مسابقة أجمل مثل شعبي

السلام عليكم ورحمة الله وبركاتة
اتقدم إليكم بموضوعي المتواضع والذي اتمنى ان ينال أعجابكم ومساهماتكم الفعالة .
ولعلمي ان منتدي الرمس من أهدافه إبراز تراث الرمس العريق
وكوني عضو في منتدى مجالس الرمس الحوارية اضع بين ايديكم مسابقة ( أجمل مثل شعبي ) وذلك للحفاظ على التراث والآثار والامثال الشعبية القدية .
واتمنى أن لا تبخلوا في توثيق هذا الكنز العظيم من تراث هذه المنطقة الغنية بتاريخها وخيراتها وطيبة وكرم اهلها
فأرجوا ان يساهم الجميع في المسابقة .

وأقول لكم

( حلات الثوب رقعتة منة وفية )

اتمنا انكم ما اتقصرون علي بلأمثال الشعبية الحلوة .

ملحوضة :( المشاركه مسموحة لعدت مرات ابي التحدي يصير بينكم وانا معاكم بعد )

الامثال التي تقال عند القناعه والاكتفاء بالرزق والقدر:


( اش لك بالبحر وهواله ورزق الله على السيف )

( اقنع تشبع)

(لو تكد كد الوحوش غير رزقك ما تحوش)

موضوع وايد حلو

ومفيد بنفس الوقت

الي في الجدر يطلعه الملاس

لاتسرف ولو من البحر تغرف


والموضوع وايد حلو ومفيد

[align=center]بنوتة الرمس ماخليتي لغيرج شي شوي شو واحد واحد بالاقصاط خلصتي مفعول المسابقة
بس يالله الامثال وايد المسابقة دايمة

( إقنع تشبع) [/align]

[align=center]السلام عليكم ورحمة الله وبركاته

كيف الحال يا اعضاء المنتدى كنت اتمنى مشاركاتكم وتفاعلكم ايكون اكثر من جية لان هذا تراث الوطن الغالي ، اشكرج صراحة يا العابرة ويا بنوتة الرمس على المشاركة ، لاني كنت متوقع اثارة وتنافس في الموضوع .

( إلي مالة أول تراة والله مالة تالي )[/align]

ما ادري عن الموضوع
جان نقلت لكم من مسلسل فوازير الامثال لول ..

اصبر على مينونك لييك اين عنه ,,


تسلم ولد الطنيجي عالموضوع
وان شاء الله تلقى تفاعل من الاعضاء ,,

(من طمع طبع)

وكل ما بدش المنتدى بسجل حضوري بمثل :)

رقعة الثوب منه وفيه

هذا اول مشاركة لي بالامثال


بارك الله فيك

موفق لكل خير

مثل اليوم
( سن ظحكلي خدعني ، وكف صفعني نفعني )

مشكورة فراشة الرمس نتريا الجديد منج

مشكورة يالعابر بدور لج مثل ايناسبج على تفاعلج القوي ( خلصتي لنجووووم ) ما خليتي لنا شي ما شاء الله عشان ما اتقولي حسود هههههههه

( اللي مايعرف الصقر يشويه)

هع هع


مشكور أخوي الموضوع

(الحسود لا يسود)
(من طالع غيره قل خيره)

ولد الطنيجي ... التفاعل منكم وفيكم

عيبني مثل قايد الغزلان

اصبر على مينونك لييك اين عنه

الشيفة شيفة , و المعاني ضعيفة .

(( حاسدين الحافي على انعاله ))

( بنقيض بدبا وبنشوف مقيضها )

حلو الموضوع ويسلمو على الطرح

وكل تسجيل دخول بكتب مثل شعبي

( زرع الميانين يطلعه رب العالمين )

تموت الديـآايهـ وعينهـآا بالسبوس ^^

(ما مات ألا بلق عينه )
(الطول طول نخله والعقل عقل صخله)
(مد ريولك على قد الحاف)
( أللي ياكل على ظرسه ينفع نفسه)
(ولدج على ما تربيه وزوجج على ما تعوديه)
يسلمو على الطرح الحلو وانا عيبني الموضوع لذالك كتبت اكثر من مثل
تحياتي لكم انا عسل كوكتيل

[frame="15 98"]
( الحي يحييك ، والميت إيزيدك غبن )
[/frame]

[align=center]
(شوف ويه العنز واحلب لبن )
[/align]

(اللي ما يعرفك مايثمنك)
(قالو تيس قالو حلبوووه)

[align=center]الي ما يباك لا تصيح تبغيه ..وبالميالس لا تييب طاريه
[/align]

( ما طاح إلا انبطح )