السلام عليكم و رحمة الله و بركاته



الله يسلمكم من جمن يوم و أنا خاطري بصالونة باذنجان ،، و طبعا أنا ما أطبخ أو بالأحرى ما أعرف أطبخ و ما أدش المطبخ وايــــــــــــــــــد هيهيهيهي ،، و قلت خله أسوي اليـــــــــــــــوم الصالونـــه ،،

و نزلت طريقتهـــــــــــــا من النــــــــــــــت و جان احم احم أتفنن >> أهم شي النتيجه يا حلوه

طلعت حــــــــــــــــــــــــــاره مكثره فلفـــــل

و الأهل اللي يكح كح و اللي زجم و اللي و اللي

يالله من أول تجربه نتعلـــــم و ما نغلط المرات اليايه ان شاء الله

>> عاد ما يندرى متى المره اليايه

و يالله بسم الله


المكونــــــــــــــــات :


بصل ، طماطم ، فلفل أحمر مطحون ، بهارات ( بزار ، ملح ) ، فلفل أخضر ، صلصل ، باذنجان ، بطاطس ..




و نبــــــــــــدأ :

1 - نقطع الباذنجان و البطاطس ونحطهم بماي وملح شوي عسب مايصير لون الباذنجان أسود يوم يتقلى ..

2 - نقلي الباذنجان لين ما يصير لونه أصفر شوي ..

3 - نقطع البصل و نحمصه لين مايصير لونه أصفر شوي و نحطي باقي المكونات عدا الباذنجان ..

4 - نصب على المكونات ماي بس مب وايد يعني ،، ولا تنسي نحطي ملح و نطعمه لين ما نحس إنه طعمه زين ..

5 - نحطي الباذنجان و نصب شوي ماي ..









و هنيــــــــــــــــه اليــمي يمـــــــــــــــي









جربــــــــــــــــــــــوها و مـــــــــــا بتندمــــــــــــــــون ،،



أتريا تعليقــــــــــــاتكم ..