شروط مجلس الصور العامة (أدخل حتى لايحذف موضوعك)

قوانين مجلس الصور العامة

- يمنع وضع صور مخالفة لتقاليد ديننا الإسلامي .
- يجب أن تكون الصور غير مخله بالآداب والذوق العام .
- يمنع وضع أي موضوع يحتوي على مقطع فيديو .
- يمنع طرح موضوع يحتوي على صور لاتعم الفائدة .
- يمنع وضع روابط صور تحتوي على إيميلات أو أرقام أو بنكود أو أي حساب في مواقع اجتماعيه مثل فيس بوك , تويتر وماشابه ذلك .
- يمنع طرح اي موضوع لايحتوي على صور وإلا سيتم نقله إلى القسم المناسب .
- يمنع طرح صور الهدف منه الفضيحة أو التشهير بين الناس .
- في حال وضع صور مرعبة أو تحتوي على مشاهد مؤلمة يجب التنويه في عنوان الموضوع .
- يحق للإدارة حذف/تعديل المواضيع التي تكون مخالفة دون الرجوع إلى كاتب الموضوع .
- لايحق للعضو أن يطرح أكثر من موضوعين في اليوم الواحد وإلا سيتم نقلها إلى قسم المواضيع المحذوفة .
- يجب أن لا يكون الموضوع مكرر .
- يمنع تحويل المواضيع إلى دردشات بين الأعضاء والخروج من محور الموضوع أو الصور وإلا سيتم حذف المشاركات وإنذار الاعضاء المخالفين .

أعزائي الكرام
وضعت هذه القوانين لتنظيم المجلس ويجب التقيد بها
وفي حل مخالفة ذلك سيتم إجراء اللازم .
في حال طرح أي موضوع مخالف يمكنكم الإبلاغ عن ذلك بإرسال رسالة خاصة لأحد المشرفين أو الإداريين لإجراء اللازم .

قايد الغزلان

تسلم قايد الغزلان

نسلم يا أخوي قايد الغزلان<<< أنا أقول مواضيعي تنحذف

شكرا ع التنبية

(( سمعنا وأطعنا غفرانك ربنا وإليك المصير ))

اللــه كريم

تسلم خيوو ع الشروط

وربي يعطيكم الصحه والعافيه

القوانين كلها ممنوع ,,,,لا يجوز ,,,, يجب ,,, لا يحق ,,,

الله يهديكم بس ما في اي تحفيز ولا تشجيع

القوانين عارفينها وماله داعي للتكرار

اهتموا بالتشجيع ,,,,

واتمنى ما تزعلون من كلامي يا خوي

وانا نوهة قبل مده بسبب اللي حصل باسلوب طيب وبعدها نزلت موضوع وانتوا حذفتوه كنت اطلب مهم التخفيف والكل ما يزعل ويخفف على اخوه
كان الموضوع انت ,,,مو انته ,,وانته زعلان

كان بقصد تهدئة النفوس وتتطييب الخاطر


بارك الله فيك

على العمووووم

مشكور
عاشق الطقس

اخوي عاشق الطقس ان كنت عارف القوانين فغيرك لايعرفها
ولوكانت القوانين مكرره فلماذا تطرح مواضيع مخالفه من قبل الاعضاء ويتم حذفها
كثرت في الاونه الاخير بعض المواضيع يتم تحويلها الى سوالف ودردشات وهي مخالفه

لذلك وجب التنويه

شكرا للجميع

قايد الغزلان

الحمدالله ع كل حااااال تسلم
اخوووي قاااايد الغزلان

اقتباس:

---

المشاركة الأصلية كتبت بواسطة قايد الغزلان

اخوي عاشق الطقس ان كنت عارف القوانين فغيرك لايعرفها
ولوكانت القوانين مكرره فلماذا تطرح مواضيع مخالفه من قبل الاعضاء ويتم حذفها

كثرت في الاونه الاخير بعض[align=center] المواضيع يتم تحويلها الى سوالف ودردشات وهي مخالفه[/align][align=center]
لذلك وجب التنويه

شكرا للجميع

قايد الغزلان[/align]

---

وسع صدرك ويانا .....!

