ماليـ غنى عن بحر الرمسـ ^^
سلام الله عليكم ورحمته وبركاته
شحالكم عرب راس الخيمه؟
عساكم بخير وسهاله؟
طال عمركم الله سبحانه وتعالى من علينا بطلعه فنانه لبحر الرمس لي مالي غنى عنه بالمره ولو أني هب من أهل الرمس ^^ ولكن سبحانه عز وجل أمحبب هالبحر بالذات لنفسي ومطمئن لروحي
وللأسف ما صورت ذيج الصور الغاويه ولكن الحمدلله على كل حال
بس صورتلكم شي فنان وايد كلنا تعاونا عليه من كبيرنا لصغيرنا ^^ وفعلا الكل استانس وارتاح ذاك اليوم ولنا نيه انرد قريب وهاي بعض الصور والسموحه ^^
هني الله ايسلمكم ع طول ماصدقوا وصلنا بعده الوالد طول الله بعمره مابند الموتر الا كلهم تعافدوا ع بعض فـ الموتر واحدروا يترابعون للبحر ^^
وهذي صوره ثانيه والسموحه ع التصوير لأنه من فونيـ ^^ وع السريع
تموا لين المغرب فالبحر يسبحون ويلعبون ومايظهرون الا لي بغوا ماي أو عصاير وما أيوزلهم شرب الماي أو العصير الا فالبحر ^^ ههههههه
(وبصراحه في شغله وايد عيبتني فالصغاريه لي خلصوا من الماي ولا العصير شلوا الغرش الفاضيه وفروهن فالسله لي كنت يايبتنها ويايه صدق استانست منهم لأنهم حافظوا
على نظافة المكان وان حد منهم فر وصخ انفتوا عليه عسب ايشله ^^ فديتهم)
هني طال عمركم أذن المغرب تيمعوا الكبار وصلوا بس ولد اختيه أتأخر شويه عنهم وصلى بروحه ^^ فديته الله يهديه ويصلح باله وايثبت قلبه على الدين والطاعه والعباده
وبعد ماخلص صلاه ربع صوبي وقال لي يلا الحين صوريني ويـــــاااا ^^
عرفتوا شو هو صح ^^ ؟؟؟
الحمدلله سبحانه الله أكرمنا وحصلنا كميه كبيره من ((الدوج)) عيال نواخذه فـ هالشي كان اختصاصنا ونسابق لي ايحصل اكبر كميه ^^ واختيه اتحدد عدد معين ولي ايحصل هالعدد له جايزه بمبلغ مالي بسيط ^^ واستانسوا اليهال وكل واحد ايسابق الثاني عسب ايحصل قبله
وهاي صوره ثانيه ^^
وهني الوالده الله يعطيها الصحه والعافيه وايحفظها لي وايحفظلكم امهاتكم وايطول بعمارهم (قولوا آمين)
ماقصرت نظفت الدوج وودنته فالماي وخلته لليوم الثاني عسب الغدا وللأسف ماصورت سار عن بالي عسب الكل تيمع فبيتنا خواني وخواتي كلهم عسب الدوج وكانت أحلى عزيمه والوالد ذبح من المزرعه ماقصر
هني بعد مانظفوه ^^
والسموحه منكم ان طولت عليكم ^^
والله يجعل أيامنا وأيامكم كلها سعاده وهنا وراحه بذكره وطاعته
اللهم آمين
رد: ماليـ غنى عن بحر الرمسـ ^^
ما شااء اللـه رووعه البحر ؤقت الغروب
ماشاء اللـه ما شاء اللـه خاطير اي صوبكم ^^
تسلمين اختي الخيماويه ما شاء اللـه عليج •• ۆعلـْيكــم بالعافيه
تسلمين غناتي ع الدعاء الطيب ولج المثل
يعطيج الـعافيه خيتوو
رد: ماليـ غنى عن بحر الرمسـ ^^
ماشاءالله تسلمييييييييييييييييييييين ع التصوير المميز
دمتي في حفظ الرحماااااااااااااان
رد: ماليـ غنى عن بحر الرمسـ ^^
[align=center]
مرحبابج ختيه صمت المشاعر ^^
أكرمتيني بمرورج وبردج الغاوي والله ايعافيج ويحميج من كل شر
جزاج الله خير
[/align]
رد: ماليـ غنى عن بحر الرمسـ ^^
[align=center]
أم عبادي ^^ الله يحفظلج عبادي وايبشرج فيه كل خير وكل ماترضينه وترجينه فيه ومنه
وسلمج الرحمن من الشر وحفظج لكل مايحب ويرضاه
جزاج الله خير ع ردج ومرورج الغاوي ^^
[/align]
رد: ماليـ غنى عن بحر الرمسـ ^^
طلعه حلوه والاهم انكم استانستو فيها ولازم تعيدونها....
