟

والله هالزمن يخوف والله يعين

( اللهم اهدنا الصراط المستقيم )

اللهم آمين...اللهم آمين

الله يهديهم و يصلحهم....
تسلم على الموضوع...

الله يهديهم

دام للعبي صار شي مصممات وحالهـ وكل يوم اتلاقين لج وحدهـ طالعهـ فالتلفزيون

تعرض تصاميم العبي ( خسي حتى الفستااان ما يسوى شي صوب هالعبي ) طبعا العباه شي ثاني

فستااان من نوع راقي ...!!!

وتبون البنات مايلبسن دام الاعلام يشجع هالمصممات يعرضن

تصاميمهن وطبعا البنات اللي يهديهن شي منهن ترا ناقصات دين وعقل فيعيبهم ويسيرن يفصلن ....

ومرهـ هزبت راعي العبي قلت له هذي عبي الحين ولا فساتين ...!!

رده وبكل بساطهـ ::البنات هن اللي اييبن لي التصاميم وانا اسويها وقعد يرمس بكل فخر عن باكستان

وحريم باكستااان ولبسهمـ ... كأنهـ يقول لي ( شوفي الفرق بينا وبينكمـ) صج شي يبط الجبد

والله حالتهم صعبه هاذولا البنات الله يثبت علينا نعمة الدين والعقل ويهدي نساء المسلمين آآآمين ,,

صح السانج ويزاج الله خير بس انا حبيت اقول للي يسوون هاي الاشياء ويقوون عنها موضه ترى هاي قلة ادب مو موضه والله يعافينا ولا يبلينا بها الخرابيط :sm166: وياريت تكتبون مواضيع عن اللي يحطونه بشعرهم جنه برج ايفن والله لما اجفهم ايلس اظحك :sm84: