عرض للطباعة
السلام عليكم ورحمة الله وبركاته
اخبااركمـ ،، علومكمـ ،، عسااكم بخير وصحه وسهااله
يبت لكم موضووع عيبني وان شاء الله يعيبكم ،، واتريا مشاركاتكم وردودكم الحلوه ..
*شو اكبر سالفه سويتوها في المدرسه وتعاقبتو عليها ؟
يلااا كل واحد ييلس يذكر أيام الغوص...
وشدو الهمه وطلعو فضايحكم....
إختكم وزيرة التربية..
بسم الله الرحمن الرحيم
السلام عليكم ورحمة الله وبركاته ومغفرته.
اذكر يوم كنت في الصف الثالث الإبتدائي أنا وزميلتين لي يمعنا كل الطاقات إللي فينا وعادينا الصف كله وضربناهم كلهم
يوم عرفت المعلمة يابتنا نحن الثلاث وعاقبت وحدة منا وأنا وزميلتي الثانية رجعنتا لأماكناوماعاقبتنا..!!:aa_kashra:(كانت تحبنا).:sm142:
ماشاء الله طلاب وطالبات الرمس جدا منضبطين
يعني معقولة محد خالف القانون فحياته ولا هاي هيازه
شكرا ع المشاهدة...: )
انا وايد مواقف مستويه لي
لكن احيد صف سابع بحصة العربي يعت الحصة الرابعة كان علينا عربي
جان اطلع الاكل كله ويلست آكل والاستاذ يشرح اول ما صد لي عيونه شوي وبتطلع
وياني ويدحني على الظهر كم مرة جان تعورني الضربة جان اسبه واتحلف له --> لا ارادي
وعصب زياده ووداني للوكيل عاد انا معروف بالمدرسة اني مأدب ومب صاحب مشاكل
خبرت الوكيل بالسالفة واتفهم الموضوع
والحمد الله رديا الصف بأمان
جان يسألني الاستاذ شو سوا فيكـ الوكيل
عاد انا قلت لا يطلعني مرة ثانية قلت له نقصني من السلكوكـ واتصل بأبوي وضربي
وحليلة الاستاذ صدق عنياته
بس انا مب قصدي استهزأ بالاستاذ ولا اغايضه
بس لأني ما كليت شي بالفرصة كان شي دوري ويالس العب كرة
ويس :sm159:
ويسلمو على الموضوع
مممممممم
خليني اتذكر
وااايد <<< انزين قول وحده خخ
اوه تذكرت صف ثالث ثانوي تم ملاحقنا المديرفيها بس ما بقول <<< عيل لا تتكلم مره ثانيه خخخخ
تسلمووو ع الطرح المميز
rawi_rak
عبوود !! .. اشكرك صرآآحه زين الي رديت عليه
--
اماا أناا فياما و ياما هالمواقف الي اتعرضـلها
ممم . بس اسوأ المواقف اذا دخلت ورا المس باقل من نص دقيقه و تيلس تظربني بالعصا الطويله / الله يذكرها بالخير / وانا ماقصر اسير ارمس الوالده
و ع طــووول تيلفــوون .. يخليها ماتقرب صوبي ..
و و و و و شو ياربي .. و الثاانيه .. اذا دخلت عقبها .. طرد ماشي تفاهم ! .. وطبعاا نيلس نترياهاا تطلع ندخل وراها بدون لا حد يدري من الاداره
ومرره مشكله مع المــس .. خلتني اتشرشح بالاداارهـ
معـني انساانه مؤؤدبــه و هاادية واللهي لوول ..
والسمــووحه
في صف ثامن .. الله يستر بس بهاي اليوم .. والله كانت عبرة للجميع ..هههه..كانت ابلة الإنجليزي تشرح لينا و كل ما تسأل نحن نجاوب بدون ما نرفع إيدنا .. فالأبلة قالت صدقوني لو حد جاوب و ما يرفع إيده فتنقصة درجة ..فسألت سؤال و انا جاوبت فقالت لي ناقص درجة .. فما رديت إلها .. وبعدين ردت و سألت وانا بعد جاوبت بدون ما أرفع إيدي ترى محد كان رافع إيده ..فقالت نافص درجة قالحين رديت عليها بدون إحترام وقلت إلها عااااادي نقصي شو يعني .فشلت القلم و نقصتني ... عقب ما جاوبت ولا سؤال و يوم سألت سؤال فربيعتي ردت فالأبلة قالت ليها ناقص درجة .. فقلت بصوت عالي الأبلة جذابة ما بتنقصج .. فتعصبت الأبلة و قالت اوكي بتشوفين بالشهادة ...عقب طلعت الأبلة فسرت عندها وقلت أبلة بتنقصيني فقالت لي ..هي بنقصج 5 درجات ..فرديت عليها عاااااادي ..ويت اليوم يوم الشهادة فكنت بها اليوم فرحااااانة ... فشفت درجتي بالإنجليزي حصلتها 93 ..و انا ما استاهل هاي الدرجة ..فتميت أصيح من بداية الحصة لين نهايتها و ها كان اول مرة أصيح بحياتي كلها يوم آخذ الشهادة ..فصار كل البنات يذكروني بها اليوم و اعتقد محد من بنات صفي و معلمتي بتنسى هاي اليوم ...
