كذب وخيانات وآلام..قصة من تأليفي دشووو واقروو

السلام عليكم..أنا عضوه يديده في هالمنتدى يعني اعتقد صارلي 4 ايام مشاركه..

المهم أنا كنت كاتبه قبل قصه وامنزلتنها في احد المنتديات من فتره كاتبتنها ..وألحين شوي عدلت فيها ..ووغير ت بإسمين من أسامي الشخصيات اللي بالقصه ..هذي اول قصه أحاول فيها ..يعني اكيد بتلاقوون فيها عيوب الدنياا ههه..عادي طوفولي وانتقدوا ..مسموح لكم ههه..وعلى فكرة هيه مش طويلة قصيرة ونص....

احم ونبدأ ..بسم الله توكلنا(حشا سايره اجاهد)
المهم

الكاتبه/شي بالخاطر..
عنوان القصة/ كذب وخيانات وآلام..
.................

بس الوفاء .. وش هو الوفاء؟؟ تدري.. انك تحس انك حياتي , واني أنا اللي فيها وحيد وانك وجودي وأمنياتي؟؟بس ..يا صعب الوفاء بدون صدق المشاعر
أنا الغريق في بحر حبك وأنا الضحية لو جنيت؟؟تبي تعرف من هو أنت : ؟؟أنت دمعه حزين, وبعض الأسى مهموم وكل معاناتك انك غريب في دنيا ما فيها حبيب..
كلك أحاسيس وطفولة تبغي تحب الناس والناس يحبونك ؟!وترخص الغالي لهم وفي لحظه............. يخونونك؟؟ وتناساهم ؟؟
وقصتي: ؟
إني أنا الجريح اللي وفاء وارخص لجل خله كل غالي وما يبالي !!! زرعت أنا وردي وفاء وجنيت من خلي جفاء وكل الخيانة والغدر ونكران الجميل ...
خلني أبقى معاك بدنيتك وخلك الوافي ؟؟خلنا نكون اثنين في روح .. لا ..الخيانة والغدر.. ولعب المشاعر .. ما احتمل ؟؟
كل همي تكون صادق ..... وتنطق فيها( تحبني(ابسألك : أنت ودك نكون أحباب ؟؟ وإلا أصحاب وبس ؟؟أبغى الحقيقة لو دقيقه ؟؟
أنا ادري بعض ألحكي ما يثيرك؟؟؟
لكن لزوم أقول وش صار فيني؟؟
ابكي كدر على القدر .. وأنت بعيييييييد .. وما يسوى الزمن بلحظه وداع ..تبي تعرف قدرك وغلاتك ؟؟ اسأل دموعي وين الصبر؟؟ دربي قهر .. شربت الألم .. عشت الوهم .. حبيت بجد.. تعبت .. عانيييييييت ..حتى الروح ملت من السهر .. ملت من زود الصبر ..
كلي أمل انك تكون ( صادق(
وتنطق فيها تحبني ؟؟ ولا ودك تعذبني؟؟

(الجزء الأول)
كنتي مناة القلب والروح والعيــن .. واليــــــــوم عينج يعلها ماتبـاتي
كنت أحسبج للعهد و الحب توفين .. قلتي الغدر بالحب ما هو سواتي
و بان الغدر سمٍ جرى بالشراييـن .. الله عسى يسقيج سم الفعـــــاتي
كلي سقيتج حب و اليوم تنســــين .. تقولين حلم أيام و اليوم فاتـــــي
و خذتي الهوا لعبه على ما تحبين .. إلين عصفت بالهوا عاصـــفاتي
الشخصيات:
عايله بو حسن: أم حسن، حسن (26سنه)، شما(20 سنه)، والأب متوفي من سنوات..
عايله بوحمـد : أبو حمد،أم حمد، حمد(28سنه)،عبير(25سنه)،مايد(18سنه)..
ونبدأ القصه....
بيت بو حسن...
طلعت من حجرتها متجهه صوب الصاله فإلتقت بأخوها...
حسسسسسسسسسن والصمخ وينك....
حسن: هااااا شموووو شو تبغين...؟؟؟
شما بمكر: هلا بالغلا كله وينك أناديك صارلي ساعه...
حسن: احم احم بدينا المصالح قاعده ادلعيني الغلا وما ادري ايش ...خيييييييييييييييير يا المصلحجيه أقصد يا شما هانم..
شما واهي تضخك ههههه: بغيت يا خويه يا حبيبي تاخذني السوق..
حسن بحده:نعم نعم نعم حد قالج اني اشتغلت سايق قبل..يالا يالا منااااك
شما واهي اتهز راسها بمعنى هيه وتضحك ههههه.هههههه.
حسن بانفعااال: ولي لااا أنا بسير حجرتي أبرك لي...
شما تمسك بكندوره حسن: تعاااااااال أمزح معاك عافانا الله بسرعه اتشب شراره ..هاا بتوديني ولا بذلني كالعادة..
حسن: لا طبعاً ما فاضيلج أنا يالا مناااك ... وخري عني..
شما بقهر: صج ما منك فايده الشرهه موب عليك الشرهه عاللي ادلعك... ماااالت...
....
رن تلفووون حسن تن تن تن:
ألووووووووووووووووووو هلا بو الشباب وينك قاطع...
المتصل: موجود اهنيه في أرض الله الواسعه
حسن: انزين وين انت ألحين ...نبااا انشوفك يا رياااال
المتصل: وين بعد قاعد اهنيه ويا الربع في الشيشه ما بتي
حسن : خلاص تم ...ألحين ييييييكم زين د قيت كنت حاس بضيقه...
المتصل: خير شو السالفه...؟؟؟
حسن: خير خير بس اتعرف عاد عقب ما اتفنشت من الدوام الواحد يصير بغير حاله المهم أنا بيييكم بغير جو بدل هالجو اللي عايشنه...
المتصل : خلااااص نترياك يالااا مع السلامه...
حسن: مع السلامه
...
في بيت بو حمد
أم حمد بعصبيه: يا ربي على هالبشكاره اللسان وبس...
عبير باستغراب: شوو فيج اميه اترمسين عمرج اشوي اشوي على نفسج لا يصير فيج شي..
أم حمد : هذي البشكاره الله يغربلها لعبت بمخي أقولها يمين اتقولي يساار.. غبيه... أشوووووفني بردها المكتب ما فيني أتخبل من وراها...
عبير: ههههههه حرام اميه استحمليها اول مره تشتغل ...
أم حمد: الله كريم بنشوف أخرتها وياها..
عبير: انزين الغاليه أنا بخليج بسير أرقد تعبااااانه ..
أم حمد: إنزين برايج انا بسير بيت أم حسن اذا ابوج سأل عني قوليله أني بيت اخته..
عبير: اذا نشيت بخبره المهم سلمي عليهم
,,,,,,,,,,,,,,,,,,,
في الشيشه
هلاااااااااااااااا والله... خشمك..
حسن: هلا عبد العزيز شخبارك؟؟؟؟؟؟؟؟
محمد: والله ماشي الحال إلا بتخبرك شوو سالفه تفنيشك من الدوام؟؟؟
حسن بضيج : لا تذكرني يا ريال، أخخخخخ.. اشد قد طفران، الواحد بدون راتب ورزه ما يسوى.
محمد: أكيد إنذارات عليك من كثره الغياب عسب جي فنشوووك..
حسن بحزن: لاا والله موب هالسالفه ياليت على هالسالفه ، السالفه ا كبر من جي
محمد بذهول: هاا بسم الله حسووون انت شوو امسوي قولي وأنا اخوك يمكن أساعدك
حسن بتنهد: محد يقدر يساعدني بهالسالفه خلااااااص.... اهناك حتى ما أقدر أرد ابدأ
محمد: أقول حسن قوم خل انروح نقعد عل البحر اهناك انسولف على راحتنا احسن
حسن : يا ريال شووو فيك صاير ملقوف ههههه يا أخي ما أحيدك...
عبدالعزيز: يلا قوووم خل انسير وقولي السالفه بلا هالمصخره..
حسن : إنزين خلني اشوي أعدل المزاج بعدين نتوكل...
محمد وهوو يأشر: خلاااص تم ، علااااااء هات شيشه زياده...
.....
بيت بوحسن
شما بتأفف: اوووف هذا وينه لا اتصل ولا شي،بدق له‘‘‘
....
في الشيشه
ترن ترن ترن ترن
رن مبايل محمد جان يرتبك
حسن باستغراب: عزيز رد شو بلاك
محمد مرتبك: هاااا، برد برد بس موب ألحين
حسن: ليش عااااد
محمد بابتسامه مصطنعه: الأهل
حسن: إنزين رد يمكن يبونك ظروري
محمد: لا ظروري ولا شي أعرفهم أنا إلا ودني ولا خذني أطنش أحسن
حسن: إنزين يالا نتوكل
محمد سكر بويه المتصل دون ما ينتبه له حسن.
حسن يأشر عل القاعدين : يالا ، مع السلامه شبااااب
وراح محمد مع حسن البحر..
....
حسن انسان طيب وحبوب ولكن ماله حظ...واذا حب حب بإخلاص ، وحبه هذا كان سبب تفنيشه من الدوام ، لأنه اللي يحبها كانت هيه بنت صاحب الشركه اللي يشتغل فيها ..
....
في بيت بوحسن
شما بتأفف: اووووف أكيد حسووون معاه ...شوو هالحركات دايما جي ما يخبرني انه حسن بيكون عنده اوووف ، اشتقت له، ممممم خل أدق لجاسم صارلي مده ما سمعت حسه..
...
شما انسانه تلعب اشوي بس تحب اتعيش قصص حب، تعرفت على شباب وايد بس أكثر واحد دش خاطرها كان محمد صديق أخوها حسن، ومحمد بعد كان يبادلها نفس الشعور ويرتاح لها وواثق منها بس مرات يحس بذنب لأنها اخت اربيعه، وما يعرف انه شما لها ماضي وانه مرات اتخونه لما اتحس انه محمد مشغول عنها وبنظرها انه هالشي موب غلط ، لأنه بقراره نفسها اتعرف انه المفضل لها واللي اتحبه هووو محمد والباقيييين بس تكمله عدد...
.....
شما تتصل لجاسم بس ما يرد عليها
رن مبايلها والمتصل جاسم
شما اتقول بخاطرها: زين اتصل وما خسرني ههه،
شما: ألووووووووووووووو
جاسم: يا خفيف الدم شحوالك وكيف حال اللي نشد عنك، اتصالك وين وارسالك وين دارك شاقني فنك...
شما واهي تضحك: يا سلام يا سلام معاي ميحد حمد ولا جاسم حمد ههههها
جاسم: انتي وينج يا عمري صارلي فتره ادقلج ما تردين عليه حتى لو بمسج...
شما بكذب: ظروووف يا جسومي
جاسم بوناسه: فدييييييييييييت اللي اتقول جسومي أنا.. والله يا حبيبتي اشتقت لج
شما بمكر: أعرف عسب جي دقيت ، شوووف الإحساس اللي عندي، ارساله قوي هههها
جاسم: انتي كلج احساس يا عمري، صج شمامي اشتقتلج لج حرام عليج قطعتيني مره وحده ،أأه اشتقتيلي يا عمري؟؟؟؟
شما وهي اتفكر شو اتقول: ,,,,,,,,,,,
جاسم: ألو وينج ليش سكتي
شما: وياك ، جسوم حبيبي أنا اشتقت لك بس مستحيه منك
جاسم : أفا يا عمري حد يستحي من حبيبه
شما بخبث: أنا اشتقت لك بس مستحيه أقولك ، تعرف لأني قطعت وجي بس والله والله الظروف
جاسم بقلق: شوو فيج يا عمري عسى ما شر
شما قامت تخربط وتألف رمسه لجاسم ، وجاسم المسكين امصدق رمستها لأنه صج يحبها وكان ناوي يتقدم لها بعد ما يخلص دراسته الجامعيه ويشتغل..
.....
(الجزء الثاني)

" الروح حنت لك والعين مشتاقه..وتدري اللي يحبه القلب موو هين فراقه"
على شاطئ البحر...كان محمد وحسن قاعدين....
محمد:انزين ألحين شووو بتسوي، انت قدمت على شغل بمكان ثاني؟
حسن: لا
محمد: ليش؟؟؟ انت روحك قايل الواحد ما يسوى بلا راتب ولا رزه..
حسن: تعبان يا يا محمد وايد أفكر فيها ، أحس انها ما بتكون من نصيبي من بعد ما اكتشف ابوها علاقتي فيها..
محمد: يا ريال جان تبيها يالا شد حيلك وقدم على وظيفه،
حسن: من يقبلني ،، حدي ثانويه، واذا حصلت وظيفه بحصل وظيفه براتب قليل ، وأبوها هامور ما بيرضى يزوج بنته لواحد أقل منها مستوى، والله تعبت أحس ضاقت بي الدنيا، مرات أفكر أشرب حتى أنسى
محمد: يا ريال اذكر الله ، واذا البنت اتحبك وشاريتنك ، ترضى بك وتحاول تقنع أبوها فيك ، اذكر الله بس انت. وبلا هالرمسه الماصخه...
حسن بأسى : الله كريم.. وظهر من جيبه سيجاره وقعد يدخنها...
.....
في بيت بوحسن
شما بعدها اترمس جاسم...
شما بانفعال: أقوووولك انت ما تفهم أول غير وألحين غير..
جاسم بحنيه : حبيبتي بس نظره ما قلت تطلعين معاي..
شما بتأفف: اووووووووووووووووووووووووووووووف ولا نظره ولا شي، وفي خاطرها اتقول( مستحيل أطلع مع أي حد غير حبيبي حمادة كل شي ولا أخونه بهالشي)
جاسم : تغيرتي وايد يا شما ، قبل تظهرين معايا ..
شما: هيه اتغيرت وألحين بخليك اوكي..
جاسم بتوسل: حبيبتي بعدني مشتاقلج
شما: جاسم يالاا عاد بسكر
جاسم: متى بسمع صوتج مره ثانيه
شما واهي تتنهد: قريب ان شاء الله
جاسم بابتسامه خفيفه: فديتج ديري بالج على عمرج وأرجوج لا تقطعيني ، أحبج أحبج أحبج
شما بحزم: أوكي يالا باي
جاسم : باي فديتج
..................
سكرت شما عن جاسم ، وقالت يااااللله ما ودي أخونك يا حمودب بس ما عرف ليش أسوي جي ، بس بتوب اذا تزوجنا ومستحيل أنظر أو أفكر أشوف غيرك ، ورفعت ايدها تدعي انه الله يجمعها وياه في بيت واحد..
....
في بيت بو حمد
عبير نايمه وفجأه نشت
عبير: يا ربي شوو هالحلم ألا كابوس خير اللهم اجعله خير,,أعوذ بالله ، أحسنلي بنش ما فيني يردلي نفس الحلم..
...
عبير بنت متدينه / ، وهاديه وطيبه ، انخطبت وايد ولكن اتردهم ، لأنه كل ما صلت صلاه استخاره اتحس بعدم راحه ...
.....
بيت بوحسن
ترن ترن
شما: وأخييييييييييرأ، ألووووو
محمد: ألووووو هلا السلام عليكم
شما بعصبيه: وعليكم نعم فيه شي
محمد: شوو زعلانه مني
شما بانفعااال: حضرتك شووو عبالك أنا ما أحس
محمد: والله حسن كان معايا سامحيني حبي
شما بهدوء: اعرف انه حسن عندك وقبل ليش ما دقيت لي
محمد: كان معاي شباب ما بغيت أدق لج جدامهم
شما بحده: يا سلام وحضرتك ما تعرف تبتعد عنهم اشوي
محمد: انشغلت عاد سامحيني هالمره
شما: اوكي بس هذي اخر مره والله أزعل ثاني مره
محمد : خلااااااااااااااااااااص ، أقول سمعي هالإهداء(مقطع أغنيه )
....
محمد طبعا ربيع حسن ومعرفته بشما كانت بالصدفه،محمد كانت عنده دوره في لندن، وشوي بدت أخبار حسن ومحمد تنقطع عن بعض بسبب أشغال كل واحد فيهم...ولما شما كانت تبي اتطلع رقم ، قال لها حسن عندي رقم ما استخدمه بعطيج اياه...لما رجع محمد من دورته اتصل لربيعه حسن ,,,اللي ردت طبعا شما..واشوي واشوي بدت العلاقه بينهم..وكانت شما أول انسانه تدخل حياه محمد، وهالشي فرحها أكثر، لأنه شافت فيه الشي اللي هيه مو لاقيته بنفسها من طهاره وإخلاص ووفا ...
...................................
في بيت بوحمد
عبير بقلق: أمي تأخرت اساعه صارت 8 واهي ما يت ...خل أدق لها
واتصلت عبير لأمها ولكنها ما كانت اترد ..
راحت دقت لشما..
ألووووووووووووووووو
شما:هلا والله بمطوعتنا غريبه متصله
عبير: السلام عليكم جيف حالج شما
شما: وعليكم السلام أنا بخير يسرج حالي
عبير: بسألج امي عندكم ؟؟؟
شما: نوووووووووووووووو، ما عندنا
عبيربقلق: غريبه وين راحت،قالتلي بتمر صوبكم
شما: ما مرت يمكن يت وأنا ماشفتها
عبير: خلاص انزين مشكوره
شما: العفو نحن في الخدمه باااااااااااااااااااااااااااااااااي
عبير : مع السلامه
وقعدت عبير اتحاتي امها ... وبعد دقايق ..رن التلفون...ترن ترن ترن...
عبير: ألووووووووووو أمي ويينج
الأم: أنا في بيت أخووووج وماسمعت التلفون لما رن..
عبير: الله يهداج يا أميه...قعدت أحاتيج أنتي قايله لي بتروحين بيت عموووه
الأم : غيرت رايي لا تحاتين أنا بخير..
عبير: أنزين أخوي بخير ألحين
الأم : الحمدالله أحسن من أول
عبير: الحمدالله سلمي عليه وحاولي تقنعينه إنه يسكن عندنا
الأم : الله يسلمج وان شاء الله يسمع الرمسه ...يالااا حبيبتي مع السلامه
عبير: بحفظ الله

