عرض للطباعة
السلام عليكم
البلوكات القديمة و الجديدة في الظيت الجنوبي/مدينة خليفة/ و الطرق المؤدية لها تعاني من الظلمة و الشوارع في بلوك 11 و 13 لم يتم تعبيدها . لا بد من توافر الانارة في الشوارع و المناطق السكنية , في بيوت انبنت بس كيف بيسكنون , لا شوارع و لا انارات , المكان مخيف ,
يعني الانارات و الشوارع لازم توصل لهاي الاماكن عاجلا أم آجلا بس ليش التأخر في انجازها , شو يتريون ؟
مدينة خليفة
تحمل اسم صاحب السمو الشيخ خليفة بن زايد رئيس الدولة
مستحيل تكون بالمواصفات التي ذكرتها
بس عندي سؤال ليش المنح سواء للارامل او المطلقات ياخذون رسوم منهم عشان الارض بمقدار ال4000الاف اللي انحيده هالفئه معفايه عن الرسوم والا كيف ...
كله بصوب و منطقة سهيله بصوب هيه يا سهيله ذكريات طفولتي هناك هيه يا الزمن هاتو كلينكس بصيح
نعود للموضوع منطقة سهيله مستويه جنها بيت اشباح
و الظيت منطقة فيها ناس وايده و? نص لمبه فيها ظلام. لازم الجهات المسولة تشوف حل
باي
اذا ما لبقنا ليتاتنا جدام بيوتنا....ما نشوف شي
مع انه نحن وايد قراب من الشارع الرئيسي
الظيت بكبرها يبالها اضاءة شوارع
شكرا على تفاعلكم
الموضوع يباله حل مستعجل ,
هو أصلا المفروض الشوارع و الخدمات و الانارة تكون موجودة قبل لا يبنون الناس , خلاص خططتو الاراضي , المفروض على طول شوارع و انارة . ليش التاخير
انبنت لبيوت , توفر على طول المساجد و البقالات و الخ
اللي يبا يشوف يروح المناطق اللي ذكرتها .
دائما سالفة الشوارع متأزمة براس الخيمة , ملينا
شغلو بجالي ولاتطلعو في الليل نامو
لازم بليل تطلعون ايلسوا فالبيت مثل ماقال شغلوالبجالي يوم بتطلعوا
اسولف هههههه
اصبروا كل شي وله حل الله يوم سكنا فخزام والله انا كنا نشوف السمج قد كف الأيد ولوماركضنا ووقفنا عليهم ودفنوا البحراوبمعنى اخر لسبخة كان الحين نصيد سمج وناكل ههههههههههه
كمن سنة ونحن بعذاب بس يانا الفرج بعد الركيض من مكان لمكان والحمدالله قول يالله والله المستعان اتمنى لكم التوفيق جميعا
الله يرحم زمن البوقلى راحو الطيبين
السلام عليكم
اشكر كاتب الموضوع
انا اركض وراهم من شهر فبراير عشان استلم ارضي وجماعة المساحه والتخطيط طلعوا عيني
اول مره عطوني ارض يوم ودفعت عشان الدفان 6000 درهم ويوم رحت اشوفها قالولي فيها عزبة لشخصيه مهمه وماقدرنا نزيلها
وراجعينا بعد فتره ومرت اربع شهور ونا تقطع حاشاكم نعالي من كثر ماراجعهم ، وبدلولي الأرض ويوم رحت اشوفها قالولي للحين
ماندفنت ومرت لشهور وعطوني موعد ثالث يوم رحت نفس السالفه الارض ماندفنت وعطوني موعد رابع والحمددددددددددددددد لله
هالمره الارض مدفونه بس وسط صحرا حتى انها مو مصيخه مع اني دافعتلهم 100 درهم للتصييخ او 200 ماذكر والله ، ومافيها المنطقه حتى القرقره ويوم ببدا ابني قلت للمقاول روحلهم خل المساح يراويك الارض ومن جريب رحتلهم مسوين قرقره خفيفه.
ويوم ييت ببني طلع قرار ان البيت اذا كان طابقين لازم تزيح البيت عن الجدار مسافة 3 متر !!! كيييييييييييف ؟ اذا الارض مساحتها 80*80 وين بزيح البيت ابني غرفه فوق غرفه فوقهم صاله وفوقهم مطبخ وفوقهم حاشاكم الحمامات بشكل رأسي يعني
والمفروض الاراضي قبل تتوزع ايسوونلها شوارع واناره وجميع التمديدات الكهربائيه والاتصالات .. يعني البنيه التحتيه
ما اقول غير حسبي الله ونعم الوكيل
الواحد ما يقول غير الحمدلله انهم عطونا اراض ههههه يبالنا 25 سنه وبيبدون ايصلحون المنطقة
أشكر كل اللي ردوا و الله يعيينا
ما شي فايدة , سووا لنا انارة و شوارع و مساجد , لبيوت خلصت , محد بيسكن جي , رجاء يا مسؤوليين , لين متى بنتم ساكنين بالايجار و الملاحق الضيقة .
لا و لو شفتوا الحمير كيف تتمشى وسط الفلل و ظلمة موحشة . منو بيسكن ؟