عرض للطباعة
يحرقها بالبنزين لرفضها الزواج منه
القاهرة - وكالات
قام مصري باشعال النار في وجه حبيبته انتقاماً منها بسبب رفضها أن تصبح زوجة ثانية له، في منطقة حلوان بالقاهرة.
وذكرت مواقع اخبارية، أن المتهم طلب الزواج من المجني عليها، إلا أنها رفضت، نظراً لكونه متزوجاً ولديه أبناء، ما دفعه إلى محاولة الانتقام منها، حيث انتظر خروجها من العقار الذي تسكن فيه، وسكب عليها "بنزين"، وأشعل فيها النيران، ما أصاب أجزاء متفرقة من جسدها وتشويه وجهها بالكامل.
إلي ترفض التعدد خلها تعتبر من هذي القصه وﻻ بتحترق
..
أسولف
بس ياجماعة التعدد خير أتمنى محد يرفض الزواج عشان هذا السبب
من هم خير منكم قبلوا بالتعدد
يعني ﻻ سوون نفسيات وايد
انا اغار ومادري شو ما اقدر اتحمل
كلام ماينفع
بالتوفيق للجميع
كل انسان حر بحياته يااخ حفيد المقام
ماتنجبر روحا على روح
طبيعة الانثى غيورة وماتحب تشارك زوجها ويا اي انثى ثانية ها طبيعتها وانخلقت عليهت عاطفتها تحكم عليها اكثر عن عقليتها
محد يقدر يجبر الانثى تسوي شي او ترضى بشي فوق طاقتها والله مابيرضاها لها واذا الحرمة مب مقصرة بشي ليش يحرق قلبها ويعرس عليها ؟
يوم الواحد عنده فلوس مايدري شو يسوي بها يعطي واحد محتاج ويخليه يتزوج وجي بيكسب اجر كبير مب يعرس وهو مب قاصره دلع ولا شي
والصراحة بعض الشباب حرام يعرسون اكثر من وحده لانهم مايعرفون يعدلون بينهم اول شي واغلبهم صامين شرع "الله حلل اربع" اكثر عن "العدل بين الزوجات" و "الرفق بالزوجات" وبعضهم مايعرف شي بالدين غير سالفة التعدد ماخذينها لعبه اعرس اربع وخلاص
واخي العزيز حفيد دامك مرتاح فالتعدد خلاص انت سو الي تبيه ولا تفرض رايك ع حد
وكلامك غلط ان التعدد خير .. احيانا يكون مب خير وسبب بدمار بيوت
وكم مرة مرت علينا هالسالفه "واحد معرس ع حرمته بالسر وسفرها شهر العسل ودلع وهدايا .. وحرمته الاولى مايطلعها خير شر ويشتري للثانيه عقد ذهب ولما انكشف الاولى طلبت الطلاق ( ومن حقها ) وطلق الثانيه بس جي من القهر وتشتتو عيال الاولى"
فاتمنى تجاوب شو الخير فيه؟
للاسف واقع اغلبنا نعرفه "بعض الشباب والبنات" عندهم الزواج لعبان والشباب هالايام عقولهم صغيرة بس يعرفون كلمة الشرع حلل اربع ومايعرفون وين القبله اصلا
"بعض" وماجمعت
الله يهديهم ويهدي اليميع
ونرجع لموضوع الخبر
اساسا كيف يتعرف ع وحدة ويحبها ويطلع وياها وعقب يخطبها وبالدس بعد يمكن .. هذا وين مكتوب بالقران والسنه؟
حرام الواحد يشوف وحده مب حلاله ولو نظرة بس كيف يشبع من شوفها وكل يوم وياها
الله يهدي الجميع
السموحة بس يوم شو اي خير
كل الخير بالتعدد
ﻻ تيبيلي قصص ذكور الصلاة مايحافظ عليها وتبينه يعدل بالزوحات
الحمدلله قدوتنا خير البشر رسول الله صلى الله عليه وسلم
وإذا على الزيجات الفاشله ترا حتى إلي مب معددين حياتهم فاشله
وفي وايدين معددين وعايشين حياتهم بس المهم تعرفون منو هذا إلي بعدل
المشكله الحين صارت الأسئله كم عندك مهر وين بسوي الحفله وين بسكن الحرمه
وريال شريب خمر
او عنده ديون وكلها ربا
او غيرها من الأمورر
صارت الماده هي الأهم
إذا حصلتوا ريال يعتمد عليه ومعدد ولو ماعنده شي بس مابقصر وياكم
اما قولج إذا الحرمه ما مقصره وياه ليش يتزوج ويحرق قلبها
بعطيج معلومة إن الأصل في الزواج التعدد
ثانيا كزوجه لها واجبات وحقوق
ونفس الشي الريال له واجبات وحقوق
يعني مب انها سوت إلي عليها قالت خلاص مايتزوج علي
شرع الله أباح التعدد
في بنات مامحصلين حد يتزوجهم
وفي بنات مطلقات وأرامل
والحين نحن انشوف كيف صاروا الشباب يتجهون للحرام سواء بنات وﻻ شباب
يعني إذا يا ريال يبا الحلال صار ممنوع
وخاصه إن صرنا نشوف عزوف الشباب عن الزواج بسبب توفر الحرام
في النهايه امر التعدد الرجل من يقرره والمرأة تبقى خاضعه له وليس من حقها الرفض إن كانت الزوجه الأخرى ليس بها مايعيب
لنسبة للي تقول ماينجبر روح على روح
بوم يتزوج ريلج هناك بتنجبرين
حسبي الله عليه المجرم
يعني علشان ردته قام وحرقها...يعل يحرقونه ان شاء الله
شو هالاجرام اللي داخله؟؟؟هذا حتى لو ماكان معرس ما تاخذه لانه قلبه اسود وفيه نزعه اجرام
مسكينه الله يعوضها خير
اماراتي وافتخر
نزعة اجرام
والإجرام إلي داخله
عفوا بس تعرفين لمبروزوا
ههههههههههاقتباس:
المشاركة الأصلية كتبت بواسطة حفيد المقام
لمبروزو نظريته شوي تضحك بس فيها شي من الصحة و صفات المجرم
مافيها صحه نظريات كفار من وين الصحه
ياما ناس مايبين فيهم ويطلعون مجرمين
خير :sm140:
شو هناك؟؟؟
يعني انت الحين تشوفه شخص طبيعي؟؟؟ولا علشان هالكلام ظهر من حرمه فاستنقصته:brows:؟؟!!...لانه حضرتك ضد اي شي تقوله حرمه:sm11:
انا اتجنب ادخل بمناقشه مع الشباب بالمنتدى...لانه فيه عقليات تتوحش اذا عارضتها...لكن بروحهم يتلكشون:sm126:اقتباس:
المشاركة الأصلية كتبت بواسطة حفيد المقام
لو سمحتون انا حاطه خبر لتعليق مره وحده مب مليون واحترمو ردود الاعضاء وخلاص
ههههه
لا بس اخوى المفروض بس تعليق واحد
واى عضو يحط رده ما اي واحد ثاني يعقب على رده وبس
كل واحد يستفيد من الثاني
حتى انتي رديتي كيف تقولي كلام واسوين عكسه
تناقض
خلاص ﻻ تردي تمي ساكته حطيتي قانون امشي عليه
انا عن نفسي حر ماقيدت عمري بشي الحمدلله