انت تتكلم عن القوانين وانت الحين الا بس حاطنها في قسمها صح كيف الواحد بيعرف قوانين هالقسم وهي غير موجوده

اما بالمواضيع المخالفه مثل ما تقول,,, انتو حذفتو عني موضوع واحد مخالف بنظركم ....لكن كم موضوع وضعته ,,او وضعه غيري ,,,وكان مناسب ما تكلموتو عنه..وراح مع ادراج الرياح ..... ليش .....؟

السيات تنلقط بسرعه اما الحسنات تهمل ولا تذكر

هذا اللي انا اتكلم عنه

مستوين مثل المعسكر

الله يهديك بس اخوي

وما اعتقد انه اتحول الى سوالف الجماعه يردون على الموضوع وهذا اللي يحصل

لكنكم مكبرين الموضوع وايد ,,,,واتكرهون الواحد باسلوبكم اللي تشوفونه انتو صحيح

يعني احنا مالنا اي اهميه ولا هتمام

بس سمعو الاوامر ونفذوا من دون اي تعليق احنا لسنا اطفال احنا كبار

الحكمه دوم تسبق الموعضه الحسنه

ثبت قوانينك اولاً وبعدين قول امشوا على النظام والقوانين واللوايح

اخوكم

عاشق

شكرا قايد الغزلان عالتوضيح

اممممم ياسلاام اقول نحن الاعضااء عندنااا اراء بعد يعنيي محد غلط ع الثاني لييش مكبرين السالفه محد يسوولف شوه يعني تبونا ساكتيين الواحد يفرفش شوي شوه ها ؟؟؟ يعني انا اقترح لازم تحطون لنا قسم خااص للاعضاء قسم الونااسه يعني نسولف وجيه صراحه ماشفت منتدى متشدد شرات ها المنتدى مع احترامي يعني رسايل خاصه ممنوع وسوالف ممنوع ممنوع ممنوع ممنوع مب لهدرجه عااد يعني قسم الصور صدق صدق محد غلط ع الثاني فقط سوالف ومنوعات وغرائب يعني منوعات هذا كلامييي هـــع انا احب اقول الصراحه ما احب اجاامل

مساء الخير اخوي عاشق الطقس

كيف تباني اتناقش معك اخوي عاشق وانت اسلوبك بها الطريقه ..

عموما القوانين وضعت وسيتم مخالفه وإجراء اللازم لكل من يتعدى على القوانين

قايد الغزلان

السلام عليك اخوي قايد الغزلان

ما ادري اذا بتتقبل كلامي....بس لازم يكون فيه أخذ وعطا...الصراحه طريقتك ولدت عندنا نوع من القلق من كتابه اي شي....قبل نركض نبا ندش المنتدى حسب نشوف الاخبار وننزل مواضيع وناخذ ونعطي بحريه مع بعض ..وألحين الكل متخوف من انه يكتب او يقول للثاني شي بسبب هالتحذيرااااااااااااات

وين سار صدام؟؟؟؟كان شعله ما شا الله عليه من النشاط....وين سار وبيلحقونه غيره.....

بسألك اللي اشتكوا حق شوه يدشون مواضيع الاعضاء اللي ما تعيبهم...لا يفتحون الصفحات اللي ما يبونها...لا تزعل مني بس تراك سويت توتر للكل....ترى مب من قلت المنتديات...بس حاولو تكسبون الاعضاء المتميزين عندكم....اللي تسوووونه ألحين انك ضايقت الاغلبيه

كنا شله....ونفرفش..واحذف الغلط ولك الحق...بس لا تحذفون كل شي.....انا وايد زعلانه ع صدام فعلا...كان كل صبح ينزل مواضيع حلوه..واذا متغانين عنا خبرونا افضل...لانه الواحد صار مب مرتاح

اقتباس:

---

المشاركة الأصلية كتبت بواسطة قايد الغزلان

مساء الخير اخوي عاشق الطقس

كيف تباني اتناقش معك اخوي عاشق وانت اسلوبك بها الطريقه ..

