هناك اشخاص لا يستلطفون قد الحب...

السلام عليكم جميعا

الحمدلله انا انسانه مسالمه واحب الكل وما احب اضارب ويا اي احد بس وصلني كلام ان في وايد اشخاص مايحبون قد الحب وتركو المنتدى بسب اني موجوده ليش عاد شو سويت فيكم انا مب لهدرجه توصل انكم تتركون المنتدى بسبتي انا اهنيه بها المنتدى عشان اوصله للرقي واقدم كل ما هو مستفاد منه مب توصل فيكم وتقولون عني خقاقه جيه انتو عرفتو شخصيتي ولا شو بالضبط وعلى اي اساس انتو تحكمون علي بالخقه انا وجودي لهدرجه مضايق فيكم يا اعضاء المنتدى والله ما اعرف بس ابى الصراحه منكم اللي يكرهني ولا ما يستلطفني يقول لي ومن دون زعل وانا ما رح ازعل منكم احيانا الصراحه تخلي الانسان يتعلم

اتمنى ان ماضايقتكم وانا مب محطيه هالموضوع عشان اعرف مدى حبكم لي لا والله بس ابي اعرف منو اللي مايستلطفني ومايدخل المنتدى بوجودي بس

والسموحه منكم اعضاء المنتدى ع القصور

اختكم قد الحب

اوووووووووووووف شو ها الرمسه القويه يا قد الحب

انا عن نفسي ما استلطفج ولا احبج و يوم اشوف اسمج اسجل خروووج <<< اسولف ترا كله العكس والله

وانتي من الاشخاص الي ادخل المنتدى عشانهم لاني اشتاق لهم

وعن ها الرمسه و الهذره الزايده

خذي ب المثل الي يقول

الي ما يدانيك يخرب معانيك

وسوي لهم طاف و اقنور


اختج

حبر و ورق

اقتباس:

---

المشاركة الأصلية كتبت بواسطة حبر و ورق

الي ما يدانيك يخرب معانيك

---

:fantk:
وانا سمعت بمثل يقول
اييك من يبلييك ويضيع معانيك



ويا اختي قد الحب .... ماعليه استهدي بالله ... ترى اولا واخيرا كلنا اخوان ...

ولو صدق ناس طالعين من المنتدى عشانج ... حاولي اتشوفين انتي شو سويتي ... ترى عامل الناس كما تحب ان يعاملوك ... عاملي الناس بطيبة بيعاملونج بطيبة :aa_bedjump:

ومن ناحيتي .. انتي على راسي وعيني غناتي

السموحة

والله يا قدالحب ما عليج من هذينا الاعضاء واذا حذ ضايقج مرة ثانية او حد يقول لج هذا الكلام كتبي اسمه في الشكاوي والمشرفين بيدبرون امره صراحة في اعضاء مشتركين في المنتدى بس في بالهم انشار الفتنة قال تعالى (( والفتنة اشد من القتل )) فخليهم يعتبرون هذي الاية العظمية ان الفتنة اشد من القتل وفي بعض الاعضاء مشتركين عسب يسوون فضايح من اهالي الرمس صراحة في وايد اعضاء في المنتدى في بالهم هذي الاشياء ولكنج يا قد الحب مو من هذا النوع لأن انا شفت ردودج كلها حلوة وما فيها اي احراج لأي عضو اخر ومواضيعج كلها روعة فلا تهتمين فيهم يبون يغصصون بالعضو صراحة حتى لو المشرفين ما كشفوا امرة او ما عرفوا أو ماسووا لهذا العضو شي فيوم القيامة كل شي بينكشف وبتاخذين الحق منه باذن الله ....
وصراحة انا اشوي تعرضت لمثل هذي المواقف لكن تم التواصل مع الادارة واتبعوا القرار مع العضوية ....
ومشكورة يا قد الحب على هذي الشكوى وانشاء الله يأتي الرد من الادارة .

وشكرا
اخوكم الصقر الاماراتي .

اذا كان سبب ترك المنتدى انه في فلان موجود او صاحب النك نيم الفلاني مب عاجبني اسلوبه او شئ .. ف نقوله يا هلا فيك سواء مودعا او مقيما ..

ولن ننادي احد بالرجوع والمشاركه ..

الي بيسجل بالمنتدى للمشاركه والاستفاده والافاده يا هلا فيه ......وانا اعتقد هذا هوه الغرض الوحيد الي اؤسس من اجله المنتدى ...

اخت قد الحب .. اذا انتي واثقه من نفسج ما غلطتي على احد ولا تكلمتي على احد انا اقولج ماله داعي كل هالحساسيه والموضوع ..

الحب والاعجاب لا ينشرى ولا نطلبه .. الي بيحبنا وبيحترمنا من خاطره نحن بنبادله الشعور عكس هذا الشئ لا تهتمي ولا تشغلي بالج ...

وانا اقولج .... ( ما تنفر بحصى الا الشجره المثمره )

ف ماعليج من حد ..

واذا حد غلط عليج او قالج شئ نحن الي راح نوقفهم عند حدهم .....

الاحترام واجب في المنتدى من الكبير للصغير .. وما نرضى باهانة حد ..

وبنظري ماله داعي تكتبي هالموضوع .. وتحسسيهم انج تأثرتي من معاملتهم لج ...

على العموم لا تلتفتي وراج ..

فديتج طاف والله طاف ولا يمهج من شي المهم اتكونين واااثقه من عمرج

واثق الخطى يمشي ملكا,

دع القافله تسير والكلاب تنبح
وماعليج من حد انا صار لي يوم فالمنتدى ومماشفت منج الا كل خير

افاااا

منو ها اللي قال الكلام ؟؟

افاا عليج بس انتي ما عليج منهم

المنتدى كله ينتضر مواضيعج اول باول وانا من اولهم

ولا تاخذين بخاطرج ^_^

والسموحه

ما عليجـ منهمـ

وانا كلـ موضوعـ ارد لهـ لانـ مواضيعجـ تبـ

أختي أذا عندج اي شكاوي ضد اي عضو ياريت تتواصلين مع الاداره

و ان شاء الله ما بنقصر .. و عندج الاخت فراشة الرمس تقدرين تتواصلين و ياها

و سيترك الموضوع لمدة يومين و من بعدها سيغلق

العتيبي

حبيبتي والله إنتي شو كاتبه ...أناوااااااااااااااااااااااااااايد أحبج وأحب مواضيعج أنتي أكيد غلطانه .. شكلج زايده اللام في عنوان موضوعج وإنتي ما تدرين .. هع هع
الصراحه صدق إني وااااااايد أحبج لدرجه إني أبى أعرف إنتي منو ؟؟؟
ولو كان الكلام اللي وصلج صح فسوي مثل ما قال
لج الصقر الإماراتي وسوي طاف ...
( طنش تعش ) ^_^
والسموحه ..