تحذير << عبايه الراهبات تغزوا الاسواق وموضه هذا العام!!

السلام عليكم ورحمه الله وبركاته

انشروا الصوره جزاكم الله كل خير

_ عبايه الراهبات تغزوا الاسواق وموضه هذا العام!!

والقادم أسوأ ..!

http://im25.gulfup.com/2012-09-03/134668500011.jpg
منقوول

بعدهن الراهبات ساترات اعمارهن ....

الدور و الباجي على بنت الإمارات !!!!!!!!!! هيييييييييييه بنت الإمارات و لا اتقولولي بنات الإمارات ملاك نازل من السما !!!!!! بنات مواطنات بنات عرب ظهر و بطن ... لكن تعال شوفهن ف مول و لا سوق !!!!! محل ديكور يمشي !!!!!!!!! و ما يقهرك إلا الخروف اللي يمشي وراهن !!!!!!


الله يهدي الجميع

مالت عليهم هم وعبيهم لا يعرفون يلبسون عبي ولا شياته وانا وايد شفت بنات متحزمين بها العبى ومترصصات ليش ابوى شو عندكم

مالت عليهم اقول مالت من يومين دخلت عند الخياط ونازعته قال ماما هذا نفر يقول موضة وانا يسوي مالت على الموضة جان عباة جدي مايستحون يلبسون جدي محزمات اعمارهم وماشاء الله بعض لمتان بعد مامقصرات بالتحزم والله عيب شو هذا الله المستعان وتحيه لود الورد ونبض انسان

بسم الله الرحمن الرحيم
السلام عليكم والرحمة الله وبركاتة

من وجهة نظري لو يلبسون لبس الرهبانيات النصاري بكونون محتشمين اكثر

او اليهوديات لأن اليهوديات عبيهم ساترة بعد
بدال عرض الازياء الي يسوه لنا
العباة المقصد منها الستر
والحين انقلبت الاية وصارت العباة....
اللهم أهدي بنات المسلمين لما تحب وترضى
ماشاء الله التفاعل كلا من الاناث
الحمدالله الخير موجود فيكن
ولو كل وحدة نصحت وامرت بالمعروف إن شاء الله بقلن وتختفي هذي الظاهرة

انا من اشوفهن اتذكر اللي يخرف النخل

رابطات تقول نسعه ع بطونهن...حق شوه بغض النظر كشكل مب حلوه وتونيه بعدنيه شفتهن فاتحات العباه من جدام من عند الحزام ليش يعني منوه بتراوين وشوه بتراوين.....استغفر الله العظيم

يزاج الله الف خير اختي

بصراحة أنا أشوف أنه معظم البنات مؤيدين هالنوع من العباة وخاصة لما أتصفح أذواق بنات ف منتدى سيدات الامارات واللي عايبنها وتعرض عبايات وتشجع غيرهن ولما حد ينصحهن يقولن أونه بين البنات وحفلات نسائية ، الحين ماقلنا شي لو بين البنات بس بعد البنت مب زين تشوف عورة بنات ثانيات
بس للأسف دايما أشوف الشي اللي مكروه في الدين ويخالفه دايما يلقى صدى التشجيع والانتشار ، ليش الدنيا سايرة صوب الخطأ ليش مانشوف شي يطمن القلب ويحسسنا أنه الدنيا بعدها بخير . وبعدين محد يقول أني أتطفل على منتديات نسائيية وأنقل أخبارهن ترا في النهاية نضرب أمثلة على هالواقع المرير .

وبصراحة شكل العباة وستايلها مخيف تقول داشين ف كنايس واللي يسموونه حفلات الهولويييين أدري انه الناس أذواق بس التقييم يغير وجهات النظر وأنتوا أحرار . اللهم بلغت اللهم فاشهد .

أعوذ بالله

أين دور رقابة الأهل..!؟؟

هي والله وين الاهل !

صدق الرياييل خرفان

هايلا ياما تنصحونهم وتجيبون لهم كللل الادله وبعد يركضون ورا الموضه

استغفر الله والله عييييييييييب الوحده تلبس جي بس تقولون لمنو للحجاره ولا الخرفان اللي يمشون معاهم ولا يقولون لهم شيء

حتى اذا قالوا بعد يستكونهم

هب ريال اذا طاع مرته في كل شيء خااااااااااااصة اذا كانت الموضه و مخالفه للشرع



الله يهديهم ان شاء الله

والسمووحه

وفي مشكلة بعد العبايات المفتوحه والبنطلون الضيق
لاحول ولاقوه الا بالله

احلى شي سير الكويتي يوم الجمعة واطمش عيايز وبنات رابطات وسطهن والله قمة القهر والالم على بناتنا لين متى نحن جذي كل ما حد خالف صرنا امعه وقلدناه ( توبي وراج حفرة )

السلام عليكم
إحدى مشكلات مجتمعنا في قيام بعض الأفراد باللهث خلف كل
ماهو جديد في ظل انفتاح البلد بهذه الحِقبه الزمنيه ومن غيروعي وادراك لمايقوم به
من سلوك سلبي ، ترى هل هي عقدة نقص
فيهم !! أسأل الله لهم صلاح الحال والمآال .

أختي الفاضله مايجوز التعميم رعاك الله :sm167:

اقتباس:

---

المشاركة الأصلية كتبت بواسطة وفوي المطاف

هي والله وين الاهل !

---

اقتباس:

---

المشاركة الأصلية كتبت بواسطة وفوي المطاف

صدق الرياييل خرفان

---

هذيلا ..... وين اهلهم

العباة للستر
الله يهدي البنات اللي يلبسون عباة الحزام و العباة اللي كلها ألوان ..
تسلم ع الطرح وجزاك الله خير ..

المشكله باديه من الاهل بنات ماشاء الله بلغن سن الحجاب ولا تتحجب ويوم نسال يقولون بعدها صغيره واتم صغيره للابد ما انزرع فيها الخوف من حساب رب العالمين وبعد الياي اكثر بدينا نشوف عبايه من غير شيله

هيه ليش جي

وين اهلهم

اذا كان رب البيت بالدف ضاربا .. فما شيمة اهل البيت الا الرقص

كل وحده رابطه خصرها بتقول تيس مربوط

لا حول ولا قوة الا بالله


كم مره بنقول مب تقليد راهبات

اوكي الراهبات يلبسن اسود
باجر روحو فصلو عبي ملونه
لان الراهبات يلبسن اسود

الراهبات يغطن شعورهن
سيرن تكشفن


شو هالتخلف
اي شي يسوونه اليهود لازم نسوي العكس



اوكي ترا كل اللي عدنا من اختراعات واجهزه وماركات
حتى قطع العبي من اليهود

ليش تاخذونهم



مب كل وحده تتغطى محترمه
ولا كل وحده تتكشف صايعه وبنت شوارع

جزاك الله كل خير ....

مشكورة على التنبيه ..

انا رايي من رايكم . . !
بس كلن أدرى بمصلحته يا إخواني و خواتي
و لو رمستوا من اليوم لين باجر محد بيسمع رمستكم

:sm286:

اتذكر قبل رمضان دخلت محل وراواني عباه ايدها دانتيل بس بدون تفته تحت .. يعني شفافه الايد تنبان .. هزبته قلت له شو هالعباه ليش يسوي جي .. يقوول هذا بنيه يبي جي .. عقب قلت له مره ثانيه لا تسوي هالعبي انته اللي بتحمل هالذنوب

في عبي مخصصه للفئه المغربيه هم يطلبوون مرصص وشفاف .. الله يهديهن يارب

الحمدلله ما ألبس ها النوع من العبي

الصراحه مب عبي هاذيل سوق لعرض أنواع وأشكال منها سيروا أي مول في دبي وشوف العجب الام متستر من فوق إلين تحت وبناتها يحافظ عليهن كنهن سايرات عرض أزياء

اقتباس:

---

المشاركة الأصلية كتبت بواسطة حياتي و محلاها

لا حول ولا قوة الا بالله


كم مره بنقول مب تقليد راهبات

اوكي الراهبات يلبسن اسود
باجر روحو فصلو عبي ملونه
لان الراهبات يلبسن اسود

الراهبات يغطن شعورهن
سيرن تكشفن


شو هالتخلف
اي شي يسوونه اليهود لازم نسوي العكس



اوكي ترا كل اللي عدنا من اختراعات واجهزه وماركات
حتى قطع العبي من اليهود

ليش تاخذونهم



مب كل وحده تتغطى محترمه
ولا كل وحده تتكشف صايعه وبنت شوارع

---

الحمدلله على نعمة الهداية لتعاليم القرآن و السنة النبوية ,

الخطأ كبير جداً في هذا الرد !

الله عز و جل و رسوله الكريم عليه الصلاة و السلام
هم من نهونا عن التشبه بالكفار و موالاتهم
و هذا في أمور الدين , بداية من المعتقد بالقلب و ليييين المظهر الخارجي .. و بالتفصيل الدقيق

أما اللي ذكرتوه في هذا الرد , من تشبه و تعاون مع الكفار في أمور الدنيا ( في الأمور النافعة الطيبة )
فهذا ما نهينا عنه , و هذا شي طيب حتى نعمر الأرض و نتقدم , لو أن الأولى و الصحيح أن نسعى للتفوق عليهم أكيد , لكن بالنهاية هالشي مب حرام , و خطأ كبير جداً ان نخلط بين هذا و هاك , و أن نحتج بهالحجة الباطلة بهالفهم الخاطيء !


