عرض للطباعة
مرحبا اعضاء منتدى الرمس الغااااالي
اليوم عندي لكم سؤالين للشباب ...
1-شو رايك تحب حرمتك تتنقب وتتغشى ولا؟!
2-وشو رايكم بالغشوه والنقاب؟!
وسؤالين للبنات...
1-لو ريلج قالج اتنقبي ولا اتغشي بتنفذين اوامره ولا؟!
2-وشو رايكم بالغشوه والنقاب؟!
اختكم قد الحب:sm133:
يعدني ما عرست :sm114:
بس قلت خلني احط وجهة نظري
1-شو رايك تحب حرمتك تتنقب وتتغشى ولا؟!
تتغشى
2-وشو رايكم بالغشوه والنقاب؟!
ممم ما عندي راي والله
ويسلمو على الطرح
^_^
أول شي مشكوورة اختي ... عالطرح..
و ثااني شي.. تدرين أناا من الحين أقوول لماما اني يووم بدخل اول ثانوي بتنقب.:sm117:.خخ
وتقولي .. يصير خير لين ذاكـ اليوم ..
الصرااحهـ رااي.. أناا اقوول التنقيب أحسن.. لان ما بيطيح عن الويه مثل الغشاية .:aa_Doh:.خخ
لأني واايد جفت حريم يتغشن و تطيح عنهن الغشااية .:sm79:.
و
مشكوورة خيتوو عالطرح..
ربي لا يهينج...
كثري من هااي الموااضيع..
تعجبني موااضيعج..
أشكج خيتوو..
دمتي بود..
:aa_car:
1-لو ريلج قالج اتنقبي ولا اتغشي بتنفذين اوامره ولا؟!
يوم بعرس وبيقولي بجاوب هههههههههههه
اكيد بسوي اللي يباه بس قبل بتفاهم ويااه ههههه يعني بالنسبه لي في اماكن لازم الوحده تتغشى وخصوصا اذ كان زحمه وفي شباب وايد
او اذا كانت حاطه ميك اب اما الدراسه والشغل اشوف انه ماله داعي لانه مكان رسمي واكيد بتعامل وياهم بشكل رسمي وبحدود
اما اذا صر ع رايه فماعندي مشكله لان فالبدايه والنهايه انا حرمته وهو ماطلب مني شي حرام
2-وشو رايكم بالغشوه والنقاب؟
انا عن نفسي افضل الغشوه لاني ارتاح فيها اكثر وبصراحه البسها فالسوق بس او فالاماكن المتخلطه واللي يكون فيها شباب وايد
السموووحه
ونبا نعرف رايج انتي بعد ......
1-لو ريلج قالج اتنقبي ولا اتغشي بتنفذين اوامره ولا؟!
انا اللحين اصلا اتغشى يعني بيكون مرتاااح مابيتعب عمره وبيقول..بس ماحب النقااب مادري مارتااح,بس مره لبست النقاب اللي تحت العين اخوي قالي لاتلبسينه لانه يلفت اكثر وقلته حاضرين
2-وشو رايكم بالغشوه والنقاب؟!
تستر وانا وايد مقتنعه بالغشووووه واحب اللبسها او اتغشى بالشيله طبعا
شكرا قد الحب على مواضيعج الرائعة والهادفة
بالنسبة للسؤال الاول محد يختلف على الغشوة او النقاب بس اهم من هالشي ان المراءة تكون ساترة عمرها مب لابسة نقاب ومترصصة ولا محددة عند العيون بتكون الفتنه اكبر من انها مطلعه ويهها ولا حاطة غشوة والباقي بدون تعليق ان كانت البنت حشيمة باللبس كامل ما بتكون مشكلة بالنقاب او الغشوة ولا بدونهم المهم اللبس الحشيم وسوري على الاطالة
1-لو ريلج قالج اتنقبي ولا اتغشي بتنفذين اوامره ولا؟!
الحمد لله أنا أتغشي وأتنقب ،، ولو كنت ما أتنقب وقالي أكيد بنفذ أواامره ، إذا ما سمعت كلامه بسمع كلام منو عيل !!! هب ريلي أهو !!؟
2-وشو رايكم بالغشوه والنقاب؟!
صراحه أنا أتعامل مع الأثنين ، يعني ع حسب المكان اللي سايرتنه ، يوم كنت أروح المدرسة كنت أتغشى ، بس إذا بطلع السوق أو مكان رسمي لازم بكون متنقبه ...