..........................

"لا ردج الله ولا أطلب تردين أدعي عليج بعثرتن في صلاتي عثره تشلج ما بعدها تقومين
ياللي نقضتي عهودنا الماضياتي"
في أحد الشقق المستأجره وسط المدينه ...يجلس رجل في غرفته الشبه مظلمه .. يبكي ألما وحسره .. ونحيبه يشق جدار السكون والظلام .. يبكي على اخلاص كان يتوهمه ، وحب كان يحلمه .. يبكي جرح يألمه ..
أم حمد: لا تصيح عورت قلبي يا ولدي خلها تولي الله لا يوفقها وين ما كانت
حمد بحزن: والله يا أمي ما قصرت وياها بشي كل شي تباه أسويه لها ليش سوت فيني جي
أم حمد: اذكر الله وقوم صل لك ركعتين...احمد ربك انه ما صار بينكم اعيال ولاااا ما بينعرف شوو مصيرهم بعدين...
حمد بعده يصيح..
أم حمد : قوم يا حمد قوم واترك هالبيت تعال معانا ومش ادموعك انت ريال..
حمد وبصوت مبحوح : غصب عني يا أمي ..انتي ما تعرفين كيف كانت زوجتي نوره ..صورت لي نفسها ملاك ولكن طلعت شيطان ..ويصييييح
أم حمد: لا حول ولا قوه... الله يخليك يا حمد اترك هالبيت وتعال وياي والله لأزوجك اللي أحسن منها..
حمد بانفعال: أتزوج!!!! ؟؟؟ مستحيل يا أمي أكرر هالغلطه أنا ما أبي أنلدغ مره ثانيه..
أم حمد : يا ولدي موب كل البنات شرات نوره ...اذكر الله وقوم
حمد مسح دموعه وقام حتى يتوضأ ويصلي له ركعتين...
.................
حمد مجروح ...تزوج ولكن زواجه ما استمر... واللي جرحه شخص الخيانة تجري في دمه .. يبكي حب ذبح بسكين الغدر والخيانة .. حب لشخص لا يستحق الحب ولا الدموع .... لا يعرف معنى الوفاء والاخلاص ..

................................................
(الجزء الثالث)
"اللي يقول الحب موجود كذاب حاجات ممنوعه يسمونها حب واللي يقول اسهرني العشق نصاب يعرف نصابه معلمته النصب"
انت غبي ما تفهم كم مره أقوووووووووووووووووووولك لاااا تتصل
المتصل:انا غبي الله يسامحج،وانا اسف ومع السلامه
وسكر الخط....
شما بحده: الله ياااااخذه سكر بويهي ،فكه صج ممل حشاااا متزوج وعنده عيال وبعده يتصل فيني..صج الريااييل ما منهم أمان...
واندق باااب الحجره(تك تك تك)
شما: منووو
البشكاره: أنا مداااام
شما: !!!!!!!!!!!!!مدااااام بعينج دشي..
البشكاره:سووووري ,,مااااما كبير يقول تعالي غدااااا
شما: ان شاء الله عمتي صكي الباب وراااااااج...
وفجأه رن المباااااااااااااااااااااااااااااااااااايل (ترن ترن ترن)
شما بدلع: هلا بنور عيني
محمد بابتسامه : فديت الصوت وراعيه الصوت
شما أونها استحت: مممممممممممممممم حياااااااااااااااتي
محمد: اشحالج غناااااتي؟؟ قلت أسمع صوووتج قبل لاا نام
شما وبعصبيه: نعم نعم نعم بس وايد عليك،ما اتحس نفسك متغير علي ،شكلك مليت مني (وبوزت)
محمد: حبيبي والله تعبان،توني راد من الدوام.
شما عضت على شفايفها: وفي الليل بتنااااام،صح؟؟؟
محمد:أوعدج أكلمج أول ما انش،عذريني هالمره شمشومتي
شما واهي تتأفف: اووووف كم مره أعذرك لمتى عاااد؟؟؟؟؟
ساااد الصمت....
شما:ألوووووو وينك...؟؟
(لاااا جوااااب)
شما:حمود وينك؟؟؟ رقدت اوووووكي يا حمود (وقبل ما اتسكر....)
محمد وعيونه شبه امغمضه : آآآآآهاااا سووري حبيبي غفلت والله موب قادر
شما بعصبيه : اوكي باااااي
محمد بتوسل:شما لا تزعلين مني أرجوج
شما بتأفف: بااااي

وسكرت .........................ونزلت تتغدا..
.................................................. ............
بيت بوحمد وبالتحديد في الصاله