ثانياً
عن نفسي , بحثت عن الموضوع من مواقع للنصارى و من مواقع رسمية لكنائس و هالسوالف و تأكدت بالأدلة ان موضوع الحبل أو الخيط اللي يلف هذا نعم "للراهباااات" عابدات الصليب و العياذ بالله !
و من أشراط الساعة ان يتشبه المسلمين للأسف باليهود و النصارى و يتبعونهم و يقلدونهم في كل صغيرة و كبيرة حتى لو دخلوا جحر ضب لدخلوه المسلمين , هذا معنى "الحديث النبوي" ! للأسف الشديد .. وين كنا و وين صرنا !

هذا شي

و الشي الثاني ان هاذي العباة تحدد مفاتن الجسم بشكل مقزز و ما يرضى فيه أي مسلم لعرضه , لا حرمة ولا ريال عندهم شي من الغيرة و الدين !

و في الأحاديث الوعيد المغلظ الشديد لفئة انتشرت و ظهرت في النساء و هي من أشراط الساعة بعد , و اللي أوصافهن ..
كاسيات عاريات ..
مائلات مميلات ..
هالمواصفات تنطبق على هالعباءة ,
كاسيات : يعني مغطيات لأبدانهن بالقماش و غيره ( لكن هذا ما يكفي أبد !!! )
عاريات : مبرزات مفصلات للعورة , و هالشي موجود في هالعباة , في مقدمتها و في الخلف و في الجوانب في تحديد الخصر و الصدر و ..... !!!
مائلات : عن الدين و أمر رب العالمين و رسوله , ولا حول ولا قوة إلا بالله !!
مميلات : لأجسامهن بغرض الاغراء و تزيينها و فتن الناس , حد عنده تفسير ثاني !!!

,

مافي أي سبب مقنع يخلي إنسانة مسلمة تلبس هالعباءة بعد هذا كله و تخرج فيها للشوارع تستعرض للأجانب بخصرها و تعلنها ولاء و تقليد للراهبات عابدات الصليب

و مافي أي سبب مقنع "يمنع" إنسانة أن تلتزم بالعباءة الشرعية اللي فيها الستر و الحشمة و اللي بعدها الجنة بإذن الله لو كانت على الدين ..


لكنه وعد إبليس اللعين : ( لأغوينهم أجمعين )

رَبَّنَا آَتِنَا فِي الدُّنْيَا حَسَنَةً وَفِي الآَخِرَةِ حَسَنَةً وَقِنَا عَذَابَ النَّارِ

اخ بو جاسم....السلام عليكم

صار لنا فتره ما شفنا ردودك.......الاخت حياتي ومااحلاها ما تقصد اللي فهمته

هي تقول بناتنا لما يلبسون هالعبي مب قصدهن التشبه باليهود....شي نزلوه بالسوق ولبسوه

انا وحده ما عجبتني كشكل...وهي تقصد ما نهاجم البنات على اساس اللي متلحفه بكبرها افضل اخلاقها عن اللي مترصصه...

الله يهدي الجميع..فعلا....اللي يحاسب هو رب العباد لانه عالم بالنيات..

انا بنفسي شفت ع الكورنيش قبل كم سنه وحده منقبه بس ذهلت من اللي كان يصير.....

هو الغرض انه هاي العبي وايد تحدد الجسم لها السبب انا ما عجبتني....بس ما احكم ع البنات انهن يبن يقلدن اليهود.....

اعتقد هاي وجهه نظر اختنا حياتي وما احلاها

ويعطيك العافيه بو جاسم...

التي تخرج بملابس مخصرة ليست "محجبة" !
التي تخرج بعباءة مزينة و مزخرفة ليست "محجبة" !
التي تخرج شيئاً من شعرها ليست "محجبة" !
التي تخرج متبرجة ليست "محجبة" !


أتمنى نراجع فقط معنى الحجاب في "الإسلام" , لان اللي صاير الحين عندنا مأسااة الصراحة , إلا من رحم الله
ما نطلع من البيت إلا و عيوننا في الأرض , حتى أغراض و أساسيات المعيشة ما نقدر الحين نقضيها إلا بمشقة في تجنب النظر لهالبشر , شي متعب الصراحة !

http://www.youtube.com/watch?v=6WtKtAYfPkk

أتمنى نوصل هالرسالة للمبتلين , ترا كلنا مسؤولين يوم القيامة ,
و قبلها لما ننزل للقبور , هناك اللي ما درا اهنا بيعرف و بيشوف ..

