58...96_p106346.gif
خبز الخمير الاماراتي
http://www.fahad.com/mrsmom/pics/khmeer.JPG
مقادير العجين
كوب و نص طحين رقم 1
كوب و نص طحين رقم 2
1 م ك خميره
نص كوب ماي دافي للخميره
كوب مريس (كوب تمر منقوع في كوب ماي مغلي)
نص م ص مثيبه حب
بيضتين
طريقة العجين
- ذوبي الخميره في نص كوب الماي مع اضافة شوية سكر و طحينض
- انخلي الطحين و ضيفي الخميرة و المريس -المشخول- و البيضتين و المثيبه واعجني يلين ما تصير متماسكة -مع اضافة الماي اذا احتاج-
- و غطيها بكيس بلاستك و بطانيه و خليها تتخمر على راحتها
وقت الخبز
الافضل انج تكونين مجهزه كل شي قبل ما تبدين الشغل ، و الاغراض هي:
بيضتين مخفوقات و فرشاة -انا ضفت زعفران للبيض- ، ماي لبل اليد ، دهن -طبعا بلدي اصيل اذا متوفر ، او زبده اذا ما عندج- ، سمسم ، حرّاره
العلبة المعدنيه حطيها على عين الفرن و فوقها المخبز خليهم يسخنون
و كوري العجين في صينيه مرشوشه بطحين و غطيه بفوطه مبلله -مقدار العجين ها سوا 16 خبزه تقريبا قطر كل وحده 15 سم-
يالا نشتغل
بللي يدج عدل ، و افردي كورة العجين زين -انا فرديتها و حركة يدي دائرية، طلعت مدوره بشكل مرتب- ادهني بالبيض و رشي بالسمسم
ملاحظة .. في ناس ما تحب السمسم ، الي ما يحبه لا يضيفه .. و بعد حلو اذا رشيتيه بالزعتر -زعتر المناقيش- لذييييييييييييذ
http://www.fahadinc.com/mrsmom/pics/khm1.JPG
اقلبي المخبز وجهه لداخل العلبة المعدنيه عشان يحمر الوجه ، لو خليتيها تحمر من تحت اول قبل الوجه راح اطيح الخبزه في العلبه و تحترق عشان جي ابدي بالوجه
http://www.fahadinc.com/mrsmom/pics/khm2.JPG
اعدلي المخبز بعد ما يحمر الوجه و خليها تحمر من تحت شوي
http://www.fahadinc.com/mrsmom/pics/khm3.JPG
و كل ما تخلصين خبزه حطيها في الحرّاره و ادهنيها بالدهن او الزبده
التقديم
قدمي الخبز حار مع الدبس -- او العسل او السكر و جبن كرافت
و بالعافيه على قلوبكم
م/ن
