ورق عنب حااامض من ايديني بأسهل طريقة وأحلى طعم جربيها وادعيلي ^___^
السلام عليكم ورحمة الله
قبل أكثر عن اسبوع وانا خااااطري فورق عنب حاااامض
مادري شبلاي بس داااق فراسي وكل من ادش المطبخ اتعايز اقول باجر وباجر
لين اتوكلت على الله امسات وقررت اني اسويه
فقلت ليش ما اصور واعلم البنات الي ما يعرفون يسوونه واكسب فيهم اجر ^___^
صح اني تعبت من الشغل والتصوير واهم مرحلة فكل هذا لف الورق وأخيراً التحميل صدق تعب>_<
بس فدوووة ^____^
المهم خلونا نبدى بالمقادير:غرشة ورق عنب-حامض ليمون-نص ليمونه لبنانية(او ليمونة وحده محلية )-كوبين عيش مصري-كزبرة(وان حبيتي بقدونس بعد)-بصلة وحده وسط-ثوم(قرابة5افصوص)-طماطة وحده وسط-بطاط4حبات وسط او ثنتين كبار بس انا ماحصلت فالمطبخ غير الوسط^__^-بهارات مختلفة(ملح-فلفل اسود-فلفل احمر-كزبرة مطحونه-زنجبيل مطحون)مكعبين ماجي
78.../0ymc71b0v.jpg
اقطع البصل والثوم والطماط( والكزبرة آخر شي عسب ما يتغير لونها )وافرمهم فرم ناعم (لأني مب من النوع الي يتقبل طعم الخضرة فالاكل فأحب اما اهرسهم او افرمهم ^__^ طبعاً بالذات الثوم والبصل)
اهنا حبيت اراويكم الطريقة الصح فتقطيع الكزبرة(افصل الساق عن الاوراق وعقب افرم) لأنه شي ناس عادي اتخلي السيقان والاوراق مع بعض واتقطعهم
78.../q3v6g0i20.jpg
واهنا الثوم والبصل والطماط والكزبرة مع بعض(بتلاحظون كمية الكزبرة اشوي بس انا متعمدة احط هالكمية لأني بضيف عقب الكزبرة المطحونة على المقادير فالحشو ^__^)
78.../ah2rj1d84.jpg
احينه اييب العيش(كوبين مثل ما قلنا)
78.../fx7evek4c.jpg
هاي طريقتي فتنظيف العيش,,اييب مله والعيش احطه فقلاص وابدى اصب اشوي اشوي وان حصلت وصخ اشله ,,هاي الطريقة بدل ما تفرزين العيش كله فصينية وتبدين اتنقين حبة حبة ^___^
78.../a5a927jdc.jpg
واغسل العيش
78.../464nwa9yq.jpg
عقب اظيفه عالمقادير الاولية
78.../msi4u29mm.jpg
احط لبهارات كلها +حامض الليمون
78.../ei1u85c9q.jpg
احط زيت زيتون
78.../701vkn4s8.jpg
واعصر الليمون
78.../2rbyle8a0.jpg
واخلط كل المقادير الاولية
78.../dwn6n8gle.jpg
فهالوقت اقشر البطاط قبل ما ابدى الحشو
78.../y4lczunl8.jpg
وافرد البطاط فالجدر الي بحط فيه الورق عنب
78.../3url6zh3n.jpg
ااااااااخ احينه اصعب مرحلة من جذا شليت اقشاااري ويلست عالارض ,,يبت ملة +صينية عسب احشي عليها الورق
78.../uqpgx6zn4.jpg
الملة احط فيها ماي ومهرتها فالموضوع انه اغسل فيها الورق ,,لأنه شي واايد ناس عبالهم الورق ايي نظيف دامه امحطاي فمرطبانات وهالشي غلط ,,لاحظي الوسخ الي بيتراكم عندج فآخر الشغل وقولي مريم ما قالت ^____^
78.../xwb0bxnu9.jpg
احينه احشي عاادي ^____^
78.../83tfz5nnh.jpg
