قايد الغزلان تحت ضوء الاعتراف !!!

وبعد أن أنتهيتم من صاحبكم السابق ، يسرنا عن إعلان الضحية الجديدة وهو الأخ

قايد الغزلان

http://www.alrams.net/up/uploads/29889928a3.gif

وقد قدم 1152 مشاركة منها 135 موضوع ، وقد امتازت مواضيعه بإلمامه بأخبار أهالي رأس الخيمة ورغبته بالاطمئنان عليهم أول بأول، كما أن كتابته تميزت بالتواضع الشديد المحمول على جو من المحبة ، وله حضور ملحوظ في جميع أقسام المنتدى تقريبا

والآن أترككم مع الضحية علَنا نستفيد منه الكثير

يا قايد الغزلان أنا حابه أسألك سؤال بس مو ألحين بعدين...
أول شي بفكر وبعدين بسأل...

سؤال بريء..

لماذا الكرسي يقف عليه فقط مشرفوا المنتدى!!

هل لأنهم غامضون ويحتاج الناس لمعرفة المزيد عنهم ، أم لأن هذا الكرسي حكراً عليهم..؟

حيا الله قايد الغزلان..

تحمل والبس النظارة لما يسألونك حتى ما تتعب من كثرتها..!!

وبالمرة سؤال ع الطاير..

لماذا هذا الاسم؟

حصه
حياج اختي باي وقت
بس هالله هالله فيني

بوناصر
انا ضد هذا الشي الصراحه كله لمشرفين المنتدى
بقولكم ارشح منو عقبي من الاعضاء >> بورطهــا

حيا الله قايد الغزلان..
الله يحييك

تحمل والبس النظارة لما يسألونك حتى ما تتعب من كثرتها..!!
ماعليك لاتوصي انا من دونها ولا شي ^^

وبالنسبه للسؤال:-
لماذا هذا الاسم؟
ممم كنت متوقع اول سؤال انسأله هذا
عموما هذا الاسم كنت اسمعه دايما فمقاطع الاغاني وعجبني^^==> اغاني قال لول

ياقايد الغزلان رجعنا لك مره ثانيه ...
بسألك شو سالفتك ويا بو خالد بكل مكان محطي صورته, وتعال بعد سمعت إنه واحد من ربعك من كم يوم متصور وياه وقايل لك , إنته شو رديت عليه لما سمعت الخبر؟؟؟
بكل صراحه...!!!؟؟؟

ياقايد الغزلان رجعنا لك مره ثانيه ..
حياج الله مره ثانيه ومره ثالثه بس خفي علينـا
بسألك شو سالفتك ويا بو خالد بكل مكان محطي صورته
اكتفي بردي لج في هذه الابيات

كل ما اشوفه يروح الهم عني // صورته زايد وفالهيبه شراته
شيخاً بطيبت وصوفه مالكني // تعرفه وإلا ابين لك صفاته
اقصد محمد ابن زايد لاني // شفت منه الطيب للشعب ورضاته

وتعال بعد سمعت إنه واحد من ربعك من كم يوم متصور وياه وقايل لك
إنته شو رديت عليه لما سمعت الخبر؟؟؟
بصراحه بالذات هذا اليوم انقهرت
ليتني كنت وياه
شعوري كان >> خبال x خبال

ماهي التجربة التي تتمنى تكرارها في حياتك؟

ماهي التجربة التي تتمنى تكرارها في حياتك؟
بصراحه احلى ايام مرت عليه اللي هي فترة الدراسه بالصف الاول ثانوي
ما شاء الله الربع والجماعه كلهم بصف واحد ==> وكل يوم تصير سالفه بالصف

مشكوره ع السؤال البسيط >> خلكم مثلها ماتحب اتعب الواحد ^^

السلامـ عليكمـ
أخبااركـ ،،، عساكـ بخير

أسألتيـ حلوهـ وخفيفهـ هع

متى انضميتـ للمنتدى؟

شوو سبب انضمامك للمنتدى .. ؟

منو من الاعضاء ترتاح له؟

شي سويته وندمت عليه؟
صفه فيكت ماتعجبكـ؟

وسلامتكـ ..
إن شاء الله بس ما طولتـ عليكـ و تعبتكـ
معـ السلامهـ

السلامـ عليكمـ
وعليكم السلام والرحمه
أخبااركـ ،،، عساكـ بخير
الحمدلله ربي يعافيج
أسألتيـ حلوهـ وخفيفهـ هع
ان شاء الله تكون خفيفه
متى انضميتـ للمنتدى؟
فـ شهر 10 سنة 2007
شوو سبب انضمامك للمنتدى .. ؟
منتدى يحمل اسم الرمس وانا من الرمس وماتبيني اسجل فيه..!
وخصوصا انه الاخبار اللي فيه تنزل اول بأول
منو من الاعضاء ترتاح له؟
الجميع بلا استثناء^_^
شي سويته وندمت عليه؟
الحمدلله ماسويت شي وندمت عليه
صفه فيكت ماتعجبكـ؟
ممم يمكن العصبيه
وسلامتكـ ..
إن شاء الله بس ما طولتـ عليكـ و تعبتكـ
لا افا عليج اذا اسألتج مثل هاي اتقبلها ولو 30 سؤال يوميا ^^ ==> عن تصدقين عاد لاتوهقيني لول
معـ السلامهـ
بحفظ الله

هههه تسلم أخووويهـ قايد الغزلان عاا الأجووبة

هلا قايد الغزلان عندي سؤال بسيط حبيت أسأل منو هاي اللي محطنها في الصورة مالك

و شكرا

مبروك عليك اليلسه .. ان شاء الله بس مرتاح :sm142:
بطاقتك الشخصيه لو سمحت .. و مابوهقك بالتفاصيل عشان تكتب اللي تباه:sm103:

السلام عليكم والرحمة

اشحالك ؟؟ عساك بخير

شكل الأعضاء واايد مريحينك بالأسئلة

بس أنا ماعرف اريح حد بالأسئلة :sm117:


وخذ هالأسئلة البسيطة ::


1- 3 هدآيـآ لـمـن تقـدمهـآ ...؟!


2- مـآشعورك عنـدمـآ تـوآجـهـ شخـص لأ يستطيع تفهمك ...؟!


3- مـآهـي أصعب آللحـظــآت آلتـي يحـس فيهـآ Time_Racer بـآلعجـز عـن آلتعـبـيــر ..؟!


4- مرت عليك لحظه تمنيت أن يعــود المـاضي فيهـا ......؟


5- أشـرح لي كيف كـانت هذه اللحظه ....؟


6- ومـا كـان سببهــا .....؟


7- عبارة نسمعها ( الطيب ماله مكانه في هذي الدنيا ) شرايك فيها ...؟


امممممم شو بعد :sm105:


8- قصه من قصص القرآن أثرت فيك ؟


9- آية من آيات القرآن الكريم ترددها دائماً ؟

اممممممم :sm105:


10- ماذا تعني لك :
دمعه الطفل
دمعه المرأة
دمعه الرجل


11- ما هي احلى كلمة قيلت لك ؟؟؟


12- ما هو موقفك من خياانة اقرب النااس الى قلبك ؟؟


13- ما هى الاقلام التى لفتت نظرك فى المنتدى ولهاا أقلام مميزه فى كتاباتها ؟؟


وهناك المزيد ....

ولي عودة ...

هلا قايد الغزلان
اهلين ريم الغلا
عندي سؤال بسيط حبيت أسأل منو هاي اللي محطنها في الصورة مالك
ههه هاي بنت اخوي لصغيره

و شكرا
عفوا^^

مبروك عليك اليلسه ..
الله يبارك فيج عقبالك **

ان شاء الله بس مرتاح
لحد الحين كل شي اوكى ^^
بطاقتك الشخصيه لو سمحت
عاد ما حطيتي الا هالسؤال..!!؟

اسمي قايد الغزلان
عمري 19
مكان الاقامه الرمس

السلام عليكم ورحمة الله وبركاته
يا حيك الحي يا خوي قايد ...
مممم أول مرة بسأل حد , ماعليه ...
اتفضل اسالتي ... وترى لك الحرية الشخصية انك ما اتجاوب لو هب حاب يعني ... :)


1- انت طالب ولا جامعي ولا يالس فالبيت لووول
2- شو أكثر صفة موجودة فيك تلقى من خلالها مدح الناس لك ؟؟
3- خذت الليسن ولا بعدك ؟؟
4- أفضل سيارة من وجهة نظرك ؟؟
5- شو هي السيارة اللي عندك أو اللي بتشتريها ؟؟
6- عندك موهبة الرسم ؟؟



أسئلة خطرت فبالي عشوائية
تقبل مروري
والسموحة

السلام عليكم والرحمة
وعليكم السلام ورحمة الله وبركاته
اشحالك ؟؟ عساك بخير
الحمدلله بخير دامكم بخير ^^
شكل الأعضاء واايد مريحينك بالأسئلة
باين ترى

بس أنا ماعرف اريح حد بالأسئلة :sm117:
الله يعيني عليج عيل
وخذ هالأسئلة البسيطة ::
نشوف اذا بسيطه ولا
1- 3 هدآيـآ لـمـن تقـدمهـآ ...؟!
لأعز الاصدقاء
2- مـآشعورك عنـدمـآ تـوآجـهـ شخـص لأ يستطيع تفهمك ...؟!
ما اناقشه ولا اجامله
3- مـآهـي أصعب آللحـظــآت آلتـي يحـس فيهـآ Time_Racer بـآلعجـز عـن آلتعـبـيــر ..؟!
هذا السؤال لي ولا للأخ تايم ريسر
4- مرت عليك لحظه تمنيت أن يعــود المـاضي فيهـا ......؟
مرحلة الدراسه فالثانويه السنه الاولى ==> لأني معيد
5- أشـرح لي كيف كـانت هذه اللحظه ....؟
ضحك ووناسه بالصف ولا جنه صف ,, لول
6- ومـا كـان سببهــا .....؟
شخصين الله يستر عليهم
7- عبارة نسمعها ( الطيب ماله مكانه في هذي الدنيا ) شرايك فيها ...؟
اللي قالها ماجذب وانا معاه (تعبير حلو)
امممممم شو بعد :sm105:
قاعده تفكرر
8- قصه من قصص القرآن أثرت فيك ؟
قصة النبي يوسف عليه السلام مع اخوته لما القوه فالبئر
9- آية من آيات القرآن الكريم ترددها دائماً ؟
انا لله وانا اليه راجعون
اممممممم :sm105:
بسج ارحميني عاد خلي لج جزء ثاني هه
10- ماذا تعني لك :
دمعه الطفل فقد الحنان
دمعه المرأة القهر
دمعه الرجل شدة الألم او المسؤوليه

11- ما هي احلى كلمة قيلت لك ؟؟؟
كلمة صديق احلى عبارة
12- ما هو موقفك من خياانة اقرب النااس الى قلبك ؟؟
هناك مثل ينقال من خانك خونه
13- ما هى الاقلام التى لفتت نظرك فى المنتدى ولهاا أقلام مميزه فى كتاباتها ؟؟
الاغين و الراصد
وهناك المزيد ....
اكثر من كذه ايه لول
ولي عودة ...
وانا فانتظارج

مرحبا بك اخوي قايد الغزلان ..

سؤالي,,

شو الهدف اللي تمشي عليه حياتك ؟

شو حكمتك؟

وبث

السلام عليكم ورحمة الله وبركاته

وعليكم السلام ورحمة الله وبركاته
يا حيك الحي يا خوي قايد ...
الله يحيج يالجوهر المكنون
مممم أول مرة بسأل حد , ماعليه ...
اتفظلي وخذي راحتج
اتفضل اسالتي ... وترى لك الحرية الشخصية انك ما اتجاوب لو هب حاب يعني ... :)
انتي اسأليني بالاول حسب نوعية الاسأله ^^
انت طالب ولا جامعي ولا يالس فالبيت لووول
خريج ثانويه عامه واتريا الوظيفه
أفضل سيارة من وجهة نظرك ؟؟

ماعندي سياره محدده
شو هي السيارة للي عندك أو اللي بتشتريها ؟؟
حاليا ماعندي سياره الله يخلي سيايير اخواني
تقبل مروري
والسموحة

مسموحه بالحــل

مرحبا بك اخوي قايد الغزلان ..
مرحبا فيج
شو الهدف اللي تمشي عليه حياتك ؟
طبعا كل واحد هدفه الوصول الى القمه وانا بعدني ان شاء الله اذا توظفت ردي اسأليني بخبرج ..لول
شو حكمتك؟
اعمل ليومك هذا وكانه آخر يوم في عمرك


اشكرج عالاسأله الخفيفه

قايد الغزلان

كنت متفرجة فقط لكتابة الأخوة اللي قبلك, لكن إلى الآن ما لقيت جرأة أو موقف مؤثر
من صوبهم.
يعني أحس الكل شخص واحد بمعناته ماشي تدفق.
وماشي جرأة وكلام عادي لا ييب ولا يودي((البعض منهم طبعا)والسموحة .

مع انه أسئلة الأخوة والأخوات حلوة.

7

7

7

7

7

7

*قد مرة حبيت؟ ومتى آخر مره حبيت فيها؟ وعن طريق ويش تعرفت ع الحب؟
<<<<لاتقول لاا لان ماشي إنسان ما يحب^_^

*شو الصفات اللي حبيتها في(ه.ا)...؟ وهل عمرك خنت(ه.ا)...؟ وتفكر تفضح(ه.ا)...؟

*فيك نوع من النذالة؟
*شو نوع شخصيتك؟

*عمرك جرحت حد بدون قصد؟ وشو تبا تقوله؟

*عمرك زعلت والديك؟ وشو تقولهم ؟ وشقايل ترضيهم؟ او اطّنش؟

*سافرت؟ ووين؟
واذا سافرت وشفت اشخاص همّتهم دنياهم وعايشين غلط بغلط..
هل فكرت تقلّدهم والا تحاول تبتعد عنهم؟

*عمرك خنت ربيعك؟

7

7

7

7

7

أنت الشخص المهم اللي في حياتي لكن بحدود جملة صارت منتشرة في وقتنا الحالي<<صح؟

* من الشخص اللي تتخيل حياتك بدونه ولا شي
(يحقلك تلقبه) بدون ذكر أسامي^_^.

*من متى وانت معاه؟
احلى شهر عندك؟احلى يوم عندك؟

*نكته؟

*شرايك بالبيزات ؟<<مافي إنسان مايحب البيزات بس شو تعنيلك ؟

*أعزك لكن لن احبك "فهمت علي" لمن تهديها"؟
-ما رأيك بالحب قبل الزواج؟

*أنت شخص بلا ضمير لا تحب ولا تغير أنا مثلك ما لقيت لا كبير ولا صغير>>تهديها لمن أو تذكرك بمن.

*بلاني زماني بواحد أناني..نسى طيب قلبي وعطفي وحناني>>تهديها لمن أو تذكرك بمن..

* شو الشي الحلو الموجود داخلك؟

*موهبتك المفضلة (غير الجلوس صوب النت)؟



ادري اسأل كثير لكن شو الحالة؟

اعلم انك تجاوب ومحلّلة تفسر كل كلمة تقولها

اسمحلي ع الأسئلة لكن مطلوب مني أسوي إحصائيات عليها.. دراسة اختبار شخصية من حولك, ولو نجحت لك مني رصيد >>لحسن حظكJ

*قد مرة حبيت؟ ومتى آخر مره حبيت فيها؟ وعن طريق ويش تعرفت ع الحب؟
<<<<لاتقول لاا لان ماشي إنسان ما يحب^_^
هههه يينا للأحراج عاد يالله نجاوب وامرنا لله
بروحج قلتيها مافي حد فالدنيا ماحب
*شو الصفات اللي حبيتها في(ه.ا)...؟ وهل عمرك خنت(ه.ا)...؟ وتفكر تفضح(ه.ا)...؟
حشى ابد مافكرت اخون ولا افضح . لأن الدنيا دواره
*فيك نوع من النذالة؟
ههه نذاله مره وحده..!! ممم يمكن تكون خفيفه يتقبلها غيري يعني > من باب السوالف
*شو نوع شخصيتك؟
مب انا احدد شخصيتي
*عمرك جرحت حد بدون قصد؟ وشو تبا تقوله؟
هيه نعم وأطلب منه المعذره والمسامحه
*سافرت؟ ووين؟
امريكا+العمره3 مرات+سوريا2+تايلند+مصر+صلاله+وو ماذكر بعد
واذا سافرت وشفت اشخاص همّتهم دنياهم وعايشين غلط بغلط..
الله يهديهم ان شاء الله
هل فكرت تقلّدهم والا تحاول تبتعد عنهم؟
أكيد ابتعد عنهم
*عمرك خنت ربيعك؟
ممم قلت لج فوق من باب السوالف كل يوم انقع فيهم خيانه هه

7
7
7
7
7

أنت الشخص المهم اللي في حياتي لكن بحدود جملة صارت منتشرة في وقتنا الحالي<<صح؟

* من الشخص اللي تتخيل حياتك بدونه ولا شي
(يحقلك تلقبه) بدون ذكر أسامي^_^.
كيف بدون ذكر اسامي واقولج منو هالشخص.
عموما انا مابذكر اسامي بس أكيد واحد من الربع
*من متى وانت معاه؟
من صف اول ابتدائي عرفته ^_^
احلى شهر عندك؟احلى يوم عندك؟
احلى شهر 8 بعز الصيف >>وقت السفر
*نكته؟
مو فبالي شي الحين
*شرايك بالبيزات ؟<<مافي إنسان مايحب البيزات بس شو تعنيلك ؟
وصخ دنيا ==> ( سوري عالتشبيه)
*أعزك لكن لن احبك "فهمت علي" لمن تهديها"؟
وايـــد ناس
-ما رأيك بالحب قبل الزواج؟
شي حلو ^_*
*أنت شخص بلا ضمير لا تحب ولا تغير أنا مثلك ما لقيت لا كبير ولا صغير>>تهديها لمن أو تذكرك بمن.
أكيد تذكرني بشخص (لأنه الصافع ينسى لكن المصفوع ماينسى)
*بلاني زماني بواحد أناني..نسى طيب قلبي وعطفي وحناني>>تهديها لمن أو تذكرك بمن..
ههه كل يوم اسمعها هالاغنيه لول ==> ما اهديها ولاتذرني بحد بس تعجبني الكلمات
* شو الشي الحلو الموجود داخلك؟
طيبة القلب
*موهبتك المفضلة (غير الجلوس صوب النت)؟
ههه عاد الجلوس على النت رقم1
من بعدها القراءه

ادري اسأل كثير لكن شو الحالة؟
لاباس
اعلم انك تجاوب ومحلّلة تفسر كل كلمة تقولها
مافهمت ... لول
اسمحلي ع الأسئلة لكن مطلوب مني أسوي إحصائيات عليها.. دراسة اختبار شخصية من حولك, ولو نجحت لك مني رصيد >>لحسن حظك
والله زين طرشي لي النتايج ع الفاكس >> قصدي الرساله الخاصه لول
مشكوره ع الاسأله والله يسامحج وهقتيني صح

الصراحه ياقايد الغزلان السوالف وياك ماتنمل وكل ما أشوف الموضوع إللي فيه إنته إيي في بالي سؤال...
بس عاد لا تتضايج مني تراني أسولف...
السؤال وهو:-
شو آخر موقف سوته أمك ""الله يخليها لك"" وضحكت عليه من خاطرك ...
واتمنى لو تتذكر أي موقف وتضحك عليه من خاطرك...
بس عاد لازم تقوله لنا علشان نضحك وياك...

الصراحه ياقايد الغزلان السوالف وياك ماتنمل وكل ما أشوف الموضوع إللي فيه إنته إيي في بالي سؤال...
ههههه جان استحي
بس عاد لا تتضايج مني تراني أسولف...
اوووووووووووووووووكى
السؤال وهو:-
شو آخر موقف سوته أمك ""الله يخليها لك"" وضحكت عليه من خاطرك ...
واتمنى لو تتذكر أي موقف وتضحك عليه من خاطرك...
بس عاد لازم تقوله لنا علشان نضحك وياك..
هههههههههههههههههههههههههههههههههههههههههه
شو هااااااااااااااااا بعيد عن الفضايج الله يخليج
وانتي شو عرفج بالوالده
دام انج ملزمه برجع لج عقب خليني اشاورها اول لول

بسم الله الرحمن الرحيم

السلام عليكم ..

