ماذا اصابك يا منتدى الرمس؟؟ (( الإداره بليز))

السلام عليكم ورحمة الله و بركاته

أخواني الاعزاء ادارة المنتدى و المشرفين و الاعضاء .. عندي أسئله للحين ما وجدت لها تفسير


ماذا اصاب منتدى الرمس ؟؟ هل هي العطله الي اصابته بالخمول ام هم الاعضاء او الاداره او المشرفين

أنا اليوم تعمدت اقعد لين الساعه اربع عشان اتاكد هل كلامي صحيح ولا.. وين المنتدى اول ووين اللحين اول كل ما ادش اقل عدد متواجد يكون 20 واللحين ينعدون على الاصابع او بالكاد يكونون 10...


هل المواضيع ما تساعد الواحد انه يدش ولا شو؟؟ اذا كانت المواضيع تعتبر اهميتها قليله او مكرره وين المشرفين؟؟

انا اشوف بعض المشرفين ما يدشون اصلا و تاركين الحبل على الغارب.. يمكن تكون لهم اعذارهم لكن وين الاعذار.. يمكن انتو اتشوفون بعضهم كفئ لها المكان لكن لاتجاملون بعض والله هذا ولد عمي و هذا ولد خالي .. المنتدى اهني مثل الدوام عطيتوهم مسؤاليه ولازم يتحملونها..

والله حرام الي يصير ف المنتدى..

بو ناصر كلمه لك (( لكل جواد كبوه )) يمكن الي صار من اسابيع احبط البعض لكن هذا مب عذر انا نهمل المنتدى...

انا عندي اقتراح بالنسبه للادارين ما شاء الله وايد انتو الثلاثه و غيركم والاقتراح يشمل المشرفين

ليش ما يكون فيه اكثرر من مشرف للمنتدى او يكونون نفسهم المشرفين بس كل واحد يمسك شهرين و يريح شهرين اعتقد ها الشي بيزيد من حماسهم اكثر ... وحتى لو كانت عندهم ظروف ها الشي بيرتبونه امبينهم... لكن ما يترك المنتدى جذي و بها الشي المشرف الثاني يقدر يشوف المجالس الثانيه و بيحاول انه يطور من مجلسه و بتكون رووح تنافس مبينهم منو الي يبدع اكثر..

واقترح يكون تقيم شهري لكل مشرف الكل يشارك فيه و يكون بدون مجامله عشان يعرف كل مشرف شو انجز..
يمكن البعض يستغرب من كتابتي لها الموضوع .. انا كنت ناويه اظهر من المنتدى بلاعوده لكن ما قدرت .. يبقى ها المنتدى اكثر منتدى شاركت فيه قلت لازم انبهكم...

كلمه اخيره ل بو ناصر ( نبغي نشوف تفاعلك ويا الاعضاء انته و بن خلف و العتيبي )

المنتدى متميز فلا تسمحون لاي شخص انه يأخذ اهمال المنتدى كمأخذ عليكم..

ف النهايه اشكر كل من قرا الموضوع، والسموحه جان غلطت على حد منكم..

أختكم
جود الحزن

شكرا ع حرصك للمنتدى
موفق بإذن الله ... لك مني أجمل تحية .

لو سمحت يا جود الحزن اتعودي بالله من الشيطان وهدي اعصابج ....
طبعا المشرفين عندهم اشغال وظروف يعني عندهم بعد اسر يعني مو متلنا في اجازة ولعبان فقدري لو سمحتي ظروفهم لولاهم لما زاد عدد الاعضاء ولم يصبح المنتدى مرفوع الهامه هم اساس المنتدى ولو مافي مشرفين المنتدى بيخترب لكن هم الى وصلوه لهذي الدرجة والله انا اقدركم صراحة يا المشرفين ومشكورة يا جود الحزن .

تسلمين جود الحزن والصراحه الكلاااام صحيح بعض المشرفين جدا مهملين انا لاحظت هالشي واسمحولي اخواني المشرفين

الصراحه تنقال وخااصه المجلس المنوع صار للدردشه مب للمواضيع المنوعه....

لو فرضنا المشرف الحين مايدخل وعنده ضروف سفر انا اشوف الصراحه من زمان المشرفين مايدخلون مب بس بالصيف

السموحه منكم...

شكرا اختي جود الحزن..

بمشيئة الله راح يتحقق اللي تكلمتي فيه..

حالياً 7 مشرفين طالعين خارج الدولة ، وخاصة أول 3 أقسام..

