بسم الله الرحمن الرحيم الحمدلله رب العالمين والصلاة والسلام على خير الخلق اجمعين سيدنا محمد صلى الله عليه وسلم اما بعد
كانت اول ليالي العشر الاخيرة من رمضان ليلة العشرين كان كل شي غريب في هالليلة السوق وكان الناس ما مرت عليه وكنت معزوم على افطار جماعي رحت وفطرنا وبعد الافطار قعدنا نسولف شوي ونطالع السما وكان نجمها ينعي حد وكان ظلامها يبجي على حد اذن العشا وصلينا الفرض والتراويح وجيت امشى للبيت امي العجوز تبكي والحرمه واقفه كانها صنم عند البلكونه زعقت فيهم شو مستوي شو صار خبروني قالت امي والعبرة تخنقها زايد مات الله وقفت عقارب الساعة واظلمت الدنيا اكثر مما هي ظلمله رفعت راسى ما شفت شي حاولت امشي ما قدرت زايد الاب الغالي اللي عشنا في ظله وتحت رايته زايد اللي بصوته يحيي فينا الحماسه والشجاعه زايد اللي لسمعنا صوته في التلفزيون تسمرنا نسمع الحكم اللي بيقولها مات لااله الا الله زايد اللي الارمله تقول يالله تخلى بوخليفه زايد اللي اليتيم يقول بابا زايد زايد اللي نبات ليلنا واحنا نعرف ان عينه بعد عين الله ترعانا زايد اللي يوم استوت ازمة الخليج تراكضنا في ظله الحين زايد مات انا لله وانا اليه راجعون والله انه لو اعز الناس لي جان كان عندي اهون وقع الخبر علي زايد زايد اللي عشنا طفولتنا واحنا نغني باسمه وكبرنا وبشبابنا نادي باسمه وللحين اذكر صوته وهو يقول الموطن ثم المواطن
طلعت امشي مدري وين اسير لقيت نفسي بروحي امشي في الشارع كل البيوت تبجي كل الشجر يبجي حتى الاطفال الصغار شفت واحد عمره يمكن 8 سنين لقيته يبجي قلت شو فيك حبيبي قال بابا زايد مات الله واكبر ياهي حسرات قطعت القلب الله واكبر ياهو حبيب فارق العين الله واكبر ياهو انسان غاب عن الارض
كل شي فينا وعندنا يذكرنا بزايد علمنا وطنا شغلنا كل شي فينا اسمه زايد
اللهم اغفر له فانت الغفور واعفو عنه فانت العفو اللهم انه نزل بدارك وانت خير المكرمين