شوفو المعرس المواطن حليله كيف حسبته لما يعرس

[align=center]شوفو المعرس المواطن حليله كيف حسبته لما يعرس


شبكة العروس مع الساعه والدبله ام العروس ماتبغي بلجيكي تبغي الماس حر يطلع..... 100000

عشاء الحريم والصبابات وصياني الحلاوه والعود والعطور والهدايا ..... 50000

ويمكن تبى للفستان والورد اللي في الصاله او يمكن تبى في القاعه شرات وحده من اهلها 50000

ولاينسى 20000 للمقدم


حليله بعده ماعرس وغط بدين 220000 الف درهم


العرس ... والظربه الكبيره عاد ...

مهرها على حسب .... 100000 او 80000

القاعه والعشاء 100000 ان تبى في فندق 6 ستار مع عشاء الرياييل

وبعد الصبابات 10000

والعود والعطور 10000

المطربه 25000

الكوشه 30000

الكروت وبطايق الدعوه 15000

المصوره مع الالبوم 10000 او 7000


يعني يحليله المواطن لما يطلب الزواج من مواطنه

ينمص دمه حليله

يعني اهل العروس مايفكرون فيه ابدا هل عنده او انه حراام انه يتسلف من البنوك

او يمكن يبني بيت العمر

ماطلب غير الستر وويكمل نص دينه ماطلب بنت شهبندر التجار

البنت الستيره واللي شايفه خير قنوعه وتعرف تتصرف في الوطر اللي كل شي غلا فيه

فشو حال هالشاب اللي غرق بالديون

يعني كل شي بالعقل

حرام هالخسر

يعني اللي بتسير ورا المظاهر وارضاء الناس بتتعب

ترضي ربها وشريك حياتها

عرس فنان مرتب وباقي البيزات اخليهم في شي اسمه حياه ثانيه بعد العرس

حياه الواحد مايعرف متطلباتها

يعني رجاااء حار روفوا بالشباب شويه ومن الطلبات

لانه مو الكل ياخذ صندوق الزواج

وعاد صندوق الزواج شو يغطي على هالغلا هبابه للبوفيه للملجه الصراحه يعني

لاتزعلون من نسبة توجه الشباب لهاذيك الجهه وانتو عارفين شو اقصد

خلو دهنا في مكبتنا وخلو ولد البلاد يرتاح يشتغل ويكد واخر شي خسر حق يوم واحد الالوووووووف

ترووووووووح في يوم واحد والفايده تعم لتشهير للزواج بتبذير و ارضاء الحريم اللي مايعيبهن شي

يعني الوحده لاتفكر في نفسها بس تفكر انه يمكن اخوها ينحط في هالموقف بعد


لاتقولن يوم ماعنده ليش يعرس

عيل انا اقولكن يوم عنده مابيقصر

للاتقولن ظاهرة الزواج من اجنبيات وارتفاع نسبة الطلاق وعنوسه وغيرها

انتن السبب هب الشباب كلها حرمه مو كسرة ظهر

ويعني اللي بيشتري البنت بيشتريها باخلااقها وادبها ونزاهتها مو البيزات والتبذير علشان يبين غلااها

وسلااااااااااااااااااااااااااااااااااااااااااااااا متكم

[/align]



[align=center]

ملاحظه :

الموضوع منقول من http://forum.uaewomen.net/showthread.php?t=690204...

عيبني وحبيت انقله لكم ^___^
[/align]

الصراحة أنا أشوف الأهل السبب ليش؟ لأن هم ربوا بنتهم عدم المبالاه وكلشى عادى تذبح الريال وطلع عينه

وكأن قيمتها بس تنعرف بالفلوس مب كأن المعاملة الطيبه والأحترام والأخلاق أهم شىء

والله يهديهم ,والريال كم بيستحمل آخر شىء بيكرها وبيكره أهلها لأنهم سبب ديونه والناس العقال

هم اللى يشترون اخلاق الريال مب مخباة وعتقد اللى يبى لبنته الراحة والسعادة يذكر الحديث (اقلهن مهورا أكثرهم بركه)

وكفايه جشع وطمع يا أنسان مارح ناخذ شىء من الدنيا وأنا بعد أشوف المفروض أهل العروس يساعدون

المعرس بالعرس لأن هذا يعتبر ولدهم بعد وكفاية ستر بنتكم وسلامتكم

جيه خبال .. بيرلي أكس فايف من الوكاله أبركلي وخلهن رامات في بيوتهن لين يرخصن ..

الله يعين

الله كريم

اقتباس:

---

المشاركة الأصلية كتبت بواسطة toy story

جيه خبال .. بيرلي أكس فايف من الوكاله أبركلي وخلهن رامات في بيوتهن لين يرخصن ..

---

[align=center]
هههههههههه حلوه ، للأسف وايد بنات رخصن هالزمن والسبب لجوء الرياييل ورا الجنسيات الأخرى
والسبب الثاني طمع الأهل
[/align]

اقتباس:

---

المشاركة الأصلية كتبت بواسطة مخاويهـ ذيابهـ

[align=center]
هههههههههه حلوه ، للأسف وايد بنات رخصن هالزمن والسبب لجوء الرياييل ورا الجنسيات الأخرى
والسبب الثاني طمع الأهل
[/align]

---

دام رخصن عيل خل الموتر على برد ونا وبشتي جاهزين .. كم يسدكن مهر :sm125:

الناس الي عقولها فاتحه بس تقول الحمدلله على كل حال






.

انا روحي انصدمت من الطلبات <<<<<< حق شو بعد المطربه

الله كريم ...











.

أول شي يا خوي مب الكل البعض بس....

وثاني شي.... مد ريولك على قد لحافك....

يعني ليش الريال يروح بخطب بنت مو من مستواه.... ليش يخطب بنت تتشرط وايد...
يعني خذ لك بنت على قدك على مستواك...اي شاريه الريال..

خل الريايل بعد يفكرون شوي لما يخطبون البنات

اول شي تسلمين اختي على الموضوع الحساس
الله يعين الجميع الصراحة
من وين يلقوها الشباب ولة من وين
الكل يقول يريد يفرح
واهل العروسه واهل المعرس كلهم يريدون الكشخة والرزة
وحتى الناس لا تتكلم علينا لازم نسوي ونحط ونجيب ووووو
وكله فوق راس المتعوس ريل المستقبل
وطبها كله مظاهر حتى يشبعون عين الناس
اصلا عيون الناس ماراح تشبع
والبنات لازم شوية يكون لهم موقف مع اهلهم
يعني تفهم اهلها انها تريد تتزوج وتنستر مو تنباع بمزاد؟؟؟
وبدال الرقاصات والاغاني حطوا فيديو رسوم متحركة عشان اليهال يتفرجون ويركون شوية
خخخخ
امزح
يعني اقصد اكتفوا بالديجي
الله يوفق الجميع ان شاءالله

انا ضد فكره الزواج اصلن لوووووووووول..
والله مادري ليش الواحد يوهق عمره
ياخي فكر فيها. بدل لا تصرف ع واحد .. بتصرف ع اثنين.. هذا اذا مب ناويين ع يهال يعني.
الحين كل بنت تبا فريق كوره روحها لووول..
هذا طبعا عقب القصه الطويله اللي ف الموضوع.. مهر والخ
انا اقول..
عيش عزابي..
خذلك موتر محترم ..
وعيش حياتك ^_*
يسلمو ع الموضوع.