ماشاء الله ماشاء الله ...الناس اتصلي في المسااايد وانت قاعد مثل الحرمه في البيت...
عبير وعيونها على اخووووها:احم احم الكلام عليج يا جاره...
مايد:لا حوووووول أبوي انت اشدراك فيني...أنا رحت المسيد بس انت ما شفتني...
بوحمد: شوو قالولك عني عمي ما أشوووف...
مايد وبخاطره يقولخلني أِشرد أحسن بلا هالصدعه): أقووووول أنا اتأخرت للربع ...يالاا بخاطركم...
بوحمد تقرب صوب مايد:تعاااال وين ساير ..؟؟لا يكون رايح عند خلووود وربعه ..ما ناقصين مصيبه ثانيه من مصايبك...
مايد بضيج:اوهووو انت بتذلني على سالفه طافت عليها سنه خلااااص عاد أنا ريااااال موب ياهل اترمسني جي
في هاللحظه عبير سرحت بأفكارها بعييييد وتذكرت شي..من ذكريات الماضي الأليمه ...(شوووووووووووووووووووووووووووووووو!!!! مايد في مركز الشرطه ، ليش شوو مسوي،أم حمد واهي تصيح:ما أدري ما أدري أبوج دق علي وقالي انه محجوز عندهم (تصيح)...عبيربقلق: انزين اهدي يا اميه أكيد شي عادي وبسيط انتي لا اتسوين بعمرج جي ...أم حمد بأسى:الله كريم الله كريم أنا برد أدق لأبوووج)
وفجأه .....
حوووووووووو انتي وين رحتي
عبير انتبهت لمصدر الصوت:خير مايد بغيت شي؟؟؟؟
مايد بمكر: هيه يا اختي يا حبيبتي انتي...بغيت منج 1000 درهم،سلف وأول الشهر بردهم لج
عبير بذهوول:1000درهم ليش ؟؟ومصروفك وين رااااح؟؟؟
مايد بخبث: تعرفين نحن شباب نصرف وايد والبترول غلى خخخخخخخخخخ
عبير:بس يا...
وقبل لا اتكمل قاطعها مايد: لا تبسبسين ولاشي يالا عااااد أنا مستعيل
عبير: ان شاء الله إلحقني الحجره...
وراحوووو الحجره....
.................................................. ......................
مايد أخر العنقوووود طايش ومتهور...يحب يلعب وايد...واهتمامه سيارات ومبايلات والقعده في المراكز مع الشبااب ...فر أرقام وبلوتوث...(كع كع كع فاضييييين)
.................................................. .....
"فرقونا غصب عنا لا بديه ولا بيديك...قالوا انه مستوانا ما يليق بمستواك"
في ذلك القصر الكبير ..الذي يحوي من الخدم الكثير..تجلس فتاه حزينه ...يائسه ...تفكر..وتستجمع أفكارها وتتذكر أحداث ذلك اليوم المشؤوووم...
حسن قلتلك نتزوج من ورااا اهلي ونحطهم بالامر الواقع بس انت عنيد...وما سمعت رمستي..
حسن:عذبه حبيبتي أنا اعرف الاصول..وأنا ما أرضاها لج صراحه..وانا باخذج واهلج راضيين وجدام الكل..موب بالدس والخش..
عذبه:حسن انت تعرف انه ابوي ما بيوافق عليك وانت تعرف السبب زين ماله داعي أقولك
حسن: أعرف بس أنا عندي أمل بالله قوي..انج بتكونين لي
عذبه واهي تتنهد: حسن ليش اتحب اتعيش نفسك بالأحلاام..عيش الواقع..لمتى بتظل اتعيشني وياك بحلم
حسن بذهوول:حلم!!!!!!!!أفا يا عذبه أنا اعيشج بحلم،انتي ما تعرفين انتي شووو بالنسبه لي،انتي
الهوا اللي اتنفسه...
عذبه:اسمحلي حبيبي بس خايفه من بااااجر
حسن بقلق:شوو تقصدين؟؟؟؟
عذبه تحاول اتغير الموضوع: ولا شي ولا شي انسى،مممممممممممممممممم اشتقتلي
حسن وبابتسامه خفيفه على ويهه:عندج شك
عذبه: ههههه لا طبعاً
حسن:من يحبك كثر ما احبك أنا ..من بحبك حاول وياما اجتهد...من في عينه شوفتك وكل المنى..لا ورب العرش ما غيره أحد...
.................................................. .................
عذبه بنت صاحب شركه كبيره لها أفرع عده في الدوله..تعرفت على حسن في شركه أبوها...ومن النظره الأولى بدت قصه الحب بينهم...ولكن ليس كل ما يتمناه المرء يدركه..
.................................................. .....................
(الجزءالرابع)
"لا تمثل يالغلا مغرم..ولا أمثل اني لك عاشق..كافي حبن فيه نتوهم ..كافي كذب..الحب موب لايق"
في السنتر
شووووف شووووف هذيج... صج قطعه...صوبنا يالحلو
مايد: ههههههههههههههه خلود شوووف اربيعتها اتقول طاوووس يمشي..ويا هالعبايه
خالد:واااااو بس عذااااب ههههههه
مايد:أقووول خلنا نلحقهم..يمكن امشغلين لبلوتوث..
خالد:عليهاااااااااااااااااااااااااااا
ولحقوااااا البنتين...........................من مكان لمكان وماكانوا امشغلين لبلوتوث
مايد وبصوت شبه مسموع: 050#######(قط رقمه)
البنت وبعصبيه: انته قليل أدب صج ما تستحي..حل عن سمانا ويا هالويه
مايد بخوف:أقووول خلووود خل انروح عنهم
خالد:انت خوااااف هذي حركات بنااااااات..
مايد بحده:يا أخي خل انروح البنت عصبت.
خالد:هههههههههههههههه ياحلاه هالويه واهوو امعصب
مايد بانفعال: أنا ساير عند الشبااااب .غاااازل روحك
خالد بخبث:لااا يكووون البنت فرت مخك هههههههههههههههههههه
مايد تجاهل رمسه خااااالد..ومشى عنه صوب الربع...
.................................................. .................................................. ....
بيت محمد
هذي ما اترد لايكون زعلت صج..خل ارسل لها مسج
..............................................
بيت بوحسن
تن تن تن تن,,,(صوت المسج)
حسن: انتي ليش ما اتردين على اربيعتج
شما خزته بنظره:كيفي، وهذا مسج مووووب اتصاااال
حسن:أعرف بس قبل اشوي ما رديتي
شما:مالي خلق أرمس أحد
حسن باستهزاء:اوكي انا برمسهم بدالج هههههه
شما بحزم:سخيف
حسن: هههههههههههههههههههه شراره اليوم..امي دقي عالمطافي لا يحترق بيتنا
شما انقهرت منه:اونك اتنكت
أم حسن بشبه عصبيه: بس عااااد انتي ويااااااه،ويالاا قومووو تجهزو بنروح بيت خالكم
شما بضيج:مالي خاطر أطلع...(ووقبل لاتكمل قاطعتها امها)
أم حسن و اهي اطالع حسن: كلكم بتسيرون،وخاصه حسن..
حسن باستغراب: ليش عااااد أنا خاصتن
أم حسن ابتسمت: العروس اهنااااك
حسن بذهوول:أي عروووس!!!!!!!!!!شوو السالفه؟؟؟
شما واهي تضحك: ههههه اونك تستهبل،عبير منوو غيرها..عرووووس المستقبل
حسن متفاجئ:أمي صدق رمسه شما
أم حسن بابتسامه شاقه الويه:هيه يا ولدي، انت كبرت ولازم أفرح فيك،وبنت خالك مزيونه وما شفنا منها العيب..
حسن نش واقف: أنا ما باخذ من الاهل وهالكلام لاحقين عليه..
أم حسن بانفعال:لا يكون حاااط عينك على وحده،اسمع تراا بنت خالك موجوده وما ارضى بغيرها
حسن بخاطره :آآآآآآآآآآآآآآآآه ياامي لا تكونين انتي والزمن علي
أم حسن:هاا اشوفك سكت،ارمس قول شي
حسن يتهرب من الاجابه: يصير خير،يالا تجهزوا وأنا اترياكم بالسياره
شما:أنا ما بسير،لاتقوووولين بعد تبين اتزوجيني ميووود،هذا اللي ناقص،آخذ يهالووو
أم حسن: بس عاد انجبي وروحي تجهزي،من كبرج ألحين
شما بضيج : انزززززين..
راحت شما حجرتها وشافت المسج بس طنشت(أونها تتغلى) خخخخخخخخخخ
.................................................. .................................................. .................................................
بيت محمد
في هاللحظه كان محمد يتريا مسج أو اتصال من محمد...وفجأه...
انت اهنيه وأنا أدورك..
محمد: أمري الغاليه بغيتي شي
أم محمد:لا فديتك بس أخوووك بغااا يعطيك أوراق وما حصلك
محمد:هوو ساااار ألحين..
أم محمد:هيه رااااح من ربع ساعه ويبلغك السلام
محمد:الله يسلمه ويسلم راسج الغاليه،خلااااااص أنا بتصل به ....................
.................................................. .................................................. ........................................
في شقه حمد
"أحاااول أقتنع اني جفيته ولاا ابد ما بيــــــــــــــــــــه
وأقول اني نسيت وما ابي في الكون له طــــــــاااااري
وأكون أكذب على نفسي وبكل نبضه خفوووق أطريه
وألاقي حبه في قلبي شرات الدم في الانـــــــــســــان"
عبير: انت عايبنك حالك جي
حمد يتنهد:...........................
عبير: انزين أقولك شووو رايك اتكمل دراستك
حمد بنظره حزينه: أنا بسااااافر
عبير بونااااسه:بتكمل دراستك؟؟؟
حمد :لااااا...بروح العمره