هلا اخوي قايد الغزلان شحااااااااااالك ؟؟

ماشاءالله عليك شاد حيلك (شكلك مذاكر) >>> ^_^

عندي كم سؤال وعساني ما اثجل عليك..

1- منو مثلك الاعلى الي تتقتدي فيه ؟

7
7
7
7

2- شو اصعب موقف مر عليك ؟ وهل بجيت عليه ؟

7
7
7
7

3- شو احلى موقف مر عليك وخلاك اطير من الفرح ؟

7
7
7
7

4- شو اخبار الدراسه وياااااك قالوا لي ناوي تدخل الجامعه ؟ صح ولا ؟

7
7
7
7

والسموحه لو طولنا عليك..

:sm133:

السلام عليكم ..
وعليكم السلام > منو وياي لول
هلا اخوي قايد الغزلان شحااااااااااالك ؟؟
هلا بالحبيب انا الحمدلله بخير انت طمني عنك كيف الصحه
ماشاءالله عليك شاد حيلك (شكلك مذاكر) >>> ^_^
شو نسوي مخسرين دروس خصوصيه للأسأله هه>> سوالف انت بعد
عندي كم سؤال وعساني ما اثجل عليك..
افا عليك انت بالذات عاد اسأل اللي تباه وان كثرت بتشوف شي

1- منو مثلك الاعلى الي تتقتدي فيه ؟
الرسول صلى الله عليه وسلم
2- شو اصعب موقف مر عليك ؟ وهل بجيت عليه ؟
ههه لاتذكرني عاد .. يمكن يوم نتايج الثانويه العامه ..هي بجيت النتيجه كانت سيئه لي ولأخوي >> ولا واحد فلح ههه
3- شو احلى موقف مر عليك وخلاك اطير من الفرح ؟
أكيد لما عدت الثانويه ويبت نسبه مرضيه والحمدلله .. الا مب طاريت متت من الفرحه هه
4- شو اخبار الدراسه وياااااك قالوا لي ناوي تدخل الجامعه ؟ صح ولا ؟
نعم نعم .. شو قال .. قال جامعه وحليله
وشلي فالجامعه ياريال ومن قالك ههه انا زين خلصت الثانويه

والسموحه لو طولنا عليك..
افا عليك take your time > >حافظ كلمتين وياي يتفلسف لول

السلام عليكم ورحمة الله وبركاته...

ابغي اسألك بس ما اعرف شو اسألك ياحضك نسيت الأسئلة الي كنت ابغي اسالها..!!!؟؟؟

اوكي معلي قول مبرووك تذكرت...

سؤالي الاول يقول.:مممم منو محطي اسمك (امك /ابوك)؟؟
السؤال الثاني : متى آخر مرة صاحيت..؟؟
السؤال الثالث : لونك المفضل؟؟؟
الرابع :كم ساعة تيلس في المسن ..و المنتدى ..؟؟؟
الخامس :انت شطور ولا كسول؟؟؟
السادس :منو تعرف او ربيعك واااايد وياك في هاي المنتدى؟؟؟
السابع :شو احلى ايام مضيتها يوم كنت صغير ؟؟؟؟
الثامن : ما شيء سؤال..

اقول مب بس هاي الأسئلة لي رجعه بعدين ...




