افعـل مـا شئت , كمـا تديـن تـدان . . قصص من واقع نـاس

:: بسم الله الرحمن الرحيم ::




( قال رسول الله صلى الله عليه وسلم )

البر لا يبلى ، و الذنب لا ينسى ، و الديان لا يموت ، اعمل ما شئت ، كما تدين تدان

( صدق رسول الله صلي الله عليه وسلم )




حبيت أشــارككم بقصص عرفتهـا من الواقع,
عن الظلم و عاقبة الظالميــن.
واسمحولي كتبتها باللهجه العاميه,
لأني أحس انها أقرب لنا http://forum.uaewomen.net/images/smilies/smile.gif



وأحب أوضح انه الظلم مش بس بالعمل,
يعني في ناس تقولين لهم الظالم و عاقبة الظالمين,
يقولون لج لا الحمدلله احنا مايخصنا ما ظلمنا حد !
تــرى حتى الكلمه يمكن انتي تقولينها عن ناس وانتي مش متأكده منها,
وتظلميـــنهم !


اللي شجعني أكتب هالموضوع,
كثرة الظلم في هالزمن,
ويـأس النـاس,
والقصــد من موضوعــي هذا,
رفع معنويات المظلومين,
والتـــذكير بـأن الله موجود و يحصــي كل شي,
وان الله يمهـــل ولا يهمـــل . .



أخليكم ويا القصص ,
واتمنى لكم الافاده http://forum.uaewomen.net/images/smilies/smile.gif

-1-

ريال كبير في السن, متزوج من حرمتين وعنده عيـال, وبحكم شغله وتنقله من البلاد الى بلاد ثانيه قرر انه ياخذ الثالثه .
كانت حياة هالعايله مستقره وهاديه, لين ماياب الثالثه ودخلها البيت العود.
قامت تخرب بينه و بين حريمه, والسبب انها تبا تكون الآمره الناهيه في البيت.
حاولت انها تخرب بين الريال وحريمه و تطلقهم منه بأساليب مختلفه,
حتى انها استخدمت السحر,
وشتِــــتَتْ هالعايله من بعد ماكانوا كلهم في بيت واحد,
الحرمه الأولى طلعت بيت روحها ويا عيالها,
والحرمه الثانيه بعد طلعت فبيت روحها ويا عيالها.


هذا اللي كانت تسعى له,
وحصلت اللي تباه,
استفردت في البيت العود,
وقامت تآمر وتنهي وعاشت ملكه فبيتها.


لكن ظنكم اللي سعى في الخراب , الله بيهنيــه فحياته ؟

مرت السنيـن, ويابت العيال,
وشاء الله انه تصير المشاكل بينها وبين ريلها وتوصل للطلاق.
هي نعم,
هي اللي كانت تسعى لطلاق حريمه الثانيات, لكن الله رد كيدها فنحرها وهي اللي تطلقت.
عيالها بغضوها وماكان عندها حل غير انها ترجع بلادها,
ويوم ردت بلادها تصيح وتحن لعيالها خص انهم بعدهم صغار,
ترجع هني تبا تشوف عيالها لكن عيالها مايبونها,
وترد بلادها.




هذي اللي سعت في تشتيت عايله متوالفه مستقره في بيت واحد,
وخلتهم كلٍ في بيت بعيد عن الثاني,

الله شتتها بين دولتين !


.


.

:: سبحـــان الله ::
:: ان الله يمهــل ولا يهمـل ::




-2-


شــاب في العشرين من عمره,
تربى في بيئه فري كل شي عندهم عادي,
لكن من فضل الله عليه انه اهتدى والتزم وكان غير عنهم رغم محاولات اللي حوله ومن سنه.
كانوا دايمـاً يفرون عليه رمسه ويتهزوبه عشان يخلونه يتغير ويمشي في طريجهم,
لكن من داخله كان مقتنع بأنه اللي يسويه هو الصح وماعليه من اللي حوليه.
قام واحد من اللي يقربوله و قال انه هالشخص فيه و فيه,
و انه مب صاحي ( مينون ) وقنع الناس بهالشي.


شي يضايق صح ؟

يوم تكونين انتي تسوين اللي يرضي ربج,
ويرمسون عنج انج مينونه وانه فيج وفيج,
ويبتعدون الناس عنج لأنهم يتحرونج صدق مب صاحيه !


عقب سنه أو أقل,
شفتوا هالشخص اللي اتبلى على هالشاب وقال عنه انه مب صاحي ؟
الله ابتلاه بالخبيث في راسه !

.

.