عبير بدت دقات قلبها تتسارع(أبووووج شاااف محامي زين وقال ان شاء الله بيحاااول يطلع أخوووج مايد...عبير: الحمدالله بس هذي سوات يسويها هوو وربعه يصورون بنات النااااس في المراكز،ماايخاااف على عرضه،ولا بعد يوزعونها بلوتوث،أم حمد: اللي صاار عاد المهم يطلع بالسلامه)
عبير انتبهت لسرحانها: خيرما اتسوي ياخوي،أنا سايره ألحين موو ناوي ترجع البيت،تراا البيت بدونك موب حلو
حمد :ان شاء الله اذا رجعت من العمره بسكن عندكم..
عبيربابتسامه رقيقه:اتنور ياخوووي
.................................................. .......................................
في الطريق للعين
يا ربي اشتقت لها...اذا وصلت السكن بتصل فيها أحسن
.................................................. ......................................
في بيت بو حمد
أم حسن: وين ما انشوووفكم مره قاطعين لا تزورونا ولا شي موو كأنه أهل
أم حمد: سامحيني يا أم حسن ودي أيييكم .بس انشغلنا بسالفه حمد
أم حسن: هيه وحليله ما يستاهل،إلا وين عبير ما اشوفها
أم حمد: عبير سااارت صوووب أخوها حمد،تقنعه يسكن عندنا،راسه يابس يا اختي مووب راضي يسمع الرمسه،هاا حسن موب ناوي تعرس،أِشوفك طولت
أم حسن ابتسمت لولدها وقالت: قريب ان ش.. وقبل لا تكمل .........
قاطعها حسن:بعدني ما افكر خالووو، المشوار طويل بعده
أم حسن خزت ولدها بنظره وقالت: شباب هاليوم لا يعجبهم العجب ولا صيام برجب
أم حمد ضحكت وقالت: خليه براحته،باجر روحه بيقولج خطبيلي،ان شاء الله تفرحين بشما
شما استحت:ان شاء الله خالوووو وفي خاطرها اتقووول(ان شاء الله اللي بالي يكون من نصيبي يا رب)
حسن باستهزاء: صج قواااات عين
شما انقهرت من حسن وبخاطرها:صج سخيف
...............................................
في السياره
الماضي ماضي..ولكن في ماضي صعب ننساه وفي ماااااضي نحاول نتناساااه وفي ماضي ماضي..
آآآآآآآآآآآآآآآآآآآآآآآآه أغمضت عيناها وبدأ الماضي ينسااااااااااااااااااااااااااااااااب كالشلال
(ترن ترن ترن
أم حمد: قومي يا امي شلي التلفون
عبير: ان شاء الله،ألووووووو
المتصل: السلام عليكم
عبير: وعليكم السلام
المتصل: بوحمد موجود
عبير:لا أخويه مش موجود، من أقوووله؟؟
المتصل: قوليله المحامي سيف
عبير باستغراب:المحامي سيف!!!!!! ممممم ان شاء الله
بعد ما سكرت...
أم حمد: امنو اللي اتصل
عبير:واحد يبا الوالد ويقول انه محامي
أم حمد: هيه المحامي سيف هذا اللي طلع أخووج من السجن
عبير: ايواااااا )
استغفر الله استغفر الله شوو اللي ذكرني فيه...وقعدت عبير تستغفر لين ما وصلت بيتهم
.................................................. .................................................. ................................................
(الجزء الخاااااامس)
"كم ذبحني الشوووق يا الغالي وكم دمع العين هليته وانته عني ساهي ولاهي"
في السكن تقريبا الساعه 1:00 ليلاً
جاسم:هلاااا بالقلب
شما بضيج:أهلين
جاسم:اشتقت لج لا يكون نايمه
شما:اشتاقت لك العافيه
جاسم:الله يعافيج حبيبتي،ممكن سؤال
شما: اسأل
جاسم:شوو اللي غيرج من صوبي؟؟؟
شما: ما تغيرت عادي بس انت يتهيألك
وتمت شما اتسووولف مع جاسم وفجأه ...
أقووول جاسم بخليك ألحين بااااي
وردت عل الخط الثاني
محمد بحده: اترمسين امنووو هالحزه؟؟؟
شمابارتباك:حبيبي اشفيك لا يكوووون شاااك فيني
محمد بانفعال: قلت امنو اترمسين هالحزه؟؟
شما وبضحكه مصطنعه:ههههه فديتك والله،حبيبي كنت أحاول أشترك بخدمه (Greetune)
محمد:أهاااااا
مسكين محمد صدق الجذبه وتمو يسولفون لين الفجر .............
.................................................. ........................ ..............................................
في اليوم الثاني في بيت بوحمد وتحديدا المغرب
يا رب الإمارات اتفوووووز ياارب
أم حمد: ميووود انت شوو امسوي بويهك
بوحمد:قولي شوو امسوي بسيارته
أم حمد:شووو امسوي بعد...
ومايد امطنش رمسه ابوه وامه ووانتباهه كله للمباراه وفجأه فز من مكاااااااااااااااااااااااااااااااااااااااااااااااا اااااااااااااااانه
فـــــــــــــــــــــــــــــــــــــــــــــــــ ـــــــــــــزنا فـــــــــــــــــــــــــــــــــــــــــــــــــ ـــزنا فـــــــــــــــــــــــــــــــــــــــــــــــــ ــــــــــــــزنا
وظهر مايد من البيت وهوو متشقق من الفرحه وطبعاً رااااح يشاااارك بالمسيره..................(عفواً يا جار الكاس لأهل الداااااار)
.................................................. ..................................
على شاطئ البحر
أهااا وبعدين شووو صاااار
حسن:ولد عمها من سمع الموظفين يرمسووون عن علاقتنا،توني بركب السياره الا ولد عمها يتهجم علي
محمد شهق: وبعدين شوو سويت
حسن بضيج:حاولت أقنعه انه ما بيني وبين عذبه شي لكن بدون فايده
محمد:لاحوووول وأكيد راااح خبر أبوها وفنشك
حسن وبنظرت حزينه:هيه
وعقب فتره صمت
محمد:أقووول حسن كلم الوالده خل تخطبلك البنت
حسن بتنهد:ما بيرضى أبوها..لاا تنسى اني بدون شغل ألحين ولا بعد موووب من مستواهم
محمد:جرب يمكن البنت تقنع أبوهاااا،ويوافق
حسن: خلاااص بكلم الوالده،اتصدق كل ما ادق لعذبه مبايلها مسكر ياااخوووفي صار لها شي....
وقعد محمد يحاول يخفف من معاناه حسن وغير الموضووووووع لموضوع آخر
.................................................. .................................................. .......................
في المطااااااار
"سافر وقالي اصبرلي راجع لك أني أكيد..راااح وبعد ما جاني خلاااااني عايش وحيد"
قرر يساااافر علو وعسى ينسى..لكن سفره أكيد فيها رجعه وفجأه عينه جت لعين واحد يعرفه............
حمد باستغرااب:المحااامي سيف لااا ما صدق...
المحامي سيف بابتسامه خفيفه:هلا حمد اشحاااالك
حمد : بخير انت شخبااارك وين كل هالغيبه يا سيف من بعد سالفه مايد ما قمنا انشوووفك
سيف بتنهد:والله تعرف أشغال وجي إلا انت وين امسااافر؟
حمد:بروح العمره
سيف باستغراب: العمره!!!!!!!!! الا وين الأهل؟؟
حمد:لا بسير بروحي هالمره
سيف:أيواااا ترجع بالسلامه وعمره مقبوله مقدماً
حمد:الله يسلمك،عيل بخليك اسمحلي وخلنا انشوووفك
سيف:الله يسلمك..ودعوااااتك
حمد:ان شاء الله
وقبل لا يروح حمد..
...سيف:حمد
حمد:لبيه
سيف:بغيت رقمك...
وتبادل كل من حمد والمحامي سيف الأرقاااااام...وودع سيف حمد..وتم واااااقف سرحان(العمره.!!!!!!!؟؟؟..عبير: هيه العمره حبيبي..ونااااسه من زمااان خاااطري أروح..سيف: عبير بس أنا ما أقدر أصبر عنج يوم واحد....عبير: حبيبي ما بنتأخر اسبوعين وراجعين..سيف:بشتاقلج..بدقين لي اهناك..عبير:لا طبعاً..اتعرف حبيبي أنا مابي أخرب عمرتي..سيف بحده: يعني أنا بخرب عمرتج...عبير بحزم:سيف نحن سايرين عباده موو سايرين نلعب...سيف بانفعال:وألحين نحن نلعب؟؟؟..عبير اداركت النقاش قبل لا يشتد:سيف افهمني عاااد أنا مووو قصدي..صدق بشتااااقلك،سيف:فديتج أنا أكثر عااااااد ما أوصيج بالهداياا الزينه...عبيربابتسامه رقيقه:أفا عليك من عيوني حياتي...سيف:تسلملي أحلى عيون..
.................................................. ..........................
المحامي سيف هوو اللي قدر يطلع مايد من السجن بعد ما مسكووه هوو وشلته بتهمه تصوير بنات في المراكز..ومعرفته بعبير لما قررت تتدرب محاماه على يد المحامي سيف..ولما رجعت من العمره..قررت تقطع علاقتها بسيف وكانت صدمه كبيره لسيف بعد ما وصلته الرساله(اللي بيني وبينك انتهى..أرجوووك لا تتصل)
.................................................. .........................................
في بيت بوحسن وبالتحديد بحجره الأم
أمي الله يخليج أنا البنت أباااها