اقتباس:

---

المشاركة الأصلية كتبت بواسطة اماراتي وافتخر 40

اخ بو جاسم....السلام عليكم

صار لنا فتره ما شفنا ردودك.......الاخت حياتي ومااحلاها ما تقصد اللي فهمته

هي تقول بناتنا لما يلبسون هالعبي مب قصدهن التشبه باليهود....شي نزلوه بالسوق ولبسوه

انا وحده ما عجبتني كشكل...وهي تقصد ما نهاجم البنات على اساس اللي متلحفه بكبرها افضل اخلاقها عن اللي مترصصه...

الله يهدي الجميع..فعلا....اللي يحاسب هو رب العباد لانه عالم بالنيات..

انا بنفسي شفت ع الكورنيش قبل كم سنه وحده منقبه بس ذهلت من اللي كان يصير.....

هو الغرض انه هاي العبي وايد تحدد الجسم لها السبب انا ما عجبتني....بس ما احكم ع البنات انهن يبن يقلدن اليهود.....

اعتقد هاي وجهه نظر اختنا حياتي وما احلاها

ويعطيك العافيه بو جاسم...

---

و عليكم السلام و رحمة الله و بركاته
:)

خطأ كبير أختي أن نترك الحديث على المنكر الصريح الظاااهر , بحجة أن النيات و الحساب عند الله
هذا هو تلبيس الشيطان بعينه !


كل الحديث عن منكر صريح ظهر و انتشر , و ما تشفع سلامة النية , و لا يمكن أن تكون النية سليمة في التبرج للأجانب بالشوارع و المجاهرة و هالأمور , هذا غير موضوع التشبه الصريح للأسف بالكفار !

بنقول كانوا يجهلون قبل عن هالتشبه
لكن الحين وصلهم العلم و دروا و تأكدوا ,
و الحجة قامت , و الله سبحانه بصير و شاهد عليهم .. كيف التصرف منهم بيكون ,


شي ثاني
هاذي حتى ماا تنلبس بينهم و بين أهلهم
يشلون منها هالخيط و يرمونه ( خيط الزنار لعباة "الراهبات" ) , ما يجوز لنا التشبه فيهم في أمور "دينهم".. (( لكم دينكم و لي دين ))

,

لا نستسهل الموضوع
من سنين ترا نتكلم
و يظهرون لنا خلق كل مرة يعاشون
و تمر الأيام و يظهر لنا منكر أشد .. و نقولهم صبروا اللي بيينا أردى و بنذكركم و يردون ينعتونا بالتشدد و التخلف
و تمر الأيام و نشووف الأشد !!
كل مرة نفس القصة و نفس الموال و نصدق بكلامنا و بعدهم .. كأنهم معتمين !

و من أردى لأردى , زهقت من أقولها من سنين !
للأسف
دام ما يردعنا دين ولا خوف ولا محبة لرب العالمين ..

,

لو يسمعون اللي نسمع
أو يشوفون اللي نشوفه و يفتحون !!

الحمدلله رب العالمين
انه هدانا من الحين

بو جاسم ....:)

هيه لو يت ع العباه بس جان هانت

البنت تتأسس من صغرها...الحين يوصل عمرها 10 سنين ومرصصينها بها البناطلين الفاضحه لجسمها

انا مب من النوع اللي متشدد بس عندي اساسيات امشي عليها..علموها البنت اذا وصلت لسن معين ماعليه لا تحرمونها من كل شي بس بلبسها وهي بنت 10 سنين اشياء لين الركب..والله استحي ساعات يكونن ماشالله صحتهن زينه ولابسات هالاسترتشات وما يتم هندي ما يركز عليهن...عيب

طلعاتهن البنات بروحهن مطاعم وسينمات وكوفيات هاي اشياء دخيله علينا

العباه شي بسيط من اللي نشوفه...ما تعودنا على هالطلعات قبل لها السبب مشينا عليها لين الحين حتى عقب ما عرسنا...الحرمه والبنت احفظ لها الطلعه اوي محارمها...بس شو بنقول

الله يستر على من يحب الستر

اقتباس:

---

المشاركة الأصلية كتبت بواسطة اماراتي وافتخر 40

بو جاسم ....:)

هيه لو يت ع العباه بس جان هانت

البنت تتأسس من صغرها...الحين يوصل عمرها 10 سنين ومرصصينها بها البناطلين الفاضحه لجسمها

