أول شي السلام عليكم ورحمة الله وبركاته
شحالك اخوي شحالج اختي علومكم جميع
ما بطول عليكم وبدش بالموضوع طوالي
يا جماعة كل عضو يدش يا اما يطالع وبس او ينقل الموضوع جوف عدد الزيارات وعدد الردود فرق وعدد بسيط اللي يرد ويناقش ومعروفين
يا جماعة نبا نشاط نبا حركة نبا تفاعل
لا تعتمد على الادارة بس بنقل الاخبار ليش ما تكون انت ورقة رابحة بالمنتدى
يا أخي عندك خبر عرس ملجة خبر وفاة خبر اصابة اي خبر يكون يستاهل ينحط حطه او بلغ الادارة عنه لو ما تعرف تصيغ الخبر بشكل صح او ما تبا حد يعرف انك انت اللي حاطنه لو اشتركنا كلنا بوضع الاخبار ما بستوي شي بالرمس والا وبنحط
يعني الادارة كم بتعابل عشان يكون كل شي عليها
كلنا عايلة واحدة وكلنا نكمل بعضنا ونكون يد واحدة
وترى وايد اشياء تستوي بالرمس خصوصا وبراس الخيمة عموما والإمارات اعم والعالم اشمل ما تنكتب الصراحة لانه ما توصل للادارة الا متاخرة ليش ما تكون انت سباق بنقل الخبر
شي ثاني مطلوب بعد الا وهو كل واحد يخل اخوه او ربيعه او البنت تخلي اختها او ربيعتها تشارك بالمنتدى عشان يزيد عدد الاعضاء ولو يبون يشاركون حياهم بعد
مطلوب بعد انك تشارك بالمنتدى بمواضيع وردود ترتقي بالمنتدى هب يسلمو ومن هالردود السطحية عشان عدد مشاركات يزيد وخلاص لا نبا شي يفيد
مطلوب بعد انك تكون انت كاتب الموضوع هب يكون منقول وخلاص حاول يا اخي شو بتخسر ولو بموضوع باليوم الواحد
مطلوب انك تحاول تسوي دعاية لهالمنتدى بطريقتك شو ما كانت
مطلوب من الاعضاء الابتعاد عن المواضيع السياسية البحته يعني
مطلوب من الاعضاء عدم التطرق للحديث عن شخص معين والاكتفاء بالكلام العام
مطلوب من كل عضو شاف شي غلط في المنتدى انه يبلغ الادارة هب يسكت
مطلوب بعد اشياء وايد لكن اكتفي ... وأي واحد في شي في باله يحسه في صالح المنتدى يسويه
اللهم صلي وسلم على سيدنا محمد وعلى آله وصحبة وسلم
وشكرا خاص
Just_me
خيماوي_2000