أم حسن بعصبيه:مستحيل، انت تخبلت اتناسب هااايييلا..انت عبالك ابوها بيوافق عليك انت نسيت نفسك
حسن:امي البنت اتحبني وأنا احبها
أم حسن:حبتك الجراده انت وياهاا..هاااايييلا وين ونحن وين
حسن وبدأ صوته يعلى: والله ان ما خطبتيها لي،أنا روحي بسير أخطبها
أم حسن بنظره حاده:روووح وشوووف وهذا ويهي اذا عطوووك البنت.
حسن صفق الباب بقوه وخلاااا امه تتحرطم بروحهااا....
.................................................. .......................
وبعد شهر
" حبك حبيبي في الضماير توالي كل الجوارح تشتكي من طعونك""
أقوووول متى ناوي تخطبني
محمد ابتسم: قريب حبيبتي
شما بوناسه: صدق
محمد: هيه حبي، أنا أكثر عنج مستعيل،مليت من العزوبيه
شما:ههههههه
محمد:فديت هالضحكه،أقووول حسن شخباره ألحين،أمج بعدها ما وافقت تخطب له
شما:أمي أصلا خاطرها ياخذ بنت خالي،بس هووو امعاند
محمد: الله يعينه
شما:ليش انت ما اتشوفه؟؟
محمد:أشوفه بس ما ابي أذكره بالموضووع
شما:أيوااا
وفجأه اندق باااب الحجره
أقووول حمودي باي بااي وسكرت
شما: منوووو
حسن: أنا... فتحي الباب أباج بموضوع
شما بخاطرها هذا وقته...
.................................................. ..............................................
في بيت بو حمد
مبرووووووك
عبير باستغراب:ابوي مبروك على شووو؟؟؟
بوحمد: سيف اتقدملج
عبير باستنكار:هاااا،منووو سيف؟؟
وفجأه رن مبايل بوحمد.....ألووووووووووووووو
وعبير راحت حجرتها تفكر من ممكن يكون سيف؟؟؟؟؟
هل سيف اللي في بالها ولاااااااااااااااااااااااااااااااااااااااا
.................................................. .......................................
الجزء السادس والأخير
"ترا الانسان من يطلع من حياه الانسان صعب يردله..واذا رد ما يكووون انسان...هذي للي ما يعرف كلمه أحبك "
في الطريق تحديداً في السياره
خل عنك هالسوالف وقولي انت شووو رايك
حمد: بصراااحه فكره حلوه بس يبيلها راس مال كبير
عادل:والممول موجود،نحن علينا بالتنفيذ واهوو ينتج
حمد:اييك الشووور، خلاااص موافق
عادل: وهااااالكلام الطيب
وفجأه صرخ حمد...أقووووول عادل اوقف اوقف
عادل مستغرب: ليش؟؟
حمد: ارجع اشوي
عادل رجع سيارته لورى شوي
.................................................. .................................................. .
في الشيشه
ماشاء الله انت شوو اتسوي اهنيه
مايد:مثل ما انت قاعد اتسوي
حسن:ياسلااااام،موكأنك بعدك صغير على هالسوالف
مايد:ههههههههههههههه ضحكتني يا ولد عمتي، يالاأنا ساير تامرني على شي
حسن:لا سلامتك
مايد: الله يسلمك ...
محمد: هذا ولد خالك
حسن: هيه،يهاااالو أخرزمن
محمد ابتسم له وكان في خاطره يرمسه عن موضوووووع شما بس فكر يأجل الموضوع اشوي
.................................................. ...................................
في بيت بوحمد وبالتحديد في غرفه عبير
كان شاغل بالها موضوع خطوبتها ومن يكون سيف؟؟؟؟فكرت اتكلم امها ولكن الخجل كان يمنعها اتفاتح امها....
عبير وبتنهد داخلي: الله يقدر اللي فيه الخير...
.................................................. .....................................
في الكليه
"نشدتيني عن الصوره وأحسب بتنشدي عني..فرحت وقلت تذكرني..وأثاري تطري الصوره"
متصله عسب جي؟؟؟
شما: هيه، وينهاا؟؟؟
جاسم: موجوده ، ومنوو يقدر يشوفها وهيه بقلبي
شما بانفعال: بلاااااهالكلام الفاضي،أبااااك تحرق الصوره،انت فااااهم
جاسم مستغرب من ردها: حبيبتي، انت شوو عبالج بسوي بصورتج،
شما:اوووووف:قلتلك احرقهاا،ومابي زياده رمسه
جاسم:ان شاء الله،بس حسافه عشان الصوره متصله،فيج الخير مشكوره،وأنا عبالي مشتاااقه
شما:خلاص انساني وما تتصل مره ثانيه
جاسم:..أنساااااج..شما؟؟؟؟؟؟؟؟.
شما وبنفس خايسه:نعم
جاسم:انتي لقيتي غيري
شما وبثقه:أنااااا بتزوج
جاسم مصدوم...ومن دون ما يحس بدت تغمر عيونه الدموع
وبعد لحظات من الصمت
جاسم والعبره خانقته:مبروك والله يهنيج ...
.................................................. .................................................. ....
في الطريق
"قرحت عيني من بكاااها..من كثر شوقن يوازيها"
عادل: حمد من هذي؟؟؟؟؟؟؟
حمد تجاهل عادل ونزل من السياره...اقترب بخطوات متثاقله...وشبه بطئيه..
حمد باستغرااااب: نوراااااا
نوره نزلت راسها مستحيه وتمت ساكته
حمد:انتي شو اتسوين واقفه في الشارع
وفجأه..نوره قعدت اتصيح وقالت:الحقير الحقير نزلني من السياره وراااح
حمد فهم من تقصد نوره...ورااااح صوب عادل وقاله انه بيوصل هالحرمه لأنه من أهله....
.................................................. .................................................. ...........................
في بيت بو حمد
أم حمد:مبروووووووك يا بنتي
عبير استحت: الله يبارك فيج
بوحمد: خلااااص يعني متأكده موااااافقه..
عبير هزت راسها بمعني الايجاب
مايد:أونه مستحيه
بوحمد: ما يخصك فيهااا يالاا روووح جاااابل دراستك
مايد اعتفس ويهه وبخاطره: كل حاااط علي..لا حووووول
.................................................. .................................................. ...................................
بعد 5 أيام
بيت بوحسن
بنت خالك وانخطبت يالااا استانست
حسن:الله يهديج يا امي،هذااا نصيبهااا الله يهنيها..
ام حمد بوزت....
(ززززززززززززززززززززززززز)....رن جرس البيت
أم حمد: جاندرااااااااااااا شوووفي منو في الباب
على الطرف الثاني...وبالتحديد عند شما
شما: ليش ما رمسته شوو تترياااا هااا
محمد:ما عرف استحيت أرمسه
شما: نعم نعم الأخ حرمه وأنا ما أدري
محمد بحزم: شما شوو هالرمسه
شما:عيل شوو معناتها تستحي
محمد: خلااااص عاااد،أنا قصدي لا المكان ولاالزمان كان مناسب أكلمه بجذي موضوع
شما:أنزين بنشووف آخرتها
محمد ابتسم: آخرتها بتكوني من نصيبي ان شاء الله
.................................................. .............................................
في بيت بوحمد
تن تن تن تن..(.صوووت المسج)
(أبي أكلمك ظروري ممكن)
حمد خذ نفس عميق وبخاطره: هذي شوو تبي مني بعد اللي سوته...خل أدق عليها وأشوووف شو سالفتها....
ألووووو
نوره: مرحبا حمد
حمد بتنهد: مرحبتين
نوره: اسمحلي أزعجتك بس كنت أبيك بموضوع يخصنا
حمد باستغراااب: يخصنااا
نوره:من حقك تستغرب،أنا ما بلف وأدور معاااك ، أنا بدش بالموضوووع سيدا
حمد: اتفظلي
نوره بتردد:حمد ممكن نرجع لبعض
.................................................. .................................................. .................
في بيت بو حسن
بااباااااااااااااااااااا فيه رجال يريد انته
حسن باستغراب: رياااال!!!ما تعرفين منوو
البشكاره:لا بابا ما في معلووووم
راااااح حسن يشووووف من عالبااااب وفجأه شاااف شخص مألووووفه ملامحه وبدا الخوووووف يكتسي ويهه
الريال بخبث: هلاا حسن اشحالك
حسن باستغرااب: انت
الريال: زين انك هب ناسيني
حسن:لا موب ناسيك،حيااااك اتفظل
الريال بنظره استفزازيه: لاا مشكوور، بس أنا بعرس قلت عاااد ما يصير ما أعزم أحبابنا،اتفظل هاااااك بطاقه العرس
حسن بخوووف أكبر... مد ايده بارتباك لاستلام بطاقه الدعوه...
الريال بابتسامه خبيثه:الا أقووول هذا البيت اللي كنت بتسكن فيه عروستي، صج ترااااثي ههههههههه
حسن من سمع كلمه "عروستي" انعقد اللسانه من الصدمه وماقدر ينطق بحرف
"بحضر زفافك ياحياتي بحضر زفاف اللي هويتـه
وبرزف عشااانك لا تحاتي وبهديك كل اللي بغيته
بهديك دمعي وعبراتي والهم اللي فيني رميــــته
بحضر لو بعرسك مماتي شايل معي قلبن نسيته
وأجمل قديــــم الذكريـــــــــــــــــــــــــــــــــــــاتي"