ان شاء الله تترتب الأمور والمعذرة لأن اللي حصل هذي الأيام أثرت على نفسيه الجميع في المنتدى خاصة أهالي الرمس ، فالمعذرة وأنا أشكر الحرص الكبير منكم على موقعكم وما بيصير لخاطركم إلا كل خير..

صبراً جميل وان شاء الله تتحقق كل هذي الاقتراحات..

شكرا على مروركم اخواني

اخوي الصقر الاماراتي انا لم اقصد الاساءه الى احد المشرفين و بالعكس انا لم ولن اقلل من شأنهم او اهميتهم فها المنتدى.. وبعدين انا اختهم و عضوه ف ها المنتدى يعني لو صار شي من الواجب اني انبهم.. وصراحه انا يتني الرمسه عن المنتدى (( يقولون وين المنتدى اول و ين اللحين)) ...

اخي الكريم بو ناصر صحيح اني مب من اهالي الرمس لكن سمعت بالي صار لكم و متابعه الموضوع الله يعينكم ان شاء الله... واتمنى بالفعل تتنفذ المقترحات..

و الى الامام ان شاء الله

دمتو بود

شكرا جود الحزن على الحرص الشديد للمنتدى ... وكلامج على العين والراس ...

وانا معاج حسيت بالايام الي طافت عدم التفاعل وقلت الاعضاء ..هذا الي خلا المنتدى ممل ببعض الاوقات ...

فكرت زيادة المشرفين مطروحه ومرشحين اعضاء وايد لهالمهام .. وان شاء الله خير ..هالشئ راجع للاداره ..وماعتقد غافلين بس الانشغالات ..

عندي سؤال لج ..؟ هل ممكن تحصلين لنا مشرفين متفرغين 24 ساعه بس حق المنتدى ..ولا يمكن انهم ينشغلون عنه .؟

اشوف الاغلب حاطين اللوم على المشرفين .. ترا الكل مقصر ومافي شئ كامل ...

ترا المشرف او المشرفه .. موظف او طالب واو الخ ف ماعتقد بيتفرغ للمنتدى .. هوه واجب عليه وما يمنع انه يتغيب او يهمل

بس بعد خصوصيات وانشاغلات وظروف محد يعرفها .. وظاهرة الانسحاب من الاشراف موجوده عدنا ونعاني منها ..

والحين الصيف .. وسفر وويا الاهل وطلعات وانتي عارفه فترة الصيف ما يحتاي توضيح اكثر ..

اقتراحج جميل تقيم المشرفين .. وانا اول واحد لازم اتقيم ولو ما اصلح ومقصر اتحاسب ولو ما اقدر اكمل اترك المجال والحال عند الكل

بس ياريت ..ماتحطون اللوم كله على الاداره والمشرفين ... صدقوني نحاول قد ما نقدر ونشتغل علشان المنتدى
وطبعا بجهودكم وبوقفتكم معانا نمشي ونرتقي للافضل ..

اذا كان الاشراف لمصلحه شخصيه او صلة قرابه ...ماراح اقبل ..وماعتقد هالسياسه عدنا

لكن بقولج .. كلنا اهل اهنيه .. شو الحل ..؟ (: نييب اداره من وين ..؟

تقبلي مروري

اقتباس:

---

المشاركة الأصلية كتبت بواسطة ملك بدون مملكه

شكرا جود الحزن على الحرص الشديد للمنتدى ... وكلامج على العين والراس ...

وانا معاج حسيت بالايام الي طافت عدم التفاعل وقلت الاعضاء ..هذا الي خلا المنتدى ممل ببعض الاوقات ...

فكرت زيادة المشرفين مطروحه ومرشحين اعضاء وايد لهالمهام .. وان شاء الله خير ..هالشئ راجع للاداره ..وماعتقد غافلين بس الانشغالات ..

عندي سؤال لج ..؟ هل ممكن تحصلين لنا مشرفين متفرغين 24 ساعه بس حق المنتدى ..ولا يمكن انهم ينشغلون عنه .؟

اشوف الاغلب حاطين اللوم على المشرفين .. ترا الكل مقصر ومافي شئ كامل ...

ترا المشرف او المشرفه .. موظف او طالب واو الخ ف ماعتقد بيتفرغ للمنتدى .. هوه واجب عليه وما يمنع انه يتغيب او يهمل

بس بعد خصوصيات وانشاغلات وظروف محد يعرفها .. وظاهرة الانسحاب من الاشراف موجوده عدنا ونعاني منها ..