اهنا كل اشوي اشوووف الطاسة وابا اصيييييييح انكسر ظهري وانا اقوول متى بخلص هالكمية وليش سويت وااايد وليش وليش >_< والله انه هالشغلة تكسر الظهر فلازم حد يعاونج ,,بس الي يهون علي اني اقووول ما عليه عقب هالتعب كله بناااكل صحن امرتب من ورق العنب الحااااااامض يميييي
78.../3t1e30qbi.jpg
الله اهني اتفس الصعدااااء عقب ما خلصت كل الاورااااااااااق ^____^ والله احساس جمييييل
78.../a1mlue8i8.jpg
قبل ما انهي شغلي واحط الجدر عالنار ظفت حامض ليمون من برع عسب ازييد من حموضة الاكلة ^___^
78.../9dv1ulmz5.jpg
وزيت زيتون بعد
78.../mfhcjyoxv.jpg
واشوييييية فلفل اسود
78.../lcgzecw83.jpg
اهنا يبت قلاص ونص ماااي وكسرت الماجي فيه
78.../4j153cngr.jpg
وصبيييته فووق الورق
78.../qvbdhzqri.jpg
آخر شي وعسب اظمن انه الورق كاااامل بيستوي هو والعيش أظيف كمن ورقة عنب من فووووق
78.../kp32hcr2d.jpg
وآخر شي احط صحن صغيرووني عسب اظغط عالورق واغطي الجدر(بس يباله ساعه عالنار وشرط اتكون النار هادية^__^ ولا تستعلين عليها واونج تبين اتخلصين ابسرعه ومناك يحترق عندج الورق ويتم العيش يابس)
78.../spwk82vyn.jpg
وبالعافية علي ^____^
78.../4j40ueol3.jpg
عاد اتمنى اتجربونها وتعطوني رايكم فيها ^_____^
رد: ورق عنب حااامض من ايديني بأسهل طريقة وأحلى طعم جربيها وادعيلي ^___^
يشهي ابااااااااااااا
اوه نسيت انا صايمة هع
يعطيج العافية ع الطرح تسلمين
رد: ورق عنب حااامض من ايديني بأسهل طريقة وأحلى طعم جربيها وادعيلي ^___^
يسلمو ع الطرح بس انا ماحب الورق عنب هع
رد: ورق عنب حااامض من ايديني بأسهل طريقة وأحلى طعم جربيها وادعيلي ^___^
رد: ورق عنب حااامض من ايديني بأسهل طريقة وأحلى طعم جربيها وادعيلي ^___^
مشكوره اختي الله يعطيج العافيه
رد: ورق عنب حااامض من ايديني بأسهل طريقة وأحلى طعم جربيها وادعيلي ^___^
مشكورين عالمرور واتمنى الي ماكان يعرف يسوي الورق عنب احينه عرفله وظبطه ^___^
بالنسبة لأخوي راك بوي بالعكس انا كنت مثلك ما حب الورق عنب
بس من جربته مرة وحده عيبني وحبيت روحي اسويه ^____^
انت جرب قبل لا تحكم وما بتندم ^____^
وحياكم الله
رد: ورق عنب حااامض من ايديني بأسهل طريقة وأحلى طعم جربيها وادعيلي ^___^
روووووووووووعه بس متعايزه اسوي ورق عنب احسها يبغيله شغله خخخخ
رد: ورق عنب حااامض من ايديني بأسهل طريقة وأحلى طعم جربيها وادعيلي ^___^
تسلم ايدينج ام حمود ولا يحرمنا منج
رد: ورق عنب حااامض من ايديني بأسهل طريقة وأحلى طعم جربيها وادعيلي ^___^
حلـوو الورق عنـب ،، بـس بالنسبـآلـي مـو أحلـى مـن الملفـوف ~> بكـل شـي بينـط العـرج هـع
ْْ. حلـآت أكـل البيـت ،، شغـل نظيـف عـدل .ْْ
~ْ|| تسلـم ريلـج اللـي وصلتـج المطبـخ ،، و إيـدج اللـي سـوت هالطبخـة ،، وأنـآملـج اللـي ضـآفـت الصـور ألنـآ بالمنتـدى ||ْ~
رد: ورق عنب حااامض من ايديني بأسهل طريقة وأحلى طعم جربيها وادعيلي ^___^
تسلمين يا الغالية
ع الطرق الحلوة