لا الصراحة جدا بريءين (إلي ياكل في الحصة وإلي تصييح عشان كم درجة) الله يحفظكم
بس أذكر على أيام التسعينات كان صف أخوي إييبون (دياية) في الصف : )
مشكورين ع التفاعل إستانست
في صف ثامن بعد كانت ربيعتي تعبانة ..فقالت للأبلة بروح عند الممرضة ..وطلبت إني اروح و يا ربيعتي فسرت وياها ويوم وصلنا عند غرفة الممرضة ما حصلنها.. فقلنا يلا ندور دورتين في المدرسة و نرجع ..جان رحنا و درنا و رحت صف إختي بالثنوية و آخر شيء و صلنا عند الصف فسرت عند أبلة الإنجليزي و قلت ليها ابغي أدول و عطتني و مشينا إلين الصف و رن الجرس و ضيعنا الحصة .. والله كان اليوم مرة حلوة .و ما درسنا الرياضيات:3ashoo:.خخخخخ
في الصف السابع هههههه
كنا في حصة انجليزي وحضرة الاستاذ وزع لينا أوراق انحل فيها ....
وبعدين اتحديت ربيعي اني اروم اقرفصها وبعدين قال يالله .
وترى قلت له انزين وقرفصيتها .................
وبعدين احاول ارتبها و اعدلها شافني الاستاذ وكلمني وهو معصب منو قرفص لك الورقة ؟؟ ما رديت قال لي قوم اطلع برع وانا ارتبكت وبعدين غير رايه قال لي اوقف عندال الباب وبعدين غير رايه وقال لي اجلس وعطاني ورقة يديدة والحمدلله مرت على خير .
وشكرا على الموضوع يا وزيرة التربية ..
والاستاذ الانجليزي طيب اصلا في قلبي صراحة .
لا تقولوا هذا العصبية غيرت مشاعري تجاهه .
وايد سوالف صراحة يالله على ايام الشغب
بس ما انسى سالفة فضيعة
حطيت عقرب بلاستيكي وفار للميس بدرج المكتب
ولما فتحت الدرج عشان تطلع اوراقها صرخت ووقعت
وعاقبوني باسبوع ما ادش المدرسة
الحمد لله كبرنا وعقلنا
هههههههههههههههههههههه
ههههههههه...انا في مرة بس بالغلط ..يعني والحمدالله محد كشفني ..
يبت وياي موبايل بالمدرسة وكنا بها اليوم رايحين رحلة ..بس الحمدالله ما كشفوني ..بس خبيلة ما راح أعيدها
احم .. رائعة دقآيق المدرسة التي نعيشهآ في زوايآها~
وما أكثر الموآقف التي واجهت نورالبدر ! وخآصة في المرحلة الإعدادية..
عاد أنا كنت زعيمة العصآبة~
وكل الوآجبات اللي تعطآنا إياها المس..
تكتب اسمي أول السطر في السبــورة..
عسب أكون في الصورهـ أول وحدهـ بنسأل عنه !! =(
كنت اغمممض..~
باليوم الثاني لما يت المس تسألني عن حفظ القصيدة..
طبعاً وأنا مبتسمة.. أبلاااااهـ ما حفظتهاا !! >> لوول..
وقآلتلي وهي عاقدهـ الحواجب / اوقفي ورا وارفعي ريل وحدهـ..
خس الله بليسهاآآ تتحراني نعامة !!..
ووقفتني طول الحصة !!..
^^ موقف من موآآقف عدة..
انا صارت وياي وايد مواقف
وكله انطرد من الحصص وهذا كله عشان اسولف ويا البنات واتمصخر ع المعلمات لووول:brows:
في سواالف وااايد سويتها انا وربعي .... كنا ندخل انقع شلق في الصف ... في حصة الانجليزي .. وهو حليلة على نياااته ... ويقولنا بيطردنا بس . ما يطرد .. ههه ياليت كل المدرسين شرااته ....
