امس العصر طال عمركم جان نشد الرحال صوب نادي الرماية عسب نرمي لنا جم من طلقة
ندرب ونقوي مهاراتنا وتدرون من فترة طويلة ما رمينا وجيه يعني
اخليكم ويا الصور ولازم يصاحبها شوية بهارات من تعليقات هع هع
ها اول ما وصلنا صوب دوار سوق الغنم القديم
وعقب ما لفينا خذينا الشارع سيده ومن عقب عاليمين
مثل ما قلت لكم خذينا يمين وكملنا سيده صوب دوار قصر الشيخ الله يحفظه
هنيه عاد وصلنا الدوار ولفينا
وها عقب ما لفينا الدوار ورجعنا
وتراني اسوق واصور بنفس الوقت فهنيه احتاست الكاميرا شوية ( مخرج خرطي لا تلوموني ) خخخخخ
خذينا يمين وكملنا
بعد دوار ثاني حشى زادت الدواوير براس الخيمة ودار راسنا وياها حشى
وعقب ما لفينا الدوار دخل السدين بسيد واحد ودخلناو ياه حشى مب نادي رماية ها نبا نروح له
خلاص هانت ظهر لنا جدار النادي وقربنا نوصل
واخيرا وليس آخرا وصلنا لمدخل النادي
طبعا قلنا لازم نصور لكم مواعيد الدخول والعمل كالمعتاد
ودخلنا ووقفنا سيارتنا يا سلام عليها عين الحسود فيها دود
وجفنا مكتب الادارة تجاوزنا وسيدة على صالة الرمي ماشي وقت هوبيس على طول حار بحار
وهاي صالة الرمي والتشبيح والتصويب والرماية وسمها اللي بتسميها
طبعا ما خلونا نرمي قالو لنا ممنوع اهي اهي
حلاته الرمي وانت راقد تصويب ميه ميه
وطبعا كل شي مرتب والمكان مرتب والاحتياطات موجودة كل شي شغل عدل
طفايات الحريق وجهاز الانذار السريع بس ما صورته
كاتم ومخفف صوت السلاح على الاذن
عن قرب
وعقب كلمنا المدرب واتـفقنا وياه على الرمي وجيه كل خمسين طلقة بمائة درهم تخيلوا دفعوني مائة درهم يا قلبي عليها بموت خخخخخخ حشى مب بخل خخخخخخ
هينه منصة الرمي تتحرك سايرة رادة وعليها لوحة الرمي
هنيه صورة للوحة عن قرب توضح ارقام الحساب
هنيه عاد السلاح ومخزنين داش حرب خخخخخ
وهنيه الطلقات
وعقب جان اصوب صوب الهدف ( خقاق بعد بيد واحدة اوني عاد )
وعقب جان اقبض المسدس عدل وبديت ارمي
عقب ما خلصت اجوف ايدي تنزف دم ما ادري من شو المهم لزقتها بلزق من عندهم فديت صبعي المبتور شوي
ومن خلصت وجان اروح صوب اربيعي هو يضارب ويا المسدس وانا اصور ابرد ما عندي احر ما عنده خخخخ
ياب واحدة بالنص وحشرنا حشرة واذانا اذية قلناله صابت لو تروم ييبها مرة ثانية خخخخ
وجان اتحمس كيف هو اييب بالنص وانا لا
وانش اقبض الطلقات
وعبي المخزن بالرصاص
وعقب داخل السلاح
واستعد للاطلاق
وتميت ارمي لين عقب المغرب وعقبها رحنا المسيد هناك صلينا ورجعنا
وردينا من الصلاة وتمينا نرمي بعد حشى مب حب للرمي ها خخخخخ
وكانت اخر نتائجي قبل لا اظهر ( طبعا هاي نظرا لاني تعبت والنفس عندي والله عنه ولا انا اروم اييب نتائج أحسن عن هذي )
طبعا تدرون عاد صاحبكم شبيح فلازم اهدافه بالنص يعني مرة طار الهدف طر خخخخخخ
طبعا لمسافات الرمي كانت متفاوته
يمعنا عقبها الخشر اللي هو اللي باقي من الطلقة عسب نصوره بس هب عسب انظف المكان خخخخ
ولاحظنا باليدران محطين البطولات مال النادي وصور وجيه صورت لكم صورة
وطبعا نشكر الاساتذة الكرام على تعاونهم ويانا المدربين صراحة وناسة حبوبين
وعقبها سرنا صوب سيارتنا
ووينك يالباب
وردينا من نفس الطريج لان ماشي طريج ثاني هع هع
وعقب سرنا صوب الكورنيش والكويتي والخ الخ
وتوتة توتى خلصت الحدوته
ان شاء الله عجبكم بس
واسمحولنا عالقصور
طبعا اي واحد يحب يسير هناك حاضرين افا عليكم انتوا بس
وشكرا
خاص
Just_me
خيماوي_2000
