ابغي اتزوج من خارج الامارات

السلام عليكم

انا ماعرفت وين انزل موضوعي بس حبيت استفسر جاد حد يهرف عن الطريقة ابغياتزوج من خارج الدولة

انا ريال عمري 40 سنة منفصل مع زوجتي لظروف خاصة اداوم في العسكرية
قالوا لي امس انه ممكن الواحد يعرس من برع بموافقة امنيه
لظروف خاص انا ما اقدر اتزوج مواطنة عشان جية بتزوج من السعودية
شبابحد منكم عنده خبره في الطريقة
وين املج عليها وكيف اوثق الزواج والاجراءات الثانية
انا مضطر لازم اعرس زوجتي مب عايشة ويايه
ما اقدر اتزوج من الامارات تعرفون شروط المهر والزهاب والعرس
وما ابغي اتدين والربا حرام والمرابي عليه لعنه واشياء وايد في الدين
اللي يعرف طريقة الزولاج يكلمني الله لاهانكم ياشباب
واعتذر من بنات بلادي لاني ما اقدر اتزوج منهم لظروف غلاء المهور
لاحد يقولي شي بنات انا خطبت اكثر من مرة مايبون شي بس 200 الف عرس وذهب وزهبه و و و توصل 200

انا الحين ناوي اخذ سعودية واللي يعرف شباب يعلمني الطريقة



اشكركم

الله يهديك

الله يوفقك للخير

ماعندى خلفيه
بس الله يوفقك يارب وانا ما الومك بارك الله فيك

الله يوفقك

الله ييسر امورك .. توكل على الله , وربي يسهلها عليك
بنات الامارات خكاكات وبطرانات
لكن كيف تخطب من برع ما عندي خلفيه عن هالموضوع

الله يوفقك ........... بس البنات ماكلهم نفس الشيء ........... اقلهن مهرا اكثرهم بركه ..............

عسى ربى يوفقكـ و يسعدكـ إن شآء الله

حرم علي الله يسامحج مش كل البنات باجر بيونج ينات اوعندج بنات لاتقولين جدي الله يهديج تراج انتي منهم ووالله يهدي بناتنا جميعا يارب

عندي حل .... إنتحر <<<<ترا أتغشمر لا تخذوها جد ......ههههههه

الله يوفقكـ ياخوي ــ

بس انت تقول انك عسكري و صح موافقه آمنيه لكن مب آي حد

و انت فكر لعقب يعني تبا تزوج من السعوديه بعدك رايح راد السعوديه

انا اقول اصبر و استخير و بنت البلاد مافي منها دامك ولد البلاد

و مب الكل مهره 200 انت اسأل بالاول عنهم و شوف كيف مهورهم قبل لا ادق الباب


بكل الحلال بتصرف ــ



الله يوفقك و اتمنى لك التوفيج ــ

صح مو كل بنات مهورهم 200 الف ........
بعضهم يراعون في المهر ......... الله يوفقك

حركات والله الحين وين إللي مهرهن 200 ألف ؟ من يوم ما حددوا المهر ب 20 ألف والأغلب ماشي
على هالدرب غير انه صندوق الزواج موجود ويساعد الشباب لكن الرياييل هم البطرانيين مب الحريم
يوم يبغي ينوع قال المهر غالي يا حبكم يا الشباب تلقطون من هني وهناك ومخلين بنت البلاد تخيس في
بيت ابوها أونه المهر 200 ألف حشى هاذي مب حرمة سيارة
خل عنك هالكلام ودور ستين وحده بتلاقيها مهرها ما يزيد عن 20 ألف بس انت متعايز وتبغي تاخذ
من برع

[align=center]
الله يوفقك
[/align]

والله حركات.... اقولك اذا انته عسكري انسى لان هذي سياسه ما اعرف ليش بس انصحك حلات اتكون ام اعيالك منك وفيك واذا ما حصلت ما انصحك من الزواج .والله يكتبلك الي فيه الخير.

اقتباس:

---

المشاركة الأصلية كتبت بواسطة *مسك الإمارات*

حرم علي الله يسامحج مش كل البنات باجر بيونج ينات اوعندج بنات لاتقولين جدي الله يهديج تراج انتي منهم ووالله يهدي بناتنا جميعا يارب

---

عجبا لهم !!


