أول حادث لك في حياتك..؟ ارجو التثبيت موضوع كـشخه

[align=center]


السلام عليكم ورحمة الله وبـركاته "


اشحالكم جميعا آخواني الأعضـاء عسآكم بخيير..



طبعا الموضوع امبين من عنوانه مايبي شـرح ^^

أول حادث لك ؟ وشو نوع السيارة او الدراجة؟ و هل أنت الغلطان؟


طبعا انا ببدي أول اذكر كنت مسرع زياده عن اللزوم في موقف سيارات وطلعتلي سيارة فجأة.!!!

وجان ادعم السيارة من ورى الحمدالله ماصار شي الشرطة قالو هو غلطان لأنه رجــع بــدون انتباه ..

وكان خوفي فـ الي يسوق يوم دعمته, بس الحمدالله ماصار شي وعقب التأمين اهتمو بالتصليحات..




يـلا الحين دوركــم نبي كل واحد يخبرنا شو اول حادث لـه سوى شباب او بنات ابي الكل يشارك ^^

وابي كل واحد يقولي شو كان شعوره يوم صار الحادث وكيف تصرف وقت الحادث شرد ولا وقف..؟


نبي مشاركات أخواني شدوو حيلكم شـوي ...
[/align]

تسلم اخووي عالطرح

اقتباس:

---

المشاركة الأصلية كتبت بواسطة المشااكس

تسلم اخووي عالطرح

---

[align=center]
قتله نبي مشاركات قالي شكرآ عـ الطرح ولا يدري شسالفه ههههههههههههههههه


على العموم يسلمووو على المرور الطيب وان شاء الله غيرها بـغيرها ^^
[/align]

[align=center]
سبحان الله مافي مشاركات يعني مافي ولا حادث مب معقوله ..!!!
[/align]

شكرا اخوي ع الموضوع

هههه .. عااد عن الفشيله اناا ما حاصت شي ادعمه غير باب بيتنااا .. يااهى سااالفه ..وربي يسلم باب بيتنااا و خرب سياارتي .. ههههه بس يلا الوكااله ما تقصر بهل السوااااااالف ..شعوررري ... كنت خااااااااااايف وااشوى و بصيح .. بس لانه الكل ضحك علي ضحكت و نسيت لى اليوم مااا ادخل سياارتى في مكاان ضيج لانى مااا اعرف و اخاااف .....

[align=center]
الله سلمج آختي في الباب ولا فـيج ..

ويسلمووو آيـدج على المرور الحلووو "
[/align]

اممم لاالحمدلله انا

مره كنت طالعه السوق وماحصلت باركنك ووقفت ورا السيارات اللي واقفه

ومن غير ماانتبه في واحد وقف سيارته ورا سيارتي وكان الوقت ليل وماشالله المخفي عندي مااقدر اشوف شي منه

واصلا ماشفته يوم وقف وراي وعقب الله يسلمكم كنت بحرك لان اللي واقفه وراه كان بيطلع وماشي وشوي واسمع طاااااخ وعقب

قلت لأختي شو هاااا؟

ولا الأخ نازل يكلمني وشوي ويصفعني وفالأخير شي بسيط فسيارتي بعد مب سيارته ..

الحمدلله ان على جي ^^ والحمدلله أحاول انتبه وانا اسوق لان في ناااس مايعرفون يسوقون بعد


والله يحفظ الجمييييع

[align=center]
على طاري الباركنك انا مره صارلي شرات ها الموقف بس الحمدالله عقب انتبهت انه حد وراي واقف ..

والله سـلمج من ها الحادث بس مره ثانيه انتبهي ترى ها ماصفعج يمكن تحصلين غيره عصبي ويقوم يصفعج ههههههههه

تسلمين الغاليه على المرور الحلووو وربي يحفظج من شر الحوادث ..


يلا وين الي مسوين حوادث نبي بعد مشاركات ^^
[/align]

الله يبعدنا من شر الحوادث

ربي يحفظنا ويحفظ اخوان المسلمين

تسلم يالغالي ع الطرح

انا ما اسوي حادث الحمدلله بس اكثر شي يدعموني وادكر واحد سكران كان شي تحويله مسوينها سيدين عقب يستوي سيد واحد كان السكران يمشي صوبي هو خف عسبت انا ادخل السيد يوم اشوفه من الجامه الجانبيه احسه انا بيشحفني اقول ها بلاه ياي فوق ويشحفني من بدايه الموتر لين اخر شي اجدمنا جدام وقفت وهو وقف ودريت انه سكران قلته اوقف بتصل حق المرور اشوفه لبسني وروح والله اخر شي اتصلت المرور وحفظت رقم السياره انا بس كنت مب فايج له اخر شي خلاني اصل موتري بروحي لبسته حتى ما قلت له ادفع بس الله يسلمنا من الحوادث ويحفظ جميع المسلمين

عاد كالعادة حوادث البنات تضحك ،،

أنا أول حادث صارلي كنت داشة الكراج مال البيت وبدل ما أوقف السيارة جان أدوس عالبترول عاد الدعمة كانت قوية والسيارة تعفصت كامل من يدام وكنت وقتها توني محصلة الليسن ما كملت أسبوع عاد أبوي خاف علي ان يسحبون ليسني سار تصرف بطريقته الخاصة وقال للشرطة انه هو اللي دعم السيارة عسب يعطونه الورقة..

عقب هالحادث تميت شهر زايغة ومب رايمة أسوق طبعا ً هذا غير الهزاب من الوالدة أسميها شرشحتني هاك اليوم وقالت انتي بتفضحينا وبتدعمين الأوادم مال الفريج وانتي لازم ما تسوقين .......الخ

بس الحين الحمدلله الحمدلله صارلي سنتين محصلة الليسن وما سويت ولا حادث في الشارع

[align=center]
اهم شي مايكون ليسن واسطـه هههههههههههه

الله يحفظكم يـاربي ويخليكم لأهلـكم ويطول اعماركـم..
[/align]

انا بصرحه اول حادث سويته بالدراجه (125 cc) كنت عند البريد في الرمس وكنت اسرع حتى وصلت عند العياده وانا ما مشغل الليت ويصادف جدامي بنغالي يقطع الطريق وانا ياي بسرعه الطلقه وصرخ له (قوم من الطريج) لكنه ما سمع صوت الدراجه حشره وهو واقف مكانه وإلا انا داعمنه وهو بالسيكل صوب بيت العيقد حسن الجيدا وانا منسحت بالشارع
الي صوب العياده
الحمد لله انه بس يتني ضربه خفيفه في الراس والبنغالي اتكسر سيكله الفقير

وشكرا على الطرح
"المنصوري_9"

اول حادث دعمت كرولا موديل 2000

ههههههههههههههههههههههههه

تسلم علي موضوع و انشاء الله يبارك بخير

اول حادث قبل ما اخذ اليسن دعمت الباب دعمه قويه

بس الحمدلله ما صار فينا شي

بس السياره راحت

العوض على الله

تسلم اخوي

دمت بود

[align=center]
هههههههههههههههههههههههههههههه

احلى شي حوادث البنات يحليلهم يدعمون بس الباب اما نحن الشباب حوادث على كيف كيفنا خخخخـ

مشكورين اخواني على المرور الطيب والله يحفظكم من شر الحوادث وكل واحد يدير على باله ودمتتتم سالمين "
[/align]