.................................................. .................................................. ..................
في السنتر
أحلى اهنااااااااااااااااااااااك
خالد: ميوود اشفيك ليش مش معاااانا
مايد: ويااااك (وعينه على البنت)
خالد:ايوااااا احم احم موو كأنه هذيج الطاووووووس اللي شفناها قبل شهر وهزبتك هزبه محترمه
مايد لبس خالد وقعد يراقب البنت وما شل عينه عليها
.................................................. .................................................. .............
في بيت بوحمد وبالتحديد في غرفه حمد
حمد قعد يفكر بكلام نوره وبخاطره يقووول معقوله أقدر أنسى الطعنه اللي طعنتيها لي يا نوره..آآآآآه
كيف أقدر أنسى وتذكر اليوم اللي سمع فيهااا نوره واهي اتكلم عشيقها عالماسنجر
قعد يسمع الكلام اللي انقال بينها وبين عشيقها وفجأه
نورااااااااااااااااا
نوره فزت من مكانها: حمد
حمد بخبث: انتي وينج حبيبتي
نوره بابتسامه مصطنعه: اهنيه حبيبي
حمد بمكر: أيواا أشووفج قاعده عالكمبيوتر
نوره بارتباك: ايه حبيبي أسمع اغنيه،ملانه قاعده روحي شوو أسوي انت في الدوااام قلت أتسلى اشوي
حمد: أهاا انزين نواااره ابي أتغدااا خل عنج الكمبيوتر أنا ببنده
نوره صرخت : لالاااا أنا ببنده
اتقرب حمد صوب الكمبيوتر...
حمد بنظرات حاده: خل عنج وسيري حطيلي غدا تراني يوعااان حدي، ومسك المايك
نوره اتسعت حدقه عينها من الخووف:ان شاء الله...
طبعاً نوره ما قدرت اتبند الماسنجر بعد ما اتفاجأت بحمد، وحمد من بعد ما راحت نوره شاااااااااااااااااااااااااااااااااااااااااااااااف المستوووووور
.................................................. ................................................
في بيت محمد
كان قاعد وحده يفكركيف يفاتح حسن بموضوع زواجه وخطر في باله فكره وقاااال
مااااااااااااااااااااااااشي غيرهاااا
في هاللحظه دشت أم محمد
محمد بوناسه: سبحان الله الطيبين عند ذكرهم
أم محمد: خير بغيت شي
محمد مبتسم: هيه ولدج يبي يعرس ممكن تصريح
أم محمد: هاااي الساعه لمباركه من باجر بدورلك على أحلى عرووووس
محمد:مممم لاادورين العروووس موجوده
أم محمد بانفعال: موجوده لا يكون عاااارف لك وحده من الشارع اسمع ترااا
قاطعها محمد بضحكه: هههههه لا ولدج راااعي ذووووق اذا اختار يختار بنت ناس وعرب
أم محمد: من هذي اللي حاط عينك عليهاااا
محمد : اوووه نسيت اسمحيلي بعدين بنكمل السالفه ذكرت أوراااق اتخص وااااحد من الشباب بشوووفها بحجره اخووووي
راح محمد حجره أخووووووه يدور الاورااااااق
.................................................. .................................................. ......
بيت بو حسن
و أخيراااااااااااااااااااااااااااااااااااااااااااااا ااااااااااااااااااااا يا ربي اش قد طااايره من الفرحه فديت روحك يا حمودي
هذا كلام قالته شما بينها وبين نفسها من الفرحه ...
لكن في الطرف الثاني شخص يتعذب شخص حب انسانه من قلبه وخاطره وروحه وبين يوم وليله يفقدهاا
وحسن وايده على رااسه:
سااااامحيني يا عذبه سامحيني ما قدرت أسوي شي ياليتني سمعت رمستج وأخذتج غصب عن الكل ياليت....
"انطفى نور السعاده واحسب انه ضوى
ما تقبلت الفراق ومالي يدي فيه حيله
آه لو انه الظروف المقبله تكشف قدرها
لو يعرف الشخص منا وش مع الغيب بيجيله
كان جنبنا المشاكل من قبل يوقع ضررها"
.................................................. .................................................
بيت بوحمد
(أناااااا آسفه
حمد بعصبيه وبصوت عالي:آسفه على شوووو ولا شوووو يااااا حقيره
نوره اتصيح: آسفه ما بكررها سامحني أرجوووك، ابليس لعب بمخي
حمد مسك نوره بقوووه : جب ولا كلمه انتي الابليس يا الخاينه، انا شو ذنبي هاااا، قاعده تلعبين من وراااااي،خل ينفعونج هاييلااااااك ألحين
ومشى وقبل لا يمشي نظرها باحتقار وقال:: روحي يالواطيه انتي طااااااالق)
كانت أحداث خيانه زوجته نوره اتدور في مخيلته فقرر انه ينهي الموضوووووووووع، مسك مبايله يتأمل رقمها من المكالمات الوارده فقرر يرسل رساله لها
"قدرج تحت ريلي انداااااس"****جاري إرسال الرساله
.................................................. .................................................. .................................................. ....
بيت محمد
وين راحت الأوراااق لا حوووول، أيوااا يمكن اهنيه
وفجأه... محمد فج عيونه موب مصدق اللي يشوووفه...
محمد شهق مصدوووم: شوووو هاااا كيف وصلت اهنيه
في هاللحظه رن مبايله "القلب يتصل بك"
سكر الخط بويهاااا
محمد: معقوله!!!!! كيف جي؟؟؟صوووووره( وسكت)
مسك الصوره وقربها أكثر وايده ترتجف ونبضاته تخفق بقوه،
لاااااا مستحيل
قلب الصوره وقرا المكتووووب عليها
"إلى جاسم الغالي أعز أحبابي وناسي"
التوقيع:حبيبتك شما
.................................................. .................................................. .................................................. .....................
بيت بوحسن
يا بنت قلبي وين مثله تــلاقين .. قلبٍ عطاج الحب ما قــــال هاتي
ييتج وروحي شلتها لج بكفين .. وفي التاليه رمح الخيانه جزاتي
يالله عساج النار يا أم ويهين .. كلنا انكـــــشفنا ما تفيــد العباتي
في هاللحظه كانت شما امعصبه من محمد فردت اتصلت فيه
ألوووووووووووووو
محمد بصوت مبحوح:نعم
شما بانفعال: ليش سكرت بويهي
محمد سكت
شما بقلق:ألووووووووووووووووووووو شوو فيك حبيبي وليش صووتك متغير
محمد تنهد: شما بقولج شي
شما بهدوء: حبيبي اشفيك ..خوفتني
محمد بتنهد: أناااا(وسكت)
شما بقلق: انت شوو حبيبي قووول شوو فيك
محمد أخذ نفس عميق: أنااا أنااا أبي أقولج شي مهم
شما: أمر حبيبي
محمد بصوت حزين: شما اتحبيني
شما ابتسمت: ياسلام واللله خوفتني أنا موب بس أحبك ألا أموت فيك
محمد: أها ممكن أقولج ثلاث أشياء
شما:أمر يا عمري
محمد ونظراته على الا رض: أولاً أنا حبيتج صدق وكنتي في قلبي وعيني وبدنياي شي كبير
شما باستغراااب: كنت
محمد قاطعها بتنهد: أأأأأأأأأه ثاني شي أنا اسف سامحيني يمكن انه زل لساني وقلت انج راس مالي
شما بصوت شبه عااالي:حماده اشفيك
محمد بحده: رجائن قصري صووووتج ،المهم أنا ببعد
محمد باستهزاء: ضحكتيني،بس بس تمثيل دور البريئه اللي اتبالي
محمد بخاطره: آآآه القهر للحين أحبج
شما بانفعال: اتكلم وين الحب هاااا، وين راااح، ولا من يوم قلتلك تعااال اخطبني قلت أتركها أحسن وأشووف غيرها أتسلى معاااها
محمد بصوت عاالي: روحي العبي مع غيري ياا شاطره صج طلعت أنا اواحد غبى ، اتقص عليه اخت اربيعه ، والله اتقنتي الدووور
شما والدموع تغمر عيونها: محمد انت شووو اتقول وقبل لا اتكمل كلامها ..
قاطعها محمد:أنا بسكر بس قبل لا أسكر بقولج ثالث شي انسي ولا ااتفكرين ادقين علي ثاني مره انتي فاهمة روحي لجاااااسم اخووووي، ولا تقولين جاااسم منووو أكيد عاارفه مليون جاااسم ، جااسم اللي عطيتيه صورتج يا حلوه.. ومثلي عليه الدووور واخدعي غيري بدالي ، مع الســــــــــــــــــــلامه..
وسكر الخط وترك شما حايره مش مستوعبه الكلام ، وبخاطرها اتقول معقوووله جاااسم أخوو محمد...يا ربي أنا غبيه غبيه غبيه شووو هالحظ يوووم حبيت من قلب ورب يصير لي جي .. أصفر ويهها من الذهول وقعدت عل السرير مصدومه .. مقهوره .. ...... و انهمرت دموعها بغزارة
. صحيح ان الله يمهل ولا يهمل .. و حبل الكذب قصير ولو طال الزمن ولا قصر....