اختك في الله ... soso

السلام عليكم ورحمة الله وبركاته...
وعليكم السلام ورحمة الله وبركاته
ابغي اسألك بس ما اعرف شو اسألك ياحضك نسيت الأسئلة الي كنت ابغي اسالها..!!!؟؟؟
ماعليه تذكري شوي ,,
اوكي معلي قول مبرووك تذكرت...
توج ناسيه والحين تذكرتي ههه
سؤالي الاول يقول.:مممم منو محطي اسمك (امك /ابوك)؟؟
كيف يعني منو مسمني.؟ ==> مادري بس اعتقد الوالده
السؤال الثاني : متى آخر مرة صاحيت..؟؟
شهر8 .. وفاة واحد من الاهل(الله يرحمه)
السؤال الثالث : لونك المفضل؟؟؟
الازرق سماوي+البيج
الرابع :كم ساعة تيلس في المسن ..و المنتدى ..؟؟؟
ماعرف اغلب الوقت متقطع يعني مال وقت محد.. مثل مابغيت اقعد
الخامس :انت شطور ولا كسول؟؟؟
هههه مستواي لين صف ثالث اعدادي كان اوكى .. عقب مادري شو ياني ..لول
السادس :منو تعرف او ربيعك واااايد وياك في هاي المنتدى؟؟؟
وايدين من ضمنهم عالي الشان وقناص الرمس وغيرهم ,,
السابع :شو احلى ايام مضيتها يوم كنت صغير ؟؟؟؟
يوم كنت صغير كانو الاهل مسافرين امريكا 4شهور تقريبا او اكثر ومخليني فبيت خالي ^^
الثامن : ما شيء سؤال..
الحمدلله ^_^
اقول مب بس هاي الأسئلة لي رجعه بعدين ...
عيل هاي شو تسمينها لول عموما انا انتظرج عيل ^^
اختك في الله ... soso

هاي



..||بس سؤال واحد عندي ||..



منو من الاعضاء له معزه عندك ويكون شخض واحد ..؟؟؟

هاي
هلا والله
منو من الاعضاء له معزه عندك ويكون شخض واحد ..؟؟؟
طبعا بعض الاعضاء او الاغلبيه كلهم لهم معزه بما انج قلتيلي اذكر لي شخص واحد..
( عالي الشان )

.........|| جاوبني بصرااااااااااحة||............

(عالي الشان) شو يعني لك .........؟؟؟

.........|| جاوبني بصرااااااااااحة||............
أكيد >> عيل ليش محطاي بكرسي الاعتراف^^
(العتيبي) شو يعني لك .........؟؟؟
لول شمعنى العتيبي يعني ..!!
العتيبي اعتبره اخوي الكبير
واذا فيه اي شي بخصوص المنتدى احيانا اشاوره
لأنه هو يعرف اكثر مني
>>> @_@

قايد بما انك قلت عالي الشان


شو بيصير لك يوم ما بتشوفه لمده(..) انت تعرف كم المده وليش

يله جاوب

ياقايد الغزلان أشوفك تأخرت علي بسؤالي شكلك ماعندك جواب ومستحي من السؤال...
خلاص هالمره بنعذرك بس المره اليايه عاد لا تكشت فينا...

قايد بما انك قلت عالي الشان
؟؟
شو بيصير لك يوم ما بتشوفه لمده(..) انت تعرف كم المده وليش
اسكت عاد مساعه كنت وياه شوي وبيصيح وحليله يالله ان شاء الله يرد بالسلامه ادري اني بوله عليه بس شو نسوي عندنا ( الميو ص ) أكيد عرفته .. بدون ذكر اسامي هههه

ياقايد الغزلان أشوفك تأخرت علي بسؤالي شكلك ماعندك جواب ومستحي من السؤال...
زين حسيتي ,,, لول
خلاص هالمره بنعذرك بس المره اليايه عاد لا تكشت فينا...
اشكرج والله اسأليني اي سؤال ثاني وانا حاضر يخصني انا بس مب خاص ^^

افاا عليك ياقايد منو مايعرف الميووو ص

الحين صج استوي هندي

وعندك صورته

انزين قايد >>>ادور سؤال محرج وصعب مب محصل


شو عندك من المواتر خخخخ

افاا عليك ياقايد منو مايعرف الميووو ص
ههه بس بس شو تباه الريال راقد
الحين صج استوي هندي
وعندك صورته
ياريال شو تباه اسكت عن يعرفون شو سر كلمة ( ميو )
انزين قايد >>>ادور سؤال محرج وصعب مب محصل
اتفظل
شو عندك من المواتر خخخخ
الحين هذا محرج .. على فكره السؤال مكرر بس بجاوبك مره ثانيه
حاليا ماعندي موتر بس مستوي نشبه مثل ما يقولون ,,
اخذ مواتر اخواني ,, ان شاء الله قريب الله بيفرجها علينا

مشكور ع السؤال

قيود بعدني ما حصلت لك سوال صعب

بس قلت اسأل اي شي


ولي عوده