رد: ماليـ غنى عن بحر الرمسـ ^^
[align=center]
يزاك الله خير ع الرد أخويه الشاعر لاهنت ^^
ولنا نيه انرد لبحر الرمس مره ثانيه بأذن الله الواحد
[/align]
رد: ماليـ غنى عن بحر الرمسـ ^^
ما شاء الله اكيد سويتوه برياني بالعافيه عليكم...thanks
رد: ماليـ غنى عن بحر الرمسـ ^^
عليكم السلام ورحمة الله وبركاته
حلوووة الصور
تسلمين .... والله يعطيج العافية
رد: ماليـ غنى عن بحر الرمسـ ^^
رد: ماليـ غنى عن بحر الرمسـ ^^
اقتباس:
المشاركة الأصلية كتبت بواسطة عبر سبيل
ما شاء الله اكيد سويتوه برياني بالعافيه عليكم...thanks
الله أيعافيك ويبجيك ماقصرت ع الرد الغاوي
طال عمرك سويناه (فـ قاعه) ^^ يعني عيش ابيض وتحته حمسة الدوج تسلم ايد الوالده الكل تخبل عليه
رد: ماليـ غنى عن بحر الرمسـ ^^
[align=center]
المها
أذاقج الله من حلاوة الإيمان ^^ وسلمج الرحمن من كل شر غناتي
ولد المطر
والنعم بعايلة المطر ^^ والله ايسلمك ويبجيك لعين ترجيك
جزاكم الله خير على ردودكم ^^
[/align]
رد: ماليـ غنى عن بحر الرمسـ ^^
روووووووووعه يا خيماويه
ياحيكم سرتوا البحر
هع هع عااااد العين مافيها البحر ولا شياته
رحلتكم كانت حلووه
ربي يحفظكم
رد: ماليـ غنى عن بحر الرمسـ ^^
[align=center]
ماشاء الله يا مسكينه من العين أنتي ^^
هي والله حلوه طلعة البحر ولو انه بعيد شوي عنا بس يستاهل السيره هههههه ^^
[/align]
رد: ماليـ غنى عن بحر الرمسـ ^^
مااا شاااء الله ....
يمعة حلوة و طلعه احلى .....
ربي يسعدكم دايم الدوووم ....
و تسلمين لمشاركتج لنا طلعتكم ....
و ان شااء الله دام النية موجوده بزيارة ثانية للبحر ,... لا تنسينااا من الصور ....
تسلم اناملج ... وربي يحفظ غواليج ....و يحفظ الوالده ....
تحياتي لج عزيزتي ....
رد: ماليـ غنى عن بحر الرمسـ ^^
وَ عليكُم السلام و الرحمَه . .
صبحجْ الله بالنورْ وَ الســرُور . .
73...77af23a246.gif
مـا شــاءْ الله مُشاركَه حلوه لـِـ : صُور بحر الرمس . .
الله يحفظكُم جميع و يديم لكُم ها اللّمــَــه الحلوه . .
بخصوص [ الدوج ] . . مول ما أحبّه :p
هني و عافيـَـه عليكُم . .
سلمتي عَ مُشاركتنا الصــور . .
رَبي يحفظـج . .
:)
رد: ماليـ غنى عن بحر الرمسـ ^^
ما شاء الله حلوة الطلعة ^^
رد: ماليـ غنى عن بحر الرمسـ ^^
رد: ماليـ غنى عن بحر الرمسـ ^^
*_^حلوة الصور يسلمو على الطرح
رد: ماليـ غنى عن بحر الرمسـ ^^
يعطيج ـآلعآفيه عـآلصور الحلوة
وأرتقب اليديد من صوبج
تقبلي مروري
رد: ماليـ غنى عن بحر الرمسـ ^^