يا دمـــــعة التمســــــاح لا لا تذرفيـن .. العيون رغم دموعها كاذبــــاتي
لا ما عــــــــرفتي الحب لا ما تحسين .. وغدرج تعدى غدر ذيب الفـلاتي
الذيب يعــوي قبل يغدر بمســــــــكين .. و انتي غدرتي خافقي في سباتي
وانتِ السبب سقتِ على القلب جرحين .. غدر الغرام و وجع الذكريـــاتي

.................................................. .................................................. ..............................................
بعد مرور كل هالأحداث
حسن: ما الحب الا لحبيب الأولي...ولكن أم حسن ما خلته وراحت خطبت له وحده من المعارف................
شما:بعد كل اللي صار...قررت تدخل معهد تدرس فيه ICDL ولكن بوطبيع ما يجووووز عن طبعه.....
حمد: بعد ارساله الرساله لنوره ما يأست قعدت ترسل له رسايل تعبر عن ندمها ولكن بعد ما فات الفوت ما ينفع الصوت....
عبير+المحامي سيف: بعد معرفتها انه المحامي سيف تقدم لها استخااااارت والله وفقها...وملجوووو وعااااشو أحلى أياااااامهم
مااايد:حاليا يعيش قصه حب ..بس حب مرااااااهقين
محمد:يعيش صدمه حبه الأول،وكل ما شااااف حسن يتذكر شما..فقرر إنه يخطب علو وعسى ينسى....
جاسم: عايش طبيعي صحيح تأثر ولكنه اهتمامه بالدراسه نساااااه شما
عذبه: تزوجت ولد عمها وعانت من شكه وغيرته الزايده عليهاااا...ما اطوووف مناسبه الا يعايرها بحسن
.................................................. .................................................. .................................................. .......
خطااااك أكبر من أسف حبر الأقلام
حتى الرسايل في هوااانا تدينك
عنوانها كذب وخيانات وآلااااام
.................................................. .................................................. ........................................

أتمنى انها عجبتكم ..........والسموحة

الكاتبة/ شي بالخاطر