يرفضون تزويج ابنتهم من الفقير الصالح ,, مبررين كثرة فقرة !
ويزوجونها من الغني الفاسق ,, مبررين بأن الله سوف يهديه !
أليس الهادي هو أيضا الرزاق ؟؟؟


وانا صادقة عند ربي . ما قلت شي فديتج
هالواقع اللي مب راضين تعترفون فيه
والا شو خلا الريال يفكر ياخذ من برع البلاد ؟؟؟؟
لكن بنات هالزمن اعوذ بالله منهن , 200 الف مهر ما تكفيهن
خليني ساكته احسن . مابا العلع وايد في هالموضوع , ضغطي يرتفع

أولا: الله أيوفقك والخير في ما أختاره الله لك

ثانيا: اسمحلي عذر اقبح من ذنب

ثالثا: لاتعمم على جميع البنات لانه سالفة المهر أستوت نكته قديمه للحين يتداولها معشر الرجال
(( أنا ما أنكر أنه للحين في فئه بطرانه وجايفه عمرها من البنات لكن قلوا بشكل كبيير
جدا))

عموما لاتسأل أهل النت عن هالأمور تراك مابترسي ع بر

[align=center]والسموحه بس شغله ثانيه

مافي بنت فالدنيا مستعده تاخذ واحد فقير ومنتف وحالته لله

وحق لي بيعفدون بويهي وبيظهرولي ستين علثه ردي كالآتي:

(( [color="rgb(46, 139, 87)"]اذا هو ع قولته ماعنده وع قد حالته ويالله ايعيش عمره دام جي حاله كيف بيعيش بنت الناس؟؟؟ كم بتتحمل الفقر؟؟؟ خلكم من بنت الناس خل اتولي ان شاء الله ماعاشت ... هو كيف بيتحمل هالمصاريف؟؟؟ باجر لي يوه يهال كيف بيصرف عليهم؟؟؟ خاصه عاد مجتمعنا الحلو الحرمه عندهم قطوه لازم نص درزن فما فوق والله مكثرهم لي جي حفاي منتفين يالله يالله يصرفون على عمارهم ويتشرط ون ع حريمهم والله نبا يهال !!!! ... انزين من وين بتصرف عليهم؟؟ بتسرق ولا بتدين ولا بتبيع كل يوم شي من اغراضك ولا اغراض البيت؟؟؟[/color])))[/align]

حتى انا ابي اتزوج واحد من خارج الامارات

سعودية >> ترها مسلمة بعد !!! شو المشكلة ؟!!!!
بعدين ليش معصبين عليه هوه بيعرس ولا انتو !!!!!!!!!!!!

ربي يوفقك .. ويوفق الجميع

حد جذه وحد جذه

اللي عنده بيعطي واللي ما عنده المستورات واااااايد

مب كل البنات بو 200 الف

الله يكتب لك ما فيه صلاح امرك...بس حلاه الثوب رقعته منه وفيه.....

الريال يقول تكاليفة العرس مع المهر 200 الف مب المهر بس يعني مايبغي عزايم ولا خرابيط وخساير.

آلحيين هذا موضوع تتناقشون فيه ومثل ما قالو هو بيعرس ممو آنتو
آخووي اولا استخير الاستخارة قبل كل شي تيسسير وثانيا انت مجرب تجربة الزواج يعني عارف ان لكل شي مصروفه الخاص و إذا شايف نفسك قد المسئولية مرة ثانية بالتوفيق
وربي يوفقك ويسهل عليك

السلام عليكم ورحمة الله وبركاتة


في البداية ابارك خطوة الزواج وتفكيرك السليم .

اما بالنسبة عن غلاء المهور وتكاليف الزواج فهي شائعة ولكن يوجد بعض الدرر الثمنية تستطيع اقتناصها ولن اطيل الحديث عليكم
وسأكتفي بسرد قصة زواج لمتدينة من عائلتنا السنة الماضية .
هل تعلم أن تكاليف زواجها لم تتعد حفلة صغيرة في المنزل ..بدون ذهب أو زهبة أو اي شيء من هذا القبيل
طبعا موقف العائلة كان قاسي والكل يلوم البنت ...النتيجة أنها مع زوجها الحين بدون ديون ..والسبب اصرارها على عدم الاسراف ولا حاجة لها
بالمجوهرات .

ربما عليك ان تستعين باهلك للبحث عن هذه المواصفات ...فاظفر بذات الدين تربت يداك ...صدق سيدي رسول الله صلى الله عليه وسلم


تحياتي

بالتوفيق يارب ...الزواج ولا لاسمح الله الزنا !!! انتبهوا صبايا وشباب!!! ( وأمرهم شورى بينهم)...حب يستفسر ويستشيركم ليس إلا !!ادعوله بالخير ...

