عرض مشاركة واحدة
  #1  
قديم 13 - 11 - 2014, 11:10 AM
الصورة الرمزية الشايش
الشايش الشايش غير متواجد حالياً
عضو جديد
 
تاريخ التسجيل: 12 - 2 - 2014
الدولة: العين
العمر: 37
المشاركات: 18
معدل تقييم المستوى: 0
الشايش will become famous soon enough
من الشيخ زايد هيبته قد خذاها

البر والمكشات ومشاهد النوق () أخير من جوّ البيوت ودفاها
وشوف السحاب اتحدّه ارعود وابروق () يغنيك عن شوف الهنوف وحلاها
خل الغلا والحب لتكثّر التوق () للارنب اللي في ظهرها عشاها
ضوّ الغضا للبر والكيف والشوق () من شوفها او حرّها الله عطاها
والدله اللي تفوح واتفور واتروق () تجلي عن الكبد المعنّى شقاها...
وسجّه مع اللي في مواصيفه افروق () الفارق اللي كل قمّة رقاها
ابو قطاب اليا حضر صار له سوق () وترهي له عيال الرجال إمخباها
ابيض طويلن عاتقه منحره طوق () جثل الثنادي ركزته ما ثناها
ظهره كمنجا والصدر يشبه البوق () متساوين ريشه ومتنه قداها
ضافي شليل مسرول الساق مذلوق () اجدل حدب ساعة كمومه رماها
لا فهّق الجنحان و اومى النظر فوق () قصّ السما والذاريه من وراها
اتشوف جنحانه مقاريض حالوق () اليا قبض وجه البلاد وطواها
شفّه على برق الدواغر من العوق () يفجّها فجّ ولا يكثّر شناها
عيونه فناجيلن من الموق للموق () والراس من ثلج الشراه ايتباها
وريشه حرير وكنّه البشت مدقوق () من الشيخ زايد هيبته قد خذاها
هذي طرات العمر والشفّ والذوق () ما تخلدك دنيا وقبرك معاها
اعلانات