صباآآح ومساآآء معطر بأحلى ورد الفل والكادي أختي وحبيبتي:sm288::sm288::sm288:
مساج نور و سرور غناتي
9amt :heart::heart:el8albهي نجمه من نجوم منتدانا الغالي.... وانسانه رائعه.. وذو شخصية جميلة..أحتارت الكلمات فيهاا..وعجزت الكلمات عن وصفهااا...
مشكورة فديتج ما عليج زود ... احرجتيني :sm141:
يااا حيج والله نوررتي الكرسي الغلا يارب تكونين مرتاحه ع الكرسي
تسلمين النور نورج فديتج ،، لا الحمدلله الكرسي مريح يعرفون ينقون :sm136:
فالبدااايه حبيت اهدي لج هالباااقه واقدم لج هالكلماات....:heart::sm141:
صديقتي وحبيبتي صمت القلب ...
احتار قلمي بماذا يوصف
فسئلته ما بك يا قلمي مرتبك وحائر
!قال سيدي واللهاني اعجز عن التعبير
فأخاف ان اقصر في حق صديقتك
فعندما طلبت مني انا اكتب تمنيت ان يكون حبري من ذهب...
لربما اوفي من بعض حقها عليك فحبري رخيص ....وقد علمت ان لها مكان كبير في قلبك
فقلت لقلمي اما علمت بان الصداقه تواضع وقيم ومبادء
عذرا منك يا قلمي نسيت ان اعلمك بانها قمةالاخلاق والتواضع
فأنت تمنيت لو كان حبرك ذهبا فأنا تمنيته لو كان مندمائي
فقال قلمي متأسفا والله قد غلبتني ليتك تعلمني عن هذه الصديقه
فقلت له هي من اعادت لي الامل واضاءت لي دربي
هي من ازرتنيفي احزاني وجعلتني ابتسم
هي من تحملت ثقل همومي واعطتني القوةوالصبر
هي من سمعت لي واعلمتها باسراري
هي من سهرت الليالي تشاركني الامي
وزرعت دربي امل من كل النواحي
فرأيت الحياة من حولي ازهار ورود
ما اروعها من صديقه
عندما تكون معي ينتابني شعور السعاده
بأنهناك من يحس بي ويخاف علي
انسانه تحمل كل صفات الانسانيهالطيبه
تميزت باخلاقها وحنانها وحبها للخير
احبك فالله ادعو لك بصلاتي
بأنيحفظك ويحميك ويجعل كل حياتك فرح وسرور....
حبيبتي والله تسلمين عالباقه و الكلمات الاكثر من رائعه و لج المثل غناتي .. :sm141::sm141:
الحين وقت الضياافه ... اقربي فديتش :sm288:
مشكوره فديتج كفيتي و وفيتي و تسلمين عالضيافه الحلوه .... :sm141:
يلا بسج وايد كليتي خخخخخخخخ بالعافيه فديتش ....
ههههههه هي والله كثرت وايد ، والله انتي اللي حاطه الاكل مستويه عنزه اكل من كل شي ... خخخخخ ؟؟؟
دور الاسئله ...... ياربي نسيتي حاطه في بالي واايد اساااله بس يوم شفتج نسيت كل شي خخخخخ (( شكلي بنحذف ))
هههههههه ..... جان اتذكرتي الاسئله ما عليش ردي و سألي
المهم بسم الله
بسم الله يلا نبدأ ...
- أختي صمووته الغاليه ليش مختااره هالنك نيم ( صمت القلب)؟؟
سبب اختياري لهذا النك ، لان نحن في زمن الواحد لو تكلم و قال الحق قلت مكانته و طاح من عين الناس اللي يحبها حتى لو كان لصالح الاشخاص الغاليه على قلوبنا ، فجاء هذا النك ,,صمت القلب,, لصمت اجتاح قلبي ...
2- شوو أكثر شي يفرح قلبج؟؟
اني اشوف الناس اللي احبها حولي سعيده بحياتها ، و الاحلام اللي اتمناها تتحقق
وشوو اكثر شي يحزن قلبج؟؟
اشيا وايده منها :
حزن و هموم الناس الغاليه علي ، و زعل امي علي ، طموحات و ايام لن تعود ابدا هي اكثر الاشياء اللي تحزن قلب صمت ...
3- شو يعني لج البحــــر؟
كل شي ، صديقي و عشقي و كاتم اسراري كل شي ....
4- حكمتــج فالحيااه؟
كن في الحياة كــ عابر سبيل ،و اترك وراءك كل اثر جميل ...
فما نحن في الدنيا الا ضيوف ، وما على الضيف الا الرحيل ...
5- صح مخلصه دراستج حبيت اعرف شو تخصصج؟؟
و الله للحين ما تخصصت ولكن النيه موجوده في اني اتخصص علم النفس او التربيه الخاصه ( تعليم النطق لذوي الاحتياجات الخاصه ) امنيتي و هدفي و طموحي ....
6- شو يعني لج منتدى الرمس؟
هو المتتدى الوحيد اللي مسجله فيه و ايد مدمنه عليه و لو مو الحيا جان مبركنه 24 على 24 ، و هو المنتدى اللي عرفني على ناس الصراحه شفت فيهم كل الصفات الحلوه و الزينه ، لا خلا و لا عدم ...
7- من الاعضااء الي تقوليهم الله لا يحرمني منكم؟؟
ما احب المجامل و اقولها بكل صراحه خواتي :
نبض انسان ، اختيه صمت المشاعر ، اختيه حرم علي ، نادرة الوجود ، امرأة لا تنسى ، وفوي ، فراشه الرمس ( هذولي بالاخص ) و طبعا خواتي كلهن على عيني وعلى راسي ، و الحمدلله ما شفت العيبه من الخوات اللي ماذكرت اسماءهن و لهن مني كل التقدير و الاحترام....
و اخواني الافاضل القروب المشاكس ....
8- كلمه دووم تكررينهاا؟؟
خير ان شااء الله ، والله ، زين زين .. شي طيب ......
و تحيااااتي ...
9- خبر افرحج واايد
امممم لما عرفت اني حامل ...
وخبر احزنج واايد والله يبعد الحزن عنج وعسى اياامج كلهاا افرااح؟
اكثر خبر احزني و انا يالسه اصلي خبر وفاة فقيد الامه ابوي زايد الله يرحمه برحمته ...
10- نصيحه تقدمينهااا لاختج ( صمت المشاعر)؟؟
انج اتمتين شرا ما عرفانج انسانه تسعد من حولها و ترسم الابتسامه في وجوه و دروب الجميع ، فــ قليل من نرى اناس في مثل طيبة قلبك و نقاءه ، فكوني كما عهدتك ....
والسمووحه فديتش واايد طولت عليج....
لا افااا عليج استانست بتواجدج في المتصفح و اسألتج بالصميم ، ما قصرتي فيني
اتمنى اني توفقج في الرد على اسئلتج ....
تحياتي لج حبيبتي و غناتي صمت المشاعر
