[align=center]
مريض بالمستشفى كل من يطلع من عنده يـضحك ((قصةطريـفة وواقعيـة))
وانشالله انكم ماتظهرون من صفحتي الا وانتو تضحكون
جلس ذلك الرجل على السرير الابيض ... في احدىالمستشفيات في دولتنا الحبيبه ...
وكان كل جسمه شاش ورجلينه كلها جبس
وماتسمع الا اهاااااه ووواااه
يون من الاوجاع اللي فيه
عاد انا قلت يمكن انه مسوي حادث قوي
او انه محترق او او او ... الخ
انا استغربت من شي
كل من جاءيزور هالشخص يطلع من عنده ميت من الضحك
انا ياني الفضول وقلت شو السالفه
وعلى هالحال كل من جاء وسلم عليه ما تسمع الا ضحكهم من وراالستاير
انا قلت لازم اعرف وش السالفه
انتهى وقت الزياره
وانقزله على طول
واتشافا له واقوله الحمد لله على السلامه
عسى ماشر ومن هالكلام
وانا كل همي اعرف ليش يضحكون
المهم قلت له: انا اشوف اللي يجونك مايرحون من عندك الا و ضحكتهم واصله اخر المستشفى ... قال لي : هههههههههه ليـش عاد أنت حاسدنا على الضحكه ... قلت له : لا يـا أخوي موب جي السالفه والله لو عندك مليون كان يمكن أحسدك! ... ضحكوا عادي خذوا راحتكم بس بغيت اعرف السر يعني ... اذا ماعندك مانع ... قال لي : انشاء الله ولا يهمك ... انت مثل ما تشوفني مكسر ومربط بالشاش ...
قلت له :هيه اشوفك والله ... الله يشفيك..
قال لي : يا طويل العمر انا ساكن في شقه في الدور الثالث ... وعندي بلكونه مب من زيـنها ... واذا نمت فتحت بابالبلكونه .. وطفيـت النور ... وتسدحت على السرير ...
ويوم نمت على السرير ... وغصت في اعماق اعماق نومي ... حلمت اني في يوم القيامه ... وحلمت مثل ما تقول ان الناس في مكان مثل موقف الباصات وفيه باصات رايحه للجنه وباصات رايحه للنار !!! .... المهم الجماعه ينادون بالاسامي .. فلان بن فلانه باص النار ... فلان بن فلانه باص الجنه .. وهكذا
فلان بن فلانه ...هه هذا اسمي ... وقلبي يـدق و يـدق... رووح باص الجنه .... اووووووووووووه الحمد لله ارتحت
ومشيـت ادور على الباص اللي مكتوب عليه الى الجنه ... وحصلته ودخلت فيه ... مشيـنا بالباص وبعد فترة جاتنا لوحه مكتوب عليها (الجنه 50 كيلوا) (النار 100 كيلوا)
وهذا وحنا مع اللوحات .. والله ونتعدى الجنه ... قلت يمكن السواق يـعرف مكان لباب ثاني ....
شوي وشفت النار 15 كيلوا ... وبعد شوي النار 10 كيلوا ... وكل شوي نقرب من النار ... يا ريال شو السالفه .. المشكله الناس ساكتيـن وما حد متوتر في الباص الا انا .....قلت بدخل عالسواق وشفته معطيني ظهره ... إيـه إإإيـه أنت وين رايح ؟؟؟!!!!!!!!! ... قال لي بدون ما يلتفت : رايح النار يا حبيبي ..... قلت له : شوووو انا من اهل الجنه .. وليـش توديني النار يا ويه النحس!!!...
والتفت لي ... طلع هو ابليس !!! .. الله يلعنك ... انا من اهل الجنه .. يا ملعون لا توديني النار .. انا من اهل الجنه .... والله العظيم اني من اهل الجنه ... تو من شوي قايلين اسمي ... وقف يا ملعون .. وقف يا ملعون ... وهذا انا
أصااارخ... وهو بانواع الضحكات الشريره هاهاهاهاها ... هاهاهاهاهاهاهاها ... هاهاهاهاهاهاهاهاهاهاهاهاها . .. قلت له يا ملعون وقف !!! أبيانزل !!! ... قال : والله الباص هذا مبرمج على انه ما يوقف الا في النار ... تبا تنزل أنقز منه .... وركضت على الباب وفتحته ... وهووووووووووووووووووووووووووووووووووووووووو وووب
من البلكونه للشارع
هههه انشالله كلكم تركبوووون باص الجنه وانا اكون سايقكم...والي مابيكتب لي رد بنزله في النار :sm117:
.
[/align]
