المشاركة الأصلية كتبت بواسطة إمـرأه لا تُنسـى
اختي الغاليه / ام محمد ..
اولا اشكر ك على ردك وصراحتك .. وهذا ان دل على صفاء قلبك اختي الغاليه ..
حبيبة قلبي والله ما عليج زود^___^انا مستااااانسة بشكل ما تتصورينه وردج قريته اكثر من مرة بس اول مرة قريته انصدمت وما اتوقعت انج تفهميني لهالدرجة والله انا اقرا وعيني جذا @_@ عفكرة سمعت الوالدة الكلام المكتوب بعد وعلى كل شي اتقولينه اتقوم ادق ظهري,,اتقول شفتي؟؟شفتي؟؟^___^
وماشاء الله عليك لم تتركي لي المجال في الكتابة فكتبي كل شيء.. عن نفسك ..
ادريبي دومي لغاية >_<
بالنسبة لتحليل شخصيتك ..
فمنذ اول سطر قرأته لك .. عرفت شخصيتك .. حتى في نظرتي لردودك في المنتدى.. واسلوبك مع الاعضاء..
ما شاء الله عليج ^__^معني احس اسلوبي مب على مستوى واحد ,,مرة احسني دفشة ومرة احس انه تفكيري ماشي عالمظبوط بالمستوى الي ارمس فيه الاكبر مني سناً,,صدق صدق ما شاء الله عليج
شخصيتك هي شخصية متسامحة للغاية .. ولكنها بالمقابل لا تنسى من جرحها ...
ممم صح متسامحة,,بس كيف ما انسى الي جرحني دامني متسامحة؟المفروض انسى كوني جذا,,وعفكرة مادري ليش مثل ما قلتي ,,يعني صح متسامحه بس بعد انجرح منهم وارد انسى ,,هالاحساس موووت يذبح ,,احس اني بارده والله العظيم
تجدين في شخصيتك نوع من التردد في اتخاذ قراراتك المصيرية واحيانا في يومياتك تترديين ايضا .. ..
صادقة واااااايد بشكل ما تتصورينه ويوم اتخذ القرار ادري انه غلط واندم فترة وارد اتخذ نفس القرار فوقت ثاني..
شخصية شاعريه وعاطفية صح ^__^.. تحبين سماع كلمات الإطراء والمدح الصادقه ..الصادقة هيه بس للأسف محد يمدحني او بالاصح بالنادر ما حد يمدحني
تحبيين ان عملتي عمل معين ان تسمعي كلمات الشكر والثناء ..
ويااااااااااااااااااليت انحصل بس الحمدلله دومي اقول سو الخير وعقه بحر ^____^دومي جذا ولله الحمد ما اتريا رد من اي حد
شخصيتك محبوبه ..
ماعرف والله محد يقولي جذا,,بالعكس احس اني دوم منبوذه شرى ما قتلج قبل
ولكن طيبتك احيانا وكما ذكرتي ثقتك بمن حولك ..
تحول الى نظرة الناس لك انك ساذجه نوعا ما في تعاملك..
صح
ولكنهم لا يعلمون ان اخير الناس من يكون على نمطك ..
:(
لانك عفويه في تعاملك.. صادقه .. لا تحبيين اسلوب الكذب مع من حولك ..
صح وللأسف الي حوالي كلهم يلعبون عالحبلين وانا ادري بس ماروم اواجهم ابهالشي
تحبيين الاطفال .. الا انك تتوتريين من صراخهم ..
صادقة والي حوالي عبالهم اني ما دانيهم ,,مثل ما قلتي امووووت ولا اسمع صراخ ياهل جدامي,,حزتها عادي افره من البلكونه >_< اسوولف وياج ^___^بس لأ اتلاقيني اطلع بسرعه من المكان الي فيه هالحشرة
تميليين عادة الى الاسترخاء والراحة .. وتحبيين امور الترفيه عن النفس..
^_____^بشكل ما تتصورينه وهم عبالهم هذا كسل مني
والاشياء الجاهزة ..
احسن تراها ^__^شرات الكيك الجاهز بدل ما اتعنى وأعين وآخر شي تطلع الكيكة مب شي فأسوي الجاهز احسن
انسانه لا بد ان لك موهبه تبدعيين بها مشكلتي ماعرف بالضبط انا لشو ميالة .. تحبيين الالوان الانثوية الناعمه ..
