عرض للطباعة
السلام عليكم ورحمة الله وبركاته .
إنظروا يا إخوان إلى الوحشية في التعامل مع الحيوانات في الغرب .
وإلى طريقة ذبح الحيوانات على إختلاف أنواعها .
المقطع المرفق هو نتاج تحقيق سري ممتد لسنوات، ويظهر فيه تعذيب الحيوانات من قبل مزارع تربية الحيوانات .
التي بدورها تورد هذه الحيوانات إلى الأسواق وإلى مطاعم الوجبات السريعة كـ ماكدونالدز وكنتاكي .
تحذير : يوجد في الفيديو لقطات عنيفة جدا في التعذيب ومقرفه جداااااا اجزم انكم عقب هالفيديو بتصيروا نباتيين:rolleyes: .
__________________
تسلمين اختى الكتومه انا ماشفت الفيديو ادرى انهم مايعاملونهم زين ويضربونهم ويرفسونهم بعد
مشكوره يالكاتمه على الموضوع المشهور المعروف مراراً وتكراراً .. لكن للأسف الشديد .. تأثيره يسقط بالتقادم .. أول أيام ( أخيج .. شو ها لوعة جبد ) .. عقب شهر .. طااااابور جدام ماكندولز .. دبل ماك شيكن بليز .. دبل ها .. مب سادنه سنقل .. لذلك .. وقفه حلوه من بلديات الدوله + وزارة الصحه ضد وكيل هالمطاعم السريعة الوفاه ويفهمونه أنه خوك مطعمك تمام التمام بس توقف استيراد اللحوم والدجاج من الخارج وترتب أمورك بدجاج محلي نظيف مختوم مرتاحتله النفس .. وتكد على كيفك .. بس للتشاؤم فقط .. راح يرفض والسبب معروف .. ( هذا سلاح الغرب لنشر الأمراض عدنا ) .. والوعد جدام
اصلا انا ما أكل اللحم خير شر , ولا يدخل بيتي
فعلاً أنتشرت أمراض كثيرة مثل مرض السرطان عند الكبار والأعاقة الذهنية لدى الرضع..
بسبب هالهرمونات إللي في الدجاج واللحم..
وبعض الشباب مايكفيهم هرمونات الدجاج..بل يشتركون في صالة الحديد أي كمال الأجسام..والمدرب يكون سوري وطبعاً لاذمة ولاضمير ويضرب هالشباب الصغار بالإبر
ويكون نهايته فشل كلوي والعقم والسرطان..
ونحن شو يخصنا في بيتكم :aa_Doh:اقتباس:
المشاركة الأصلية كتبت بواسطة حرم علي
هههههههههههههاقتباس:
المشاركة الأصلية كتبت بواسطة TOY STORY
انزين هى ماقالت شي
اسميك انته ادور اعلــــــوم..:sm115:
اقتباس:
المشاركة الأصلية كتبت بواسطة TOY STORY
اويييه
دبّور وزن على خراب بيته :sm158:
عموماً....هذه النوعية من المقالات والتقرير المصور تعتمد على عواطف الناس وردات فعلهم ...عشان يتفاعلوا مع كاتب المقاله ويكرهوا شي اسمه لحوم...والواقع يقول عكس ذلك
نظم الرقابة الغذائية عندنا بالامارات تعتمد على ارقى المعايير الدولية وتتابع المسالخ في الدول المصدرة للحوم بشكل متواصل..ومن النادر وصول لحوم غير مذبوحة بالطريقة الشرعية ومفحوصة بيطيريا ..وهذا الكلام من مصدر موثوق...
انا ما اعرف عن الدول الثانية اذا عندها نفس النظام ولا لا!!!
ماعليك كبتنا .. محد يناطح في الهوى باشا ...
هالمقاطع مصوره بدول أجنبيه
والي نحن نستورد منها كميات مب بسيطه وأكيد بييك اللحم المفروم والكباب والهمبرقر بقراطيسه وطريقه الذبح الله العالم كيف كانت!!وان فحصت بيطريا
وأكيد شركات ضخمه مثل هاي وملزومه بذبح كميات مهوله لبيعها محليا بالإضافه لتصدير كميات كثيره يعني ما عندهم وقت يمسكون وحده وحدة وينحرونها بالسكين
وهي إلي تعتمد عليها مطاعم مثل ماكدونلز وكنتاكي
يعني ما يشترون بالي مذبوح محليا ما أييب رإسهم المحلي أو الشركه ملزمتهم بالشئء هذا
عن نفسي الحمد لله اللحم عندنا اكتفاء ذاتي بس مشكله الدياي
هههههه , يعني انت الحين ما حصلت اتعلق الا على بيتي !!اقتباس:
المشاركة الأصلية كتبت بواسطة TOY STORY
يعني بما معناه , دام ان اللحم ما يدخل بيتي
يعني أنا مطمنه وما احاتي شي
فهمت يا فيلسوف زمانك , والا اعيد ؟؟؟؟ :aa_mo6reqa:
معلش يا "قصة لعبة"...بس احياناً الاخبار اللي توصلنا ما تكون لنا علاقة بها لا من قريب ولا من بعيد...لأن الجهات الرقابية عندنا من تكتشف اسلوب خاطئ في مقصب كالتي بالتقرير..على طول يسوون لها باند ويمنعون الموردين من التعامل معاهم...اقتباس:
المشاركة الأصلية كتبت بواسطة toy story
احنا مب دولة فوضى و تخبط ...والموظفين في الجهات الرقابية أصحاب ضمير..لانهم في النهاية هم الضحايا قبل ما يكون المستهلك العادي هو الضحية
شوية منطق يا جماعة...ما خرّب علينا الا العواطف وتغليب القلب على العقل
شو هالقسوة والله انه الرحمة منزوعة من قلوبهم .