عرض للطباعة
السلام عليكم ورحمه الله وبركاااته
مساء الخير على جميع الاعضاء
من بعد صلااة الظهر
يايبه لكم موضوع ان شا ءالله ينااال اعجااب الجميع
من صغيركم لي كبيركم ..
هو انه كل عضو يحدر الموضوع يكتب اطرف موقف مر عليه حتى لو كان محرج؟؟
والصرااااااحه رااحه
وابغي ردوود الكل .
انا اول شت الكل بيقراه ههههههه ... بقول بس محد يضحك عليه انزين ...
المهم في فريجنا كانو يبنون بيت يديد وحاطين خزان حق الماي بس النوع الوسط تقريبا ... المهم كنا نلعب ورحت انخشيت فيه وفرطت ريلي من ع الحديده وجان اشرب الماي واشرب الا اشوي اتمطني اختي العوده من شعري زين مامت ذاك اليوم الله كتبلي عمر يديد ... اول ماحدرت بيتنا جان اتشوفني امااايه قالتلي شو فيج جان اقول لها ((استويت طيره )) كان قصدي انه الماي يرفعني فووق صغيره وحليلي ولين اليوم يقولولي هايالطيره واموت من الضحك...
اقتباس:
المشاركة الأصلية كتبت بواسطة فديتني شيطونه
ههه حلوه ياطيره شكلج شيطونه...
عاد مالقتي الا ها المكان تنخشين فيه ههه
يسلمو ع لمرور
تعالي دووم وقولي المواقف الي صارتلج :headphonedance:
اتذكر موقف صار لي قبل يومين كنت رايحة كارفور مع أختي ولدها ..تقريبا هو عمره ثلاث سنين ونص
المهم خذناله عربانة اللي على شكل سياره عسب يقعد فيها وما يأذينا .. قام الحبيب كل ما شاف ريال أو هندي أو أي واحد يمر حذالنا يطلع لهم إيده ويقولهم سلام <--- يعني سلموا على
لحد ما صرنا مشهورين في كارفور كلها ..
ههههههههههههههههههههههههههههههههههههههههههههههه .. فديته والله
ههههههههههههههههههههههههههههه
انا مرة سرت بيت اهلي وبالصدفه تلاقى ان اليوم الثاني اخوي اللي في الروضه عنده اجتماع امهات
الوالده قالت لي سيري بدالي انا تعبانه وبيوني حريم قلت لها اووكي وسرت انا واختي الثانيه بعدين يتني المديره والمدرسه مالتهم قالولي انتي امه قلت لا شكلي صغيرونه مايدل اني امه خخخ اكيد ها الكلام قلته في قلبي مب جدامها المهم قلت انا اخته قالوا بنكلمج ف موضوع انا خفت قالت لي المديره ان فلان ما يحضر الحصص دوومه عندي في المكتب حتى وقت الفسحه يوم اقوله لازم تسير الصف يزعل يسير وعقب شوي يرجع اخر شي هالحوار ثره قايل حق المديره (( عاادي اتزوجج ))
افتشلت افشللللللللت افتشللللللللت قلت يا ليتج امي انتي اللي يايه مو انا
والله ويهيي احمررر بس الحمدلله المديره كانت متفهمه انه ياهل بس عطيناه محااضره بعدين وفهمنانه ان هذا عيب
بس متنا عليه من الضحك والمديره تقول السالفه وهي تضحك قالت حبيت انبهكم بس ههههههههه
شكلي انا نزلت الموضوع لي نفسي
ابغي ردووووود
هههههههههههه من النك ينعرف... فاضحه عمري ههه
الله يسلمج عزيزتي ...
بقول موقف ثاني عشانج بس هههههه ...
المهم مره رايحه الموووول ركبت الدري المتحرك ونشبت عبايتي في الدري واخويه وخواتي ماعرفو شو يسون اخويه عاد من دون تفكير مط العبايه وجان تنطر اتخيلو اني وسطت زحمه وعبايه منطره .... تمنيت اني اختفي ومحد يشوفني آآآآآي ياويهي اشقايل كان احمر اخضر اصفر اشارات المرور هـــــــــــــــــــــع .....
اقتباس:
المشاركة الأصلية كتبت بواسطة فديتني شيطونه
يعطيج العافيه فديتج ..تعالي كل يوم..
وامنوره الصفحه بس انقهر ما اشوف الكل يحدر ..ها الموضوع
ليش :aa_Sanson:
قفطه ..خخخخاقتباس:
المشاركة الأصلية كتبت بواسطة فديتني شيطونه
ما اتخيل عمري ابها الموقف..والله بيغمى عليه :aa_mo9ab:
تسلمين حبوبه ع المرور والمشاركه الي اتموت من الضحك
الله يسلمج عزيزتي هيه حاطه الموضوع عسب تضحكين هاااا ...وين الباقين نبا نشوف مواقفهم
اقتباس:
المشاركة الأصلية كتبت بواسطة فديتني شيطونه
يعطيج العافيه
انتي وحيده معاي:3jeeb:
حلاته الموضوع لج وانا الوحيده ابصم فيه هههههه....شي مميز
اقتباس:
المشاركة الأصلية كتبت بواسطة فديتني شيطونه
عادي مايهمني انا منزله الموضوع لعمري ولج.
:sm136: