ناس نسوك وناس ناسين نسياك ..

[شكلي ذابحهم]

مرحبآآآآآآآآآآآآآآ السآآآآآآآآآآآآآآآآع






في هالزمن يا صاحبي عيش دنياك
لا لا تحآول تفهم اللي حواليك


فكر بشخص طول هالعمر يفداك
واترك بقايا حكي ما اظن يعنيك



تكشف لك الأيام من كان يهواك
ومن هو يمثل دور إنسآن يغليك


ناس نسوك وناس ناسين نسياك
وناس تناسوا ناس ناسين ناسيك



وناس رؤوس أموالهم بس طرياك
وناس يشوفون الفقر في طواريك




وناس ليا شافوا الزعل في محياك
تسابقوا من فيهم اللي بيرضيك




وناس لو انك تنحرق فيك بلواك
خلوك وحدك تنحرق في بلآويك




صعبه تلآقي فالبشر بعد فرقاك
من يذكرك بالخير لا حل طاريك



ما كل من حاكاك بالصدق حاكاك
حتى المنافق لو تركته يحاكيك




وما كل من خاواك بالطيب خاواك
حتى النذل لو جات فرصه يخاويك




خل النباهه عند هالناس مبداك
والصد عنهم خلّه أسمى مباديك




أعطاك ربي من تفآصيل ما أعطاك
عقل وتحكم من من الناس شاريك




ما توقف الدنيا على شخص جافاك
حاول تطنش وابتعد عن مجافيك




الا انت الوحيد اللي أبد ما تناساك
وانت القريب وأعتبر راحتي فيك




شفت الحروف اللي به الكون وياك
ما أظن تقدر بالمدايح توفّيك




شفت النجوم اللي ضوت بعد طرياك
ما أظن تضوي لو تناسيت طاريك


انت الغرام المرتسم في حناياك
يجذب عقول هايمه في معانيك




لولآ إلهي ثم بعدين لولاك
ما كان للإحساس طاري وتشكيك




ياصاحبي في هالزمن عيش دنياك
وأحكم بعقلك من من الناس يغليك




وارفع كفوفك قول يا رب رحماك
عبدك كسير وطول عمره يناجيك




والسموحه

[ملاك المشاعر@]

صح الله السانك والسان قايلها
تسلم يالغلااا
على الابيااات الراائعه بروعتك
ويسلم ذووقك واختيارك العذب
دمت بحفظ المولى

[شكلي ذابحهم]

تسلمين اخجلتي من تواضعي ...

ملاك المشاعر @ شكراً

[رذاذ عبدالله]

شاكــرة لك النقل الجميل،،
دمت برقي،،

[شكلي ذابحهم]

شكـــــــــــــــــــــــــــــــــــــــــراً لكـــــــــــــ