انا مب من النوع اللي متشدد بس عندي اساسيات امشي عليها..علموها البنت اذا وصلت لسن معين ماعليه لا تحرمونها من كل شي بس بلبسها وهي بنت 10 سنين اشياء لين الركب..والله استحي ساعات يكونن ماشالله صحتهن زينه ولابسات هالاسترتشات وما يتم هندي ما يركز عليهن...عيب

طلعاتهن البنات بروحهن مطاعم وسينمات وكوفيات هاي اشياء دخيله علينا

العباه شي بسيط من اللي نشوفه...ما تعودنا على هالطلعات قبل لها السبب مشينا عليها لين الحين حتى عقب ما عرسنا...الحرمه والبنت احفظ لها الطلعه اوي محارمها...بس شو بنقول

الله يستر على من يحب الستر

---

صدقكم , الله يعين !


ترا هاذي خطوات الشيطان
خطوة ورا خطوة ..
اليوم هالشي محرم نعرفه , باجر نشوفه يظهر و يجاهر فيه فنستسيغه و نجربه عقبها , لين يصير أمر عادي جداً , فنبدأ باللي وراااه ,
هاذي حالتنا معاه , يجرنا و نحن ماشيييين !


بكم سنة , شو صار للدنيا و كيف تغيرنا , من صغيرنا لكبيرنا , من رجالنا لحريمنا , إلا من رحم الله

و بكل الحالات ما يغير في واجب الانكار على جميع المسلمين , ترانا محاسبين لو سكتنا
تذكرت قصة من قصص القرآن الكريم في بني إسرائيل , لما نجى الله "المصلحين"
كانوا ينصحون و يذكرون , و يردون عليهم ناس من قومهم ليش توعظون و تضيعون وقتكم , فردهم إن هذا لنجاتهم نفسهم في حسابهم و لعلهم يتقون !
ثم ذكر الله العاقبة .. أنه نجى "المصلحين" ( ما ذكر الصالحين ) , و أنه أخذ اللي كانوا يجاهرون بالفسق و صموا آذانهم عن النصح بالعذاب البئيس !
نسأل الله أن يعيذنا أجمعين

,

هم طريقين
و بإذن الله نختار الطريق الصحيح , عالجنة ..
و عساه يثبتنا و يرزقنا بالطاعات , و أن يبلغنا أعاالي الدرجاات

و نتذكر قبلها الآيات :
(( ليس بأمانيكم ولا أماني أهل الكتاب
من يعمل سوءا يجز به ولا يجد له من دون الله وليا ولا نصيرا
ومن يعمل من الصالحات من ذكر أو أنثى وهو مؤمن فأولئك يدخلون الجنة ولا يظلمون نقيرا ))

,


و نقطة أخيرة

عسى الله يرزقنا إتباع السنة و نتبع خير البشر عالجنة
السنة هي "الوسطية" اللي نزل فيها الوحي من رب العالمين

أما "التشدد" .. فهو يقال للي شذوا عن السنة و اخترعوا و زادوا من عندهم في الدين , يعني المتنطعين و العياذ بالله


,

( لا يؤمن أحدكم حتى يحب لأخيه ما يحب لنفسه )
لولا هذا لما تكلمنا !


شكراً للجميع
:)

[align=center]أأخخخخخ بس

وينكم يا هيئة الأمر بالمعروف والنهي عن المنكر[/align]

لو عيبتني عباه فيها حزام بكل بساطه اقوله شل الحزام ماباه ووسع من العباه

الحريم ناقصات عقل و دين
بس يحبون المرض النفسي يلي اسمه موضة شرات .........
العباية الاصل انها تكون:
1- سوداء تماما بدون اي لون ثاني
2-بدون لمعة
3- مسكرة تماما شرات الكندورة
4- واسعة
غير جي اسمه مصخرة
و على فكرة الشب اصلا يحب البنت المتسترة
موب الي مسوية عرض ازياء لانه يعتبرها بنظره رخيصة و مريضة نفسيا

اسميه البنات عليهl عقل كهرب بسم الله مشاء الله اللهم لا حسد
يحسسوني يوم تنزل موضة تافهة و غبية يراكضون وراها شرات ال... يوم تعق لهم الاكل
زين فكرو شوي قبل لا تشترون
حتى شامبيه حط عليكم و على عبيكم
اتركم مع صورة الأميرة صيتة اخت الملك عبدالله بن عبدالعزيز ( رحمها الله) و شوفو كيف عبايتها
http://www.shmalonline.com/contents/newsm/413.jpg

زيٌيٌن واللهَ لمآ حصلت التنبييه منكم بصراحهَ استفدت...