شو الفرق بين اليوله والمعلايه؟؟

اليوم يايبه لكم موضوع .. ابي اعرف رايكم فيه؟؟

معلايه + اليوله=1

كلاهما يحتوي على الرقص، طبل وموسيقى ،اغاني شعبية.وفي النهاية يحاربون المعلاية لظهور معلايه من نوع اخر وهو( اليوله)ومااستغرب السنه اليايةان يكون هناك يوله للبنات في البداية سيكون هنااعتراض ولكن مثل ما تعودنا راح تمشي الامور.:sm11:

قهر بصراحه و يقولون ان اليوله من التراث، اليوله من التراث صح بس ها اليوله اللي ف التلفزيون مب من التراث، اول شي ف اليوله قبل ما يشغلون اغنيه و يرقصون عليها الناس، اللي ماسكين الخيزران ورا هم اللي يغنون. و اشياء وايد فرق بعد يكفي ان اقول اليوله معلايه لاكن مقنعه.:sm166:


البنات موجودات بس اونهم محتشمات و نصهم قوم بو فون و فيس بوك و هاي فايف >.< و الاولاد حدث ولا حرج(يقولون الحريم ناقصات عقل بس الي اشوفه غير:sm107:)،و اللجنه يايبين الخوار ها احيده شاعر يكتب للاغاني و ملحن بعد على ما اظن شو يخصه ف اليوله؟:sm84: حتى تراثنا دمروه. ايمكن ان نعتبرها الرقصه الدخيله على مجتمعنا؟؟!! لا وبعاد مسوين مكان خاص للfemale :sm103:


ما في وجه مقارنة باليولة الحقيقية اللي كانت في الماضي باليولة الحين:
- الحين يولة البلاستيك اما قبل كانت تؤدى هذه الفنون الحربية بأسلحه حقيقة..فرق السما عن الارض
- فالماضي كانوا الرجال يؤدون اليوله اما الان انصاف الرجال هم الي يؤدون اليوله(الي نشوفه كندوره مخصره+جحال+شعر لين الجتف:sm121:)يعني شو بيظهر .....

الصراحه شتان بين اليوله وبين المعلايه اولاً انا لست مع اليوله ولكن خلونا نكون واقعيين المعلايه شي هابط لابعد الحدود لدرجة انك تحتقر كل من يشاهده من رقص واغراء وهي بعيده كل البعد عن عادتنا وتقاليدنا الاسلاميه، ومن جهه اخرى ارى ان اليوله اعطوهاا اكثر من حقها هي بالسابق للاطفال للهو لا اكثر:D اما اننا نجعل اليوله موضه و صرنا نشوف الشاب همه انه يطول شعره وييول فقط:cool: والجدير بالذكر والاهم ان كل شي يلهي عن ذكر الله حرام والموسيقى محرمه واظن مافي داعي لكلمة تراث اظن كل شي حرام حرام والتراث ليس اهم من معصية الرب.(اعرف الحق تعرف اهله لا يعرف الحق بالرجال).
الصوت الواحد بخمس ولا عشرة الاسبوع حصلوا ع 122000 صوت احسبوها شوفوا كم بيطلع،عشان جي نشوف كل الجهات يشجعون اليولة الصحف الرسمية الجرايد القنوات الفضائية اعلانات وما عرف شو مسوين حملةة دعاية غريبة حق اليولة لان السالفة فيها بيزات…

ما عرف شو نوعيه هالجييل إلي ظهر لنآ ولله ما اعرف كيف اوصفهم..:(

ابي اسمع اراءكم ^^

السلام عليكم ورحمة الله وبركاته



انا معك اختي الكريمة بكل كلمة ذكرتيها ..


واليوله كما ذكرتي اختلفت عما كانت في الماضي..


وهذه هي حال الدنيا .. كلما قربت الساعة .. تظهر الفواحش اكثر واكثر ..


(وَلاَ تَقْرَبُواْ الْفَوَاحِشَ مَا ظَهَرَ مِنْهَا وَمَا بَطَنَ).


واليولة بهذا الشكل.. تعتبر نوع ساحب للفواحش المبطنه التي تحرك القلوب الى فعل المحرمات


والجرأة .. وفقد الحياء..


.. لانه فيها ترتكب الحرمات من حركات تثير الغرائز احيانا ...


مثلها مثل الفرق الغنائية الاخرى .. ..


وانا لا اعمم على جيمع فرق اليولا.. انما بعضها ..