عموما القوانين وضعت وسيتم مخالفه وإجراء اللازم لكل من يتعدى على القوانين

قايد الغزلان

---

مساء النور

كيف يعني فهمني اي طريقه اخوي بتتفاهم معاي فيها

انت حطيت قوانينك الحين

وانا على ما اعتقد كنت واضح بكلامي وفاهم كلامك ومقصدك
خالفتو قبل وضع القانون وانا قلت لك عن الزعل

وقلت ماكو تشجيع للاخوه والاخوات الاعضاء هذا اللي قلته اظن كلامي ما يباله مفهوميه

واذا تبي تتناقش حياك الله انا مستعد اتناقش معاك انته آمر بشو بتتناقش

يوم ما تبون تفهمون كلامنا قلتو احنا ما فاهمينكم وان اسلوبنا غير

شو بلاه اسلوبي الغالي ما احيدني غلط على احد منكم


انا اللي قلته انتوا سريعين بالمخالفه وبطيئين بالشكر والثناء انا ما اتكلم عن نفسي

القانون قانون وتعوذوا من الشيطان الرجيم وشكرااا قايد الغزلان

اممممم صراحه صرااحه عاشق الطقس يستااهل الاشرااااااااف يعني مواضيعه كلها حلوة واوك وخااصه فقسم الطقس المفروض تعينونه مشرف القسم هناكي يعني ؟؟؟ باختصار لازم تعطون كل عضو ممممم شوه بقول اممممم هااه تذكرت خخخخ لازم ترقون كل عضو اجتهد في هذا المنتدى ع ما اعتقد ؟؟؟ ^^ يعني احس ماشي مشرفيين واايد ؟؟؟ وماشي ترشيحات للاشراف ؟؟؟ شرات باجي المنتديات ؟؟؟ مممممم ها اللي عندي وانت ياقائد الغزلان تسرعت فالحكم شوف اقصد اقري المفرووض اللي اشتكى لقسمناا لازم تعدهم كم عددهم اذا اكثر من وحده اذا اقصد عددهم 50 ذيك الساعه اكتب القوانين وانت بس قريت كلام وحده وماصدقت ع طول حكمت لنا بالشر ونحن ابريااء نحب نسولف وناخذ ونعطي اصلا قسم الصور نااجح والسبب ردودنا وسوالفنا اعتقد محد قال شي غلط واللي مب عايبنه القسم المفروض محد غصب حد يقري سوالفنا يعني المفروض يسيروا قسم ثاني مب رزه فقسمنا يبون يفرقونا وهذا اللي عندي وبث^^ مياااو الا اقول الحقيقه خخخخخ

ولاتنسى يا قايد الغزلان اول ما ندش المنتدى مكتووب بخط كبير[color="red"][font="courier new"] بوجوودكم معناااا صنعنا تميزنا[/font][/color] اقصد نحن فقسم الصور صنعنا تميزنا عن باجي المنتديااات نسولف ونضحك ونعلق شرات الاخوان والاخوات محد غلط ع الثاني وبث

اقتباس:

---

المشاركة الأصلية كتبت بواسطة موسوعة الحب

القانون قانون وتعوذوا من الشيطان الرجيم وشكرااا قايد الغزلان

---

انا اتكلم مع الاخ قايد وعلى ما اعتقد انه قادر ارد عن عمره
والقانون مش منزل من السماء

الله يهديج اختي الاخ قايد رد علي وانا رديت عليه والمفروض انتظر منه الرد

هاي قوانين القسم والكل لازم يمشي عليها

قلنا ضحك وسوالف

بس بعد بحدود

ولا كلامي غلط ؟؟

تسلم ع الشروط