بالتوفيق يا خوي

ياخوي الله يوفقك للخير ويسعدك بزواجك وين ما يكون ويسهل دروبك لو كانت عندى بنت بالعشرينات أنا بزوجك بعشرين ألف بس لكن بنتي بعدها عمرها أربعة عشر سنه أهم شي الدين والأخلاق الحسنه والله الموفق

الله يوفقك

بس انت روح السعودية وشوف لك بنت الحلال اللي تناسبك وتعرف على أهلها واتفق معاهم في المحكمة

لا تسوي الاجراءات وانت يالس في الامارات لأنه ياما صارت أمور مغشوشة واحتيال

السلام عليكم والرحمه ..

وابوووي شفيكم ع الرياال ..
وبعديين اهوو اللي بيعرس ..
واهو يقصد تكاليف العررس كلها تقريبا 200 الف ..
والريال يمكن ماعنده هالمبلغ ويمكن مديوون اساسا فالبنك ..

المهم انا عندي اهل من السعووديه .. تررمس جد تبى سعوديه ..!!
ترى عاادي والله ..

اقتباس:

---

المشاركة الأصلية كتبت بواسطة راوي جروح

والله حركات.... اقولك اذا انته عسكري انسى لان هذي سياسه ما اعرف ليش بس انصحك حلات اتكون ام اعيالك منك وفيك واذا ما حصلت ما انصحك من الزواج .والله يكتبلك الي فيه الخير.

---

السلام عليكم

شحالكم !!

اخوي انت تقول انك دورة في الامارات وما حصلت كلامك جدا منطقي انك تروح ادور من السعوديه

الله يكتبلك الي فيه الخير

بس حبيت ارد على الريال هذا

اخوي شو اذا ما حصلت لا تتزوج انته صاحي ؟ كلامك هذا تمنع شي مهم

الحرمه مب تيلفزيون ولا كبت عسب ما ياخذه اذا هو يبا يتوكل على الله

اتمنى من كل قلبي انك تحصل بنت الحلال و البنات سواء في الامارات ولا غيره ترا يعرفون شي اسمه نصيب

والله ما قال تزوج بس من الامارات ^^

الله يوفقك وكلن له نصيبه

خاف ربك قاعد تشوه سمعة بنت الامارات في كل منتديات وتحسس العالم ان مهرن غالي

اقتباس:

---

المشاركة الأصلية كتبت بواسطة فيصل بن هاشل

السلام عليكم

شحالكم !!

اخوي انت تقول انك دورة في الامارات وما حصلت كلامك جدا منطقي انك تروح ادور من السعوديه

الله يكتبلك الي فيه الخير

بس حبيت ارد على الريال هذا

اخوي شو اذا ما حصلت لا تتزوج انته صاحي ؟ كلامك هذا تمنع شي مهم

الحرمه مب تيلفزيون ولا كبت عسب ما ياخذه اذا هو يبا يتوكل على الله

اتمنى من كل قلبي انك تحصل بنت الحلال و البنات سواء في الامارات ولا غيره ترا يعرفون شي اسمه نصيب

والله ما قال تزوج بس من الامارات ^^

الله يوفقك وكلن له نصيبه

---

يا الطيب منو قاله لا يزوج خله يدور اذا انا اتزوجت سعوديه وانته ازوجت كوتيه وهذاك ازوج فلبينيه منو تبون ياخذ بنات البلاد هنود وبكستانين ....عرفت منو صاحي ؟؟؟

[align=center]
الله يوفقكـ بس بنت البلاد أولى و ان شاء الله بتحصل ألي مهرها رخيص .
[/align]

اقتباس:

---

المشاركة الأصلية كتبت بواسطة حرم علي

عجبا لهم !!


يرفضون تزويج ابنتهم من الفقير الصالح ,, مبررين كثرة فقرة !
ويزوجونها من الغني الفاسق ,, مبررين بأن الله سوف يهديه !
أليس الهادي هو أيضا الرزاق ؟؟؟


وانا صادقة عند ربي . ما قلت شي فديتج
هالواقع اللي مب راضين تعترفون فيه
والا شو خلا الريال يفكر ياخذ من برع البلاد ؟؟؟؟
لكن بنات هالزمن اعوذ بالله منهن , 200 الف مهر ما تكفيهن
خليني ساكته احسن . مابا العلع وايد في هالموضوع , ضغطي يرتفع

---

[align=center]

الصراحة تعجبت من ردج الحين بنات قوم 200 الف استون اعوذ بالله منهن اظن انج يالسة تسبينهن؟؟!!! تعرفين ليش ما يكفيهن ؟؟!! ع شان الغلى كل شي مرتفع سعره تبين اقولج شو هن الأغراض؟؟.... اظن انج تعرفين فما يحتاي اقول و بعدين يا الله يا الله يسدهن و يضمن جم بيزة ألهن و لا حرام هع و بعدين مب كل الناس شرات بعض و مب الفقير اهو الصالح و الزين و ألي يخاف ربهـ و الغني اهو الفاسق و مب زبن وألي ما يخاف ربهــ الصراحة شي عجيب سبحان الله شو هاالتفكير.
ع فكرة في بيت شعر يقول:-

