إعلان [ معاً نكوّن مجموعة مصوري رأس الخيمة ]

السلام عليكم والرحمه . . !

بناءً علـى حرصنـا للحفـاظ على إجازة صيفية ممتعه و مفيدة . . قررت إدارة مكتبة اليقضه الواقعه في منطقة الضيت أن تنظـم فعاليـات صيفية لأبناء إمارة رأس الخيمة من الجنسين في المراحل الابتدائية و الاعدادية ..

و تضم الفعاليات دورات مختلفة و انشطة تربويه ترفيهية و تعليمية تحت رعاية المكتبة و بتعاون مـع نخبة من الاساتذه و و المدرّبين ..!


البرنامج المتكامـل للنادي الصيفي لمكتبة اليقضه تحت شعار [ معاً نستثمر وقت الفراغ ] ..
- مسابقات ثقافية و دينيه
- إسلاميات
-أشغال يدوية
-تعلم الانجليزية و العلوم بطريقة مسليّه
-كمبيوتر
-رحلات داخلية & خارجيه

يفتح النادي ابوابه يوم 8 \ 6 \ 2008 مـ ز .
للتسجيل الاتصال على 2353737





أمـا موضوعنـا الاهم . . هو أن نكوّن معاً مجموعة مصورين [ هواة + محترفي التصوير ] ما بين السن 17 الى 26 سنه .. من كافة الجنسين
و يكون البرنامج في كل اسبوع زيارة لمنطقه معينه و يتم آخذ الصور لها .. و ترتيبها في مجلة خاصه لمصويري رأس الخيمة ..
كما سيتم توفير دورات خاصه في مجال التصوير حتى يستفيد منه المحترفين و الهواة

علمـاً أن كل جنس له لجنته الخاصه بعيداً عن الدمج و ذلك منعاً للاحراج .. [ يعني البنات روحهن مع بعض و الشباب روحهم .. و بيتم اختيار المشاركين بعد ما نشوف ابداعهم في التصوير ]

و بجذه بنكوّن مجموعتنا الخاصة و بنكوّن فريق تصوير خيماوي ^_*

من يرغب في الاشتراك بهذه المجموعة اتمنى ان يتواصل ويـّاي بالرسايل الخاصه و ان شاء الله نتفق على خيـر ..!

أي اقتراح نتمنى منكم الافادة ..

معاً لتطوير مهاراتنا في فن التصوير

السلام عليكم ورحمة الله وبركاته
الأخ العضو الفاضل فكرتك طيبة وأعجبتني ، لكن حبيت أضيف عليها شيء وهو لماذا لايقام معرض للصور الفوتوغرافية المتميزة في مكان معروف وتباع بأسعار رمزية والعائد منها يستثمر لمصلحة الشباب أو في برامج خيرية ، مع وضع اسم صاحب الصورة المميزة للإحتفاظ بحقوق الطبع .
ملاحظة : أنا سمعت أن جمعية نهضة المرأة برأس الخيمة ستقوم بعرض المنتجات الوطنية في رمضان القادم، فلماذا لاتدخل هذه الهواية من ضمن المعرض .

تحياتي أم خالد رمساوية خيماوية حتى النخاع

مبادرة حلوه والله

لكن ليش [ هواة + محترفي التصوير ] من 17 الى 26

انا احب التصوير وابا اشارك :sm145:

بس ماعليه خيرها بغيرها ^^

3bo0od

بصراااااااحة اخوي الفكرة مرة حلوة ... بس المشكلة هو السن .. >_<

اوكي أخوي وين يكون مال الهواة والمصورين بأي منطقة بالضبط ..

