ما هو سبب تراجع نادي الامارات ؟

بسم الله الرحمن الرحيم .

ما هو سبب تراجع نادي الامارات ؟

الحظ ..... وانديه الدرجه الاولى اقوى عن قبل والدوري قوي ...

ماشئ ترتيب بالنادي واللاعبين المواطنين مستواهم تعبان

مشكور على ردك .

صح اني ما ادري بعالم الكرة وبما يخفيه من تحديات وصعابات انا المهم اشجع الرمس وبس ..

وما ادري بس قلت يمكن يكون المدرب لان هو القائد وهو كل شيء ..ما ادري بس ها توقعاتي ..

اصلا الامارات تعادل مع العين 2 \ 2 في الدقيقة 87 ولكن الحكم حذفة .
والمدرب الله يهديه اعبيد بارود ليش دخل الحارس عبدالله حسن يعني الحارس ادى ولكن مو بشكل المطلوب وشكرا .

سبب تراجع نادي الإمارات هو الحظ ..
اليوم فريق الإمارات قدم مباراه جميلة ولكن الحظ ما كان لصالحه
فريق الإمارات كان ضاغط على فريق العين
و انا اشوف الهدف الثاني صحيح و مافيه شي .. ( بس يمكن حكم الرايه عنده راي ثاني )

هذا رايي فالمباراه

وانا ارى هذا الامر ايضا وعصبت من هذا الهدف .
والحكم اصلا روحة كان ما متأكد من قرارة خلى الناس تفرح وكلشي وبعد دقيقة من الهدف شو السالفة ؟ .
حرام نقطة الضيع انا لله وانا اليه لراجعون .

لكن اذا فات الفوت ما ينفع الصوت وشكرا .

وين بقية الاعضاء خلنا انشوف ارائهم في مباراة العين والامارات ؟

بروحهم تبا الصدق

بسم الله الرحمن الرحيم الحمدلله رب العالمين والصلاة والسلام على سيدنا محمد امام المرسلين اما بعد
السبب وايد اشياء اولا الماده يعنى الفلوس هذيل لاعبين يبون يعيشون ويبنون ويتزوجون من وين ؟ تراهم يشوفون الانديه الكبيره اذا ياب لاعبهم قول عطوه من خمسين الف وفوق وهم مساكين يمدون عليهم بالمية والمتين عطوهم واصرفوا عليهم وحاسبوهم عقب على التقصير ثانيا لاعب علشان يحضر المباراة لازم اجازة ومسؤوله في الشغل من سنة يدي ما يدري شو الكرة وعلشان يرخصه يجلع جبده ؟
ثالثا اصبح الولاء مب للنادي لان التكريم والجوائز للاجنبي في النادي وعيال البلاد بس يدابجون في الملعب ولا حد مسوي لهم سالفه
رابعا من يوم استلم هالمدرب وهذي هي الخطه جي ماشي خطط للعب غيرها شو؟؟؟
وسلامتكم