رد: رقمني على البلاك بيري
هي والله صدقتي اختي العالم اختبصت بسبت هالبلاك بيري
تسلمين على الطرح
رد: رقمني على البلاك بيري
الحمدلله لا عندي بلاك بيري ولا افكر حتى اشتريه
في ناس حقه الخقة واغلب اللي يشترونه عشان المغازل
انا امسات داش الجمعية اشوف بنت قابضة التلفون وبيدها بلاك بيري ضحكت قلت اونها تراوينا انا عندي بلاك بيري
وترى اسمه بلاك بيري يعني طوي اسود اذا طحت فيه صعب تطلع
مشكلة هالزمن والله
وشكرا اختي على الموضوع
رد: رقمني على البلاك بيري
أنآ الصرآحـه مآ عندي بلآك بيري . . ^^
بس اختيه عندهآ ، ،
و بالعكس تستخدمه بشي يفيدهآ كون انهآ بجآمعة الشآرجه !
و تتوآصل و يآ ربيعآتهآ الي في بوظبي و الفجيره بسهوله ، ،
و كل اخترآع في هالدنيآ لـه سلبيآت و ايجآبيآت ، ،
يعني هو سلآح ذو حدين ، ،
الي بيستخدمه صح اللـه يعطيه العآفيه و الله يجزيه كل خير ، ، !
أمآ الي يستخدمه غلط ، فهذآ شي رآجع له !
و بالنهآيه هآي حريآت شخصيه ، ،
أنآ مآ أقدر أقول للولد الي عمره 15 سنه لآ تآخذ من هالموبآيل ، ،
نحن في عصر صعب نتحكم في رغبآت النآس ، ،
و الصرآحه و من وجهة نظري الشخصيه ، ،
وآيد انتوآ مكبرين الموضوع و عقب سنتين أو 3 بتنسون الموضوع و بيصير شي عآدي ، ،
بس لأنكم شفتوآ كيف النآس أدمنوآ عليه عسب جيه ، ، ^^
و نفس الحآله صآرت يوم ظهروآ الموبآيلآت الي فيهآ كآميرآت ، ،
في البدآيه وآيد نآس اعترضوآ و قآلوآ كيف و مآ انأمن و الخ !
و الحين كل النآس عندهم موبآيل بوكيمرآ ، ،
و أنآ اهنيه مب و يآ هالجهآز و لآ ضده !
بس أقول وجهة نظري بكل النوآحي ،،
أدري بحصل هجوم ههه ، ،
بس يبقى رآيي الشخصي . . !
مب شرط تقتنعون فيه ، ،
شكرا@ !
رد: رقمني على البلاك بيري
اللهم لاتبلينا بانفلونزا بلاك بيري... اللهم امين
الحمد لله e71 يا بلاش
رد: رقمني على البلاك بيري
عندي بلاك بيري .. بس مب شرط البلاك بيري حق المغازل وهالسوالف واصابع ايدكم مب سواا ...
وهو تواصل بين اربيعاتي ... واللي يمسكونه 24 ساعه صراحه ماشايفين خير ..
فيه ايجابيات وفيه سلبيات .. وكل واحد يستعمله بطبعه ...
يسلموووووو....
رد: رقمني على البلاك بيري
تسلمون ع المرور الطيب
ربي يعطيكم الف عافيه
بس مثل ماقلنا البلاك بيري له سلبيات وايجابيات ونحن مانحكم ع الكل البعض منهم بس
رد: رقمني على البلاك بيري
إن شاء الله ايي أمر يمنع البلاك بيري من الدولة ، هذي امنيتي وإن شاء الله تتحقق
رد: رقمني على البلاك بيري
واخيرا حد كتب موضوع هذا الهاتف من زمان انتظره
شموخ الامارات انتي صادقه بكل كلمه .... بس يا ترى انتي عندج!!!!
انا الحمدلله ما عندي ولا افكر اخده انا جاني عرض مجانا على الأي فون بس ما خديته
وها البلاك بيري من هب ودب الحين الواحد ياخده
يهال ياخدولي ها الجهاز ويروحون اونه ترقيم للبنات او البنات يرقمون للشباب
والي يقهرني الي يقول نحن نستفيد منه وايد اشياء مفيده
تحلفون يا شباب انه ولا بنت عندكم او يا البنات تحلفون ولا واحد عندكم ..... ضايفينه عندكم
شي ضاهره منتشره بعد شايفنها بالمنار بعيني شايلين الفون بايديهم ويدردشون بالله عليكم لشوه سايرين المول ( اونه شوفو عندي بلاك بيري )
ومب بس حق المغازل ///// حتى يطلعون اشاعات كبيره في ها الجهاااز
اتمنى يجي امر ازاله ها الجهاز من الدوله
او انه ها الجهاز محدود الي فوق 25 سنه
عيالنا اختربووو //// والله زمن
رد: رقمني على البلاك بيري
والله اشوف عالم حاط رقم كود البلاك بيري ع الموتر
وين تبى ..احس رجعوا لورا..
انا ما انصحكم تاخذون ها البلاك بيري لانه سلبياته اكثر عن ايجابيته..
ويعطيج العافيه اختي ع الموضوع...
وبشتريلج بلاك بيري هديه خخخ
رد: رقمني على البلاك بيري
الب بي حلووو بس هالناس ما تعرف تستخدمه !!! ومب كل حد عنده البلاك بيري يعني يستخدمه استخدام سي !!! كل واحد و نيته الي ناوي ياخذ الب بي حق المعازل والله حق البزنس والي حق يغش فالامتحانات شراتي هههههه
والتعليق فالصوره هههههههههههههههههههههه الصراحه نكته خخخخخخخخ
يسلمووو خيتو عالطرح
رد: رقمني على البلاك بيري
انا ماعندي بلاك بيري ولا بيكون عندي
الصراحه انا ما احب ها التليفون
انا الي اعرفه ان التليفونات غرضها الاتصال والاطمئنان على الناس
اما الحين التليفون للفسق والخراب الله يستر بس من الياي
رد: رقمني على البلاك بيري
تسلمين يالغاليه ع الطرح الغاوي
صدقج اختي سلبياته أكثر عن ايجابيته