مادري؟؟بس انا لوني المفضل الازرق ,,ما افكر واايد بالوردي او الاحمر يعني هالالوان البنوتية,,صح احسها حلوة على غيري بس ما اتناسبني يمكن هالشي بسبب الوالدة لأنها كانت اتفرق بين اغراضي واغراض اختي بالالوان ,,بحيث انا ينياب لي كل شي ازرق واختي الي اصغر عني لها اللون الوردي حق كل اغراضها,,اتوقع انه هالسبب ورى تعلقي بالازرق
سأخبرك بأمر يا عزيزتي ..
قولي
انتي تمتلكيين طاقة من الابداع الا انك لا تسخريينها بالهدف الصحيح لتثمير هذا الامر..
صح100%هذا كلام الي حوالي بس عني انا ما اتوقع
(الوالدة طيحت جتفي وهي اتقول تسمعين >_<)
صادقة حبيبتي بدليل اني كنت من اوائل راس الخيمة فالثنوية العامة بس عقبها اندمرت
الوالدة دوم اتقول :الواحد عقله فراسه يعرف خلاصه وانتي روحج تلعبين
دائما من يكونوا على نمط فانهم يتميزون ويبرزون ..
ان شاء الله
ولكن بدافع خارجي ..
للأسف ماشي,, من جذا امشية الامور عادي
لانهم ينتقصون الى الدوافع الداخليه الصحيحه لتحقيق اهدافهم
لانهم بالحقيقة .. لا يثقون كثيرا بقدراتهم ..
بدليل اني يوم اكون بالجامعه ما حب اتكلم انجليزي ودايماً اخلي البنات هم الي يرمسون الدكاترة بلساني,,واحينه كل دكاترتي عبالهم اني غبية وما عرف ارمس
حينما يكون هناك مجال معين مخططك لا تتراجعي عنه بحجة انك لا تستطعيين فعل ذلك..
اتعودت
انما عززي الثقه بنفسك .. لان كل انسان مخيل ان يكون ناجح في حياته مهما كانت قدراته الماديه
ماعرف شقا
لان الاهم من ذلك أولا قدراته المعنويه والفكريه ..
تتميزين عزيزتي ..
بالهدوء . بشكل عام .. وصوتك متوسط الحدة ..
^____^هيه
الا انك اذا انفعلتي .. يرتفع لما فوق المتوسط .. حتى يصل الى البحة ..
يالله صارلي سنين ما صارخت ,,معنه الود ودي ارد بهالحدة على كل انسان يغلط علي
فأنتي تنفعليين بسرعه وترضيين ايضا بسرعه ..
مشكلتي فالحياة مثل ما قلتي متسامحه
شخصية تحب الدلال والاهتمام بها ..
^_____^كل بنت اتحب جذا,,بس ياحسرة منو يدللني
فأكبر طاقاتك هي داخليه ..
اي ان سعاتك وطاقتك وحيويتك .. هي خارجة من ذاتك انتي ..
قصدج على حسب مزاجي صح؟؟بس انا مب مزاجية ولا احب اكون ابهالطبع بالعكس واااااايد اجامل الي حوالي ,,لأني بالاساس ماداني الناس المزاجيين او مثلاً يكون الشخص مظايق فيتم امبوز طول اليوم ويظايق الي حواليه ,,امووووت ماحب اشوف انسان جذا فويهي لأني لا ارادي اكره تعابير ويهه واتم انا ظايقة واعصب من داخلي,,ذكرتيني بوحدة جابلتها فالجامعه من فترة ,,وهالبنت فحياتي ماشفتها تبتسم ,,تمشي ابسرعه ابسرعه وشاله كتبها وامنزله راسها الارض ..وهاك اليوم اجابلت وياها فالحمام (عزج الله)كانت اتعدل اوقايتها وجان انتهز الفرصة واكلمها,,قلت لها:فخاطري فخاطري يوم واحد بس ,,أدش الجامعه واشوفج تبتسين يعني بس جذا اتسوين ^___^ماباج تظحكين بس ابتسمي ,,وجان تظحك ههههه رديت قلت:واخيراً هههههه ,,مسكينة ردت علي قالت انا ملامحي جذا جاده وامشي ابسرعه والناس عبالهم اني عصبية بس ميخصه ,,قلت لها :اها اوكي بس بعد ترى يوم الواحد يشوف بني آدم جدامه جذا هو نفسه يتعكر مزاجه فبليييز خلي ويهج مبتسم على طول ,,اتصوري من يومها كل من اتشوفني تظحك وتأشر على شفتها ^____^ههههه اونه ها ها ارتاحي
تميليين الى سماع مشاكل غيرك والتخفيف عنهم..
