لكل من يهمه تطور راس الخيمه

المصدر : 61...#ixzz2GlOoNyFZ
الرمس نت





*

بسم الله الرحمن الرحييم

السلام علييكم ع الجميع أشحالكم عساكم مرتاحين , ببدا موضوعي وموضوعي يخص حديقة صقر واعتقد الكل يعرفها ماأعتقد حد مايعرفها الا اذا جان من برع رااك( إضني حتى اللي برع راك من كثر مايسنعون الحوادث اللي فيها عرفوها )المهم انا بتكلم بشكل جدي
نحن وايد نسمع وانشوف الحوادث اللي اتصير في الحديقه خصوصا للأطفالنا وهالحوادث اتصيير من زمان مب من سنه ولا اسبوع
كل يوم لازم يشتكون ويقولون حديقه صقر و حديقه صقر ونحن ياما سمعنا بنيه او ولد القطار داعمنهم مب مره صار هالشي أكثر من خمس مرات واكثرواكثر ومن غير إلعابهم المتكسسره والله ياخواني والله يشهد عليي اني ولامره رحت الحديقه وشفت ألعابها صاحيه مب متكسره لاحظوا قلت متكسره مب حليانه لانه فييه اختلاف الحليان بنقول بربه لكن المتكسر شو فايدته يتكسرون أعيالنا ولايموتون لاسمح الله والسبه العابهم الخراب ومب بس جييه لعبة السفينه ياما أطفال راحوا فيها ولعبه قطار الموت ولعبه السياير ولعبة الكراسي (اللي إدور) وإكلهم استغفرالله ريحته معفنه مادري جم يوم يخلونه فالثلاجه لاااا مو بس جيييييييه تعالوا شوفوا الحمامات اللي ريحتهن سم والحريم اللي اييين ويبدلون الحفاظات لعيالهن ويخلون الحفاظات ورا البااب اخخ علييهن بس انا مابلوومهم تعرفوا ليش لأن ماشي زباايل ولا المسيد الله لايراويكم اتقولون داخللين بيت مهجور متروس من الغبار والفراش ريحته عفن استغفر الله ,, لذالك لذالك أخواني إنا يايه أقول لكم ليش مايصكرون الحديقه ويسون غيرهاا أفضل منها وبذالك نحن بنطمن ع سلامة أعيالنا وبتخف المشاكل اللي فالحديقة
وياليت أيخصصون مكان لشوي ومكان لليلسه ومكان للعب ومكان للمسيد بعييد عن مسيد الريايل (اصلا ماشي مسيد للريايل )
ويرتبون البقعه أشوي والسموحه منكم

تقبلوا مروري وان شاءالله اشوف التفاعل

اتفق معك تماما

اولا موضوعك اختي متكرر
ثانيا هذا مطلب قديم متجدد لانه اهل راك ما لهم غبر الكورنيش وهالحديقة

لازم الموضوع بيتكرر اتكلمنا ولا ما تكلمنا شو اللي بيصير يعني

السلام عليكم ورحمة الله وبركاته

بخصوص الحديقة هي طبعا حديقة قديمة وجميلة وتناسب العائلات بشكل كبير ولكن الحاصل انه لا توجد احتياطات السلامة والأمان في معظم الألعاب ، من وجهة نظري لا أرى أن زيادة الألعاب سيجدي نفعا ً أكثر من عمل إجراءات أمن وسلامة للألعاب للحفاظ على سلامة مرتاديها

وبخصوص المسجد أرى أنه يجب أن يتم تعديله وتوسعته وأصحاب الخير كثيرون في هذا الزمان ممن يريدون عمل الخير واجراء صيانة للمسجد وتوسعته

وفي الختام ارى انه بزيارة إجراءات الأمن السلامة ستصبح الحديقة من أروع الحدائق على الإطلاق

عساهم ماسووا حدايق أنا حدايقي فوق الجبال من يخاف صعود الجبال يبقى طيلة الدهرررر جباان
لاتسوون حدايق مانريد تكفووون ياعيال صقر القاسمي خلوو راس الخيمه كما هي تعجبني الشوارع المرقعه والمنحنيات المروعه
وتعجبني المطبات المقلعه ويعجبني تخطيطها المفلعه خخخخخخخخخ

حديقه صقر للحين احد يزورها !

ان شاء الله احد من شيوخ بوظبي او دبي يسمع ويساعد حال هاي الحديقه

شكرا عـ الطرح

محتاجين أحد يتصدق لأطفالنا بحديقه على مستوى عالي
وينكم يالتجار الي في دبي وبوظبي تبرعوو لأطفال راس الخيمه بحدااايقه يستااهل

مرحبا هذا شيء عظيم، وهذا هو رهيبة المعلومات، كنت أبحث أيضا عن هذا.
فيما يتعلق

للة يا محسنين

وين رجال الخير الي يتبرعو حق ميري كريسميس وحق المفرقعات برج خليفه في راس السنه
وين الفلوس والميزانيه الي تروح حق بلاد برع نحن أهل راس أولى بهاي الفلوس
لاشوارع زي الناس ولا تخطيط زي الدول حتى شوفوو شارع الكورنيش القواسم بعد كمن سنه بصير ضيق وبتصير زحمة سيارات
والبركنات زفته وين دبي وأبوظبي وووين راس الخيمه فرق الارض والسما من يقارن النجوم بالضباب
هيهااااء ياجلفار يامن اخرجتي أحمد بن ماجد أسد البحار لو حشر اليوم وشاف الفرق بين أبوظبي ودبي وجلفار
لاتمنى أن يكون من أهل صحــار ولم يكن من أهل جلفااااار
أنا سمعت معلومه خطيره جدا جدا بس بقولهاا لكم لانكم تعزو علي سمعة أن في زيارات من دبي كل سنه ومن مستويات رفيعه يجون راك حتى يحسوو بقيمة الانجاز العظيم الي سوووا في أمارة دبي ويحسوون بفرق شااسع جداا جدااا عشان كده دبي تصر وتواكب الحضارات تستمد طاقته من راس الخيمه لما تشووفها في الهااااويـه

خاطري اجوف حديقة راس الخيمة مثل اي حديقة بالدولة , ماشاء الله كل شي نظافة و كل شي مرتب لراحة الزائرين , اللهم لا حسد

فالنهاية اقول فديت راس الخيمة و الله نحبها .

اقتباس:

---

المشاركة الأصلية كتبت بواسطة الظلم ظلمات

عساهم ماسووا حدايق أنا حدايقي فوق الجبال من يخاف صعود الجبال يبقى طيلة الدهرررر جباان
لاتسوون حدايق مانريد تكفووون ياعيال صقر القاسمي خلوو راس الخيمه كما هي تعجبني الشوارع المرقعه والمنحنيات المروعه
وتعجبني المطبات المقلعه ويعجبني تخطيطها المفلعه خخخخخخخخخ

---

لاوالله !
ونحن لما نبغي انغير جو وين انروح
وجان عايبنك شوارع راس الخيمه اببووووي نحن سيايرنا اتكسرن عيزنا من كثر مانوديهن الكراجااات
نحن نحن يوم نمشي فالسياره ع الشوارع ابطونا تتخضض واظهورنا اتكسرت حششا مب شوارع