:: سبحــــان الله ::
:: ان الله يمهــل ولا يهمـــل ::


-3-


يمكن تكون هالقصه مختلفه شوي,
لكنها تحمل نفس المعنــى

هـالنـاس عندهم ببغــاء,
تعودوا يطلعونها العصر برع في الحديقه,
كل يوم نفس الوقت تقريباً يطلعونها شوي,
ومن يستوي المغرب دخلوها البيت.
هاك اليوم,
تسلطت على الببغاء قطوه وعظتهـا عظه عند بطنها,
يو اللي في البيت يبون يسعفون الببغاء ماقدروا,
وماتت الببغـــاء.

عقب هالسالفه بشهـــور,
كانت القطوه تتمشى برع البيت العصر,
وكان باب الحوي مفتوح,
دخلوا البيت جلبيــن بوليسيين كبــار,
واحد منهم شاف القطوه وركض صوبها عظاها عند بطنها عظه ماتت منها.

شـفتــوا ؟
سبحــان الله !
حتــــى في الحيــوانـات . .



.

.




( افعل ما شئت, كمــا تدين تــدان )

اللـي تسويه,
بيتســوى فيــك,
الحيــن ولا عقب سنيــن . .

.

.

واذا انظلم الانسـان,
عليه بالدعاء والاستغفار,
والاكثار من : " حسبنا الله ونعم الوكيل " . .


.

هيه والله قلتي الصح
كما تدين تدان
شكرا يا عسل على الموضوع

المتألقه عيمانيه اسبشل
شكرا على هذه الكلمات الرائعه التي انارت صفحات المنتدى
كلمات راقيه من قلم راقي
سلمت اناملج الرائعه على هذا النثر الرائع كروعتج
ابدعتي واكثر
كنت هنا

ثائر خصب

اقتباس:

---

المشاركة الأصلية كتبت بواسطة ام بخيت

هيه والله قلتي الصح
كما تدين تدان
شكرا يا عسل على الموضوع

---

يعطيج العافيه ام بخيت ع المرور..

امنوره الصفحه ..

اقتباس:

---

المشاركة الأصلية كتبت بواسطة ثائر خصب

المتألقه عيمانيه اسبشل

شكرا على هذه الكلمات الرائعه التي انارت صفحات المنتدى
كلمات راقيه من قلم راقي
سلمت اناملج الرائعه على هذا النثر الرائع كروعتج
ابدعتي واكثر
كنت هنا

ثائر خصب

---

يعطيك العافيه اخوي

وامنور الصفحه ..


اشكرك على رد

[rainbow]
.............
[/rainbow]

طبعا

الدنيا كذا

كما تدرين تدان ..

و الا يقدم السبت يلاقي الأحد ...

شكرا اختي عالقصص

واكيد بالعامية بتكون اسهل

وشكرا خيتو

مشكووووووووره عالقصص

اشكرج يالغاليه ع الطرح

اقتباس:

---

المشاركة الأصلية كتبت بواسطة المتميزة

طبعا

الدنيا كذا

كما تدرين تدان ..

و الا يقدم السبت يلاقي الأحد ...

---

تسلمين حبوبه ع الرد...

وامنوره الصفحه

اقتباس:

---

المشاركة الأصلية كتبت بواسطة just_me

شكرا اختي عالقصص

واكيد بالعامية بتكون اسهل

وشكرا خيتو

---

تسلم اخوي ع لمررو..والرد ...

اقتباس:

---

المشاركة الأصلية كتبت بواسطة غرشوبة الشارجه

اشكرج يالغاليه ع الطرح

---

تسلمين الغلا ع المرور..:sm147:

شكراااااااااااا

هذي حقيقة الحياة.. تعلم اللي ما يتعلم.. واللي ما يتعلم يكون الله يستدرجه.. يغطى على حواسه.. ونهايته تكون عبرة لغيره..

المصيبة بعض الناس ما تتعلم من تجارب الآخرين.. يعني إلا يجربون وبعدين يطيحون بمشاكل هم في غنى عنها..

أشكرج أختي عيمانية على طرح الموضوع

تقبلي مروري

.. هييه والله كمـآ تدين تدآن ..

.. تسلمين خيتوو ع الطـرح ..

.. ربي لـآ هـآنج ..

بصراحه موضوعج ماعليه كلام وصدقتي كما تدين تدان ليتني اقدر اقول لهالانسانه هالكلام بس الله كريم وتسلمين اختي

هييييييييييي والله صج
مثل ما قلتي
كما تدين تدان
ربي يعطيج العافية حياتي