اما السااالفة الي تعاقبت عليهاا هيي ... اني يوم جكوني اشرد من المدرسة ... اتصلوا في ابوووي خخخخ
كان ما يمر يوم الا وانا شارد فييه ...... واوني كنت متحدي مع وكييل المدرسة .. اذا جكني .. يسوي الي يبي وهو قال بيفصلني اذا جكني ... بس مب هو الي جكني ... مدرس المكانيكا الي وداني عنده لاني اتاخرت عن الدرس .. بس يوم واجهته ما قدر يسوي شي الا يخبر ابووي.. ما همني شي غير اني فزت في التحدي لوووووووووول :sm102:
أنا صارت لي وااااااااااااااايد مواقف بس أذكر يوم كنت بصف العاشر
بالحصة الفيزياء كانت المدرسة التراقب الطالبات ع أساس التشوف منو حلت الواجب
أكيد كنت حله الواجب بس كنت فالتلك وقت كنت صرحان بشيء و بنات عاد كانت كل وحدة تنقل أن ثاني
و عاد مدرسة ما أتحب وحدة تنقل من ثاني الواجب فطلب مني ربيعتي لي ممكن منج مذكر قلت أوكي جان عطيها
جان أتيي مدرسة و كانت متعصبه مني جان الطلعها جان التقول لي ليش تعطين لأي طالب مذكرتج جان أقول أنا جان التقول هيه أنتي جان تتحتشرني و تتعصب علي لين ما وقفتني وراء
بس الحمد لله ما نقصت درجتي أهم شيء أنها ما تنقص درجتي
اكبر شي سويته الصراحه وبدون خجل هع
غشيت بحظور المديره وطلبت مني حظور ولي الامر بس انا طنشت والاهل للحين مايدرون هع
[align=center]
بس انا مس... ومن المواقف إلى صارت لي في المدرسه
انا طبعا مس ما تعرف العصبية ولا أحب ادخل الاداره ببناتي مباشره للاهل
مره من المرات حصلت هزبه من المديرة جدام الطالبات، وانا ما رديت لها، خليتها تنحر زياده
ومن يومها علمتنى اكره الناس، وصرت عصبية شوي وقلت لازم أرد كرامتي
في يوم من الايام تقريبا كل الصف ما حال الواجب، وكنت عاطتنهم واجب محترم يعني يمكن ثلاث أو اربع صفحات من كراس التمارين، وطرشت بنت اتنادي المديرة والاخصائية لهم، كانت المديره تحت انا سامعه صوتها من قبل
المهم البنات الشطار الاوائل بعدما حالين عشان عندهم امتحانات فصليه
ودخلت المديره ... وشافت كل الصف واااقف، ما اتوقعوا البنات انى اناديها، بس سويتها
صارخت عليهم، وقالت لهم ليش ما حليتو الوااااااااااااااجب، ردت عليها وحده وسكتتها
تعرفون بعدين شو سألتهم المديره، قالت أكيد المس ما شرحت لكم عشان جذيه انتوا ما حليتوا الواجب
رديت عليها انا حليت كل التمارين مع البنات إلى في كراس الطالب + سويت لهن ورقتين عمل وفي كل مره أسأل منو ما فهم وأعيد للي مافهموا
جان اطلع وحده وقالت لها حلي هذا التمرين كان تمرين طويل بس حلته صح، وبعدين قالت لهم يعني الغلط مش من المس الغلط منكن وهذي المره سماح بس المره الياية خصم عشر درجات، وحلفت لهم اذا سمعت اي شكوه لطردهم من المدرسه
وكنت اتمنى انا اشل كشي من عندها بس ما رضيت
المهم هذاك اليوم البنات غمضوني واااااااايد، بس حسيت رديت اشوي من كرامتي
بس هاي السنه ناوية عليهن بشر ، الله يعينهم
[/align]
إتقي الله هذا وإنتي Angel
الله يعينهم.....
خخخخخخخ..
اناا ماا انسى هذاك الموقف ..هع..
الله يستر عليه و ع ربعي <<< مشااركاات في الساالفه ..خخخ
بصراحه ايام الدراسه كلها مواقف ظريفه
وبذكر موقف صار لي انا وواحد من ربعي
الله يسلمكم كانت الحصه الاخيره ..
وانا وهذا الواحد كنا نبي نشقح من الجامه عسب نظهر قبل الطلاب
المهم والمدرس مشغول بشرح الدرس
نط ربيعي قبلي وراح
لما يا دوووري نطيت ولا احصل المدير وراي ... >>> قفطــــــــــهه لول