وإن شاء الله تحصل ع مشتركيييييين ترى الفكرة حلوة ..^_^

فكره حلوه الصراحه .. اشكركم على حرصكم لمصوري راس الخيمه
وان شاء الله يستفيديون من دروس التصوير
انا عن نفسي هاوي تصوير لكن ماعندي كاميرا ابدع في التصوير بكاميرة المبايل ,,, >> بعدني ماتطورت
وان شاء الله قريب راح اشتري كاميرا
وانظم الى حزب مصورين راس الخيمه

[rainbow]
بالتوفيق لكل المشاركين والمنظمين
[/rainbow]

فكرة جميلة جدا .^^ >>> احم احم .^^


ان شاء الله بشارك وياكم .^ ^

وايد عجيبة الفكــرة ما شالله يااختي العاش
الله يوفجج الجميــع ...
الصراحة غمضني عبود وسوسو شركوهم لاه ^_^
السموحة

فكره حلوه
ودي اشارك
بس مااعرف احس تصويري عادي
يمكن مو سبشل مثل المطلوب:(
ودي اشارك بدوره التصوير عساس اقدر ابدع بالتصوير معاكم:)
احس اني مبتدئه واحتاج للتطوير:)


مممممممممممم
وشو شروط المشاركه
وشو الاشياء الي تبون نصورها وشو بعد ماادري
؟؟؟؟؟؟؟؟؟

(مانقدر نطرش لج رسايل لانج عضوه عاديه ) :(
عالعموم اشكرك عالفكره الجهنميه

مشكوووووور أخوووى على الموضوووع

من له الرغبه في الإشتراك يرجى منه التواصل مع المنظمين للدورة ..

و السموحه

العتيبي

السلام عليكم ورحمة الله وبركاته

اشكر كل من خطف على الموضوع و شاركنـا ولو بالكلمه الطيبه =)


اخواني عبود و سوسو .. انتو كم اعماركم ؟؟ و ميولكم للتصوير ممكن يساعدكم ويانا ؟؟



اما اللي يستفسرون عن المكان .. في مكتبه\ جمعية اليقضه في الضيت ..



لين الحين ما تكوّنت مجموعتنا الخاصه .. ياليت اللي يحب يشارك و يدعم مشروعنا يراسلني ع الخاص . . !

و اقتراحاتكم ان شاء الله قيد الدراسة . . اهم شي الحين نكون مجموعتنا ^_*


معاً نكوّن مجموعة مصوري راس الخيمه


لكم خالص احترامي

صباح الخير

تقدرون تراسلوني ع الخاص الحين



شكر خاص لاخوي العتيبي و للاداره الي فتحت لنا المجال و لهالمشروع =)


لكم خالص الاحترام

السلام عليكم ورحمة الله وبركاته

ما قدرت أطرش رساله خاصه... على العموم الفكره حلوه... بس بغيت أستفسر عن بدايه نشاط هالمجموعه؟؟ و مدتها... و التسجيل أو للمشاركه لازم نروح للمكتبه اللي ذكرتيها؟؟ و لا كيف بالضبط؟.....


و شكراً

السلام عليكم والرحمه

اختي انا بعد حاولت اطرش لج ياغير اني ماقدر كون انج عضوه عاديه =(


النشاط بنبداه اول نكون مجموعتنا .. ان شاء الله ..


انتي أكدي لي رغبتج .. وان شاء الله بعطيج رقم الاستاذه زينب .. منظمة النشاط .. وان شاء الله تفيدج


خالص الاحترام

بالإمكان الآن مراسلة الأخت

العاش

على الخاص

وبإمكانك الأخت أيضاً مراسلتهم على الخاص..

شكراً ونتمنى لكم التوفيق..

ونحن في إدارة المنتدى نضع خبراتنا المتواضعة معكن..

وإن شاء الله تتشكل نواه مجموعة مصوري رأس الخيمة..

السلام عليكم ورحمة الله وبركاته

الشكر لكم موصول اخوي بوناصر ..

تلومت الصراحه من هالطيب منكم


و ان شاء الله نرفع اسم راس الخيمه ولو بالشي القليل

خالص الاحترام

العاش الزعابي