بس أنا مرة كنت طالعه ويا أخوي وقبل ما أركب السيارة كان قاعد يطالعني ،، فأول ما ركبت قالي : النقاب حلال ؟؟!! قلت له أكيد ، جان يقولي : بس وااايد يلفت الإنتباهـ ...
بس أنا أشوف إن الوحدهـ إذا كانت عينها حلوهـ ( ما شاء الله ) من الأفضل إنها ما تتنقب ، لإنها تلفت الإنتباهـ ...
ويالأخير : مشكوووووورة حبوبه ع مواضيعج الروووعهـ
بالظبط اختي اللي عينها حلوه ماتتتنقب والله تلفت هب زين .احم عسب جي ما اللبس لووووووووووول
تسلموون خواتي ع المرور الطيب وانا من رأي اذا طلب مني زوجي بس رح اتغشى مارح اتنقب ورح اتفاهم ويااه لو اصر اني اتنقب
والبنت مايحتاي تتغشى ولا تتنقب بس اذا بحاله حاطه ميكيب بزياده او وايد كانت بوسط واايد شباب
والاسلام ما اوجب غشوه المراه اهم شي تتحجب وانا معاج اختي ام دحماني من ناحيه العمل او الدراسه
تقبلو مروري وشكرا ع مروركم
جروح ~ الله الله هالكثـر عيونج حلوهـ ~! هه
:sm245:
1-لو ريلج قالج اتنقبي ولا اتغشي بتنفذين اوامره ولا؟!
{ أكيـد }
2-وشو رايكم بالغشوه والنقاب؟!
{ الغشوهـ ما حبها بس لما أكون مضطرهـ أتغشى~
وأقول النقآب أفضـل }
^^
السلام عليكم........
أشكركم على هذا الموضوع الطيب و الحساس الصراحه أنا شخصيا والله العظيم أفرح و استانس يوم اشوف البنت متغشيه ومحتشمه وملتزمه.
بس الله يرحم أيام زمان شوفو الحريم الكبار ما تغير لبسهم . اليوم البنت تظهر من البيت ذاك اللبس اللي ما يحتاي من جنز وعبايات مخصره أشكال وألوان ورسومات لها ألف معنى ومعنى والعطور الي تفووح من على بعد ميل .
بالنسبه للأسئله المطروحه أحب زوجتي تتغشى وأفضل الغشاية اكثر من النقاب .
ولا تزعلون من كلامي.
والسموحه.....
النقاب افضل لان الغشوة تعب الواحد
أولا أشكرج ع الموضوع الحساس
أنا الحمدلله أتنقب لأني عادي أدعم الخلق إذا تغشيت هذا بنهار طبعا
وإذا عن الرياييل أصلا مافي ريال يرضى إن غيره يشوف مرته
لازم تكون له هو وبس (عاد إلي ما فيهم غيره هاييلا عافان الله ......)
والله أنقهر يوم أشوف ريال ومرته يمشون بالشعبية وهي محطية صبغ ناشيونال
ع ويهها والله مب ريال هذا....
إستانست ع موضوعج
1-لو ريلج قالج اتنقبي ولا اتغشي بتنفذين اوامره ولا؟!
@الحمدللهـ آنـآ أساساً أتغشـى .. ^^
2-وشو رايكم بالغشوه والنقاب؟!
@ هممـ ، بصرآحهـ آنـآ مـآ آحبـ ألبسـ النقـآبـ ،، أفضلـ الغشوهـ ،،
و شكــراً
تسلمووون حبايبي ع المرور الطيب
1-لو ريلج قالج اتنقبي ولا اتغشي بتنفذين اوامره ولا؟!
( اتغشى اوكيهـ .. لكن البس نقاااااب في سابع المستحييييلات ) ..!
2-وشو رايكم بالغشوه والنقاب؟!
( انا افضل الغشوهـ .. ما احب النقااااب خير شر ) ..!
اختكم قد الحب:sm133:
تسلمين قد الحب ع الموضووع :)
انا مب ضد الريال اذا قال لحرمته تتغشى او تتنقب بس لازم هي تكون مقتنعه اذا هي مب مقتنعه مشكله يعني مب بالجبار ييبه باسلوب حلو وياها وانامب ضد الغشوه بس ضد النقاب لانه يبرز العين مثل ما قال اخو اماراتيه للموت النقاب حرام؟؟ (الاخوان هم اول الناس يلفتون انتبهنا للاشياء) انا اتغشى واحس بارتياح يوم امشي تيني مرات ما اتغشى بس احس عمري غلط يمكن تعود خخخ
يسلموو ع المرور الطيب صمت الشفايف