عرض للطباعة
السلام عليكم ورحمه الله بركاته شخباركم عساكم إلا بخير
مممم عندي سؤال ؟؟؟ :aa_kaaak:
ممم شو تحسون الأحسن التقنية ولا الجامعه أحس راسي دار اللي يقول التقنيه يقول ليش ؟
واللي يقول الجامعه يقول لي ليش ؟
ابغي مساعدتكم ادري بتقولون لي على حسب مجالج اللي تبينه أنا مب محطيه فبالي شيء
ف يعني مجرد أخذ رأيكم وبالنهاية بقرر أنا سجلت تقنيه بس مب مقتنعه وايد وبنفس الوقت أقول أحسن لي قريبه من أهلي ما ادري شو رأيكم :sm84: :sm141:
آفا ولا رد حطمتوني :(
ما عندي فكرة . . أن شاء الله الأعضاء يساعدونج . .
افكورس الجامعه... الحين بعطيج الاسباب:
اول شي نص بنات الكليه الحين قلبو جامعه ياخذون بكالريوس..
بس شرط اذ انتي من نوع لاعاب يعني ادخلي الكليه انا ماقول مايدرسون لا يدرسون بس الجامعه يدورون السبب..
انا اقولج اخر شي استخيري وتوكلي ع الله ...والله يوفقج... انا اقترح عليج موارد بشريه مطلوب هالتخصص بكل شركه ...والى الامام
على حسب المجال اللي تبينه واذ مب مقتنعه بالتقنيه حولي للجامعة
اختاري المكان اللي يريحج لانج اذا كنتي واثقه من اختيارج بتقدمين كل اللي عندج وبتجتهدين اكثر وبتشدين حيلج
وخاصه اذا حبيتي التخصص اللي تدرسينه بيسهل عليج وايد لانج بتحبين تدرسينه
انا عن نفسي ابا ادش جامعة وعندي طموح بس للاسف سالفة اني ابتعد عن اهلي مب داشه مخي ومب مقتنعه بهالشي
ويمكن ادش التقنيه ^^
واستشيري اهلج وشوفي رايهم وبالتوفييق
السلام عليكم ورحمه الله وبركاته..
اختى الكريمه حسب ميولج اختى مثلا اذا اتحبين اللغه الانجليزيه وتحبين تخصصات التقنيه ادخليها
انا سرت التقنيه وندمت لانها كانت صعبه وايد حتى التخصص الى كنت فيه كان صعب الى هو الماركتن المهم خديت بس شهاده الانجاز وطلعت ..
انا اباج تتروين قبل اتخاد اى قرار يهمج ويفيد مستقبلج اختى الكريمه..
يعتمد انتي شو بتدرسين و ليش بتدرسين ( هل بتدرسين لانك تحبين هالتخصص او لانك موظفة و تبين تترقين)
اذا التقنية تخصاصتها محدودة و انصحك بادارة موارد بشرية لانها وايد مطلوبة
اما الجامعات الثانية فيها وايد تخصصات
اغلب الشباب و انا منهم ياخدون اول شي بكالوريوس بالعربي من اي جامعة معترف بها ( اعلام- قانون- خدمة مجتمع) يقب يقدمون على ماجستير ادارة اعمال و يستوي مدير ادارة
اقتباس:
المشاركة الأصلية كتبت بواسطة الكونتيسآ. . ღ
هههه عيل زين بشوفج بالتقنية خخ ،،، ممم بس ماعرف والله أهلي أحس مب وايد مقتنعين بالجامعة واللي اسمعه عن التقنيه ما يشجعني أتم فيها أنا بجرب ويشوف وعسى خير
موفقه اختتتتي
من زواية ثانية في الجامعة تلتقين بعدة ناس يعني الزين و الشين .. بعيد عن رقابة الأهل
هذا رأيي و أنا ما أقصد شيء غير الواقع و لا أني أقول شيء عن الجامعيات .. بالعكس في وايدات اتخرجن و ما تغيرن
مافي احسن من ان الواحدة يتم بين اهله.. ولكن لو لحاجه: لاحيله
نصيحتي انج تستخيرين قبل كل شي
وعقب انج تحطين ورقة فيها تخصصات الجامعه وتخصصات التقنية وشوفي التخصص اللي تبينه والاقرب لميولج وقدارتج + له مستقبل
اذا شي مايتحصل في التقنية: روحي الجامعه
واذا التخصص موجود في التقنيه؛ احسنلج اكيد بين اهلج
وتوكلي على الله
يزاكم الله ألف خير ، بتسخير وان شاء الله خير