رد: ورق عنب حااامض من ايديني بأسهل طريقة وأحلى طعم جربيها وادعيلي ^___^
ما شاء الله عليج
الوصفه والطريقه مررررره روعه
وباين انه مرررررررره شهي فانا الحينه خاااااااااااااااااااطري فيه مالي خص
تسلم ايديج والله على الطباخ
وربي يعطيج كل عافيه
بحر الذكرى
رد: ورق عنب حااامض من ايديني بأسهل طريقة وأحلى طعم جربيها وادعيلي ^___^
انا كنت اكره شي اسمه ورق عنب بس والله اني اصبحت مدمن وطبعا انا ما اعرف اسويه ولاني بتاع مطابخ ههههه فياريت لو تتكرمين اختي الغاليه وتسوين لي ما بقول جدر يعني حق نفر واحد وربي يسلم هاليدين ويبارك فيهن ويجعلج من الذاكرين والشاكرين وربي يحفظج
رد: ورق عنب حااامض من ايديني بأسهل طريقة وأحلى طعم جربيها وادعيلي ^___^
الصرررحه تسلم ايدينج عالطريقه الحلوة
مب الي يسونها الخدامات عندنا الظاهر الطريقه من عندهم ههه باجر بعلمهم
ثانكس فديتج
رد: ورق عنب حااامض من ايديني بأسهل طريقة وأحلى طعم جربيها وادعيلي ^___^
اقتباس:
المشاركة الأصلية كتبت بواسطة بحر الذكرى
ما شاء الله عليج
الوصفه والطريقه مررررره روعه
وباين انه مرررررررره شهي فانا الحينه خاااااااااااااااااااطري فيه مالي خص
تسلم ايديج والله على الطباخ
وربي يعطيج كل عافيه
بحر الذكرى
^____^يالله الموضوع جديم
بس ماعليج المرة الياية بنحسب احسابج من الورق
فالج طيب يالغالية بس قبلها اباج اتجربين طريقتي وتعطيني رايج فيها وعقب جان بطرشلج
اذا شفتج طالبة شطورة بتحصلين لج صحن فري:sm133:
رد: ورق عنب حااامض من ايديني بأسهل طريقة وأحلى طعم جربيها وادعيلي ^___^
اقتباس:
المشاركة الأصلية كتبت بواسطة ماستر بيكر
انا كنت اكره شي اسمه ورق عنب بس والله اني اصبحت مدمن وطبعا انا ما اعرف اسويه ولاني بتاع مطابخ ههههه فياريت لو تتكرمين اختي الغاليه وتسوين لي ما بقول جدر يعني حق نفر واحد وربي يسلم هاليدين ويبارك فيهن ويجعلج من الذاكرين والشاكرين وربي يحفظج
^____^وانا نفس الشي كنت استغرب كيف الناس ياكلونه فالعزايم
ومرة جربته وكانت الحشوة فيه حارة مب حامضة وبعد عيبني :sm133:
فقررت اني اسويه بحامض الليمون
وطلع احلى بوايد و:coool:
وفالك طيب ياخوي ان شاء الله المرة الياية
اذا فظيت ان شاء الله ما بنسى اعضاء منتداي
رد: ورق عنب حااامض من ايديني بأسهل طريقة وأحلى طعم جربيها وادعيلي ^___^
اقتباس:
المشاركة الأصلية كتبت بواسطة miss m
الصرررحه تسلم ايدينج عالطريقه الحلوة
مب الي يسونها الخدامات عندنا الظاهر الطريقه من عندهم ههه باجر بعلمهم
ثانكس فديتج
وايدج يالغالية ^____^
انتي ليش ما اتسيرين المطبخ يوم هم يشتغلون؟؟اول شي عسب تتأكدين من نظافة شغلهم وبنفس الوقت لو عندج ملاحظات اتقولينها لهم
وان شاء الله يضبطون لكم ورق العنب فالمرات اليايه
رد: ورق عنب حااامض من ايديني بأسهل طريقة وأحلى طعم جربيها وادعيلي ^___^
احح ريحه زاكيه
تسلمي خيتوو