والحين الصيف .. وسفر وويا الاهل وطلعات وانتي عارفه فترة الصيف ما يحتاي توضيح اكثر ..

اقتراحج جميل تقيم المشرفين .. وانا اول واحد لازم اتقيم ولو ما اصلح ومقصر اتحاسب ولو ما اقدر اكمل اترك المجال والحال عند الكل

بس ياريت ..ماتحطون اللوم كله على الاداره والمشرفين ... صدقوني نحاول قد ما نقدر ونشتغل علشان المنتدى
وطبعا بجهودكم وبوقفتكم معانا نمشي ونرتقي للافضل ..

اذا كان الاشراف لمصلحه شخصيه او صلة قرابه ...ماراح اقبل ..وماعتقد هالسياسه عدنا

لكن بقولج .. كلنا اهل اهنيه .. شو الحل ..؟ (: نييب اداره من وين ..؟

تقبلي مروري

---

أخي العزيز ملك بدون مملكه

لو تقرون كلامي عدل بتعرفون اني ما اعق اللوم على حد .. وما خصيت حد قلت الاداره والمشرفين و الاعضاء..

ادري ما في حد متفرغ 24 ساعه وانا ماطلبت ها الشي بس لو المشرف يتواجد ساعه ف المجلس الي هو مسؤال عنه صدقني وايد امور بتتغير..

ادري انكم اهل و بصراحه اخوي ملك انا ما احب المجامله يعني اعطي كاش ف الويه من جيه كتبت ها الكلام ..

لا تيب ادراه من مكان ثاني انتو جيه متفاهمين انا ما انتقد الاداره بالعكس كلكم على عيني وعلى راسي...

وكل الكلام الي قلته لمصلحة المنتدى.. انا كان بامكاني اني ما اتكلم ولا اعور راسي .. لكن ها المنتدى يستاهل اني اتكلم و ابدي ملاحظاتي اذا كانت الملاحظه بتطور من المنتدى..

ف النهايه اختلاف الرأي لا يفسد للود قضيه..

السموحه منكم كلكم ..

لاتحاتين كلامج مافيه اي غلط او شئ ...

وصدقيني نرحب بكل الكلام والانتقاد البناء ...

وانا فاهم عليج واعرف انج ماغلطتي ... بس اوضح لج الامور ..

لا تفهميني انتي غلط .. ولا تحطين بخاطرج بالعكس كلامج يفرح ومقبووووووووووول

وانا مب مختلف معاج بالراي بالعكس ..

عارفين في تقصير

هدي هدي بس ..

اقتباس:

---

المشاركة الأصلية كتبت بواسطة ملك بدون مملكه

لاتحاتين كلامج مافيه اي غلط او شئ ...

وصدقيني نرحب بكل الكلام والانتقاد البناء ...

وانا فاهم عليج واعرف انج ماغلطتي ... بس اوضح لج الامور ..

لا تفهميني انتي غلط .. ولا تحطين بخاطرج بالعكس كلامج يفرح ومقبووووووووووول

وانا مب مختلف معاج بالراي بالعكس ..

عارفين في تقصير

هدي هدي بس ..

---

كلكم تتحروني اضارب يوم اتكلم هههه انا طبعي جيه ..

وبعدين انا ما ازعل كل واحد حر برأيه يا اخوي مش شرط كل الاعضاء يتفهمون كلامي

انزين خلاص مب لازم حد يتفهم عن تاكلينا ...:sm121:

المهم وصلت فكرتج وكلامج .. وان شاء الله فهمتينا .. ولا تحرمينا من اقتراحاتج وانتقاداتج ... نرحب فيج بكل وقت

all the best

شيء غريب .. بس لا تزعلون مني ... إنتوا تختارون المشرفين إلي عندهم أعمال كثيرة .. مثلا الدبلوماسي كلكم تعرفونه و تعرفون شغله كيف تبغونه يهتم بالمنتدى مدام هو كثير السفر ..ليش ما تختارون المشرفين إلي مب بزييييين في حياتهم واااااايد .. والسموح يعني ومحد يزعل مني ....

صج والله عدنا دبلوماسي إهنيه .!!! ... خخخخخ


( لكل جواد كبوة )
وإنشاء الله هاي مرحلة وبتعدي ،،،
وبيرجع منتدانا أفضل من أول ....

طبعاً هذا بيتحقق بجهود الجميع ،,,,

الموضوع يغلق لانتهاء المناقشه منه

العتيبي