بريانى ام محمد ..

السلام عليكم ورحمه الله وبركاته ..

بريانى من ايدى جربوه وان شاء الله تستانسون عليه وهو احلا من القيصر ^^

138...8%AD%D9%85.jpg

ها الصوره منقوله
المقادير ..
2 كوب ونص عيش او ارز
2 بصل مقطع حلقات ومقلى
ملعقه ثوم وزنجبيل مفرومين مع بعض
2 طماط مفروم
1 بطاط مقطع ومقلى
1 جزر مقطع ومقلى
6 فلفل حار مقطع
5 ورق كارى
شبت وكزبره وبقدونس
البهارات جرام مسالا الحار ملعقه ونصف
وبهارات البريانى ملعقه ونصف
ملح حسب الحاجه
ملون الطعام
سمن وزيت
معجون طماط واحد
روب ايرانى
دجاج مقطع ومفور بالبهارات الصحيحه مثل 1 عود قرفه و5 حبات هيل وسنوت ووورق غار ..

الطريقه ..

نسلق العيش او الارز بالطريقه العاديه بس مب مره نصف استواء يعنى , بعدين نشخله ونيب ربع فنجال ماى ورد ومحطوط فيه ملعقه من ملون الطعام ونصبه على العيش ونحركه عشان يعطيه لون ونخليه على جنب..

انيب تاوه تيفال او اى تاوه ثانيه بس اتكون كبيره اشوى ونحط سمن ونحمس اول شي الثوم و الزنجبيل المطحونين مع ورق الكارى , بعدين انظيف الطماط ونحركه لين يذبل ونحط البطاط المقلى والجزر المقلى ونحركهم مع بعض وبعدين انحط الروب وصلصه الطماط ونحركهم عدل وبعدين انحط الكزبره والشبت والبقدونس ونخليه اشوى على النار وبعدين نبدأ نضيف الدجاج المسلوق ونحركهم مع بعض واخر شي انحط الملح والبهارات المذكوره فوق من جرام مسالا وبهارات البريانى وحتى لو بغيتو اتحطون اى بهارات ثانيه ها الشي راجع لكم والنكه الى تبونها ..

وبعدين انيب جدر كبير ونحط اشويه سمن بعدين نبدأ نحط اشوى من العيش او طبقه من العيش بعدين انحط الخلطه مالت الدجاج ونسويها عدل وبعدين انحط باقى العيش واخر شي انحط البصل المقلى فوق على ويه العيش ونسكره عدل بالقصدير وبالفرن على حراره خفيفه ..
وتقدرون اتسون صلصه الروب مع الخيار وتاكلونها مع البريانى ..

جربوها وخبرونى

تسلم يدج نبض انسان باجر ان شاء الله بسوي البرياني

تسلم يدج نبض انسان

تسلم ايدج ان شاء الله بجربها

تسلمون خوانى وخواتى الى مرو

تسلم ايدج نبض انسان

برياني في منتهى الذوق بس عندي ملاحظ انا لمن اسوي البر ياني الدياي احمر الدياي ما افوره يعطي نكه احلى واعط فوقه البطاط والخلطه مالته من بصل وبهرات
البرياني له عدة طرقه بالزعفرانه والحشوه يطلع طيب وايد ,,

تسلم ايدج اختيه ,,,

هلا هلا..شو هالبرياني الغاوي

تسلم ايدج يا نبوضتنا

تسلمون على المرور الغاوى بارك الله فيكم

شباب اليوم شكلها نبض انسان عازمتنا على الفطور يمدحونه البرياني مالها والدعوه عامة,,هههه مشكوره اختي نبض :sm88:

ماااااااااااا شاااااء الله عليج نبض طلعتي
شيفه

الحمد لله انا كنت من زمان مستصعبتنه بس من اول مره سويته الحمد لله طلع لذيذ

ها فى حد سوا البريانى ولا بعد

ولا يهمج يالغلآ ،، آنآ بآآجر بسويه و بحطلج الصور ^^
تسلم إيدج يالغاليه ع هذا البرياني الغاوي

تسسلمييين يا ام محمد على هالبرياني
دخييلج اذا اتعرفين المجبوس عطيني الطريقة ,, دووم يعتصد العيش عندي

حطيت لج طريقتى

تسلمين نبض انسان ع الطريقة

تسلمين ماروكو على المرور

تسلمين على الاكل يالغاليه

الله يسلمج عنونى

تسلم الايادي
شكله شهي واكيد الطعم رائع
الف عافية عليكم

الله يعافيج

ما شــاء اللــه عليج يالغلا...
تسلم اناملج الذهبيه غناتي ...
يعطيج ربـي الصحه والعآفيه ...

العفو غناتى

لرفع لعيونكم