صح احب هالشي وانا ادري انه الواحد يوم يرمس عن مشكلته يرتاح اشوي فأحب اكون انا الشخص الي يرتاحون له وللأسف فظنهم انا مب الشخص المناسب ^____^
الا انك في داخلك لا تستطييعن حل مشاكلك مع نفسك..
100% صح
تحبيين الخير لمن امامك ..
^____^الحمدلله
وقد تجديين اختلاف وتصادم كبير بين شخصياتك وشخصيات من حولك في اختلاف الانماط..
وايد
لهذا تشعريين كثيرا بمشاعر الاحباط والحزن .. واليأس احيانا ..
صح
وتميليين الى سماع الامور الحزينه والقصص الرومانسية .. فهي تولد لدي طاقة أكبر ..
مادري اذا اتولد او لأ ,,بس احب اسمع واقرا
وتضعيين نفسك مكانهم وتشعريين بمشاعرهم بسرعه
ياااااااااااااااااااااااااااااااااااالله بشكل ما تتصورينه ,,اعيش الدور ^__^
تنسمجيين بسرعه مع من ترتاحيين لهم .. وتكوني اجتماعيه لدرجة انك تتعامليين معهم كاخوانك ..
صادقة وللأسف الناس ما تستاهل هالثقة
نصيحه لك اختي الكريم / ام محمد /
1/ لا تعاملي الناس كما تحبيين انتي .. بل عامليهم كما هم يحبون ..
مأنا هذا الي فظني واسويه,,دايماً ابتسم واسولف بس هم لا يعجبهم العجب ولا الصيام فرجب,,هم يبالهم لي يركب على راسهم ويحترمونه
2/ تذكري دائما .. ان مهما فعلنا مع الناس من خير .. فلا تنتظري منهم المقابل .. لانه يجب عليك ان تفعليه لوجه سبحانه ..
صح
3/ انتي تحمليين قلبا شفافا .. فلا تتركي مجال لكل شخص ان يزعج قلبك الطيب .. فلا تكترثي للقال والقال ما دمتي على الحق ..
:(
4/ حبك للناس شيء جميل .. ولكن متى جاء بعد حبك لنفسك واعطائك حقها ..
بإذن الله
5/ الحياه جميله فلا تقفي امام ازمه قد احزنتك .. وجرحتك .. فتاكدي ان الشطر الثاني من حياتك يوجد فيه امور جميلة يجب الا تتناسيها ..
الله يسمع منج
6/ علاقتك مع نفسك .. يجب ان تكون أقوى .. ثقي بنفسك اكثر .. وجددي النية .. بان تكوني دائما نحو الافضل ..
بحاول وانا ادري ما بقدر
7/ الحياه لن تعطيك الا بقدر ما ستعطينها ..
صح اعرف هالمقولة بس مب قادرة اعطي عمري ولا اعرف بالضبط شو الي اعطيها
8/ الاسترخاء شيء جميل ولكن ليس في وقت الجد وتحقيق الهدف.
^___^فظحتيني
9/ ثقتك بالناس .. يجب ان تكون محدوده .. فلا تعامليين الناس.. بقدر ثقتك وطبيتك بهم ..
بحاول
10/ كرري على مسمعك وذاتك انك على قد الثقه وانك انسانه رائعة.. لتتعاملي مع نفسك اولا بطريقة صحيحه وبما تستحق.. ومن ثم فكري بمن حولك ..
هالشي كنت اسويه يوم كنت فالثنوية بس احينه راااح هالشي من بالي
اي سؤال انا حاضرة حبوبه ..
بودي برقمج يا دكتورة
حفظك الرحمن