أيهــــا أهــم للفتــاة..إكمــال الدراسة..أو الــزواج..؟

السلام عليكم ورحمة الله وبركاته ..

،،،،،،،،،،،،،،،،

هـــــــذا الموضـــوع يختلف فيه الكثيــــر..


إكمال الدراسه أم الزواج ..!! أيهما فى مصلحة الفتاه..؟؟

الكثير من العوائل ترفض تزويج بناتها فى مرحلة الدراسه فالدراسه

أولا ومن ثم الزواج ..هل وجهة نظرهم صحيحه ؟؟

أم ان الدراسه لاتمثل عائقا لزواج الفتاه حيث انها تستطيع التوفيق

بينهما ؟؟
هل الشهاده الدراسيه اكثر ضمانا لمستقبل الفتاه من الزواج ؟؟

هل الزواج فى سن مبكره هو السبب لحالات الطلاق حيث يكون الزوجان غير

مهيئين لتحمل المسؤليه وحل المشاكل ،كذلك أنشغال الفتاه فى

الدراسه قد يلهيها عن واجباتها اتجاه زوجها وبيتها ،، فيحدث

الأنفصال من أول مشكله أو خلاف..؟؟

*********

وأيضــاً هناك عوائل تكتفي بتدريس بناتها فقط الثانوية..
((ايلسي يابنتي وشو تبين بالدراسة..

شو لج بعوار الراس وأنتي بالأخيــر تاركتنها لما تتزوجيــن))..
وماذنب الفتاة إذا كانت طــموحة..؟!

ليش الأهــل لا يتركــــون لبناتــهم حرية إختيــار قراراتهن....؟


*********


فما هي وجهة نظركم في هذا الموضوع ؟

ف نظري الخيارين كلهم مهمين

بس ها الشي يعتمد على الريال يعني وهو ياي يخطب هل يرضى انه زوجته تدرس يعني هو ما بيعاتبها اذا بدر منها اي تقصير بعدين ، يعني بصراحه البنت مهما سوت ما بتقدر توفق وايد يعني بترد من الجامعه او الكليه 3 او 4 تقدر تسوي غدا و تنظف وتغسل وتجابل ريلها و تدرس ف نفس الوقت << عن نفسي لو كنت مكانها ما بقدر...

و فنفس الوقت الدراسه مهمه احنا ما نعرف شو الي بيصير ف المستقبل يعني يمكن لا قدر الله البنت تنفصل عن زوجها منو بيعيلها بعدين يعني لازم تكون دارسه و تشتغل و حتى لو ما شتغلت اظن الشهاده مهمه لها ، يعني بتستفيد ف تدريس عيالها مسقبلا..

هذا الي عندي ادري تفلسفت وايد بس ها الي طلع
تسلم على الموضوع الرائع و نتريا ردود الاعضاء
دمت بود

انا من رايي ع حسب تفكير البنت فالدرجه الاولى وقدرتها وطاقتها يعني اذا هي قادره تعطي


فال2 ليش لا شو يمنع انها تتزوج وتكمل دراسه بنفس الوقت ومااتوقع للحين شي شباب


مايبون حريمهم يكملون دراستهم الا اذا كان تفكيرهم ...... لان العلم مهم وللطرفين وبالنسبه لي


مهم للحرمه اكثر من الريال لان الحرمه تربي الاجيال اللي عقبها وهذا يطلب منها اشياء وايده وقرارات مهمه


والمتعلمه او المثقفه اكثر بكون رايها نضج بوااااااااااايد من اللي مب متعلمه وتعليمها محدود


وفالمرتبه الثانيه ايي دور الاهل يعني يمكن الاهل مايبون بنتهم تعرس الا عقب ماتخلص وانا اشوف


ان مالهم حق فهالشي هم سوو اللي عليهم وانتهت مهمتهم لهالحد واذا عندهم وجهه نظر يبينونها


لبناتهم والبنت الها حريه الاختيار لان هذي بالنهايه حياتها


يمكن رفضهم هذا او تمسكهم برايهم يسبب مشاكل الها اول مالها آخر


تسلم اخوي ع الموضوع

بالنسبه لي اكمال الدراسه والزواج نفس الوقت

يعني الوحده عقب بتربت عمرها وبتسوي توااازن كلهم 3 سنين ولا اقل وبتخلص مافيها شي

لووووووول

مالي خص

[align=center]
[align=center]براي اناا اني اكمل دراستي عقب افكر بشي اسمه زوواج :aa_kashra:[/align]
[/align]

أنا أقووول أتكمل دراسهـ و عقب الزواج

لاحقه على الشقا الشهاده اهم شي وخاصه بزمنا هذا والزواج بتلحق عليه

السلام عليكم ,,,,

نهاية البنت بيت ريلها ^ــــ^

بعد ما تتزوج حسب الظروف اذا تقدر تكمل تكمل واذا ما تقدر ريلها اولى من الدراسه ,,,,

وتسلمين غلاتي على الموضوع ,,

يعطيج العافيه

ههههههه
انسان عادي ردج عجبني
خخ











برايي الاثنين اهم
بس لو في مجال افضل ان البنت تخلص وبعدها تعرس
عساس كل شي تتفرغله روحه وتعطيه حقه على اتم وجه
والدراسه مهمه مو يعني اييها اريل وتودر دراستها غلط
ممكن تكمل دراستها وتعرس
ولو ماتقدر تساوي بين الاثنين افضل لها بعد لاتتخرج تعرس

تسلمون أخواني وخواتي ع المرور الرئع

ودمتم بخير أخوكم سري للغاية