السلام عليكم والرحمه

اشحالج غاليتي

واشكرج ع القسم المميز و واضحه جهودج يعطيج العافيه



حبيت اعرض لج مشكلتي ....وان شاء الله القي عندج حلها


انا انسانه احب الناس واحب الطلعات يعني مااحب انعزل علشان مااشوف الناس بس عندي ظروفي اني نادر مااضهر وماعدنا ضهرات تجمعات يااهل لان بصراحه عايله مفككه نحنا والاصدقاء ماعندي تجمعات لان اهلي مايبغوني احتك و يالربع تقول اللي يبا ايج وطبعا الدينا اخذ وعطا مدام مااسير لي احد مااحد ايني وهالحال
وماشيء طلعات يالخوات لان خوواتي عرسواا وخلاص كل وحده تشوف ريلها وخواتها ودوم اضايق احس نسووني وابوي متووفي الله يرحمه وامي ماتسير ولاتي الله يعافيها احس بحزن وفراغ كبير سنه من السنوات اتعرفت ع ربيعه وكنت اختي وربيعتي وايد يابعض كم سنه دامت صداقتنا وبعدين افترقنا ع سبب سخيف كنت وايد استانس وياها ندرس مع بعض ونسولف مع بعض كل يوم وفرقها بعد سبب لي الحزن وشعرت بالفراغ اكثر

ومشكلتي بعد الناس اللي متعوده عليهم اخذ واعطي وياهم لو يلست ياحد مااعرف اخذ واعطي وياه يعني لو اشخاص ماشفتهم من سنين او اشخاص يديده احس مااعرف شو اقول والسني ينربط


واتمني تفيدووني