حفظك الرحمن

وجهة نظري للموضوع غير ,,

اول شي ماحبيت المقارنه بين يوله والمعلايه ..
ليش ماقرنتي مثلا يوله وليواا كلهم تراث اماراتي اصيل .. !!

بالاول اليوله فيهااا نعاشات ,,
والحين بس الرزيفه يعني ماشي حريم ..
ما ادري ليش ماخذين هذا الجانب السئ من الموضوع .. قبل فتره محد يعرف او يهتم لليوله بس بعد الميدان الشباب قامو يهتمون ع الاقل لقو شي يلتهون فيه بدل الهياته .. واذا عن شعور طويله طبيعي البدو من اول يطولون شعورهم .. بس الحين القصات وحركات الشعر .. اذا الريال رتب عمره مافيها شي بس بحدود ..

واذا عن البنات اللي يحضرون الميدان في القريه انا جفت بنات حدث ولا حرج بس مب في الميدان .. يعني سيري دبي القريه ع الساعه 11 وجوفي البنات كيف ..اظن في ميدان 1 كانو يظهرون الحريم ع التلفزيون وبعدين حظرو هذا الشي .. يعني حتى يهتمون لهذا الموضوع ..


"امره لاتنسى : لانه فيها ترتكب الحرمات من حركات تثير الغرائز احيانا"
اي غرائز اللي تثيرها اليوله .. ماسك سلاح وايول فيه !!!!!


اليوله مافيها شي بس الشي الوحيد " الاغاني "
اليوله الحين مطوره .. وفي هذا تجوفون الاختلاف .. طوروها عشان يحبونها الناس اكثر ..

الله يعطيج العافيه بروووكه ، بصراحه احي فيج غيرتج على ابناء البلد وتراث هذا البلد العزيز

ولا اريد ان ادخل في نقاش بهذا الموضوع لأني بصراحه غير متابع لوضع اليوله الحالي ..

"امره لاتنسى : لانه فيها ترتكب الحرمات من حركات تثير الغرائز احيانا"
اي غرائز اللي تثيرها اليوله .. ماسك سلاح وايول فيه !!!!!


لم اقصد هنا اليولة عزيزتي انما ما يسمى بال/ الم ع ل ا ي ة

او الفرق الغنائية التي تدخل فيه فرق الرقص النسائي وغيره

يعطيج العافية اختي بروووكه على هالكلام الصريح من ناحيتي انا ما اشجع هالبرنامج..!!!

انتي ضد برنامج الميدان
ولا
الفرق الحربيه
ولا
اليوله بشكل عام ؟؟

مشكوره يالغاليه ع الطرح

طرح جميل وجريء ..

أنا معاج في اللي ذكرتيه ..

والحركات الي قامو يسوونها الحين في البرنامج دخيله على مجتمعنا وعاداتنا وتقاليدنا ما تسمح بهالشيء ...

بصراحه الكل قام يطول شعره ويناقز قدام البنات ..

الله يهديهم ... تحياتي لج اختي

بصرااحه انا مب معكم في هالكلام
بالعكس وربيه يولتكم واييييييييييييييد حلوووووووووه نحن بالسعوديه
شبابنا قاموا يقلدوون شباب الامارات
وربيه اخويه يويييل
بالعكس احس انه ترااااث جميل وكل الناس عدنا تحرص انها اتابع
برنامج الميدان للكبار ولصغاريه
وفي واحد اسمه ((((عبدالله ))) اشترك بالميدان للكبار 3 من الجماعه
وهو من لكويت
نحبكم موووووووووووت ياهل للامارات ونحب تراثكم الغاوي شراتكم
--------------------------------------
اختكم <<<<<<<<خليجيه وكلي فخر :sm288:

أختي خليجيه وكلي فخر ا لج مني أجمل تحيه

وطبعا بالنسبه للموضوع فأنا أؤيد اليوله لأنها فن قديم مهما صار اما المعلاية .... حذث ولا حرج عاد

كلا شي تغير ف الزمن

بس صدق حرام يقهروون


يسلمو ع الموضوع الغاوي

بصراحة في فرق كبير؟؟؟؟؟؟؟ أسئلي الشحوح





شكرا ع الموضوووووووووووووع

هــه يسلمــو اختــي عالموضوووع مع ان التشبــيه ما عيبنــي ^^

بس كلامج صــح والله بنت اختي عمرهاا 12 سنه تقووول لوو يشغلوو للــي يوولوون هندي عادي بيــولووون الامووور طيبـــه ..>>>>>>>>>>(( [hide]null[/hide] .....