تَهُونُ عَلَيْنَا في المَعَالي نُفُوسُنَا، *** و منْ خطبَ الحسناءَ لمْ يغلها المهرُ
[/align]

اقتباس:

---

المشاركة الأصلية كتبت بواسطة مزروعية برستيج

[align=center]

الصراحة تعجبت من ردج الحين بنات قوم 200 الف استون اعوذ بالله منهن اظن انج يالسة تسبينهن؟؟!!! تعرفين ليش ما يكفيهن ؟؟!! ع شان الغلى كل شي مرتفع سعره تبين اقولج شو هن الأغراض؟؟.... اظن انج تعرفين فما يحتاي اقول و بعدين يا الله يا الله يسدهن و يضمن جم بيزة ألهن و لا حرام هع و بعدين مب كل الناس شرات بعض و مب الفقير اهو الصالح و الزين و ألي يخاف ربهـ و الغني اهو الفاسق و مب زبن وألي ما يخاف ربهــ الصراحة شي عجيب سبحان الله شو هاالتفكير.
ع فكرة في بيت شعر يقول:-

تَهُونُ عَلَيْنَا في المَعَالي نُفُوسُنَا، *** و منْ خطبَ الحسناءَ لمْ يغلها المهرُ
[/align]

---

اسمحيلي اختي برد عليييج ..
اوكي تاخذين عن ريلج 200 الف مهر وزهبتج وغير الصالون والقاعه وسوالف العرس ومصاريفها ..
عقب تعيشين طوول عمرررج وياه بديوون لييش ..؟!
لييش تعيشين عمرج وتعيشينه بهالشي ..؟

وبعدين لا تنسين فديتج ان كل يوم والثاني تظهر ديزاينات وموديلات يديده من كل شي ..
وانتي كونج بنت اكييد تبين كل ززين ويديد لجج ..
يعني تاخذين زهبه ع قدج واغراض ع قدج ومادينيين ريلج احسن لجج بوايد ..
والريال بياخذج انتي مابياخذ زهبتج وملابستتج وبيطالعهم ..

والجمال جمال الرووح والجووهر هب جمال الشكل ..
والريال بأخلاقه وادبه ودينه هب بفلووسه وجماله ..!!

اسمحيييلي ع المدااخله مره ثانيه ..
وربي يحفظظج ..^.^

ماشي سالفه بنات وبنات والريايل منزلين من السماء ترا في الزين والشين كلا الجنسين وما اقول إلا الله المستعان

حياك الأخ أو الأخت

أنا رأي مغاير جدا عن باقي السادة الأعضاء والعضوات
وآتوقع من الاخ اللي حاط هذا الموضوع كان قمة في الدهاء والذكاء بنفس الوقت وكان هدفه التوصل لبنت ترغب بالزواج عن طريق الأخوات عضوات المنتدى بحيث يثير حفيظتهن على هذا الطرح ويجعلهن يفكرن ببعض البنات اللاتي لم يتزوجن حتى الآن سواء من عوائلهن أو صديقات وبالتالي ستقوم بعض العضوات بنقل الموضوع وخصوصا إذا وجد هناك وحده تأخرت عن الزواج راح يكون من المؤكد تفكيرها المادي في تكاليف العرس تلاشى وسينصب تفكيرها على الستر واللحاق بقطار الزواج
أهنئك على هذه الخطة أولا وأبارك لك إذا تزوجت ثانيا
ولا تنسى في النهاية هذه وجه نظر ولازم تقبلها في كل الأحوال طالما عرضت موضوعك للجميع
مع تقديري،،،،،

الله يوفقك كانت سعوديه او اماراتيه كل واحد ياخذع قياسه
ولي اتقول الاماراتيات خكاكات وبطرانات اقول لها ما تعممي عندنا بنات بعيد عن هذه سوالف الرخيصه و التافهه
وعلى فكره ترى كل وحده تتكلم عن نفسها و انتي تكلمتي عن نفسج

ياااربي ............ واذا هي مرتقده وتبي تشتري خراابيط وتلعب بفلوسها شي رااجع لها ........... الناس تشتري ع قدها والسوووق مفتووح محد بيسكره ...... يوم هم يترسون شنط فوق عشر شنط الزهبه ليش خقه يعني ؟؟ وهو اكيد مابيقصر معاها بيشتريلها وبيوديها السووق ............... بس في ناس ماتحس بالفلووس ......... الله يوفقك